ਭਾਰਤ ਖ਼ਿਲਾਫ਼ ਟੀ-20 ਸੀਰੀਜ਼ ਤੋਂ ਪਹਿਲਾਂ ਗਰਜਿਆ ਅਜ਼ਮਤੁੱਲਾਹ ਓਮਰਜ਼ਈ, 'ਅਸੀਂ ਭਾਰਤ ਤੋਂ ਨਹੀਂ ਡਰਦੇ, ਦਿੱਲੀ 'ਚ ਜਿੱਤ ਲਈ ਉਤਰਾਂਗੇ'

ਹਾਂ, ਅਸੀਂ ਜਿੱਤਣ ਦੀ ਕੋਸ਼ਿਸ਼ ਕਰਾਂਗੇ ਤੇ ਆਪਣਾ ਸਰਬੋਤਮ ਦੇਵਾਂਗੇ। ਸਾਨੂੰ ਸਿਰਫ ਆਪਣਾ ਸਰਬੋਤਣ ਕ੍ਰਿਕਟ ਖੇਡਣ ’ਤੇ ਧਿਆਨ ਦੇਣਾ ਹੈ। ਜੇ ਅਸੀਂ ਨਤੀਜੇ ਦੇ ਸਬੰਧ ’ਚ ਜ਼ਿਆਦਾ ਸੋਚਾਂਗੇ ਤਾਂ ਉਸਦਾ ਅਸਰ ਸਾਡੇ ਪ੍ਰਦਰਸ਼ਨ ’ਤੇ ਪੈ ਸਕਦਾ ਹੈ। ਪਿਛਲੀ ਸੀਰੀਜ਼ ’ਚ ਦੋ ਸੁਪਰ ਓਵਰ ਨਾਲ ਅਸੀਂ ਕਾਫੀ ਕੁਝ ਸਿੱਖਿਆ। ਉਸ ਸਮੇਂ ਸਾਡੀ ਫਿਨਿਸ਼ਿੰਗ ’ਚ ਕੁਝ ਗ਼ਲਤੀਆਂ ਹੋਈਆਂ ਸਨ ਤੇ ਅਸੀਂ ਮੈਚ ਖ਼ਤਮ ਕਰਨ ਦੇ ਤਰੀਕੇ ’ਤੇ ਕੰਮ ਕੀਤਾ ਹੈ। ਅਸੀਂ ਸਿੱਖਿਆ ਹੈ ਕਿ ਮੈਚ ਦੇ ਅਹਿਮ ਸਮੇਂ ’ਚ ਸਰੀਰ ਤੇ ਦਿਮਾਗ਼ ਨੂੰ ਸ਼ਾਂਤ ਕਿਵੇਂ ਰੱਖਣਾ ਹੈ ਤੇ ਆਪਣਾ ਫੋਕਸ ਕਿਵੇਂ ਬਣਾਈ ਰੱਖਣਾ ਹੈ। ਦੱਖਣੀ ਅਫਰੀਕਾ ਵਿਰੁੱਧ ਵੀ ਇਕ ਮੈਚ ’ਚ ਦੋ ਸੁਪਰ ਓਵਰ ਹੋਏ ਸਨ। ਇਸ ਨਾਲ ਅਸੀਂ ਆਪਣੀ ਫਿਨਿਸ਼ਿੰਗ ਸਕਿੱਲਜ਼ ’ਤੇ ਕਾਫੀ ਕੰਮ ਕੀਤਾ ਹੈ।