UPI Payment Blocked: 4 ਸਤੰਬਰ ਨੂੰ ਦਿਨ ਭਰ ਬੰਦ ਰਹੇਗਾ UPI? ਜਾਣੋ ਕਦੋਂ ਤੋਂ ਕਦੋਂ ਤੱਕ ਨਹੀਂ ਕਰ ਸਕੋਗੇ ਡਿਜੀਟਲ ਭੁਗਤਾਨ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ। ਜੇਕਰ ਤੁਸੀਂ ਰੋਜ਼ਾਨਾ ਦੇ ਖਰਚਿਆਂ ਲਈ ਯੂ.ਪੀ.ਆਈ. (UPI Payments) ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਮਹੱਤਵਪੂਰਨ ਹੈ। 4 ਸਤੰਬਰ ਨੂੰ ਖਾਸ ਕਾਰਨ ਕਰਕੇ ਯੂ.ਪੀ.ਆਈ. ਜ਼ਰੀਏ ਲੈਣ-ਦੇਣ ਬੰਦ ਰਹੇਗਾ (UPI Payment Blocked), ਜਿਸ ਨਾਲ ਤੁਹਾਨੂੰ ਕੁੱਝ ਪਰੇਸ਼ਾਨੀ ਆ ਸਕਦੀ ਹੈ। ਇਸ ਸਮੱਸਿਆ ਤੋਂ ਬਚਣ ਲਈ ਪਹਿਲਾਂ ਹੀ ਕੈਸ਼ ਕੋਲ ਰੱਖੋ। ਆਓ ਜਾਣਦੇ ਹਾਂ ਕਿ ਕਿਸ ਬੈਂਕ ਦਾ ਯੂ.ਪੀ.ਆਈ. ਬੰਦ ਰਹੇਗਾ ਅਤੇ ਇਹ ਦੁਬਾਰਾ ਕਦੋਂ ਚਾਲੂ ਹੋਵੇਗਾ।

ਕਿਸ ਬੈਂਕ ਦਾ UPI ਰਹੇਗਾ ਬੰਦ?

ਸਟੇਟ ਬੈਂਕ ਆਫ਼ ਇੰਡੀਆ (SBI) ਨੇ ਐਲਾਨ ਕੀਤਾ ਹੈ ਕਿ 4 ਸਤੰਬਰ 2026 ਨੂੰ ਯੂ.ਪੀ.ਆਈ. ਜ਼ਰੀਏ ਲੈਣ-ਦੇਣ ਨਹੀਂ ਹੋ ਸਕੇਗਾ। ਬੈਂਕ ਮੁਤਾਬਕ 4 ਸਤੰਬਰ 2026 ਨੂੰ ਰਾਤ 12:15 ਵਜੇ ਤੋਂ ਲੈ ਕੇ 1:00 ਵਜੇ ਤੱਕ ਯੂ.ਪੀ.ਆਈ. ਸਰਵਿਸ ਕੰਮ ਨਹੀਂ ਕਰੇਗੀ। ਯਾਨੀ ਕੁੱਲ 45 ਮਿੰਟ ਤੱਕ ਤੁਸੀਂ ਐੱਸ.ਬੀ.ਆਈ. (SBI Payments) ਜ਼ਰੀਏ ਯੂ.ਪੀ.ਆਈ. ਪੇਮੈਂਟ ਨਹੀਂ ਕਰ ਸਕੋਗੇ। ਹਾਲਾਂਕਿ, ਬੈਂਕ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਜੇਕਰ ਮੇਂਟੇਨੈਂਸ (ਰੱਖ-ਰਖਾਅ) ਦਾ ਕੰਮ ਸਮੇਂ ਤੋਂ ਪਹਿਲਾਂ ਪੂਰਾ ਹੋ ਜਾਂਦਾ ਹੈ ਤਾਂ ਸਰਵਿਸ ਤੈਅ ਸਮੇਂ ਤੋਂ ਪਹਿਲਾਂ ਹੀ ਦੁਬਾਰਾ ਸ਼ੁਰੂ ਕਰ ਦਿੱਤੀ ਜਾਵੇਗੀ।

ਕਿਸ ਤਰ੍ਹਾਂ ਦੇ ਭੁਗਤਾਨ ਨਹੀਂ ਹੋ ਸਕਣਗੇ?

ਬੈਂਕ ਮੁਤਾਬਕ ਜਿਨ੍ਹਾਂ 45 ਮਿੰਟਾਂ ਦੌਰਾਨ ਯੂ.ਪੀ.ਆਈ. ਸੇਵਾਵਾਂ ਬੰਦ ਰਹਿਣਗੀਆਂ, ਉਸ ਦੌਰਾਨ ਵੱਡੇ ਭੁਗਤਾਨ ਨਹੀਂ ਕੀਤੇ ਜਾ ਸਕਣਗੇ। ਪਰ ਤੁਸੀਂ ਉਸ ਸਮੇਂ UPI Lite ਦੀ ਵਰਤੋਂ ਕਰਕੇ ਬਿਨਾਂ ਪਿਨ (PIN) ਦਰਜ ਕੀਤੇ ₹1000 ਤੱਕ ਦਾ ਛੋਟਾ ਭੁਗਤਾਨ ਆਸਾਨੀ ਨਾਲ ਕਰ ਸਕੋਗੇ। ਇਸ ਦੇ ਨਾਲ ਹੀ ਤੁਸੀਂ UPI Lite ਵਿੱਚ ₹5000 ਤੱਕ ਦੀ ਰਾਸ਼ੀ ਰੱਖ ਸਕਦੇ ਹੋ।

ਕੀ UPI ਪੇਮੈਂਟ 'ਤੇ ਲੱਗੇਗਾ ਚਾਰਜ?

ਕਾਫ਼ੀ ਦਿਨਾਂ ਤੋਂ ਚਰਚਾ ਹੈ ਕਿ ਸਰਕਾਰ ਯੂ.ਪੀ.ਆਈ. ਟ੍ਰਾਂਜ਼ੈਕਸ਼ਨ 'ਤੇ MDR (ਮਰਚੈਂਟ ਡਿਸਕਾਊਂਟ ਰੇਟ) ਲਗਾਉਣ ਦੀ ਤਿਆਰੀ ਕਰ ਰਹੀ ਹੈ, ਜਿਸ ਦਾ ਨੋਟੀਫਿਕੇਸ਼ਨ ਸਤੰਬਰ ਦੇ ਵਿਚਕਾਰ ਤੱਕ ਆ ਸਕਦਾ ਹੈ। ਪਰ ਧਿਆਨ ਰਹੇ ਕਿ ਸਰਕਾਰ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕੀ ਹੈ ਕਿ ਆਮ ਲੋਕਾਂ ਨੂੰ ਕੋਈ ਵਾਧੂ ਚਾਰਜ ਦੇਣ ਦੀ ਲੋੜ ਨਹੀਂ ਪਵੇਗੀ। ਇਹ ਚਾਰਜ ਸਿਰਫ਼ ਵੱਡੇ ਵਪਾਰੀਆਂ 'ਤੇ ਹੀ ਲਾਗੂ ਹੋਵੇਗਾ।

UPI ਜ਼ਰੀਏ ਕਿੰਨਾ ਕਰ ਸਕਦੇ ਹੋ ਲੈਣ-ਦੇਣ?

ਐੱਸ.ਬੀ.ਆਈ. ਯੂ.ਪੀ.ਆਈ. ਦੀ ਗੱਲ ਕਰੀਏ ਤਾਂ ਆਮ ਤੌਰ 'ਤੇ 1 ਦਿਨ ’ਚ ₹1 ਲੱਖ ਤੱਕ ਦਾ ਲੈਣ-ਦੇਣ ਕੀਤਾ ਜਾ ਸਕਦਾ ਹੈ ਪਰ ਕੁੱਝ ਥਾਵਾਂ 'ਤੇ ਇਸ ਦੀ ਸੀਮਾ ਜ਼ਿਆਦਾ ਹੈ। ਜਿਵੇਂ ਕੈਪੀਟਲ ਮਾਰਕੀਟ ਅਤੇ ਇੰਸ਼ੋਰੈਂਸ ਵਿੱਚ ₹2 ਲੱਖ ਅਤੇ IPO, ਟੈਕਸ ਤੇ ਸਕੂਲ-ਕਾਲਜ ਦੀ ਫੀਸ ਭਰਨ ਲਈ ₹5 ਲੱਖ ਤੱਕ ਦੀ ਟ੍ਰਾਂਜ਼ੈਕਸ਼ਨ ਕੀਤੀ ਜਾ ਸਕਦੀ ਹੈ।