- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਚਿਨ ਤੇਂਦੁਲਕਰ ਤੋਂ ਬਾਅਦ ਹੁਣ ਵਿਰਾਟ ਦੀ ਵਾਰੀ, ਵਨਡੇ ’ਚ ਇਹ ਕਾਰਨਾਮਾ ਕਰਨ ਵਾਲੇ ਦੁਨੀਆ ਦੇ ਦੂਜੇ ਬੱਲੇਬਾਜ਼ ਬਣ ਸਕਦੇ ਹਨ ਕੋਹਲੀ
ਟੀ-20 ਸੀਰੀਜ਼ ਵਿੱਚ ਕਲੀਨ ਸਵੀਪ ਕਰਨ ਤੋਂ ਬਾਅਦ ਹੁਣ ਭਾਰਤੀ ਟੀਮ ਇੰਗਲੈਂਡ ਖ਼ਿਲਾਫ਼ 3 ਵਨਡੇ ਮੈਚਾਂ ਦੀ ਸੀਰੀਜ਼ ਖੇਡੇਗੀ। ਇਸ ਸੀਰੀਜ਼ ਦਾ ਆਗਾਜ਼ 14 ਜੁਲਾਈ ਤੋਂ ਹੋਵੇਗਾ। ਪਹਿਲਾ ਮੁਕਾਬਲਾ ਐਜਬੈਸਟਨ, ਬਰਮਿੰਘਮ ਵਿੱਚ ਖੇਡਿਆ ਜਾਵੇਗਾ।
Posted By Anuradha Bains
Publish Date: Sun, 12 Jul 2026 03:40 PM (IST)
Updated Date: Sun, 12 Jul 2026 03:43 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਟੀ-20 ਸੀਰੀਜ਼ ਵਿੱਚ ਕਲੀਨ ਸਵੀਪ ਕਰਨ ਤੋਂ ਬਾਅਦ ਹੁਣ ਭਾਰਤੀ ਟੀਮ ਇੰਗਲੈਂਡ ਖ਼ਿਲਾਫ਼ 3 ਵਨਡੇ ਮੈਚਾਂ ਦੀ ਸੀਰੀਜ਼ ਖੇਡੇਗੀ। ਇਸ ਸੀਰੀਜ਼ ਦਾ ਆਗਾਜ਼ 14 ਜੁਲਾਈ ਤੋਂ ਹੋਵੇਗਾ। ਪਹਿਲਾ ਮੁਕਾਬਲਾ ਐਜਬੈਸਟਨ, ਬਰਮਿੰਘਮ ਵਿੱਚ ਖੇਡਿਆ ਜਾਵੇਗਾ।
ਇਸ ਦੌਰਾਨ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਇੱਕ ਵਾਰ ਫਿਰ ਐਕਸ਼ਨ ਵਿੱਚ ਨਜ਼ਰ ਆਉਣਗੇ। ਵਨਡੇ ਸੀਰੀਜ਼ ਦੌਰਾਨ ਵਿਰਾਟ ਕੋਹਲੀ ਕੋਲ ਇਤਿਹਾਸ ਰਚਣ ਦਾ ਮੌਕਾ ਹੈ। ਇਸ ਦੇ ਨਾਲ ਹੀ ਉਹ ਸਚਿਨ ਤੇਂਦੁਲਕਰ ਦੇ ਇੱਕ ਖ਼ਾਸ ਕਲੱਬ ਵਿੱਚ ਵੀ ਸ਼ਾਮਲ ਹੋ ਜਾਣਗੇ।
203 ਦੌੜਾਂ ਦੂਰ ਹਨ ਵਿਰਾਟ
विराट ਕੋਹਲੀ ਨੇ 8 ਅਗਸਤ 2008 ਨੂੰ ਸ਼੍ਰੀਲੰਕਾ ਖ਼ਿਲਾਫ਼ ਵਨਡੇ ਡੈਬਿਊ ਕੀਤਾ ਸੀ। ਉਨ੍ਹਾਂ ਨੇ ਹੁਣ ਤੱਕ ਖੇਡੇ 311 ਵਨਡੇ ਮੈਚਾਂ ਦੀਆਂ 299 ਪਾਰੀਆਂ ਵਿੱਚ 14,797 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਵਿਰਾਟ ਨੇ 77 ਅਰਧ ਸੈਂਕੜੇ ਅਤੇ 54 ਸੈਂਕੜੇ ਲਗਾਏ ਹਨ। ਉਹ ਵਨਡੇ ਵਿੱਚ ਦੂਜੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਕੋਹਲੀ ਵਨਡੇ ਫਾਰਮੈਟ ਵਿੱਚ 15,000 ਦੌੜਾਂ ਦਾ ਅੰਕੜਾ ਛੂਹਣ ਤੋਂ ਸਿਰਫ਼ 203 ਦੌੜਾਂ ਦੂਰ ਹਨ। ਅਜਿਹੇ ਵਿੱਚ ਇੰਗਲੈਂਡ ਖ਼ਿਲਾਫ਼ 3 ਮੈਚਾਂ ਦੀ ਵਨਡੇ ਸੀਰੀਜ਼ ਵਿੱਚ ਵਿਰਾਟ ਇਸ ਅੰਕੜੇ ਨੂੰ ਪਾਰ ਕਰ ਸਕਦੇ ਹਨ।
ਵਨਡੇ ਵਿੱਚ ਸਭ ਤੋਂ ਵੱਧ ਦੌੜਾਂ (ਦੁਨੀਆ 'ਚ)
ਸਚਿਨ ਤੇਂਦੁਲਕਰ: 18,426 ਦੌੜਾਂ
ਵਿਰਾਟ ਕੋਹਲੀ: 14,797 ਦੌੜਾਂ
ਕੁਮਾਰ ਸੰਗਾਕਾਰਾ: 14,234 ਦੌੜਾਂ
ਰਿਕੀ ਪੋਂਟਿੰਗ: 13,704 ਦੌੜਾਂ
ਸਨਥ ਜੈਸੂਰੀਆ: 13,430 ਦੌੜਾਂ
ਵਨਡੇ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ
ਸਚਿਨ ਤੇਂਦੁਲਕਰ: 18,426 ਦੌੜਾਂ
ਵਿਰਾਟ ਕੋਹਲੀ: 14,797 ਦੌੜਾਂ
ਰੋਹਿਤ ਸ਼ਰਮਾ: 11,720 ਦੌੜਾਂ
ਸੌਰਵ ਗਾਂਗੁਲੀ: 11,221 ਦੌੜਾਂ
ਰਾਹੁਲ ਦ੍ਰਾਵਿੜ: 10,768 ਦੌੜਾਂ
ਅਫ਼ਗਾਨਿਸਤਾਨ ਖ਼ਿਲਾਫ਼ ਨਹੀਂ ਖੇਡੇ ਸਨ
ਵਿਰਾਟ ਕੋਹਲੀ ਆਖਰੀ ਵਾਰ ਨਿਊਜ਼ੀਲੈਂਡ ਖ਼ਿਲਾਫ਼ ਵਨਡੇ ਸੀਰੀਜ਼ ਵਿੱਚ ਖੇਡਦੇ ਨਜ਼ਰ ਆਏ ਸਨ। ਰੌਇਲ ਚੈਲੰਜਰਜ਼ ਬੈਂਗਲੁਰੂ (RCB) ਨੂੰ ਦੂਜੀ ਵਾਰ IPL ਟਰਾਫੀ ਜਿਤਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਕੋਹਲੀ ਅਫ਼ਗਾਨਿਸਤਾਨ ਵਿਰੁੱਧ 13 ਜੂਨ ਤੋਂ ਸ਼ੁਰੂ ਹੋਈ ਤਿੰਨ ਵਨਡੇ ਮੈਚਾਂ ਦੀ ਸੀਰੀਜ਼ ਤੋਂ ਬਾਹਰ ਹੋ ਗਏ ਸਨ। ਵਿਰਾਟ ਨੂੰ ਹੈਮਸਟ੍ਰਿੰਗ ਇੰਜਰੀ (ਸੱਟ) ਸੀ। ਹੁਣ ਉਹ ਇੱਕ ਵਾਰ ਫਿਰ ਐਕਸ਼ਨ ਵਿੱਚ ਨਜ਼ਰ ਆਉਣ ਵਾਲੇ ਹਨ। ਵਨਡੇ ਸੀਰੀਜ਼ ਲਈ ਸ਼ਨੀਵਾਰ ਨੂੰ ਭਾਰਤੀ ਟੀਮ ਬਰਮਿੰਘਮ ਪਹੁੰਚੀ ਸੀ।
ਵਨਡੇ ਸੀਰੀਜ਼ ਦਾ ਸ਼ੈਡਿਊਲ
ਪਹਿਲਾ ਵਨਡੇ: 14 ਜੁਲਾਈ - ਐਜਬੈਸਟਨ, ਬਰਮਿੰਘਮ
ਦੂਜਾ ਵਨਡੇ: 16 ਜੁਲਾਈ - ਸੋਫੀਆ ਗਾਰਡਨਜ਼, ਕਾਰਡਿਫ
ਤੀਜਾ ਵਨਡੇ: 19 ਜੁਲਾਈ - ਲਾਰਡਜ਼, ਲੰਡਨ
ਵਨਡੇ ਸੀਰੀਜ਼ ਲਈ ਭਾਰਤੀ ਟੀਮ
ਸ਼ੁਭਮਨ ਗਿੱਲ (ਕਪਤਾਨ), ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ (ਉਪ-ਕਪਤਾਨ), ਕੇ.ਐਲ ਰਾਹੁਲ (ਵਿਕਟਕੀਪਰ), ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਅਕਸ਼ਰ ਪਟੇਲ, ਸ਼ਿਵਮ ਦੂਬੇ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ, ਪ੍ਰਸਿੱਧ ਕ੍ਰਿਸ਼ਨਾ, ਅਰਸ਼ਦੀਪ ਸਿੰਘ, ਗੁਰਨੂਰ ਬਰਾੜ, ਪ੍ਰਿੰਸ ਯਾਦਵ।