ਸ਼ਰਾਬ ਦੀ ਲਤ, ਰਿਹੈਬ ਸੈਂਟਰ ਤੇ ਯੁਜਵੇਂਦਰ ਚਾਹਲ... ਦਰਦ ਤੋਂ ਉੱਭਰਨ ਦੀ ਇਹ ਕਹਾਣੀ ਕਰ ਦੇਵੇਗੀ ਭਾਵੁਕ

ਜਦੋਂ ਆਕਾਸ਼ ਚੋਪੜਾ ਨੇ ਚਾਹਲ ਨੂੰ ਪੁੱਛਿਆ ਕਿ ਉਨ੍ਹਾਂ ਦੇ ਮੁਸ਼ਕਲ ਸਮੇਂ ਦੌਰਾਨ ਕੌਣ ਉਨ੍ਹਾਂ ਦੇ ਨਾਲ ਖੜ੍ਹਾ ਸੀ, ਤਾਂ ਚਾਹਲ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦੋਸਤ ਅਤੇ ਪਰਿਵਾਰ ਨੇ ਉਨ੍ਹਾਂ ਦਾ ਸਾਥ ਦਿੱਤਾ। ਇਸ ਤੋਂ ਬਾਅਦ ਆਕਾਸ਼ ਨੇ ਚਾਹਲ ਨੂੰ ਸ਼ਰਾਬ ਛੱਡਣ ਬਾਰੇ ਪੁੱਛਿਆ। ਇਸ ’ਤੇ ਚਾਹਲ ਨੇ ਕਿਹਾ, “ਪਿਛਲੇ ਸਾਲ ਕਾਊਂਟੀ ਕ੍ਰਿਕਟ ਤੋਂ ਬਾਅਦ ਮੈਂ ਸ਼ਰਾਬ ਛੱਡ ਦਿੱਤੀ ਸੀ। ਮੈਂ ਰਿਹੈਬ ਸੈਂਟਰ ਗਿਆ ਅਤੇ ਉੱਥੇ 28 ਦਿਨ ਰਿਹਾ। ਹੁਣ ਮੈਨੂੰ ਪਤਾ ਹੈ ਕਿ ਹਾਲਾਤ ਨੂੰ ਕਿਵੇਂ ਸੰਭਾਲਣਾ ਹੈ। ਉਸ ਫ਼ੈਸਲੇ ਨੇ ਮੇਰੀ ਜ਼ਿੰਦਗੀ 'ਚ ਬਹੁਤ ਵੱਡਾ ਬਦਲਾਅ ਲਿਆਂਦਾ। ਮੈਂ ਪਹਿਲਾਂ ਨਾਲੋਂ ਵਧੇਰੇ ਪਰਿਪੱਕ ਹੋ ਗਿਆ ਹਾਂ। ਹੁਣ ਮੇਰੇ ਜਜ਼ਬਾਤ ਵੀ ਸੰਤੁਲਿਤ ਹਨ। ਪਿਛਲੇ ਆਈਪੀਐੱਲ ਦੌਰਾਨ ਮੈਨੂੰ ਮਹਿਸੂਸ ਹੋ ਰਿਹਾ ਸੀ ਕਿ ਮੈਂ ਮੁੜ 30 ਸਾਲ ਦਾ ਹੋ ਗਿਆ ਹਾਂ।”