- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕ੍ਰਿਕਟ ਜਗਤ 'ਚੋਂ ਵੱਡੀ ਖ਼ਬਰ, ਭਾਰਤ ਖ਼ਿਲਾਫ਼ ਸੀਰੀਜ਼ ਤੋਂ ਪਹਿਲਾਂ ਨਿਊਜ਼ੀਲੈਂਡ ਦੇ ਧਾਕੜ ਬੱਲੇਬਾਜ਼ ਨੇ ਕੀਤਾ ਸੰਨਿਆਸ ਦਾ ਐਲਾਨ
ਨਿਊਜ਼ੀਲੈਂਡ ਕ੍ਰਿਕਟ ਇਸੇ ਮਹੀਨੇ ਭਾਰਤੀ ਟੀਮ ਦੀ ਮੇਜ਼ਬਾਨੀ ਕਰੇਗਾ। ਟੀਮ ਇੰਡੀਆ ਕੀਵੀ ਟੀਮ ਖ਼ਿਲਾਫ਼ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਖੇਡੇਗੀ। ਇਸ ਸੀਰੀਜ਼ ਤੋਂ ਪਹਿਲਾਂ ਨਿਊਜ਼ੀਲੈਂਡ ਦੇ ਇੱਕ ਖਿਡਾਰੀ ਨੇ ਪੇਸ਼ੇਵਰ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਇਸ ਖਿਡਾਰੀ ਦਾ ਨਾਂ ਜੀਤ ਰਾਵਲ ਹੈ। ਜੀਤ ਨੇ ਸਾਲ 2016 ਤੋਂ 2020 ਤੱਕ ਨਿਊਜ਼ੀਲੈਂਡ ਲਈ 24 ਟੈਸਟ ਮੈਚ ਖੇਡੇ ਹਨ। ਜੀਤ ਨੇ ਇਨ੍ਹਾਂ 24 ਟੈਸਟ ਮੈਚਾਂ ਵਿੱਚ 1,143 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਦੀ ਔਸਤ 30.70 ਰਹੀ ਅਤੇ ਉਨ੍ਹਾਂ ਦੇ ਬੱਲੇ ਤੋਂ ਇੱਕ ਸੈਂਕੜਾ ਨਿਕਲਿਆ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸੱਤ ਵਾਰ 50 ਦੌੜਾਂ ਦਾ ਅੰਕੜਾ ਪਾਰ ਕੀਤਾ।
Posted By Sunita
Publish Date: Fri, 09 Oct 2026 10:48 AM (IST)
Updated Date: Fri, 09 Oct 2026 10:50 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ - ਨਿਊਜ਼ੀਲੈਂਡ ਕ੍ਰਿਕਟ ਇਸੇ ਮਹੀਨੇ ਭਾਰਤੀ ਟੀਮ ਦੀ ਮੇਜ਼ਬਾਨੀ ਕਰੇਗਾ। ਟੀਮ ਇੰਡੀਆ ਕੀਵੀ ਟੀਮ ਖ਼ਿਲਾਫ਼ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਖੇਡੇਗੀ। ਇਸ ਸੀਰੀਜ਼ ਤੋਂ ਪਹਿਲਾਂ ਨਿਊਜ਼ੀਲੈਂਡ ਦੇ ਇੱਕ ਖਿਡਾਰੀ ਨੇ ਪੇਸ਼ੇਵਰ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਇਸ ਖਿਡਾਰੀ ਦਾ ਨਾਂ ਜੀਤ ਰਾਵਲ ਹੈ। ਜੀਤ ਨੇ ਸਾਲ 2016 ਤੋਂ 2020 ਤੱਕ ਨਿਊਜ਼ੀਲੈਂਡ ਲਈ 24 ਟੈਸਟ ਮੈਚ ਖੇਡੇ ਹਨ। ਜੀਤ ਨੇ ਇਨ੍ਹਾਂ 24 ਟੈਸਟ ਮੈਚਾਂ ਵਿੱਚ 1,143 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਦੀ ਔਸਤ 30.70 ਰਹੀ ਅਤੇ ਉਨ੍ਹਾਂ ਦੇ ਬੱਲੇ ਤੋਂ ਇੱਕ ਸੈਂਕੜਾ ਨਿਕਲਿਆ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸੱਤ ਵਾਰ 50 ਦੌੜਾਂ ਦਾ ਅੰਕੜਾ ਪਾਰ ਕੀਤਾ।
ਜੀਤ ਨੂੰ ਨਿਊਜ਼ੀਲੈਂਡ ਦੇ ਘਰੇਲੂ ਕ੍ਰਿਕਟ ਦੇ ਦਿੱਗਜ ਬੱਲੇਬਾਜ਼ਾਂ ਵਿੱਚ ਗਿਣਿਆ ਜਾਂਦਾ ਹੈ। ਉਨ੍ਹਾਂ ਨੇ 164 ਫਸਟ ਕਲਾਸ ਮੈਚਾਂ ਵਿੱਚ 37.66 ਦੀ ਔਸਤ ਨਾਲ 10,432 ਦੌੜਾਂ ਬਣਾਈਆਂ। ਇਸ ਫਾਰਮੈਟ ਵਿੱਚ ਉਨ੍ਹਾਂ ਨੇ ਕੁੱਲ 24 ਸੈਂਕੜੇ ਅਤੇ 50 ਅਰਧ ਸੈਂਕੜੇ ਲਗਾਏ। ਜੀਤ ਨੇ ਲਿਸਟ-ਏ ਦੇ 96 ਮੈਚਾਂ ਵਿੱਚ ਚਾਰ ਸੈਂਕੜਿਆਂ ਅਤੇ 18 ਅਰਧ ਸੈਂਕੜਿਆਂ ਦੀ ਮਦਦ ਨਾਲ 2,714 ਦੌੜਾਂ ਬਣਾਈਆਂ। ਉੱਥੇ ਹੀ 76 ਟੀ-20 ਮੈਚਾਂ ਵਿੱਚ ਉਨ੍ਹਾਂ ਦੇ ਬੱਲੇ ਤੋਂ 1,484 ਦੌੜਾਂ ਨਿਕਲੀਆਂ। ਉਨ੍ਹਾਂ ਨੇ ਆਪਣੇ ਪੂਰੇ ਕਰੀਅਰ ਵਿੱਚ 15,000 ਤੋਂ ਵੱਧ ਦੌੜਾਂ ਬਣਾਈਆਂ।
ਖੁਸ਼ੀ ਨਾਲ ਕ੍ਰਿਕਟ ਨੂੰ ਕਿਹਾ ਅਲਵਿਦਾ
ਨੌਰਦਰਨ ਡਿਸਟ੍ਰਿਕਟਸ ਕ੍ਰਿਕਟ ਐਸੋਸੀਏਸ਼ਨ ਨੇ ਜੀਤ ਦੇ ਹਵਾਲੇ ਨਾਲ ਕਿਹਾ, “ਮੈਂ ਬਹੁਤ ਸਤਿਕਾਰ ਅਤੇ ਮਾਣ ਨਾਲ ਇਹ ਫ਼ੈਸਲਾ ਲਿਆ ਹੈ। ਮੈਂ ਆਪਣੇ ਫ਼ੈਸਲੇ ਤੋਂ ਬਹੁਤ ਖੁਸ਼ ਹਾਂ। ਬਚਪਨ ਤੋਂ ਹੀ ਨਿਊਜ਼ੀਲੈਂਡ ਲਈ ਖੇਡਣਾ ਮੇਰਾ ਸੁਪਨਾ ਸੀ ਅਤੇ ਮੈਂ ਇਸ ਨੂੰ ਮਾਣ ਵਾਲੀ ਗੱਲ ਸਮਝਦਾ ਹਾਂ। ਇਹ ਸਿਰਫ਼ ਮੇਰਾ ਹੀ ਨਹੀਂ, ਸਗੋਂ ਮੇਰੇ ਪਿਤਾ ਦਾ ਵੀ ਸੁਪਨਾ ਸੀ। ਅਸੀਂ ਇੱਕ ਮੌਕਾ ਦੇਖਿਆ ਅਤੇ ਉਹ ਮੇਰੇ ਸੁਪਨੇ ਨੂੰ ਪੂਰਾ ਕਰਨ ਲਈ ਪੂਰੇ ਪਰਿਵਾਰ ਸਮੇਤ ਇੱਥੇ ਆ ਗਏ।” 38 ਸਾਲਾ ਜੀਤ ਨੇ ਸਾਲ 2008 ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਸੇ ਸਾਲ ਉਨ੍ਹਾਂ ਨੇ ਆਕਲੈਂਡ ਵੱਲੋਂ ਆਪਣਾ ਪਹਿਲਾ ਫਸਟ ਕਲਾਸ ਮੈਚ ਖੇਡਿਆ ਸੀ।
ਗੁਜਰਾਤ ਨਾਲ ਰਿਹੈ ਸਬੰਧ
ਜੀਤ ਦਾ ਭਾਰਤ ਨਾਲ ਵੀ ਖ਼ਾਸ ਸਬੰਧ ਰਿਹਾ ਹੈ। ਉਹ ਮੂਲ ਰੂਪ ਵਿੱਚ ਗੁਜਰਾਤ ਦੇ ਰਹਿਣ ਵਾਲੇ ਹਨ ਅਤੇ ਉਨ੍ਹਾਂ ਦਾ ਬਚਪਨ ਵੀ ਉੱਥੇ ਹੀ ਬੀਤਿਆ। ਉਹ ਭਾਰਤ ਦੇ ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਪਾਰਥਿਵ ਪਟੇਲ ਨਾਲ ਓਪਨਿੰਗ ਕਰ ਚੁੱਕੇ ਹਨ। ਦੋਵਾਂ ਨੇ ਅਹਿਮਦਾਬਾਦ ਦੇ ਵਿਦਿਆਨਗਰ ਸਕੂਲ ਵਿੱਚ ਇਕੱਠਿਆਂ ਓਪਨਿੰਗ ਕੀਤੀ ਸੀ।
ਜੀਤ ਨੂੰ ਨਿਊਜ਼ੀਲੈਂਡ ਦੇ ਘਰੇਲੂ ਕ੍ਰਿਕਟ ਦੇ ਸਭ ਤੋਂ ਸਫਲ ਓਪਨਿੰਗ ਬੱਲੇਬਾਜ਼ਾਂ ਵਿੱਚ ਗਿਣਿਆ ਜਾਂਦਾ ਹੈ। ਦਸੰਬਰ 2025 ਵਿੱਚ ਨੌਰਦਰਨ ਡਿਸਟ੍ਰਿਕਟਸ ਵੱਲੋਂ ਖੇਡਦਿਆਂ ਉਹ ਨਿਊਜ਼ੀਲੈਂਡ ਦੇ 30ਵੇਂ ਅਜਿਹੇ ਬੱਲੇਬਾਜ਼ ਬਣੇ, ਜਿਨ੍ਹਾਂ ਨੇ ਫਸਟ ਕਲਾਸ ਕ੍ਰਿਕਟ ਵਿੱਚ 10,000 ਦੌੜਾਂ ਦਾ ਅੰਕੜਾ ਪਾਰ ਕੀਤਾ।
ਜੀਤ ਨੇ ਸਾਲ 2016 ਵਿੱਚ ਪਾਕਿਸਤਾਨ ਖ਼ਿਲਾਫ਼ ਆਪਣਾ ਪਹਿਲਾ ਕੌਮਾਂਤਰੀ ਟੈਸਟ ਮੈਚ ਖੇਡਿਆ ਸੀ। ਉਨ੍ਹਾਂ ਨੂੰ ਆਪਣਾ ਪਹਿਲਾ ਅਤੇ ਇਕਲੌਤਾ ਟੈਸਟ ਸੈਂਕੜਾ ਲਗਾਉਣ ਲਈ 28 ਪਾਰੀਆਂ ਖੇਡਣੀਆਂ ਪਈਆਂ। ਉਹ ਸਾਲ 2021 ਵਿੱਚ ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਜਿੱਤਣ ਵਾਲੀ ਨਿਊਜ਼ੀਲੈਂਡ ਦੀ ਟੀਮ ਦਾ ਵੀ ਹਿੱਸਾ ਰਹੇ।