- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤੁਹਾਡੀ ਗੱਡੀ ’ਚ ਕਿਹੜਾ ਪੈਟਰੋਲ ਪੈ ਰਿਹਾ ਹੈ? 'ਬਿਨਾਂ ਮਿਲਾਵਟ' ਵਾਲੇ ਤੇਲ ਲਈ ਦੇਣੇ ਪੈ ਰਹੇ ਹਨ ₹65 ਵੱਧ!
ਸਰਕਾਰ ਵਿਦੇਸ਼ੀ ਕੱਚੇ ਤੇਲ 'ਤੇ ਨਿਰਭਰਤਾ ਘਟਾਉਣ ਅਤੇ ਵਾਤਾਵਰਣ ਨੂੰ ਸਾਫ਼ ਰੱਖਣ ਲਈ ਇਹ ਬਲੈਂਡਿੰਗ (ਮਿਸ਼ਰਣ) ਕਰ ਰਹੀ ਹੈ ਪਰ, ਕੁਝ ਹਾਈ-ਪਰਫਾਰਮੈਂਸ ਅਤੇ ਲਗਜ਼ਰੀ ਗੱਡੀਆਂ (ਜਿਵੇਂ ਮਹਿੰਗੀਆਂ ਸਪੋਰਟਸ ਕਾਰਾਂ ਜਾਂ ਸੁਪਰਬਾਈਕਸ) ਦੇ ਇੰਜਣ ਈਥਾਨੌਲ ਵਾਲੇ ਪੈਟਰੋਲ ਲਈ ਨਹੀਂ ਬਣੇ ਹੁੰਦੇ। ਉਨ੍ਹਾਂ ਲਈ ਕੰਪਨੀਆਂ ਨੇ 100-ਆਕਟੇਨ ਵਾਲਾ ਪ੍ਰੀਮੀਅਮ ਅਤੇ 100% ਈਥਾਨੌਲ-ਮੁਕਤ ਪੈਟਰੋਲ (ਜਿਵੇਂ Indian Oil ਦਾ XP100) ਕੱਢਿਆ ਹੈ।
Posted By Anuradha Bains
Publish Date: Tue, 11 Aug 2026 12:27 PM (IST)
Updated Date: Tue, 11 Aug 2026 12:29 PM (IST)
ਨਵੀਂ ਦਿੱਲੀ। ਜਦੋਂ ਵੀ ਤੁਸੀਂ ਪੈਟਰੋਲ ਪੰਪ 'ਤੇ ਜਾ ਕੇ ਕਹਿੰਦੇ ਹੋ— "ਭਰਾਵਾ, 500 ਰੁਪਏ ਦਾ ਪੈਟਰੋਲ ਪਾ ਦੇ," ਤਾਂ ਕੀ ਤੁਸੀਂ ਕਦੇ ਧਿਆਨ ਦਿੱਤਾ ਹੈ ਕਿ ਤੁਹਾਡੀ ਗੱਡੀ ’ਚ ਕਿਹੜਾ ਤੇਲ ਪੈ ਰਿਹਾ ਹੈ? ਅੱਜ ਦੇ ਸਮੇਂ ’ਚ ਦੇਸ਼ ਭਰ ਦੇ ਪੈਟਰੋਲ ਪੰਪਾਂ 'ਤੇ ਤੁਹਾਨੂੰ ਤੇਲ ਦੀਆਂ ਕੀਮਤਾਂ ਵਿੱਚ ਭਾਰੀ ਅੰਤਰ ਦੇਖਣ ਨੂੰ ਮਿਲੇਗਾ। ਜੇਕਰ ਤੁਸੀਂ ਆਪਣੀ ਗੱਡੀ ਲਈ 'ਬਿਨਾਂ ਈਥਾਨੌਲ' (Ethanol-Free) ਵਾਲਾ ਬਿਲਕੁਲ ਸ਼ੁੱਧ ਪੈਟਰੋਲ ਮੰਗਦੇ ਹੋ ਤਾਂ ਇਸਦੇ ਲਈ ਤੁਹਾਨੂੰ ਆਮ ਪੈਟਰੋਲ ਦੇ ਮੁਕਾਬਲੇ ਪੂਰੇ ₹65 ਪ੍ਰਤੀ ਲੀਟਰ ਵੱਧ ਦੇਣੇ ਪੈਣਗੇ।
ਕਿਉਂ ਹੈ ₹65 ਦਾ ਇੰਨਾ ਵੱਡਾ ਅੰਤਰ?
ਦਰਅਸਲ, ਅੱਜਕੱਲ੍ਹ ਅਸੀਂ ਆਪਣੀਆਂ ਗੱਡੀਆਂ ਵਿੱਚ ਜੋ ਆਮ ਪੈਟਰੋਲ ਪੁਆਉਂਦੇ ਹਾਂ, ਉਹ E20 ਪੈਟਰੋਲ ਹੁੰਦਾ ਹੈ। 'E20' ਦਾ ਮਤਲਬ ਹੈ ਕਿ ਉਸ ਪੈਟਰੋਲ ਵਿੱਚ 20% ਈਥਾਨੌਲ (ਗੰਨੇ ਜਾਂ ਅਨਾਜ ਤੋਂ ਬਣਿਆ ਬਾਇਓ-ਫਿਊਲ) ਮਿਲਾਇਆ ਗਿਆ ਹੈ।
ਸਰਕਾਰ ਵਿਦੇਸ਼ੀ ਕੱਚੇ ਤੇਲ 'ਤੇ ਨਿਰਭਰਤਾ ਘਟਾਉਣ ਅਤੇ ਵਾਤਾਵਰਣ ਨੂੰ ਸਾਫ਼ ਰੱਖਣ ਲਈ ਇਹ ਬਲੈਂਡਿੰਗ (ਮਿਸ਼ਰਣ) ਕਰ ਰਹੀ ਹੈ ਪਰ, ਕੁਝ ਹਾਈ-ਪਰਫਾਰਮੈਂਸ ਅਤੇ ਲਗਜ਼ਰੀ ਗੱਡੀਆਂ (ਜਿਵੇਂ ਮਹਿੰਗੀਆਂ ਸਪੋਰਟਸ ਕਾਰਾਂ ਜਾਂ ਸੁਪਰਬਾਈਕਸ) ਦੇ ਇੰਜਣ ਈਥਾਨੌਲ ਵਾਲੇ ਪੈਟਰੋਲ ਲਈ ਨਹੀਂ ਬਣੇ ਹੁੰਦੇ। ਉਨ੍ਹਾਂ ਲਈ ਕੰਪਨੀਆਂ ਨੇ 100-ਆਕਟੇਨ ਵਾਲਾ ਪ੍ਰੀਮੀਅਮ ਅਤੇ 100% ਈਥਾਨੌਲ-ਮੁਕਤ ਪੈਟਰੋਲ (ਜਿਵੇਂ Indian Oil ਦਾ XP100) ਕੱਢਿਆ ਹੈ।
ਆਮ E20 ਪੈਟਰੋਲ: ਰਾਜਧਾਨੀ ਦਿੱਲੀ ਵਿੱਚ ਇਸਦੀ ਕੀਮਤ ਕਰੀਬ ₹102.12 ਪ੍ਰਤੀ ਲੀਟਰ ਹੈ।
ਬਿਨਾਂ ਈਥਾਨੌਲ ਵਾਲਾ (XP100) ਪੈਟਰੋਲ: ਇਸਦੀ ਕੀਮਤ ਦਿੱਲੀ ’ਚ ₹167.35 ਪ੍ਰਤੀ ਲੀਟਰ ਤੱਕ ਹੈ।
ਸਿੱਧਾ ਫ਼ਰਕ: ਇਸ ਤਰ੍ਹਾਂ ਬਿਨਾਂ ਈਥਾਨੌਲ ਵਾਲਾ ਪ੍ਰੀਮੀਅਮ ਪੈਟਰੋਲ ਆਮ ਆਦਮੀ ਦੇ ਪੈਟਰੋਲ ਤੋਂ ਕਰੀਬ ₹65 ਵੱਧ ਮਹਿੰਗਾ ਪੈਂਦਾ ਹੈ।
ਮਹਾਨਗਰਾਂ ’ਚ ਅੱਜ ਕੀ ਹਨ ਪੈਟਰੋਲ-ਡੀਜ਼ਲ ਦੇ ਤਾਜ਼ਾ ਰੇਟ?
ਅੰਤਰਰਾਸ਼ਟਰੀ ਬਾਜ਼ਾਰ ’ਚ ਕੱਚੇ ਤੇਲ (Crude Oil) ਦੀਆਂ ਕੀਮਤਾਂ ਵਿੱਚ ਉਤਰਾਅ-ਚੜ੍ਹਾਅ ਦੇ ਬਾਵਜੂਦ, ਦੇਸ਼ ਵਿੱਚ ਆਮ ਲੋਕਾਂ ਲਈ ਪੈਟਰੋਲ ਅਤੇ ਡੀਜ਼ਲ ਦੇ ਬੇਸ ਰੇਟ ਵਿੱਚ ਫਿਲਹਾਲ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਦਿੱਲੀ: ਪੈਟਰੋਲ ₹102.12 | ਡੀਜ਼ਲ ₹95.20 ਪ੍ਰਤੀ ਲੀਟਰ
ਮੁੰਬਈ: ਪੈਟਰੋਲ ₹111.21 | ਡੀਜ਼ਲ ₹97.83 ਪ੍ਰਤੀ ਲੀਟਰ
ਕੋਲਕਾਤਾ: ਪੈਟਰੋਲ ₹113.51 | ਡੀਜ਼ਲ ₹99.82 ਪ੍ਰਤੀ ਲੀਟਰ
ਚੇਨਈ: ਪੈਟਰੋਲ ₹107.77 | ਡੀਜ਼ਲ ₹99.55 ਪ੍ਰਤੀ ਲੀਟਰ
ਰਸੋਈ ਗੈਸ (LPG) ਸਿਲੰਡਰ ਦਾ ਕੀ ਹੈ ਹਾਲ?
ਜੇਕਰ ਗੱਲ ਤੁਹਾਡੇ ਘਰੇਲੂ ਬਜਟ ਯਾਨੀ ਰਸੋਈ ਗੈਸ ਦੀ ਕਰੀ ਤਾਂ ਇਸ ਵਿੱਚ ਵੀ ਫਿਲਹਾਲ ਸ਼ਾਂਤੀ ਬਣੀ ਹੋਈ ਹੈ। ਦੇਸ਼ ਦੇ ਪ੍ਰਮੁੱਖ ਸ਼ਹਿਰਾਂ ਵਿੱਚ 14.2 ਕਿਲੋ ਵਾਲੇ ਘਰੇਲੂ LPG ਗੈਸ ਸਿਲੰਡਰ ਦੇ ਦਾਅ ਸਥਿਰ ਹਨ। ਦਿੱਲੀ ਵਿੱਚ ਇੱਕ ਘਰੇਲੂ ਸਿਲੰਡਰ ਲਈ ਆਮ ਆਦਮੀ ਨੂੰ ₹942 ਚੁਕਾਉਣ ਪੈ ਰਹੇ ਹਨ। ਉੱਥੇ ਹੀ ਮੁੰਬਈ ਵਿੱਚ ਇਹ ਥੋੜ੍ਹਾ ਸਸਤਾ ਯਾਨੀ ₹941.50 ਦਾ ਮਿਲ ਰਿਹਾ ਹੈ।