- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
PB Fintech Share Crash: ਪਾਲਿਸੀਬਾਜ਼ਾਰ ਦਾ ਸ਼ੇਅਰ 26% ਟੁੱਟਿਆ, ਕੀ ਹੈ IRDAI ਦਾ ਪ੍ਰਸਤਾਵ ਜੋ ਕੰਪਨੀ ਲਈ ਬਣਿਆ ਮੁਸ਼ਕਲ?
ਪਾਲਿਸੀਬਾਜ਼ਾਰ (PB Fintech) ਦੇ ਸ਼ੇਅਰ 24 ਸਤੰਬਰ ਨੂੰ IRDAI ਵੱਲੋਂ ਬੀਮਾ ਵੰਡ ਨਿਯਮਾਂ ’ਚ ਬਦਲਾਅ ਦੇ ਪ੍ਰਸਤਾਵ ਕਾਰਨ 26 ਫ਼ੀਸਦੀ ਤੱਕ ਡਿੱਗ ਗਏ।
Posted By Paramjit Kaur
Publish Date: Thu, 24 Sep 2026 01:20 PM (IST)
Updated Date: Thu, 24 Sep 2026 01:22 PM (IST)
ਨਵੀਂ ਦਿੱਲੀ : 24 ਸਤੰਬਰ ਦਾ ਦਿਨ ਦੇਸ਼ ਦੀ ਦਿੱਗਜ ਇੰਸ਼ੋਰੈਂਸ ਐਗਰੀਗੇਟਰ ਕੰਪਨੀ ਪਾਲਿਸੀਬਾਜ਼ਾਰ ਲਈ ਕਾਫ਼ੀ ਮਾੜਾ ਰਿਹਾ। ਕੰਪਨੀ ਦੇ ਸ਼ੇਅਰ (PB Fintech Share) 26 ਫ਼ੀਸਦੀ ਤੱਕ ਡਿੱਗ ਗਏ। ਇਸ ਤੋਂ ਇਲਾਵਾ Turtlemint ਦੇ ਸ਼ੇਅਰਾਂ ’ਚ ਵੀ ਜ਼ਬਰਦਸਤ ਵਿਕਰੀ ਦੇਖਣ ਨੂੰ ਮਿਲੀ। ਇਸ ਦੀ ਵਜ੍ਹਾ ਇਹ ਹੈ ਕਿ ਬੀਮਾ ਨਿਯਾਮਕ IRDAI ਨੇ ਇੰਸ਼ੋਰੈਂਸ ਡਿਸਟ੍ਰੀਬਿਊਸ਼ਨ ਦੇ ਆਰਥਿਕ ਮਾਡਲ ’ਚ ਵੱਡੇ ਬਦਲਾਅ ਦਾ ਪ੍ਰਸਤਾਵ ਰੱਖਿਆ ਹੈ। Policybazaar ਦੀ ਪੇਰੈਂਟ ਕੰਪਨੀ PB Fintech ਦੇ ਸ਼ੇਅਰਾਂ ’ਚ 20 ਫ਼ੀਸਦੀ ਦਾ ਲੋਅਰ ਸਰਕਿਟ ਲੱਗਾ ਤੇ ਇਸ ਤੋਂ ਬਾਅਦ ਸ਼ੇਅਰ 26 ਫ਼ੀਸਦੀ ਤੱਕ ਡਿੱਗ ਗਏ। ਕੰਪਨੀ ਦੇ ਸ਼ੇਅਰ 1,395 ਰੁਪਏ ਦੇ ਆਸ-ਪਾਸ ਕਾਰੋਬਾਰ ਕਰ ਰਹੇ ਸਨ। ਇਹ ਤੇਜ਼ ਗਿਰਾਵਟ IRDAI ਦੇ ਉਸ ਕਨਸਲਟੇਸ਼ਨ ਪੇਪਰ ਤੋਂ ਬਾਅਦ ਆਈ, ਜਿਸ ਦਾ ਸਿਰਲੇਖ 'Recalibrating Economics of Insurance Distribution' ਹੈ।
ਕਿਉਂ ਆਈ ਵੱਡੀ ਗਿਰਾਵਟ?
ਦਰਅਸਲ, ਇੰਸ਼ੋਰੈਂਸ ਰੈਗੂਲੇਟਰ ਨੇ ਕਮਿਸ਼ਨ ਦੇ ਨਿਯਮਾਂ ’ਚ ਵੱਡੇ ਬਦਲਾਅ ਦਾ ਪ੍ਰਸਤਾਵ ਦਿੱਤਾ ਹੈ। ਇਸ ਤਹਿਤ ਭੁਗਤਾਨ ਦੀ ਹੱਦ ਤੈਅ ਕਰਨ, ਇਸ ਨੂੰ ਪ੍ਰੋਡਕਟ ਦੀ ਜਟਿਲਤਾ ਨਾਲ ਜੋੜਨ ਤੇ ਲਾਈਫ ਇੰਸ਼ੋਰੈਂਸ ਕੰਪਨੀਆਂ ਦੇ ਕਮਿਸ਼ਨ ਨੂੰ ਪਾਲਿਸੀ ਦੇ ਪਹਿਲੇ ਸਾਲ ਤੋਂ ਅੱਗੇ ਤੱਕ ਵੰਡਣ ਦੀ ਗੱਲ ਕਹੀ ਗਈ ਹੈ।
ਬ੍ਰੋਕਰੇਜ ਨੂੰ ਕਿਸ ਗੱਲ ਦਾ ਡਰ?
ਐੱਮਕੇ ਗਲੋਬਲ ਦਾ ਕਹਿਣਾ ਹੈ ਕਿ PB Fintech ਦਾ ਬਿਜ਼ਨਸ ਮਾਡਲ ਹੁਣ ਸਾਰਿਆਂ ਦੀ ਨਜ਼ਰ ’ਚ ਰਹੇਗਾ, ਕਿਉਂਕਿ ਕੰਪਨੀ ਨੂੰ ਹੈਲਥ ਰਿਨਿਊਅਲ ਤੇ ਪੋਰਟਿੰਗ ਕਮਿਸ਼ਨ, ਪਹਿਲੇ ਸਾਲ ਦੇ ਟਰਮ ਲਾਈਫ ਕਮਿਸ਼ਨ ਤੇ ਮੋਟਰ ਓਨ-ਡੈਮੇਜ ਤੇ ਥਰਡ-ਪਾਰਟੀ ਕਮਿਸ਼ਨ ’ਚ ਵੱਡੀ ਕਟੌਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। PB Fintech ਤੇ Turtlemint ਨੂੰ ਨਵੇਂ ਬਿਜ਼ਨਸ ਕਮਿਸ਼ਨ ’ਚ ਕਮੀ ਕਾਰਨ ਕਮਾਈ ਘਟਣ ਦਾ ਖ਼ਤਰਾ ਹੈ। ਜੈਫਰੀਜ਼ ਦਾ ਕਹਿਣਾ ਹੈ ਕਿ ਜੇਕਰ ਕਮਿਸ਼ਨ ਦਰਾਂ ’ਚ 10 ਫ਼ੀਸਦੀ ਦੀ ਕਟੌਤੀ ਹੁੰਦੀ ਹੈ ਤਾਂ PB Fintech ਤੇ Turtlemint ਦੀ ਕਮਾਈ ’ਚ 10-12 ਫ਼ੀਸਦੀ ਦੀ ਗਿਰਾਵਟ ਆ ਸਕਦੀ ਹੈ।
ਕੀ ਹੈ IRDAI ਦਾ ਸੁਝਾਅ?
ਇਸ ਪੇਪਰ ’ਚ ਕਮਿਸ਼ਨ ਦੇ ਪੱਧਰ ਨੂੰ ਪ੍ਰੋਡਕਟ ਦੀ ਜਟਿਲਤਾ ਤੇ ਉਸ ਨੂੰ ਵੇਚਣ ’ਚ ਲੱਗਣ ਵਾਲੀ ਮਿਹਨਤ ਨਾਲ ਜੋੜਨ ਦਾ ਸੁਝਾਅ ਦਿੱਤਾ ਗਿਆ ਹੈ। ਇਸ ’ਚ 'ਓਪਨ ਆਰਕੀਟੈਕਚਰ' (ਜਿਵੇਂ ਬ੍ਰੋਕਰ ਤੇ ਬੈਂਕ) ਰਾਹੀਂ ਵੇਚੇ ਜਾਣ ਵਾਲੇ ਪ੍ਰੋਡਕਟ ਲਈ ਘੱਟ ਕਮਿਸ਼ਨ ਦਾ ਸੁਝਾਅ ਦਿੱਤਾ ਗਿਆ ਹੈ। ਇਹ ਹੈਲਥ, ਮੋਟਰ ਤੇ ਲਾਈਫ ਇੰਸ਼ੋਰੈਂਸ ਦੀ ਵਿਕਰੀ ਦੇ ਵੱਡੇ ਚੈਨਲ ਹਨ।
- ਥਰਡ-ਪਾਰਟੀ ਮੋਟਰ ਪਾਲਿਸੀ ਵਰਗੇ ਲਾਜ਼ਮੀ ਬੀਮੇ ’ਤੇ ਬਹੁਤ ਘੱਟ ਜਾਂ ਕੋਈ ਕਮਿਸ਼ਨ ਨਹੀਂ ਮਿਲੇਗਾ।
- ਲੋਨ ਦੇ ਨਾਲ ਇੰਸ਼ੋਰੈਂਸ ਵੇਚਣ ਵਾਲੇ ਬੈਂਕਾਂ ਤੇ ਲੈਂਡਰਾਂ ਲਈ ਕਮਿਸ਼ਨ ਨੂੰ ਪ੍ਰੋਡਕਟ ਦੇ ਆਧਾਰ ’ਤੇ 2 ਫ਼ੀਸਦੀ ਤੋਂ 5 ਫ਼ੀਸਦੀ ਤੱਕ ਸੀਮਤ ਕਰਨ ਦਾ ਪ੍ਰਸਤਾਵ ਹੈ।
- ਕ੍ਰੈਡਿਟ ਦੇ ਨਾਲ ਇੰਸ਼ੋਰੈਂਸ ਨੂੰ ਲਾਜ਼ਮੀ ਤੌਰ ’ਤੇ ਜੋੜਨ ’ਤੇ ਰੋਕ ਲਗਾਈ ਜਾਵੇਗੀ।