- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਹੁਣ 5-8 ਰੁਪਏ ਸਸਤੀ ਹੋਵੇਗੀ ਖੰਡ? ਇਸ ਦਿਨ ਤੋਂ ਤੁਹਾਨੂੰ ਮਿਲੇਗੀ ਰਾਹਤ! ISMA ਤੇ NFCSF ਨੇ ਦੱਸਿਆ ਸਭ ਕੁਝ
ਚੀਨੀ ਦੀਆਂ ਕੀਮਤਾਂ 'ਚ ਲਗਾਤਾਰ ਹੋ ਰਹੇ ਵਾਧੇ ਕਾਰਨ ਆਮ ਖਪਤਕਾਰ ਦੀ ਇਹੀ ਚਿੰਤਾ ਹੈ ਕਿ ਆਖ਼ਿਰ ਰਿਟੇਲ ਕੀਮਤਾਂ 'ਚ ਕਮੀ ਕਦੋਂ ਆਵੇਗੀ? 2 ਸਤੰਬਰ ਨੂੰ ਦਿੱਲੀ 'ਚ Indian Sugar & Bio-Energy Manufacturers Association (ISMA) ਅਤੇ National Federation of Cooperative Sugar Factories (NFCSF) ਨੇ ਸਾਂਝੀ ਪ੍ਰੈੱਸ ਕਾਨਫਰੰਸ ਕੀਤੀ। ਇਸ ਦੌਰਾਨ ਚੀਨੀ ਦੀ ਸਪਲਾਈ ਅਤੇ ਰਿਟੇਲ ਕੀਮਤਾਂ 'ਚ ਕਮੀ ਨਾਲ ਜੁੜੇ ਕਈ ਸਵਾਲਾਂ ਦੇ ਜਵਾਬ ਦਿੱਤੇ ਗਏ।
Posted By Sunita
Publish Date: Thu, 03 Sep 2026 12:45 PM (IST)
Updated Date: Thu, 03 Sep 2026 12:46 PM (IST)
ਬਿਜ਼ਨੈਸ ਡੈਸਕ, ਨਵੀਂ ਦਿੱਲੀ - ਚੀਨੀ ਦੀਆਂ ਕੀਮਤਾਂ 'ਚ ਲਗਾਤਾਰ ਹੋ ਰਹੇ ਵਾਧੇ ਕਾਰਨ ਆਮ ਖਪਤਕਾਰ ਦੀ ਇਹੀ ਚਿੰਤਾ ਹੈ ਕਿ ਆਖ਼ਿਰ ਰਿਟੇਲ ਕੀਮਤਾਂ 'ਚ ਕਮੀ ਕਦੋਂ ਆਵੇਗੀ? 2 ਸਤੰਬਰ ਨੂੰ ਦਿੱਲੀ 'ਚ Indian Sugar & Bio-Energy Manufacturers Association (ISMA) ਅਤੇ National Federation of Cooperative Sugar Factories (NFCSF) ਨੇ ਸਾਂਝੀ ਪ੍ਰੈੱਸ ਕਾਨਫਰੰਸ ਕੀਤੀ। ਇਸ ਦੌਰਾਨ ਚੀਨੀ ਦੀ ਸਪਲਾਈ ਅਤੇ ਰਿਟੇਲ ਕੀਮਤਾਂ 'ਚ ਕਮੀ ਨਾਲ ਜੁੜੇ ਕਈ ਸਵਾਲਾਂ ਦੇ ਜਵਾਬ ਦਿੱਤੇ ਗਏ।
ਮਿੱਲ ਅਤੇ ਰਿਟੇਲ ਕੀਮਤ 'ਚ ਕਿੰਨਾ ਫਰਕ?
ਇੰਡਸਟਰੀ ਦਾ ਕਹਿਣਾ ਹੈ ਕਿ ਚੀਨੀ ਦੀਆਂ ਕੀਮਤਾਂ ਹਾਲ ਹੀ ਦੇ ਉੱਚ ਪੱਧਰ ਤੋਂ ਹੇਠਾਂ ਆ ਚੁੱਕੀਆਂ ਹਨ। ਐਸੋਸੀਏਸ਼ਨਾਂ ਵੱਲੋਂ ਦੱਸਿਆ ਗਿਆ ਕਿ ਮੌਜੂਦਾ ਐਕਸ-ਮਿੱਲ ਕੀਮਤਾਂ 'ਚ ਮਹਾਰਾਸ਼ਟਰ S-ਗ੍ਰੇਡ ਦੀ ਕੀਮਤ ₹4,460-₹4,500 ਪ੍ਰਤੀ ਕੁਇੰਟਲ, ਗੁਜਰਾਤ M-ਗ੍ਰੇਡ ਦੀ ਕੀਮਤ ₹4,740 ਅਤੇ ਕਰਨਾਟਕ ਦੀ ਕੀਮਤ ₹4,960 ਪ੍ਰਤੀ ਕੁਇੰਟਲ ਹੈ।
ਕਰਨਾਟਕ ਉਨ੍ਹਾਂ ਬਾਜ਼ਾਰਾਂ 'ਚੋਂ ਇੱਕ ਸੀ ਜਿੱਥੇ ਪਹਿਲਾਂ ਕੀਮਤਾਂ ਜ਼ਿਆਦਾ ਸਨ। NFCSF ਦੇ ਪ੍ਰਧਾਨ ਹਰਸ਼ਵਰਧਨ ਪਾਟਿਲ ਨੇ ਕਿਹਾ ਕਿ ਦੇਸ਼ ਭਰ 'ਚ ਮਿੱਲ ਤੋਂ ਬਾਹਰ ਦੀਆਂ ਕੀਮਤਾਂ ਹੁਣ ₹5,000 ਪ੍ਰਤੀ ਕੁਇੰਟਲ ਤੋਂ ਹੇਠਾਂ ਆ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਹਾਲਾਂਕਿ ਰਿਟੇਲ ਕੀਮਤਾਂ 'ਚ ਅਜੇ ਤੱਕ ਇਸ ਸੁਧਾਰ ਦਾ ਪੂਰਾ ਅਸਰ ਦਿਖਾਈ ਨਹੀਂ ਦਿੱਤਾ ਹੈ ਅਤੇ ਕੁਝ ਬਾਜ਼ਾਰਾਂ 'ਚ ਇਹ ਕੀਮਤਾਂ ਫਿਲਹਾਲ ਲਗਭਗ ₹63 ਪ੍ਰਤੀ ਕਿਲੋ ਹਨ।
ਰਿਟੇਲ ਕੀਮਤਾਂ 'ਚ ਕਦੋਂ ਆਵੇਗੀ ਗਿਰਾਵਟ?
ਮਿੱਲਾਂ 'ਚ ਕੀਮਤਾਂ ਘਟਣ ਤੋਂ ਬਾਅਦ ਹੁਣ ਆਮ ਖਪਤਕਾਰ ਆਪਣੀ ਵਾਰੀ ਦੀ ਉਡੀਕ ਕਰ ਰਿਹਾ ਹੈ। ਉਦਯੋਗ ਜਗਤ ਦਾ ਅਨੁਮਾਨ ਹੈ ਕਿ ਮਿੱਲ ਤੋਂ ਪ੍ਰਾਪਤ ਕੀਮਤ ਅਤੇ ਰਿਟੇਲ ਕੀਮਤ ਵਿਚਕਾਰ ਆਮ ਤੌਰ 'ਤੇ ਲਗਭਗ ₹5-8 ਪ੍ਰਤੀ ਕਿਲੋ ਦਾ ਫਰਕ ਹੋਣਾ ਚਾਹੀਦਾ ਹੈ। ਹਰਸ਼ਵਰਧਨ ਪਾਟਿਲ ਨੇ ਕਿਹਾ ਕਿ ਇਸ ਆਧਾਰ 'ਤੇ ਰਿਟੇਲ ਕੀਮਤਾਂ ₹50-₹52 ਪ੍ਰਤੀ ਕਿਲੋ ਤੱਕ ਆਉਣੀਆਂ ਚਾਹੀਦੀਆਂ ਹਨ।
ISMA ਦੇ MD ਦੀਪਕ ਬੱਲਾਨੀ ਨੇ ਕਿਹਾ ਕਿ ਮਿੱਲ ਤੋਂ ਪ੍ਰਾਪਤ ਕੀਮਤਾਂ 'ਚ ਆਈ ਗਿਰਾਵਟ ਹੌਲੀ-ਹੌਲੀ ਸਪਲਾਈ ਚੇਨ 'ਚ ਵੀ ਦਿਖਾਈ ਦੇਵੇਗੀ ਅਤੇ ਖਪਤਕਾਰਾਂ ਨੂੰ ਰਾਹਤ ਮਿਲੇਗੀ। ਉਨ੍ਹਾਂ ਭਰੋਸਾ ਜਤਾਇਆ ਕਿ ਅਗਲੇ 7-10 ਦਿਨਾਂ ਦੇ ਅੰਦਰ ਬਾਜ਼ਾਰ 'ਚ ਕਾਫ਼ੀ ਸੁਧਾਰ ਦੇਖਣ ਨੂੰ ਮਿਲ ਸਕਦਾ ਹੈ।
ਮਿੱਲਾਂ 'ਚ ਕੀਮਤਾਂ ਘਟਣ ਤੋਂ ਬਾਅਦ ਖਪਤਕਾਰਾਂ ਨੂੰ ਰਾਹਤ ਕਿਉਂ ਨਹੀਂ?
ਦੇਸ਼ ਭਰ 'ਚ ਮਿੱਲਾਂ ਦੀਆਂ ਥੋਕ ਕੀਮਤਾਂ 'ਚ ਲਗਾਤਾਰ ਗਿਰਾਵਟ ਆਈ ਹੈ, ਪਰ ਜਿਹੜੇ ਥੋਕ ਵਪਾਰੀਆਂ ਨੇ ਸ਼ੁਰੂ 'ਚ ਉੱਚੀਆਂ ਕੀਮਤਾਂ 'ਤੇ ਚੀਨੀ ਖਰੀਦ ਕੇ ਸਟਾਕ ਕਰ ਲਈ ਸੀ, ਉਹ ਇਸਨੂੰ ਖੁੱਲ੍ਹੇ ਬਾਜ਼ਾਰ 'ਚ ਸਸਤੇ ਭਾਅ 'ਤੇ ਵੇਚਣਾ ਨਹੀਂ ਚਾਹੁੰਦੇ। ਥੋਕ ਵਪਾਰੀਆਂ ਦਾ ਮੌਜੂਦਾ ਸਟਾਕ ਖਤਮ ਹੋਣ ਤੋਂ ਬਾਅਦ ਰਿਟੇਲ ਬਾਜ਼ਾਰ 'ਚ ਵੀ ਨਵੀਆਂ ਅਤੇ ਘੱਟ ਕੀਮਤਾਂ ਦੇਖਣ ਨੂੰ ਮਿਲਣਗੀਆਂ। ISMA ਨੇ ਕਿਹਾ ਹੈ ਕਿ ਆਉਣ ਵਾਲੇ ਹਫ਼ਤੇ 'ਚ ਫੁਟਕਰ ਬਾਜ਼ਾਰਾਂ 'ਚ ਵੀ ਚੀਨੀ ਦੀਆਂ ਕੀਮਤਾਂ 'ਚ ਕਾਫ਼ੀ ਫਰਕ ਦੇਖਣ ਨੂੰ ਮਿਲ ਸਕਦਾ ਹੈ।