ਕੌਣ ਹੈ ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਖੰਡ ਕੰਪਨੀ ਦਾ ਮਾਲਕ, ਜਿੱਥੇ ਜਾ ਰਿਹੈ 308 ਪਹੀਆਂ ਵਾਲੇ ਟਰੱਕ 'ਤੇ ਲੱਦ ਕੇ ਵਿਸ਼ਾਲ ਬਾਇਲਰ

1975 ਵਿੱਚ ਸਥਾਪਿਤ ਬਲਰਾਮਪੁਰ ਚੀਨੀ ਮਿੱਲਜ਼ ਭਾਰਤ ਦੀਆਂ ਸਭ ਤੋਂ ਵੱਡੀਆਂ ਖੰਡ ਨਿਰਮਾਤਾ ਕੰਪਨੀਆਂ ਵਿੱਚੋਂ ਇੱਕ ਬਣ ਗਈ ਹੈ। ਹਾਲਾਂਕਿ ਇਸਦੀ ਸ਼ੁਰੂਆਤ ਖੰਡ ਦੇ ਉਤਪਾਦਨ ਨਾਲ ਹੋਈ ਸੀ ਪਰ ਕੰਪਨੀ ਨੇ ਹੌਲੀ-ਹੌਲੀ ਡਿਸਟਿਲਰੀ ਅਤੇ ਕੋ-ਜਨਰੇਸ਼ਨ ਖੇਤਰਾਂ ਵਿੱਚ ਵੀ ਆਪਣਾ ਵਿਸਥਾਰ ਕੀਤਾ ਹੈ। ਇਸਦੇ ਕੰਮਕਾਜ ਵਿੱਚ ਹੁਣ ਸ਼ੀਰੇ (ਮੋਲਾਸਿਸ), ਅਲਕੋਹਲ, ਈਥਾਨੌਲ ਅਤੇ ਗੰਨੇ ਦੀ ਖੋਈ (ਬਗਾਸ) ਦੇ ਉਤਪਾਦਨ ਤੋਂ ਲੈ ਕੇ ਬਿਜਲੀ ਉਤਪਾਦਨ ਤੱਕ ਸਭ ਕੁਝ ਸ਼ਾਮਲ ਹੈ। ਕੰਪਨੀ ਕੋਲ 80,000 ਟਨ ਪ੍ਰਤੀ ਦਿਨ ਗੰਨਾ ਪੀਹਣ ਦੀ ਸਮਰੱਥਾ, 1,050 KL ਪ੍ਰਤੀ ਦਿਨ ਦੀ ਡਿਸਟਿਲਰੀ ਸਮਰੱਥਾ ਅਤੇ 175.7 ਮੈਗਾਵਾਟ ਦੀ ਵਿਕਰੀਯੋਗ ਕੋ-ਜਨਰੇਸ਼ਨ ਸਮਰੱਥਾ ਮੌਜੂਦ ਹੈ।