- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
PPF Calculation: 18 ਸਾਲ ਦੀ ਉਮਰ ’ਚ ₹40 ਲੱਖ ਤੇ 60 ਸਾਲ ਦੀ ਉਮਰ ’ਚ ₹5 ਕਰੋੜ! ਇਹ ਸਰਕਾਰੀ ਸਕੀਮ ਬਣਾ ਸਕਦੀ ਹੈ ਕਰੋੜਪਤੀ; ਦੇਖੋ ਪੂਰਾ ਕੈਲਕੁਲੇਸ਼ਨ
Public Provident Fund: ਇਹ ਲੇਖ ਬੱਚਿਆਂ ਦੇ ਭਵਿੱਖ ਤੇ ਉੱਚ ਸਿੱਖਿਆ ਲਈ PPF ’ਚ ਨਿਵੇਸ਼ ਦੀ ਮਹੱਤਤਾ ਬਾਰੇ ਦੱਸਦਾ ਹੈ। ਇਸ ’ਚ ₹50,000 ਤੇ ₹1 ਲੱਖ ਦੇ ਸਾਲਾਨਾ ਨਿਵੇਸ਼ ’ਤੇ 18 ਸਾਲ ਤੇ 60 ਸਾਲ ਦੀ ਉਮਰ ਤੱਕ ਮਿਲਣ ਵਾਲੇ ਫੰਡ ਦੀ ਗਣਨਾ ਦਿੱਤੀ ਗਈ ਹੈ।
Posted By Paramjit Kaur
Publish Date: Tue, 15 Sep 2026 12:14 PM (IST)
Updated Date: Tue, 15 Sep 2026 12:19 PM (IST)
ਬਿਜ਼ਨਸ ਡੈਸਕ, ਨਵੀਂ ਦਿੱਲੀ : ਹਰ ਮਾਤਾ-ਪਿਤਾ ਦਾ ਸੁਪਨਾ ਹੁੰਦਾ ਹੈ ਕਿ ਉਹ ਆਪਣੇ ਬੱਚਿਆਂ ਨੂੰ ਵਧੀਆ ਤੇ ਉੱਚ ਸਿੱਖਿਆ ਦੇਣ ਤੇ ਉਨ੍ਹਾਂ ਦੇ ਭਵਿੱਖ ਨੂੰ ਆਰਥਿਕ ਤੌਰ ’ਤੇ ਸੁਰੱਖਿਅਤ ਕਰਨ। ਜੇਕਰ ਤੁਸੀਂ ਵੀ ਆਪਣੇ ਬੱਚੇ ਦੇ ਭਵਿੱਖ ਲਈ ਇੱਕ ਸੁਰੱਖਿਅਤ ਤੇ ਟੈਕਸ-ਫ੍ਰੀ ਨਿਵੇਸ਼ ਦੀ ਭਾਲ ਕਰ ਰਹੇ ਹੋ, ਤਾਂ ਪਬਲਿਕ ਪ੍ਰੋਵੀਡੈਂਟ ਫੰਡ (PPF) ਤੁਹਾਡੇ ਲਈ ਵਧੀਆ ਵਿਕਲਪ ਹੋ ਸਕਦਾ ਹੈ।
ਜੇਕਰ ਤੁਸੀਂ ਬੱਚੇ ਦੇ ਜਨਮ ਤੋਂ ਤੁਰੰਤ ਬਾਅਦ ਜਾਂ ਬਚਪਨ ’ਚ ਹੀ ਉਸ ਦੇ ਨਾਮ ’ਤੇ PPF ਖਾਤਾ ਖੋਲ੍ਹ ਦਿੰਦੇ ਹੋ, ਤਾਂ 18 ਸਾਲ ਦੀ ਉਮਰ ਤੱਕ ਉਸ ਦੇ ਖਾਤੇ ’ਚ ਵੱਡੀ ਰਕਮ ਜਮ੍ਹਾਂ ਹੋ ਸਕਦੀ ਹੈ। ਆਓ ਕੈਲਕੁਲੇਸ਼ਨ ਰਾਹੀਂ ਸਮਝਦੇ ਹਾਂ ਕਿ ਹਰ ਸਾਲ ₹50,000 ਤੇ ₹1 ਲੱਖ ਨਿਵੇਸ਼ ਕਰਨ ’ਤੇ 18 ਸਾਲਾਂ ’ਚ ਬੱਚੇ ਨੂੰ ਕਿੰਨਾ ਫੰਡ ਮਿਲ ਸਕਦਾ ਹੈ ਤੇ 60 ਸਾਲ ਦੀ ਉਮਰ ਤੱਕ ਇਹੀ PPF ਕਿਵੇਂ ਕਰੋੜਾਂ ਦਾ ਰਿਟਾਇਰਮੈਂਟ ਕਾਰਪਸ ਬਣ ਸਕਦਾ ਹੈ।
ਬੱਚੇ ਦੇ ਨਾਮ ’ਤੇ PPF ਖਾਤਾ ਕਿਵੇਂ ਖੋਲ੍ਹਿਆ ਜਾਂਦਾ ਹੈ?
ਬੱਚੇ ਲਈ PPF ਖਾਤਾ ਖੋਲ੍ਹਣ ਦੀ ਕੋਈ ਉਮਰ ਸੀਮਾ ਨਹੀਂ ਹੁੰਦੀ। ਨਵਜਾਤ ਬੱਚੇ ਤੋਂ ਲੈ ਕੇ ਕਿਸੇ ਵੀ ਉਮਰ ਦੇ ਬੱਚੇ ਦੇ ਨਾਮ ’ਤੇ ਉਸ ਦੇ ਮਾਤਾ-ਪਿਤਾ ਬੈਂਕ ਜਾਂ ਪੋਸਟ ਆਫਿਸ ’ਚ ਜਾ ਕੇ ਖਾਤਾ ਖੋਲ੍ਹ ਸਕਦੇ ਹਨ। ਹਾਲਾਂਕਿ, ਜਦੋਂ ਬੱਚਾ 18 ਸਾਲ ਦਾ ਹੋ ਕੇ ਬਾਲਿਗ ਹੋ ਜਾਂਦਾ ਹੈ, ਤਾਂ ਖਾਤਾ ਉਸ ਦੇ ਨਾਮ ’ਤੇ 'ਮੇਜਰ ਅਕਾਊਂਟ' ਵਜੋਂ ਟਰਾਂਸਫਰ ਹੋ ਜਾਂਦਾ ਹੈ। PPF ਖਾਤਾ 15 ਸਾਲਾਂ ’ਚ ਮੈਚਿਓਰ ਹੁੰਦਾ ਹੈ। ਇਸ ਤੋਂ ਬਾਅਦ ਇਸ ਨੂੰ 5-5 ਸਾਲਾਂ ਦੀ ਮਿਆਦ ਲਈ ਅੱਗੇ ਵਧਾਇਆ ਜਾ ਸਕਦਾ ਹੈ।
₹1 ਲੱਖ ਸਾਲਾਨਾ ਨਿਵੇਸ਼ ਦਾ ਕੈਲਕੁਲੇਸ਼ਨ
- ਸਾਲਾਨਾ ਨਿਵੇਸ਼: ₹1,00,000
- ਮਹੀਨਾਵਾਰ ਨਿਵੇਸ਼: ਲਗਭਗ ₹8,340
- 18 ਸਾਲਾਂ ’ਚ ਕੁੱਲ ਨਿਵੇਸ਼: ₹18,00,000
- 18 ਸਾਲਾਂ ’ਚ ਮਿਲਿਆ ਵਿਆਜ: ₹18,76,000
- 18 ਸਾਲਾਂ ਬਾਅਦ ਕੁੱਲ ਮੈਚਿਓਰਿਟੀ ਫੰਡ: ₹36.76 ਲੱਖ ਤੋਂ ਵੱਧ
60 ਸਾਲ ਦੀ ਉਮਰ ’ਤੇ ਕਾਰਪਸ : ਜੇਕਰ ਤੁਸੀਂ 50 ਸਾਲਾਂ ਤੱਕ ਇਹ ਨਿਵੇਸ਼ ਜਾਰੀ ਰੱਖਦੇ ਹੋ, ਤਾਂ ਤੁਹਾਡੀ ਕੁੱਲ ਜਮ੍ਹਾਂ ਰਕਮ ₹50 ਲੱਖ ਹੋਵੇਗੀ। ਇਸ ’ਤੇ ਲਗਭਗ ₹4 ਕਰੋੜ ਦਾ ਵਿਆਜ ਮਿਲ ਸਕਦਾ ਹੈ ਤੇ ਕੁੱਲ ਫੰਡ ਲਗਭਗ ₹4.50 ਕਰੋੜ ਹੋ ਸਕਦਾ ਹੈ।
₹50,000 ਸਾਲਾਨਾ ਨਿਵੇਸ਼ ਦਾ ਕੈਲਕੁਲੇਸ਼ਨ
- ਸਾਲਾਨਾ ਨਿਵੇਸ਼: ₹50,000
- ਮਹੀਨਾਵਾਰ ਨਿਵੇਸ਼: ਲਗਭਗ ₹4,200
- 18 ਸਾਲਾਂ ’ਚ ਕੁੱਲ ਨਿਵੇਸ਼: ₹9 ਲੱਖ
- 18 ਸਾਲਾਂ ’ਚ ਮਿਲਿਆ ਵਿਆਜ: ₹9.38 ਲੱਖ
- 18 ਸਾਲਾਂ ਬਾਅਦ ਮੈਚਿਓਰਿਟੀ ਫੰਡ: ₹18.38 ਲੱਖ ਤੋਂ ਵੱਧ
60 ਸਾਲ ਦੀ ਉਮਰ ’ਤੇ ਕਾਰਪਸ : 50 ਸਾਲਾਂ ਤੱਕ ਨਿਵੇਸ਼ ਜਾਰੀ ਰੱਖਣ ’ਤੇ 60 ਸਾਲ ਦੀ ਉਮਰ ’ਚ ₹2.25 ਕਰੋੜ ਦਾ ਵੱਡਾ ਫੰਡ ਤਿਆਰ ਹੋ ਸਕਦਾ ਹੈ।
ਜਲਦੀ ਨਿਵੇਸ਼ ਕਰਨ ਦਾ ਮਿਲਦਾ ਹੈ ਫਾਇਦਾ
ਮਾਹਿਰਾਂ ਦਾ ਮੰਨਣਾ ਹੈ ਕਿ ਜਿੰਨੀ ਜਲਦੀ ਨਿਵੇਸ਼ ਸ਼ੁਰੂ ਕੀਤਾ ਜਾਵੇ, ਉਨਾ ਹੀ ਵਧੀਆ ਫਾਇਦਾ ਮਿਲ ਸਕਦਾ ਹੈ। ਛੋਟੀ ਉਮਰ ਤੋਂ ਨਿਵੇਸ਼ ਕਰਨ ’ਤੇ ਕੰਪਾਊਂਡਿੰਗ ਦੀ ਤਾਕਤ ਦਾ ਲਾਭ ਮਿਲਦਾ ਹੈ।