ਕ੍ਰਿਕਟ ਦੋਸਤੀ ਦਾ ਨਵਾਂ ਅਧਿਆਏ : ਸ਼੍ਰੇਅਸ ਤੇ ਜ਼ਦਰਾਨ ਨੇ 'ਤਾਕ-ਏ-ਜ਼ਫਰ' ਗੇਟ ਦੀ ਪ੍ਰਤੀਕ੍ਰਿਤੀ ਹੇਠ ਕੀਤਾ ਟਰਾਫੀ ਦਾ ਉਦਘਾਟਨ

ਮੈਦਾਨ ’ਤੇ ਮੁਕਾਬਲਾ ਘੱਟ ਦਿਲਚਸਪ ਨਹੀਂ ਹੈ : ਦੋਸਤੀ ਆਪਣੀ ਜਗ੍ਹਾ ਹੈ ਪਰ ਮੈਦਾਨ 'ਤੇ ਦੋਵੇਂ ਟੀਮਾਂ ਜਿੱਤ ਲਈ ਆਪਣੀ ਪੂਰੀ ਤਾਕਤ ਲਗਾਉਣਗੀਆਂ। ਭਾਰਤ ਦੇ ਸਾਹਮਣੇ ਸਭ ਤੋਂ ਵੱਡਾ ਸਵਾਲ ਵੈਭਵ ਸੂਰਿਆਵੰਸ਼ੀ ਤੇ ਸੰਜੂ ਸੈਮਸਨ ਦੇ ਸਿਖਰਲੇ ਕ੍ਰਮ ’ਚ ਚੋਣ ਦਾ ਹੈ। ਵੈਭਵ ਨੂੰ ਇੰਗਲੈਂਡ 'ਚ ਮੌਕਾ ਮਿਲਿਆ ਪਰ ਸੈਮਸਨ ਨੇ ਸੀਰੀਜ਼ ਦੇ ਆਖਰੀ ਮੈਚ ’ਚ ਵਾਪਸੀ ਕੀਤੀ। ਦੋਵਾਂ ਦਾ ਆਪਣਾ ਵੱਖਰਾ ਅੰਦਾਜ਼ ਹੈ। ਸੈਮਸਨ ਅਨੁਭਵ ਤੇ ਹਮਲਾਵਰਤਾ ਦਾ ਸੰਤੁਲਨ ਪ੍ਰਦਾਨ ਕਰਦਾ ਹੈ, ਜਦਕਿ 15 ਸਾਲਾ ਵੈਭਵ ਆਪਣੀ ਨਿਡਰ ਬੱਲੇਬਾਜ਼ੀ ਲਈ ਜਾਣਿਆ ਜਾਂਦਾ ਹੈ। ਭਾਰਤ ਲਈ ਖੁਸ਼ਖਬਰੀ ਹੈ ਕਿ ਈਸ਼ਾਨ ਕਿਸ਼ਨ ਇਸ ਮੈਚ ਲਈ ਉਪਲਬਧ ਹੋਣਗੇ। ਸ਼ੁੱਕਰਵਾਰ ਨੂੰ ਅਭਿਆਸ ਦੌਰਾਨ ਈਸ਼ਾਨ ਦੀ ਪਿੱਠ ’ਚ ਸੱਟ ਲੱਗ ਗਈ ਤੇ ਉਹ ਮੈਦਾਨ ਛੱਡ ਕੇ ਚਲੇ ਗਏ। ਭਾਰਤ ਦੀ ਨਜ਼ਰ ਇਸ ਦੇ ਸਪਿਨ ਜੋੜ 'ਤੇ ਹੋਵੇਗੀ। ਅਕਸ਼ਰ ਪਟੇਲ ਤੇ ਵਾਸ਼ਿੰਗਟਨ ਸੁੰਦਰ ਦੇ ਖੇਡਣ ਦੀ ਉਮੀਦ ਹੈ, ਜਦਕਿ ਤੀਜੇ ਮਾਹਰ ਸਪਿਨਰ ਵਰੁਣ ਚੱਕਰਵਰਤੀ ਤੇ ਤੇਜ਼ ਗੇਂਦਬਾਜ਼ ਯਸ਼ ਠਾਕੁਰ ਵਿਚਕਾਰ ਚੋਣ ਦਿਲਚਸਪ ਹੋਵੇਗੀ। ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ ਤੇ ਨਿਤੀਸ਼ ਕੁਮਾਰ ਰੈੱਡੀ ਦੇ ਵੀ ਪਲੇਇੰਗ ਇਲੈਵਨ ’ਚ ਹੋਣ ਦੀ ਸੰਭਾਵਨਾ ਹੈ।