- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs ENG T20 : ਸ਼੍ਰੇਅਸ ਅਈਅਰ ਦੇ ਕਪਤਾਨ ਬਣਦੇ ਹੀ ਟੀਮ ਇੰਡੀਆ 'ਤੇ ਟੁੱਟਿਆ ਮੁਸੀਬਤਾਂ ਦਾ ਪਹਾੜ, ਨਾਂ ਜੁੜਿਆ ਕ੍ਰਿਕਟ ਇਤਿਹਾਸ ਦਾ ਸਭ ਤੋਂ ਸ਼ਰਮਨਾਕ ਰਿਕਾਰਡ!
ਭਾਰਤੀ ਟੀ-20 ਟੀਮ ਦੇ ਨਵੇਂ ਕਪਤਾਨ ਸ਼੍ਰੇਅਸ ਅਈਅਰ ਦੇ ਨਾਂ ਇੱਕ ਬੇਹੱਦ ਸ਼ਰਮਨਾਕ ਰਿਕਾਰਡ ਜੁੜ ਗਿਆ ਹੈ। ਸ਼ਨੀਵਾਰ ਨੂੰ ਮੈਨਚੈਸਟਰ ਦੇ ਓਲਡ ਟ੍ਰੈਫਰਡ ਮੈਦਾਨ 'ਤੇ ਖੇਡੇ ਗਏ ਦੂਜੇ ਟੀ-20ਆਈ ਮੈਚ 'ਚ ਵੀ ਭਾਰਤ ਨੂੰ ਇੰਗਲੈਂਡ ਹੱਥੋਂ 4 ਵਿਕਟਾਂ ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸ਼੍ਰੇਅਸ ਇਕੱਲੇ ਅਜਿਹੇ ਕਪਤਾਨ ਹਨ, ਜੋ ਟੀ-20 ਇੰਟਰਨੈਸ਼ਨਲ ਇਤਿਹਾਸ 'ਚ ਆਪਣੇ ਸ਼ੁਰੂਆਤੀ ਚਾਰ ਮੈਚਾਂ 'ਚ ਜਿੱਤ ਦਰਜ ਨਹੀਂ ਕਰ ਸਕੇ ਹਨ।
Posted By Sunita
Publish Date: Sun, 05 Jul 2026 11:30 AM (IST)
Updated Date: Sun, 05 Jul 2026 11:31 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਟੀ-20 ਟੀਮ ਦੇ ਨਵੇਂ ਕਪਤਾਨ ਸ਼੍ਰੇਅਸ ਅਈਅਰ ਦੇ ਨਾਂ ਇੱਕ ਬੇਹੱਦ ਸ਼ਰਮਨਾਕ ਰਿਕਾਰਡ ਜੁੜ ਗਿਆ ਹੈ। ਸ਼ਨੀਵਾਰ ਨੂੰ ਮੈਨਚੈਸਟਰ ਦੇ ਓਲਡ ਟ੍ਰੈਫਰਡ ਮੈਦਾਨ 'ਤੇ ਖੇਡੇ ਗਏ ਦੂਜੇ ਟੀ-20ਆਈ ਮੈਚ 'ਚ ਵੀ ਭਾਰਤ ਨੂੰ ਇੰਗਲੈਂਡ ਹੱਥੋਂ 4 ਵਿਕਟਾਂ ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸ਼੍ਰੇਅਸ ਇਕੱਲੇ ਅਜਿਹੇ ਕਪਤਾਨ ਹਨ, ਜੋ ਟੀ-20 ਇੰਟਰਨੈਸ਼ਨਲ ਇਤਿਹਾਸ 'ਚ ਆਪਣੇ ਸ਼ੁਰੂਆਤੀ ਚਾਰ ਮੈਚਾਂ 'ਚ ਜਿੱਤ ਦਰਜ ਨਹੀਂ ਕਰ ਸਕੇ ਹਨ।
ਹੁਣ ਤੱਕ 3 ਤੋਂ ਵੱਧ ਟੀ-20 ਮੈਚਾਂ 'ਚ ਭਾਰਤ ਦੀ ਕਪਤਾਨੀ 12 ਖਿਡਾਰੀਆਂ ਨੇ ਕੀਤੀ ਹੈ, ਪਰ ਅਈਅਰ ਹੀ ਅਜਿਹੇ ਕਪਤਾਨ ਬਣੇ ਹਨ, ਜੋ ਆਪਣੇ ਸ਼ੁਰੂਆਤੀ 4 'ਚੋਂ ਇੱਕ ਵੀ ਮੈਚ ਜਿੱਤਣ 'ਚ ਨਾਕਾਮ ਰਹੇ। ਪੰਜ ਸਾਲਾਂ ਬਾਅਦ ਭਾਰਤੀ ਟੀਮ ਲਗਾਤਾਰ 3 ਮੈਚ ਹਾਰੀ ਹੈ। ਇਸ ਤੋਂ ਪਹਿਲਾਂ ਅਜਿਹਾ ਸਾਲ 2021 'ਚ ਹੋਇਆ ਸੀ।
ਇੰਗਲੈਂਡ ਨੇ ਭਾਰਤ ਨੂੰ ਦੂਜੇ ਟੀ-20 'ਚ ਵੀ ਹਰਾਇਆ
ਭਾਰਤੀ ਟੀਮ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 7 ਵਿਕਟਾਂ ਦੇ ਨੁਕਸਾਨ 'ਤੇ 190 ਰਨ ਬਣਾਏ। ਜੈਕਬ ਬੈਥਲ ਦੀ ਸ਼ਾਨਦਾਰ ਪਾਰੀ ਦੇ ਦਮ 'ਤੇ ਇੰਗਲਿਸ਼ ਟੀਮ ਨੇ 19 ਓਵਰਾਂ 'ਚ 6 ਵਿਕਟਾਂ ਗੁਆ ਕੇ 191 ਰਨ ਬਣਾ ਲਏ ਅਤੇ ਇਹ ਮੈਚ 4 ਵਿਕਟਾਂ ਨਾਲ ਆਪਣੇ ਨਾਂ ਕਰ ਲਿਆ। ਟੀਮ ਇੰਡੀਆ ਲਈ ਈਸ਼ਾਨ ਕਿਸ਼ਨ ਨੇ 49 ਅਤੇ ਅਭਿਸ਼ੇਕ ਸ਼ਰਮਾ ਨੇ 43 ਰਨਾਂ ਦੀ ਪਾਰੀ ਖੇਡੀ।
ਇੰਗਲੈਂਡ ਲਈ ਸੈਮ ਕਰਨ ਨੇ ਸਭ ਤੋਂ ਵੱਧ ਤਿੰਨ ਵਿਕਟਾਂ ਚਟਕਾਈਆਂ। ਇੰਗਲੈਂਡ ਵੱਲੋਂ ਜੈਕਬ ਬੈਥਲ ਨੇ 46 ਗੇਂਦਾਂ 'ਤੇ ਨਾਬਾਦ 76 ਰਨਾਂ ਦੀ ਪਾਰੀ ਖੇਡੀ। ਟੌਮ ਬੈਂਟਨ ਅਤੇ ਹੈਰੀ ਨੇ 39-39 ਰਨਾਂ ਦਾ ਯੋਗਦਾਨ ਪਾਇਆ। ਭਾਰਤ ਵੱਲੋਂ ਸਭ ਤੋਂ ਵੱਧ ਅਰਸ਼ਦੀਪ ਸਿੰਘ ਨੇ ਤਿੰਨ ਵਿਕਟਾਂ ਲਈਆਂ, ਜਦਕਿ ਹਰਸ਼ਿਤ, ਅਕਸ਼ਰ ਅਤੇ ਵਰੁਣ ਨੂੰ 1-1 ਸਫ਼ਲਤਾ ਮਿਲੀ।
ਵੈਭਵ ਨੂੰ ਮਿਲਿਆ ਡੈਬਿਊ ਦਾ ਮੌਕਾ
15 ਸਾਲ 99 ਦਿਨਾਂ ਦੀ ਉਮਰ 'ਚ ਇੰਗਲੈਂਡ ਦੇ ਖ਼ਿਲਾਫ਼ ਟੀ-20 ਮੈਚ ਖੇਡ ਕੇ ਸੂਰਿਆਵੰਸ਼ੀ ਭਾਰਤ ਲਈ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਡੈਬਿਊ ਕਰਨ ਵਾਲੇ ਸਭ ਤੋਂ ਨੌਜਵਾਨ ਬੱਲੇਬਾਜ਼ ਬਣ ਗਏ ਹਨ। 16 ਸਾਲ 205 ਦਿਨਾਂ ਦੀ ਉਮਰ 'ਚ ਸਚਿਨ ਤੇਂਦੁਲਕਰ ਨੇ 1989 'ਚ ਪਾਕਿਸਤਾਨ ਦੇ ਖ਼ਿਲਾਫ਼ ਟੈਸਟ ਮੈਚ 'ਚ ਡੈਬਿਊ ਕੀਤਾ ਸੀ।
ਵੈਭਵ ਨੇ ਉਨ੍ਹਾਂ ਦਾ ਭਾਰਤੀ ਰਿਕਾਰਡ ਤੋੜ ਦਿੱਤਾ ਹੈ। 14 ਸਾਲ 16 ਦਿਨਾਂ ਦੀ ਉਮਰ 'ਚ ਰੋਮਾਨੀਆ ਦੇ ਮੈਰੀਅਨ ਘੇਰਾਸਿਮ ਨੇ ਅਕਤੂਬਰ 2020 'ਚ ਬੁਲਗਾਰੀਆ ਦੇ ਖ਼ਿਲਾਫ਼ ਟੀ-20 'ਚ ਡੈਬਿਊ ਕੀਤਾ ਸੀ। ਉਹ ਓਵਰਆਲ ਪੁਰਸ਼ ਕ੍ਰਿਕਟ 'ਚ ਸਭ ਤੋਂ ਘੱਟ ਉਮਰ ਦੇ ਕ੍ਰਿਕਟਰ ਹਨ।
ਆਈਸੀਸੀ ਦੇ ਪੂਰਨਕਾਲੀ ਮੈਂਬਰ ਦੇਸ਼ਾਂ 'ਚ ਇਹ ਰਿਕਾਰਡ ਪਾਕਿਸਤਾਨ ਦੇ ਹਸਨ ਰਜ਼ਾ ਦੇ ਨਾਂ ਹੈ, ਜਿਨ੍ਹਾਂ ਨੇ 14 ਸਾਲ 277 ਦਿਨਾਂ ਦੀ ਉਮਰ 'ਚ ਜ਼ਿੰਬਾਬਵੇ ਦੇ ਖ਼ਿਲਾਫ਼ ਡੈਬਿਊ ਕੀਤਾ ਸੀ। ਪੂਰਨਕਾਲੀ ਮੈਂਬਰਾਂ 'ਚ ਡੈਬਿਊ ਕਰਨ ਵਾਲੀ ਸੂਚੀ 'ਚ ਵੈਭਵ ਹੁਣ ਦੂਜੇ ਨੰਬਰ 'ਤੇ ਪਹੁੰਚ ਗਏ ਹਨ।