- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Gold Silver Price Today: 1.41 ਲੱਖ ਰੁਪਏ 'ਤੇ ਅਟਕਿਆ ਸੋਨਾ, ₹3500 ਤੱਕ ਟੁੱਟੀ ਚਾਂਦੀ! ਮਹੀਨੇ ਦੇ ਪਹਿਲੇ ਦਿਨ ਕਿਉਂ ਡਿੱਗੀਆਂ ਕੀਮਤਾਂ?
ਜੁਲਾਈ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਸਰਾਫਾ ਬਾਜ਼ਾਰ 'ਚ ਹਲਚਲ ਤਾਂ ਹੈ, ਪਰ ਚਮਕ ਥੋੜ੍ਹੀ ਫਿੱਕੀ ਨਜ਼ਰ ਆ ਰਹੀ ਹੈ। ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ 'ਚ ਉਤਾਰ-ਚੜ੍ਹਾਅ ਦਾ ਦੌਰ ਜਾਰੀ ਹੈ, ਜਿਸ ਕਾਰਨ ਖਰੀਦਦਾਰ ਅਤੇ ਨਿਵੇਸ਼ਕ ਦੋਵੇਂ ਹੀ ਸਾਵਧਾਨ ਨਜ਼ਰ ਆ ਰਹੇ ਹਨ। 1 ਜੁਲਾਈ ਨੂੰ ਜਾਰੀ ਤਾਜ਼ਾ ਰੇਟਾਂ ਮੁਤਾਬਕ ਦੇਸ਼ 'ਚ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਹ ਗਿਰਾਵਟ ਕੌਮਾਂਤਰੀ ਬਾਜ਼ਾਰ ਤੋਂ ਲੈ ਕੇ ਘਰੇਲੂ ਵਾਅਦਾ ਬਾਜ਼ਾਰ ਤੱਕ 'ਚ ਦੇਖੀ ਗਈ।
Posted By Sunita
Publish Date: Wed, 01 Jul 2026 10:48 AM (IST)
Updated Date: Wed, 01 Jul 2026 11:15 AM (IST)
ਨਵੀਂ ਦਿੱਲੀ : ਜੁਲਾਈ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਸਰਾਫਾ ਬਾਜ਼ਾਰ 'ਚ ਹਲਚਲ ਤਾਂ ਹੈ, ਪਰ ਚਮਕ ਥੋੜ੍ਹੀ ਫਿੱਕੀ ਨਜ਼ਰ ਆ ਰਹੀ ਹੈ। ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ 'ਚ ਉਤਾਰ-ਚੜ੍ਹਾਅ ਦਾ ਦੌਰ ਜਾਰੀ ਹੈ, ਜਿਸ ਕਾਰਨ ਖਰੀਦਦਾਰ ਅਤੇ ਨਿਵੇਸ਼ਕ ਦੋਵੇਂ ਹੀ ਸਾਵਧਾਨ ਨਜ਼ਰ ਆ ਰਹੇ ਹਨ। 1 ਜੁਲਾਈ ਨੂੰ ਜਾਰੀ ਤਾਜ਼ਾ ਰੇਟਾਂ ਮੁਤਾਬਕ ਦੇਸ਼ 'ਚ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਹ ਗਿਰਾਵਟ ਕੌਮਾਂਤਰੀ ਬਾਜ਼ਾਰ ਤੋਂ ਲੈ ਕੇ ਘਰੇਲੂ ਵਾਅਦਾ ਬਾਜ਼ਾਰ ਤੱਕ 'ਚ ਦੇਖੀ ਗਈ।
ਕੀ ਹਨ ਅੱਜ ਦੇ ਤਾਜ਼ਾ ਰੇਟ?
ਇੰਟਰਨੈਸ਼ਨਲ ਮਾਰਕੀਟ 'ਚ ਸੋਨੇ 'ਚ 1.19% ਦੀ ਗਿਰਾਵਟ ਆਈ ਅਤੇ ਕੀਮਤ 47.90 ਡਾਲਰ ਟੁੱਟ ਕੇ 3,990.60 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ। ਉੱਥੇ ਹੀ ਚਾਂਦੀ 2.63% ਡਿੱਗ ਕੇ 57.915 ਡਾਲਰ ਪ੍ਰਤੀ ਔਂਸ 'ਤੇ ਕਾਰੋਬਾਰ ਕਰ ਰਹੀ ਹੈ। ਜੇਕਰ ਘਰੇਲੂ ਬਾਜ਼ਾਰ ਯਾਨੀ MCX ਦੀ ਗੱਲ ਕਰੀਏ ਤਾਂ ਇੱਥੇ ਵੀ ਸੋਨਾ-ਚਾਂਦੀ ਗਿਰਾਵਟ ਦੇ ਨਾਲ ਖੁੱਲ੍ਹੇ। MCX 'ਤੇ ਸੋਨਾ ਕਰੀਬ 1155 ਰੁਪਏ ਡਿੱਗ ਕੇ 1,42,531 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਕਾਰੋਬਾਰ ਕਰਦਾ ਦੇਖਿਆ ਗਿਆ। ਜਦਕਿ ਚਾਂਦੀ 'ਚ 3810 ਰੁਪਏ ਦੀ ਗਿਰਾਵਟ ਨਾਲ 2,25,000 ਲੱਖ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਕਾਰੋਬਾਰ ਹੁੰਦਾ ਦੇਖਿਆ ਗਿਆ।
ਕੀ ਹਨ ਸ਼ਹਿਰਾਂ 'ਚ ਕੀਮਤਾਂ?
ਦਿੱਲੀ, ਮੁੰਬਈ ਅਤੇ ਕੋਲਕਾਤਾ ਵਰਗੇ ਵੱਡੇ ਸ਼ਹਿਰਾਂ 'ਚ 24 ਕੈਰੇਟ ਸੋਨੇ ਦੀ ਕੀਮਤ ਕਰੀਬ ₹1.41 ਲੱਖ ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਬਣੀ ਹੋਈ ਹੈ, ਜਦੋਂ ਕਿ 22 ਕੈਰੇਟ ਸੋਨਾ ਲਗਭਗ ₹1.29 ਲੱਖ ਪ੍ਰਤੀ 10 ਗ੍ਰਾਮ ਦੇ ਦਾਇਰੇ 'ਚ ਕਾਰੋਬਾਰ ਕਰ ਰਹੀ ਹੈ। ਕੀਮਤਾਂ 'ਚ ਇਹ ਪੱਧਰ ਪਿਛਲੇ ਕੁਝ ਦਿਨਾਂ ਤੋਂ ਮਾਮੂਲੀ ਉਤਾਰ-ਚੜ੍ਹਾਅ ਦੇ ਨਾਲ ਕਾਇਮ ਹੈ, ਜੋ ਬਾਜ਼ਾਰ 'ਚ ਬੇਯਕੀਨੀ ਨੂੰ ਦਰਸਾਉਂਦਾ ਹੈ।
ਚਾਂਦੀ ਦੀ ਗੱਲ ਕਰੀਏ ਤਾਂ ਇਸ 'ਚ ਵੀ ਹਾਲ ਦੇ ਦਿਨਾਂ 'ਚ ਗਿਰਾਵਟ ਦਾ ਰੁਝਾਨ ਦੇਖਿਆ ਗਿਆ ਹੈ। ਮੌਜੂਦਾ ਸਮੇਂ 'ਚ ਚਾਂਦੀ ਦੀ ਕੀਮਤ ਕਰੀਬ ₹2.23 ਲੱਖ ਤੋਂ ₹2.25 ਲੱਖ ਪ੍ਰਤੀ ਕਿਲੋ ਦੇ ਵਿਚਕਾਰ ਬਣੀ ਹੋਈ ਹੈ। ਇਸ ਗਿਰਾਵਟ ਨਾਲ ਨਿਵੇਸ਼ਕਾਂ ਦਾ ਰੁਝਾਨ ਥੋੜ੍ਹਾ ਕਮਜ਼ੋਰ ਪਿਆ ਹੈ।
| ਸ਼ਹਿਰ | ਸੋਨਾ/10 ਗ੍ਰਾਮ (24K) | ਸੋਨਾ/10 ਗ੍ਰਾਮ (22K) | ਸੋਨਾ/10 ਗ੍ਰਾਮ (18K) | ਚਾਂਦੀ ਪ੍ਰਤੀ ਕਿਲੋ |
| ਨਵੀਂ ਦਿੱਲੀ | ₹141,210 | ₹129,443 | ₹105,908 | ₹223,810 |
| ਮੁੰਬਈ | ₹141,200 | ₹129,433 | ₹105,900 | ₹223,830 |
| ਪਟਨਾ | ₹141,030 | ₹129,278 | ₹105,773 | ₹222,820 |
| ਜੈਪੁਰ | ₹141,090 | ₹129,333 | ₹105,818 | ₹223,910 |
| ਕਾਨਪੁਰ | ₹141,140 | ₹129,378 | ₹105,855 | ₹223,344 |
ਕੀਮਤਾਂ ਕਿਉਂ ਡਿੱਗ ਰਹੀਆਂ ਹਨ?
ਦਰਅਸਲ, ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਤੇ ਕਈ ਕਾਰਕ (ਫੈਕਟਰਸ) ਇਕੱਠੇ ਅਸਰ ਪਾ ਰਹੇ ਹਨ। ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਡਾਲਰ ਦੀ ਮਜ਼ਬੂਤੀ, ਵਿਆਜ ਦਰਾਂ ਨੂੰ ਲੈ ਕੇ ਬੇਯਕੀਨੀ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਉਤਾਰ-ਚੜ੍ਹਾਅ ਵਰਗੇ ਕਾਰਨਾਂ ਕਰਕੇ ਬੁਲੀਅਨ ਮਾਰਕੀਟ ਦਬਾਅ ਹੇਠ ਹੈ। ਇਸ ਤੋਂ ਇਲਾਵਾ ਘਰੇਲੂ ਪੱਧਰ 'ਤੇ ਇੰਪੋਰਟ ਡਿਊਟੀ ਵਧਣ ਤੋਂ ਬਾਅਦ ਮੰਗ 'ਚ ਆਈ ਗਿਰਾਵਟ ਨੇ ਵੀ ਕੀਮਤਾਂ ਨੂੰ ਸੀਮਤ ਦਾਇਰੇ 'ਚ ਬੰਨ੍ਹਿਆ ਹੋਇਆ ਹੈ।
ਜੂਨ 'ਚ ਕਿੰਨਾ ਡਿੱਗਿਆ ਸੀ ਸੋਨਾ?
ਜੇਕਰ ਪਿਛਲੇ ਮਹੀਨੇ ਯਾਨੀ ਜੂਨ ਦੀ ਗਿਰਾਵਟ ਦੀ ਗੱਲ ਕਰੀਏ ਤਾਂ ਮਲਟੀ ਕਮੋਡਿਟੀ ਐਕਸਚੇਂਜ 'ਤੇ ਜੂਨ ਦੇ ਮਹੀਨੇ 'ਚ ਸੋਨਾ 19,700 ਰੁਪਏ ਸਸਤਾ ਹੋਇਆ। ਅੰਕੜਿਆਂ ਮੁਤਾਬਕ 1 ਜੂਨ 2026 ਨੂੰ ਸੋਨਾ 1,60,193 ਰੁਪਏ ਦੇ ਪੱਧਰ 'ਤੇ ਖੁੱਲ੍ਹਿਆ ਸੀ, ਜੋ ਕੱਲ੍ਹ ਯਾਨੀ ਮਹੀਨੇ ਦੇ ਆਖਰੀ ਦਿਨ 30 ਜੂਨ ਨੂੰ 1,40,450 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ 'ਤੇ ਪਹੁੰਚ ਗਿਆ। ਹੁਣ ਇਸ ਅੰਕੜੇ ਤੋਂ ਪਤਾ ਲੱਗਦਾ ਹੈ ਕਿ ਇੱਕ ਮਹੀਨੇ 'ਚ ਸੋਨਾ 19,743 ਰੁਪਏ ਪ੍ਰਤੀ 10 ਗ੍ਰਾਮ ਸਸਤਾ ਹੋ ਗਿਆ ਹੈ।