SBI Funds Management IPO: ਸ਼ੇਅਰ ਬਾਜ਼ਾਰ 'ਚ ਧਮਾਕੇਦਾਰ ਐਂਟਰੀ, ₹600 ਤੋਂ ਪਾਰ ਖੁੱਲ੍ਹਿਆ ਸ਼ੇਅਰ; ਦੇਖੋ ਕੀ ਹੈ ਅਗਲਾ ਟੀਚਾ?

ਨਵੀਂ ਦਿੱਲੀ - ਅੱਜ ਐੱਸ.ਬੀ.ਆਈ. ਫੰਡਜ਼ ਮੈਨੇਜਮੈਂਟ ਦੀ ਲਿਸਟਿੰਗ (SBI Funds Management IPO Listing) ਹੋਈ ਹੈ। ਲਿਸਟਿੰਗ 'ਤੇ ਸ਼ੇਅਰ ਨੇ ਨਿਵੇਸ਼ਕਾਂ ਨੂੰ ਵਧੀਆ ਰਿਟਰਨ ਦਿੱਤਾ। ਇਸ ਦਾ ਸ਼ੇਅਰ NSE 'ਤੇ 574 ਰੁਪਏ ਦੇ ਆਈ.ਪੀ.ਓ. ਪ੍ਰਾਈਜ਼ ਦੇ ਮੁਕਾਬਲੇ 39.30 ਰੁਪਏ ਜਾਂ 6.85 ਫ਼ੀਸਦੀ ਪ੍ਰੀਮੀਅਮ ਦੇ ਨਾਲ 613.30 ਰੁਪਏ 'ਤੇ ਲਿਸਟ ਹੋਇਆ। BSE 'ਤੇ ਇਸ ਨੇ 36 ਰੁਪਏ ਦੇ ਵਾਧੇ ਨਾਲ 610 ਰੁਪਏ 'ਤੇ ਸ਼ੁਰੂਆਤ ਕੀਤੀ। ਪ੍ਰਾਇਮਰੀ ਮਾਰਕੀਟ 'ਚ ਐੱਸ.ਬੀ.ਆਈ. ਫੰਡਜ਼ ਦੇ ਆਈ.ਪੀ.ਓ. ਨੂੰ 14 ਤੋਂ 16 ਜੁਲਾਈ ਦੇ ਵਿਚਕਾਰ 41.66 ਗੁਣਾ ਸਬਸਕ੍ਰਿਪਸ਼ਨ ਮਿਲਿਆ ਸੀ।

ਉਮੀਦ ਨਾਲੋਂ ਹਲਕੀ ਸ਼ੁਰੂਆਤ

SBI ਫੰਡਜ਼ ਦੀ ਮਾਰਕੀਟ 'ਚ ਸ਼ੁਰੂਆਤ ਗ੍ਰੇ ਮਾਰਕੀਟ ਦੀਆਂ ਉਮੀਦਾਂ ਤੋਂ ਘੱਟ ਰਹੀ, ਜਿੱਥੇ ਲਗਭਗ 16 ਫ਼ੀਸਦੀ ਪ੍ਰੀਮੀਅਮ ਲਿਸਟਿੰਗ ਦਾ ਅਨੁਮਾਨ ਲਗਾਇਆ ਗਿਆ ਸੀ। ਇਸ ਤੋਂ ਪਹਿਲਾਂ, ਕੰਪਨੀ ਨੇ ਐਂਕਰ ਨਿਵੇਸ਼ਕਾਂ ਤੋਂ 2,663 ਕਰੋੜ ਰੁਪਏ ਜੁਟਾਏ ਸਨ।

1987 'ਚ ਸ਼ੁਰੂ ਹੋਈ, SBI ਫੰਡਜ਼ ਮੈਨੇਜਮੈਂਟ ਤਿਮਾਹੀ ਔਸਤ ਐਸੇਟਸ ਅੰਡਰ ਮੈਨੇਜਮੈਂਟ (QAAUM) ਦੇ ਹਿਸਾਬ ਨਾਲ ਭਾਰਤ ਦੀ ਸਭ ਤੋਂ ਵੱਡੀ ਐਸੇਟ ਮੈਨੇਜਮੈਂਟ ਕੰਪਨੀ ਹੈ। 31 ਮਾਰਚ, 2026 ਤੱਕ ਇਸ ਕੋਲ ਮਿਊਚਲ ਫੰਡ 'ਚ 12.51 ਲੱਖ ਕਰੋੜ ਰੁਪਏ ਦੀਆਂ ਐਸੇਟਸ ਅਤੇ 15.3 ਫ਼ੀਸਦੀ ਮਾਰਕੀਟ ਹਿੱਸੇਦਾਰੀ ਸੀ।

ਲੰਬੇ ਸਮੇਂ ਦਾ ਨਜ਼ਰੀਆ ਮਜ਼ਬੂਤ

ਮਾਹਰਾਂ ਦਾ ਮੰਨਣਾ ਹੈ ਕਿ ਹਲਕੀ ਮਜ਼ਬੂਤੀ ਨਾਲ ਲਿਸਟਿੰਗ ਦੇ ਬਾਵਜੂਦ, ਕੰਪਨੀ ਲਈ ਲੰਬੇ ਸਮੇਂ ਦੇ ਨਿਵੇਸ਼ ਦਾ ਨਜ਼ਰੀਆ ਮਜ਼ਬੂਤ ਬਣਿਆ ਹੋਇਆ ਹੈ। ਇਸ ਦੇ ਕਾਰਨ ਹਨ - ਐਸੇਟ ਮੈਨੇਜਮੈਂਟ ਇੰਡਸਟਰੀ 'ਚ ਕੰਪਨੀ ਦੀ ਲੀਡਰਸ਼ਿਪ, SBI ਦਾ ਮਜ਼ਬੂਤ ਬ੍ਰਾਂਡ ਸਪੋਰਟ, ਵੱਡਾ ਡਿਸਟ੍ਰੀਬਿਊਸ਼ਨ ਨੈੱਟਵਰਕ, ਸਕੇਲੇਬਲ ਐਸੇਟ-ਲਾਈਟ ਬਿਜ਼ਨਸ ਮਾਡਲ ਅਤੇ ਦੂਜੀਆਂ ਕੰਪਨੀਆਂ ਦੀ ਤੁਲਨਾ 'ਚ ਬਿਹਤਰ ਵੈਲਿਊਏਸ਼ਨ।

₹750 ਦਾ ਹੈ ਟਾਰਗੇਟ

ਦੱਸ ਦੇਈਏ ਕਿ SBI ਫੰਡਜ਼ ਮੈਨੇਜਮੈਂਟ ਦੀ ਸ਼ੇਅਰ ਬਾਜ਼ਾਰ 'ਚ ਲਿਸਟਿੰਗ ਤੋਂ ਪਹਿਲਾਂ ਹੀ ਬ੍ਰੋਕਰੇਜ ਫਰਮ Emkay Global ਨੇ ਇਸ ਐਸੇਟ ਮੈਨੇਜਰ ਕੰਪਨੀ ਲਈ 'Buy' ਰੇਟਿੰਗ ਦੇ ਦਿੱਤੀ ਸੀ। ਨਾਲ ਹੀ ਇਸ ਦੇ ਲਈ ₹750 ਪ੍ਰਤੀ ਸ਼ੇਅਰ ਦਾ ਪ੍ਰਾਈਜ਼ ਟਾਰਗੇਟ ਤੈਅ ਕੀਤਾ। ਇਹ ਟਾਰਗੇਟ, ₹574 ਪ੍ਰਤੀ ਸ਼ੇਅਰ ਦੇ IPO ਪ੍ਰਾਈਜ਼ ਦੇ ਮੁਕਾਬਲੇ ਲਗਭਗ 31% ਦੇ ਵਾਧੇ ਨੂੰ ਦਰਸਾਉਂਦਾ ਹੈ।