- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਇਸ ਲਈ ਪਬਲਿਕ ਪ੍ਰੋਵੀਡੈਂਟ ਫੰਡ (PPF), ਸੁਕੰਨਿਆ ਸਮ੍ਰਿੱਧੀ ਯੋਜਨਾ (SSY) ਅਤੇ ਮਿਊਚੁਅਲ ਫੰਡ ਵਰਗੇ ਕਈ ਆਪਸ਼ਨ ਮੌਜੂਦ ਹਨ ਪਰ ਇਨ੍ਹਾਂ ਸਾਰੀਆਂ ਯੋਜਨਾਵਾਂ ਵਿੱਚ ਰਿਟਰਨ, ਪੈਸੇ ਕਢਵਾਉਣ ਦੀ ਸਹੂਲਤ ਅਤੇ ਲਾਕ-ਇਨ ਦੀਆਂ ਸ਼ਰਤਾਂ ਵੱਖ-ਵੱਖ ਹਨ।

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਬੱਚਿਆਂ ਦੀ ਪੜ੍ਹਾਈ ਦਾ ਖਰਚਾ ਲਗਾਤਾਰ ਵਧ ਰਿਹਾ ਹੈ। ਅਜਿਹੇ ਵਿੱਚ ਮਾਪਿਆਂ ਸਾਹਮਣੇ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਬੱਚਿਆਂ ਦੇ ਭਵਿੱਖ ਲਈ ਪੈਸਾ ਕਿੱਥੇ ਨਿਵੇਸ਼ ਕੀਤਾ ਜਾਵੇ ਤਾਂ ਜੋ 15 ਤੋਂ 18 ਸਾਲਾਂ ਬਾਅਦ ਇੱਕ ਚੰਗੀ ਰਕਮ ਇਕੱਠੀ ਹੋ ਸਕੇ।
ਨਿਵੇਸ਼ ਦਾ ਵਿਕਲਪ | ਵਿਆਜ/ਰਿਟਰਨ | ਅੰਦਾਜ਼ਨ ਫੰਡ |
|---|---|---|
PPF | 7.1% | ₹9.34 ਲੱਖ |
ਸੁਕੰਨਿਆ ਸਮ੍ਰਿੱਧੀ (SSY) | 8.2% | ਲਗਭਗ ₹10.30 ਲੱਖ |
SIP | 12% | ₹14.43 ਲੱਖ |
ਮਿਊਚੁਅਲ ਫੰਡ 'ਚ ਹੋ ਸਕਦੀ ਹੈ ਸਭ ਤੋਂ ਵੱਧ ਕਮਾਈ
ਜੇ ਮਿਊਚੁਅਲ ਫੰਡ ਵਿੱਚ 15 ਸਾਲਾਂ ਦੀ SIP ਦਾ ਔਸਤ ਸਾਲਾਨਾ ਰਿਟਰਨ 12% ਮੰਨਿਆ ਜਾਵੇ ਤਾਂ ਹਰ ਮਹੀਨੇ ₹3,000 ਨਿਵੇਸ਼ ਕਰਨ ਨਾਲ ਲਗਪਗ ₹14.43 ਲੱਖ ਦਾ ਫੰਡ ਤਿਆਰ ਹੋ ਸਕਦਾ ਹੈ।
ਇਸ ਤਰ੍ਹਾਂ ਨਿਵੇਸ਼ਕ ਕੁੱਲ ₹5.40 ਲੱਖ ਜਮ੍ਹਾਂ ਕਰੇਗਾ ਅਤੇ ਉਸ ਨੂੰ ਲਗਪਗ ₹9.03 ਲੱਖ ਦਾ ਮੁਨਾਫ਼ਾ ਹੋ ਸਕਦਾ ਹੈ।
ਇਸ ਵਿਕਲਪ ਵਿੱਚ ਇਕੱਠੀ ਹੋਈ ਰਕਮ ਬੱਚੇ ਦੇ 18 ਸਾਲ ਦੇ ਹੋਣ 'ਤੇ ਉਸ ਦੇ ਭਵਿੱਖ ਲਈ ਕੰਮ ਆ ਸਕਦੀ ਹੈ।
PPF ਤੇ ਸੁਕੰਨਿਆ ਸਮ੍ਰਿੱਧੀ ਯੋਜਨਾ ਦੀ ਕੀ ਹੈ ਖ਼ਾਸੀਅਤ
PPF (ਪਬਲਿਕ ਪ੍ਰੋਵੀਡੈਂਟ ਫੰਡ): ਇਹ ਉਨ੍ਹਾਂ ਮਾਪਿਆਂ ਲਈ ਇੱਕ ਵਧੀਆ ਆਪਸ਼ਨ ਹੋ ਸਕਦਾ ਹੈ, ਜੋ ਸਰਕਾਰੀ ਸੁਰੱਖਿਆ ਦੇ ਨਾਲ ਲੰਬੇ ਸਮੇਂ ਲਈ ਨਿਵੇਸ਼ ਕਰਨਾ ਚਾਹੁੰਦੇ ਹਨ। ਫਿਲਹਾਲ ਇਸ ਯੋਜਨਾ ਵਿੱਚ 7.1% ਸਾਲਾਨਾ ਵਿਆਜ ਮਿਲ ਰਿਹਾ ਹੈ।
ਸੁਕੰਨਿਆ ਸਮ੍ਰਿੱਧੀ ਯੋਜਨਾ (SSY): ਇਹ ਯੋਜਨਾ ਖ਼ਾਸ ਤੌਰ 'ਤੇ ਧੀਆਂ ਦੇ ਭਵਿੱਖ ਨੂੰ ਸੁਰੱਖਿਅਤ ਕਰਨ ਲਈ ਸ਼ੁਰੂ ਕੀਤੀ ਗਈ ਹੈ। ਇਸ ਵਿੱਚ ਫਿਲਹਾਲ 8.2% ਸਾਲਾਨਾ ਵਿਆਜ ਮਿਲ ਰਿਹਾ ਹੈ। ਜੇਕਰ ਧੀ ਦੀ ਉਮਰ 10 ਸਾਲ ਤੋਂ ਘੱਟ ਹੈ ਤਾਂ ਉਸ ਦੇ ਨਾਮ 'ਤੇ ਇਹ ਖਾਤਾ ਖੁਲ੍ਹਵਾਇਆ ਜਾ ਸਕਦਾ ਹੈ।