- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਵੱਡੀ ਖ਼ਬਰ: ਵਾਅਦਾ ਖ਼ਿਲਾਫ਼ੀ ਤੋਂ ਨਾਰਾਜ਼ ਇਹ ਧਾਕੜ ਖਿਡਾਰੀ ਛੱਡ ਸਕਦੇ ਹੈ ਭਾਰਤੀ ਟੀਮ ਦਾ ਸਾਥ, BCCI ਦੀਆਂ ਵਧੀਆਂ ਮੁਸ਼ਕਲਾਂ!
ਭਾਰਤੀ ਕ੍ਰਿਕਟ ਟੀਮ ਇੰਨੀਂ ਦਿਨੀਂ ਇੰਗਲੈਂਡ ਦੇ ਦੌਰੇ 'ਤੇ ਹੈ। ਟੀ-20 ਸੀਰੀਜ਼ 'ਚ ਸ਼ਰਮਨਾਕ ਕਲੀਨ ਸਵੀਪ ਤੋਂ ਬਾਅਦ ਟੀਮ ਇੰਡੀਆ ਨੇ ਵਨਡੇ ਸੀਰੀਜ਼ ਦਾ ਆਗਾਜ਼ ਜਿੱਤ ਨਾਲ ਕੀਤਾ। ਇਸ ਦੌਰਾਨ ਭਾਰਤੀ ਕੋਚਿੰਗ ਸਟਾਫ਼ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਟੀਮ ਇੰਡੀਆ ਦੇ ਅਸਿਸਟੈਂਟ ਕੋਚ ਰੇਯਾਨ ਟੇਨ ਡੋਸ਼ੇਟ ਆਪਣਾ ਅਹੁਦਾ ਛੱਡਣਾ ਚਾਹੁੰਦੇ ਹਨ। ਉਨ੍ਹਾਂ ਨੇ BCCI ਨੂੰ ਇਸ ਬਾਰੇ ਜਾਣੂ ਕਰਵਾ ਦਿੱਤਾ ਹੈ।
Posted By Sunita
Publish Date: Wed, 15 Jul 2026 12:55 PM (IST)
Updated Date: Wed, 15 Jul 2026 12:57 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ ਇੰਨੀਂ ਦਿਨੀਂ ਇੰਗਲੈਂਡ ਦੇ ਦੌਰੇ 'ਤੇ ਹੈ। ਟੀ-20 ਸੀਰੀਜ਼ 'ਚ ਸ਼ਰਮਨਾਕ ਕਲੀਨ ਸਵੀਪ ਤੋਂ ਬਾਅਦ ਟੀਮ ਇੰਡੀਆ ਨੇ ਵਨਡੇ ਸੀਰੀਜ਼ ਦਾ ਆਗਾਜ਼ ਜਿੱਤ ਨਾਲ ਕੀਤਾ। ਇਸ ਦੌਰਾਨ ਭਾਰਤੀ ਕੋਚਿੰਗ ਸਟਾਫ਼ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਟੀਮ ਇੰਡੀਆ ਦੇ ਅਸਿਸਟੈਂਟ ਕੋਚ ਰੇਯਾਨ ਟੇਨ ਡੋਸ਼ੇਟ ਆਪਣਾ ਅਹੁਦਾ ਛੱਡਣਾ ਚਾਹੁੰਦੇ ਹਨ। ਉਨ੍ਹਾਂ ਨੇ BCCI ਨੂੰ ਇਸ ਬਾਰੇ ਜਾਣੂ ਕਰਵਾ ਦਿੱਤਾ ਹੈ।
ਵਾਅਦਾ ਨਹੀਂ ਹੋਇਆ ਪੂਰਾ
ਨੀਦਰਲੈਂਡ ਦੇ ਸਾਬਕਾ ਆਲਰਾਊਂਡਰ ਨੇ ਵਾਅਦਾ ਪੂਰਾ ਨਾ ਹੋਣ ਕਾਰਨ ਇਹ ਫੈਸਲਾ ਲਿਆ ਹੈ। ਬੀਸੀਸੀਆਈ ਫੀਲਡਿੰਗ ਕੋਚ ਟੀ. ਦਿਲੀਪ ਦੀ ਬਜਾਏ ਟੇਨ ਡੋਸ਼ੇਟ ਨੂੰ ਬਣਾਈ ਰੱਖਣਾ ਚਾਹੁੰਦਾ ਹੈ, ਪਰ ਫਿਰ ਵੀ ਉਹ ਆਪਣੇ ਬਦਲਵਾਂ 'ਤੇ ਵਿਚਾਰ ਕਰ ਰਹੇ ਹਨ। ਖ਼ਬਰਾਂ ਮੁਤਾਬਕ, ਪਿਛਲੇ ਇੱਕ ਸਾਲ 'ਚ ਦਿਲੀਪ ਦੀ ਕਾਰਗੁਜ਼ਾਰੀ 'ਤੇ ਸਵਾਲ ਉੱਠੇ ਹਨ। ਭਾਰਤੀ ਟੀਮ ਨੇ ਇੰਗਲੈਂਡ ਟੀ-20 ਸੀਰੀਜ਼ 'ਚ ਕਈ ਕੈਚ ਵੀ ਛੱਡੇ ਸਨ।
ਆਈਪੀਐਲ 'ਚ ਕਰ ਸਕਦੇ ਨੇ ਵਾਪਸੀ
PTI ਦੀ ਇੱਕ ਰਿਪੋਰਟ ਮੁਤਾਬਕ, ਟੇਨ ਡੋਸ਼ੇਟ ਦੇ ਭਵਿੱਖ ਨੂੰ ਲੈ ਕੇ ਅਜੇ ਕੋਈ ਰਸਮੀ ਫੈਸਲਾ ਨਹੀਂ ਲਿਆ ਗਿਆ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਉਹ ਇੰਡੀਅਨ ਪ੍ਰੀਮੀਅਰ ਲੀਗ 'ਚ ਵਾਪਸੀ ਕਰਨ ਦੇ ਇੱਛੁਕ ਹਨ। ਟੀਮ ਇੰਡੀਆ ਦੇ ਮੌਜੂਦਾ ਅਸਿਸਟੈਂਟ ਕੋਚ ਨੇ ਸੰਭਾਵਿਤ ਕੋਚਿੰਗ ਭੂਮਿਕਾ ਨੂੰ ਲੈ ਕੇ ਇੱਕ ਆਈਪੀਐਲ ਫਰੈਂਚਾਈਜ਼ੀ ਨਾਲ ਗੱਲਬਾਤ ਕੀਤੀ ਹੈ।
ਗੰਭੀਰ ਨਾਲ ਕਰ ਚੁੱਕੇ ਨੇ ਕੰਮ
ਟੇਨ ਡੋਸ਼ੇਟ ਹੈੱਡ ਕੋਚ ਗੌਤਮ ਗੰਭੀਰ ਦੀ ਸਿਫ਼ਾਰਸ਼ 'ਤੇ ਭਾਰਤ ਦੇ ਕੋਚਿੰਗ ਸੈੱਟਅੱਪ 'ਚ ਸ਼ਾਮਲ ਹੋਏ ਸਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਕੋਲਕਾਤਾ ਨਾਈਟ ਰਾਈਡਰਜ਼ 'ਚ ਗੰਭੀਰ ਨਾਲ ਕੰਮ ਕੀਤਾ ਸੀ। ਸੂਤਰਾਂ ਅਨੁਸਾਰ, ਟੇਨ ਡੋਸ਼ੇਟ ਨੇ ਇਹ ਭੂਮਿਕਾ ਉਦੋਂ ਸਵੀਕਾਰ ਕੀਤੀ ਸੀ ਜਦੋਂ ਉਨ੍ਹਾਂ ਨੂੰ ਭਰੋਸਾ ਦਿਵਾਇਆ ਗਿਆ ਸੀ ਕਿ ਅੱਗੇ ਚੱਲ ਕੇ ਉਹ ਟੀਮ ਦੇ ਸਪੈਸ਼ਲਿਸਟ ਫੀਲਡਿੰਗ ਕੋਚ ਦੀ ਜ਼ਿੰਮੇਵਾਰੀ ਸੰਭਾਲਣਗੇ। ਲਗਭਗ ਦੋ ਸਾਲ ਬੀਤ ਜਾਣ ਤੋਂ ਬਾਅਦ ਵੀ, ਇਹ ਬਦਲਾਅ ਅਜੇ ਤੱਕ ਨਹੀਂ ਹੋ ਸਕਿਆ ਹੈ।
ਮਿਲਣੀ ਸੀ ਇਹ ਜ਼ਿੰਮੇਵਾਰੀ
BCCI ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ PTI ਨੂੰ ਦੱਸਿਆ, "ਸੀਤਾਂਸ਼ੂ ਕੋਟਕ ਬੈਟਿੰਗ ਕੋਚ ਹਨ ਅਤੇ ਖੁਦ ਗੰਭੀਰ ਵੀ ਬੱਲੇਬਾਜ਼ਾਂ ਦੀ ਦੇਖਰੇਖ ਕਰਦੇ ਹਨ। ਮੋਰਨੇ ਮੋਰਕਲ ਤੇਜ਼ ਗੇਂਦਬਾਜ਼ਾਂ ਦੇ ਇੰਚਾਰਜ ਹਨ ਅਤੇ ਸਾਈਰਾਜ ਬਹੁਤੁਲੇ ਸਪਿਨਰਾਂ ਦਾ ਧਿਆਨ ਰੱਖਦੇ ਹਨ। ਜਦੋਂ ਟੇਨ ਡੋਸ਼ੇਟ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਸੀ, ਤਾਂ ਉਨ੍ਹਾਂ ਨਾਲ ਫੀਲਡਿੰਗ ਕੋਚ ਦੀ ਨੌਕਰੀ ਦਾ ਵਾਅਦਾ ਕੀਤਾ ਗਿਆ ਸੀ।"
1 ਸਾਲ ਦਾ ਐਕਸਟੈਂਸ਼ਨ ਮਿਲਿਆ
ਸੂਤਰ ਨੇ ਕਿਹਾ, "ਚੈਂਪੀਅਨਜ਼ ਟਰਾਫ਼ੀ 2025 ਤੋਂ ਬਾਅਦ ਟੀ. ਦਿਲੀਪ ਨੂੰ ਅਭਿਸ਼ੇਕ ਨਾਇਰ, ਸੋਹਮ ਦੇਸਾਈ ਅਤੇ ਅਰੁਣ ਕਨਾਡੇ ਦੇ ਨਾਲ ਹਟਾਏ ਜਾਣ ਦੀ ਯੋਜਨਾ ਸੀ। ਹਾਲਾਂਕਿ, ਦਿਲੀਪ ਲਈ ਇੱਕ ਸੀਨੀਅਰ ਖਿਡਾਰੀ ਨੇ ਜ਼ੋਰਦਾਰ ਸਿਫ਼ਾਰਸ਼ ਕੀਤੀ, ਜਿਸ ਨਾਲ ਉਨ੍ਹਾਂ ਨੂੰ ਇੱਕ ਸਾਲ ਦਾ ਐਕਸਟੈਂਸ਼ਨ ਮਿਲ ਗਿਆ। ਅਸਲ 'ਚ ਟੇਨ ਡੋਸ਼ੇਟ ਦੀ ਕੋਈ ਖਾਸ ਭੂਮਿਕਾ ਤੈਅ ਨਹੀਂ ਸੀ। ਉਹ ਇੱਕ ਬਿਹਤਰੀਨ ਕੋਚ ਹਨ, ਪਰ ਦਿਲੀਪ ਦੇ ਹੋਣ ਕਰਕੇ ਉਨ੍ਹਾਂ ਦਾ ਸਹੀ ਇਸਤੇਮਾਲ ਨਹੀਂ ਹੋ ਸਕਿਆ।"