- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਵਿਟਜ਼ਰਲੈਂਡ 'ਚ ਸਭ ਤੋਂ ਮਹਿੰਗੇ ਘਰ ਦੀ ਮਾਲਕੀ: ਮੁਕੇਸ਼ ਅੰਬਾਨੀ ਨਹੀਂ, ਇਸ ਭਾਰਤੀ ਅਰਬਪਤੀ ਕੋਲ ਹੈ 1650 ਕਰੋੜ ਦਾ ਵਿਲਾ
ਭਾਰਤ 'ਚ ਜਦੋਂ ਸਭ ਤੋਂ ਮਹਿੰਗੇ ਘਰਾਂ ਦੀ ਚਰਚਾ ਹੁੰਦੀ ਹੈ ਤਾਂ ਸਭ ਤੋਂ ਪਹਿਲਾਂ ਮੁਕੇਸ਼ ਅੰਬਾਨੀ ਦੇ 'ਐਂਟੀਲੀਆ' ਦਾ ਨਾਂ ਸਾਹਮਣੇ ਆਉਂਦਾ ਹੈ, ਜਿਸ ਦੀ ਅਨੁਮਾਨਿਤ ਕੀਮਤ ਕਰੀਬ 15,000 ਕਰੋੜ ਰੁਪਏ ਦੱਸੀ ਜਾਂਦੀ ਹੈ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਵਿਦੇਸ਼ 'ਚ ਕਿਸੇ ਭਾਰਤੀ ਕੋਲ ਸਭ ਤੋਂ ਮਹਿੰਗਾ ਘਰ ਕਿਸ ਦਾ ਹੈ? ਇਸ ਮਾਮਲੇ 'ਚ ਪੰਕਜ ਅਤੇ ਰਾਧਿਕਾ ਓਸਵਾਲ ਦਾ ਨਾਂ ਸਭ ਤੋਂ ਉੱਪਰ ਆਉਂਦਾ ਹੈ। ਸਵਿਟਜ਼ਰਲੈਂਡ ਵਿੱਚ ਉਨ੍ਹਾਂ ਦਾ ਸ਼ਾਨਦਾਰ ਵਿਲਾ ਨਾ ਸਿਰਫ਼ ਆਪਣੀ ਸ਼ਾਨ ਲਈ, ਸਗੋਂ ਆਪਣੀ ਸਥਿਤੀ ਅਤੇ ਆਲੀਸ਼ਾਨ ਸਹੂਲਤਾਂ ਲਈ ਵੀ ਵਿਸ਼ਵਵਿਆਪੀ ਚਰਚਾ ਦਾ ਵਿਸ਼ਾ ਹੈ।
Posted By Sunita
Publish Date: Sun, 26 Jul 2026 01:06 PM (IST)
Updated Date: Sun, 26 Jul 2026 01:08 PM (IST)
ਨਵੀਂ ਦਿੱਲੀ - ਭਾਰਤ 'ਚ ਜਦੋਂ ਸਭ ਤੋਂ ਮਹਿੰਗੇ ਘਰਾਂ ਦੀ ਚਰਚਾ ਹੁੰਦੀ ਹੈ ਤਾਂ ਸਭ ਤੋਂ ਪਹਿਲਾਂ ਮੁਕੇਸ਼ ਅੰਬਾਨੀ ਦੇ 'ਐਂਟੀਲੀਆ' ਦਾ ਨਾਂ ਸਾਹਮਣੇ ਆਉਂਦਾ ਹੈ, ਜਿਸ ਦੀ ਅਨੁਮਾਨਿਤ ਕੀਮਤ ਕਰੀਬ 15,000 ਕਰੋੜ ਰੁਪਏ ਦੱਸੀ ਜਾਂਦੀ ਹੈ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਵਿਦੇਸ਼ 'ਚ ਕਿਸੇ ਭਾਰਤੀ ਕੋਲ ਸਭ ਤੋਂ ਮਹਿੰਗਾ ਘਰ ਕਿਸ ਦਾ ਹੈ? ਇਸ ਮਾਮਲੇ 'ਚ ਪੰਕਜ ਅਤੇ ਰਾਧਿਕਾ ਓਸਵਾਲ ਦਾ ਨਾਂ ਸਭ ਤੋਂ ਉੱਪਰ ਆਉਂਦਾ ਹੈ। ਸਵਿਟਜ਼ਰਲੈਂਡ ਵਿੱਚ ਉਨ੍ਹਾਂ ਦਾ ਸ਼ਾਨਦਾਰ ਵਿਲਾ ਨਾ ਸਿਰਫ਼ ਆਪਣੀ ਸ਼ਾਨ ਲਈ, ਸਗੋਂ ਆਪਣੀ ਸਥਿਤੀ ਅਤੇ ਆਲੀਸ਼ਾਨ ਸਹੂਲਤਾਂ ਲਈ ਵੀ ਵਿਸ਼ਵਵਿਆਪੀ ਚਰਚਾ ਦਾ ਵਿਸ਼ਾ ਹੈ।
1,650 ਕਰੋੜ ਰੁਪਏ ਦਾ ਆਲ਼ੀਸ਼ਾਨ ਵਿਲਾ
ਪੰਕਜ ਅਤੇ ਰਾਧਿਕਾ ਓਸਵਾਲ ਦਾ ਇਹ ਸ਼ਾਨਦਾਰ ਘਰ ਸਵਿਟਜ਼ਰਲੈਂਡ ਦੇ ਗਿੰਗਿੰਸ ਪਿੰਡ 'ਚ ਸਥਿਤ ਹੈ। ‘ਵਿਲਾ ਵਾਰੀ’ ਵਜੋਂ ਮਸ਼ਹੂਰ ਇਸ ਪ੍ਰਾਪਰਟੀ ਦੀ ਅਨੁਮਾਨਿਤ ਕੀਮਤ ਲਗਭਗ 200 ਮਿਲੀਅਨ ਡਾਲਰ ਯਾਨੀ ਕਰੀਬ 1,650 ਕਰੋੜ ਰੁਪਏ ਮੰਨੀ ਜਾਂਦੀ ਹੈ। ਕਰੀਬ 40,000 ਵਰਗ ਮੀਟਰ 'ਚ ਫੈਲਿਆ ਇਹ ਵਿਸ਼ਾਲ ਵਿਲਾ ਆਪਣੇ ਸ਼ਾਨਦਾਰ ਨਿਰਮਾਣ ਅਤੇ ਕੁਦਰਤੀ ਵਾਤਾਵਰਣ ਕਾਰਨ ਬਹੁਤ ਖ਼ਾਸ ਮੰਨਿਆ ਜਾਂਦਾ ਹੈ।
ਪਹਿਲਾਂ ਕੌਣ ਸੀ ਮਾਲਕ?
ਪਹਿਲਾਂ ਇਸ ਘਰ ਦੀ ਮਾਲਕਣ ਕ੍ਰਿਸਟੀਨਾ ਓਨਾਸਿਸ ਸੀ। ਉਹ ਗ੍ਰੀਕ ਸ਼ਿਪਿੰਗ ਉਦਯੋਗ ਦੇ ਦਿੱਗਜ ਅਰਸਤੂ ਓਨਾਸਿਸ ਦੀ ਧੀ ਹੈ। ਇਸ ਇਤਿਹਾਸਕ ਜਾਇਦਾਦ ਦੀ ਇੱਕ ਹੋਰ ਖ਼ਾਸੀਅਤ ਇਸ ਦੀ ਲੋਕੇਸ਼ਨ ਹੈ, ਜਿੱਥੋਂ ਆਲਪਸ ਪਰਬਤਮਾਲਾ ਦੀ ਬਰਫ਼ ਨਾਲ ਢੱਕੀਆਂ ਚੋਟੀਆਂ ਦਾ ਬਹੁਤ ਖ਼ੂਬਸੂਰਤ ਨਜ਼ਾਰਾ ਦਿਖਾਈ ਦਿੰਦਾ ਹੈ।
ਲਗਜ਼ਰੀ ਸੁਵਿਧਾਵਾਂ ਨਾਲ ਸੱਜਿਆ ਹੈ ਪੂਰਾ ਵਿਲਾ
ਵਿਲਾ ਵਾਰੀ ਨੂੰ ਪ੍ਰਸਿੱਧ ਡਿਜ਼ਾਈਨਰ ਜੈਫਰੀ ਵਿਲਕਸ ਨੇ ਡਿਜ਼ਾਈਨ ਕੀਤਾ ਹੈ। ਉਨ੍ਹਾਂ ਨੇ ਭਾਰਤ ਦੇ ਲੀਲਾ ਹੋਟਲਜ਼ ਅਤੇ ਓਬਰਾਏ ਉਦੈਵਿਲਾਸ ਵਰਗੇ ਵੱਕਾਰੀ ਪ੍ਰੋਜੈਕਟਾਂ 'ਤੇ ਵੀ ਕੰਮ ਕੀਤਾ है। ਇਸ ਵਿਲਾ 'ਚ ਆਧੁਨਿਕ ਸੁਵਿਧਾਵਾਂ ਦਾ ਵਧੀਆ ਸੁਮੇਲ ਦੇਖਣ ਨੂੰ ਮਿਲਦਾ ਹੈ।
ਇੱਥੇ ਪ੍ਰਾਈਵੇਟ ਜਿੰਮ, ਸੋਨੇ ਨਾਲ ਸੱਜਿਆ ਸਪਾ ਅਤੇ ਵੈਲਨੈੱਸ ਵਿੰਗ ਮੌਜੂਦ ਹੈ। ਇਸ ਤੋਂ ਇਲਾਵਾ ਵੱਡੀਆਂ-ਵੱਡੀਆਂ ਫਰਾਂਸੀਸੀ ਖਿੜਕੀਆਂ ਬਾਗ਼ਾਂ ਅਤੇ ਬਰਫ਼ ਨਾਲ ਢੱਕੇ ਪਹਾੜਾਂ ਦਾ ਮਨਮੋਹਕ ਨਜ਼ਾਰਾ ਪੇਸ਼ ਕਰਦੀਆਂ ਹਨ, ਜਿਸ ਨਾਲ ਇਹ ਜਾਇਦਾਦ ਹੋਰ ਵੀ ਆਕਰਸ਼ਕ ਬਣ ਜਾਂਦੀ ਹੈ।
ਪੰਕਜ ਓਸਵਾਲ ਕੌਣ ਹੈ?
ਪੰਕਜ ਓਸਵਾਲ ਆਸਟ੍ਰੇਲੀਆ ਦੀ ਬਰੱਪ ਹੋਲਡਿੰਗਜ਼ ਦੇ ਸੰਸਥਾਪਕ ਹਨ। ਉਹ ਓਸਵਾਲ ਐਗਰੋ ਮਿਲਜ਼ ਅਤੇ ਓਸਵਾਲ ਗ੍ਰੀਨਟੈਕ ਦੇ ਸੰਸਥਾਪਕ ਅਭੈ ਕੁਮਾਰ ਓਸਵਾਲ ਦੇ ਪੁੱਤਰ ਹਨ। ਵਰਤਮਾਨ 'ਚ ਇਨ੍ਹਾਂ ਕੰਪਨੀਆਂ ਦਾ ਸੰਚਾਲਨ ਉਨ੍ਹਾਂ ਦੇ ਭਰਾ ਸ਼ੈਲ ਓਸਵਾਲ ਸੰਭਾਲਦੇ ਹਨ।
ਪੰਕਜ ਦਾ ਬਚਪਨ ਅਤੇ ਮੁੱਢਲੀ ਸਿੱਖਿਆ ਭਾਰਤ 'ਚ ਹੋਈ। ਉਨ੍ਹਾਂ ਨੇ ਅਜਮੇਰ ਦੇ ਮੇਓ ਕਾਲਜ ਅਤੇ ਮਣੀਪਾਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਤੋਂ ਪੜ੍ਹਾਈ ਪੂਰੀ ਕੀਤੀ। ਗ੍ਰੈਜੂਏਸ਼ਨ ਤੋਂ ਬਾਅਦ ਉਨ੍ਹਾਂ ਨੇ ਆਪਣੇ ਪਿਤਾ ਦੇ ਵੱਖ-ਵੱਖ ਕਾਰੋਬਾਰੀ ਉੱਦਮਾਂ 'ਚ ਕੰਮ ਕਰਦਿਆਂ ਕਾਰੋਬਾਰ ਦਾ ਤਜਰਬਾ ਹਾਸਲ ਕੀਤਾ।
ਕੁਦਰਤੀ ਖ਼ੂਬਸੂਰਤੀ, ਇਤਿਹਾਸਕ ਮਹੱਤਤਾ ਅਤੇ ਵਿਸ਼ਵ ਪੱਧਰੀ ਸੁਵਿਧਾਵਾਂ ਨਾਲ ਲੈਸ ‘ਵਿਲਾ ਵਾਰੀ’ ਵਿਦੇਸ਼ 'ਚ ਕਿਸੇ ਭਾਰਤੀ ਦੀ ਮਲਕੀਅਤ ਵਾਲੀਆਂ ਸਭ ਤੋਂ ਮਹਿੰਗੀਆਂ ਰਿਹਾਇਸ਼ੀ ਜਾਇਦਾਦਾਂ 'ਚ ਗਿਣਿਆ ਜਾਂਦਾ ਹੈ।