New Income Tax Rules 2026 : 6 ਦਿਨ ਹੋਰ... ਬਦਲ ਜਾਣਗੇ ਟੈਕਸ ਨਾਲ ਜੁੜੇ ਕਈ ਨਿਯਮ, ਤੁਹਾਡੀ ਜੇਬ 'ਤੇ ਪਵੇਗਾ ਸਿੱਧਾ ਅਸਰ
ਵਿਦੇਸ਼ੀ ਪੜ੍ਹਾਈ ਤੇ ਇਲਾਜ: 10 ਲੱਖ ਤੋਂ ਵੱਧ ਦੀ ਰਕਮ 'ਤੇ TCS 5% ਤੋਂ ਘਟਾ ਕੇ 2% ਕਰ ਦਿੱਤਾ ਗਿਆ ਹੈ। ਵਿਦੇਸ਼ੀ ਟੂਰ ਪੈਕੇਜ: ਇਸ 'ਤੇ ਵੀ TCS ਹੁਣ ਸਿਰਫ਼ 2% ਲੱਗੇਗਾ। TAN ਦਾ ਖਾਤਮਾ: ਗੈਰ-ਨਿਵਾਸੀਆਂ (Non-residents) ਲਈ ਹੁਣ TAN ਦੀ ਲੋੜ ਨਹੀਂ ਹੋਵੇਗੀ, ਉਹ ਪੈਨ (PAN) ਲਿੰਕਡ ਚਾਲਾਨ ਰਾਹੀਂ ਟੈਕਸ ਜਮ੍ਹਾਂ ਕਰਵਾ ਸਕਣਗੇ।
Posted By alisha
Publish Date: Tue, 24 Mar 2026 03:57 PM (IST)
Updated Date: Tue, 24 Mar 2026 04:02 PM (IST)
ਨਵੀਂ ਦਿੱਲੀ : ਕੇਂਦਰ ਸਰਕਾਰ ਵੱਲੋਂ ਜਾਰੀ ਨਵੀਂ ਨੋਟੀਫਿਕੇਸ਼ਨ ਅਨੁਸਾਰ 1 ਅਪ੍ਰੈਲ 2026 ਤੋਂ ਨਵਾਂ ਇਨਕਮ ਟੈਕਸ ਐਕਟ ਲਾਗੂ ਹੋਵੇਗਾ। ਇਸ ਦਾ ਮੁੱਖ ਉਦੇਸ਼ ਟੈਕਸ ਪ੍ਰਣਾਲੀ ਨੂੰ ਸਰਲ ਅਤੇ ਸੁਵਿਧਾਜਨਕ ਬਣਾਉਣਾ ਹੈ।
1. ITR ਭਰਨ ਦੀ ਆਖਰੀ ਤਰੀਕ 'ਚ ਬਦਲਾਅ
ITR-3 ਅਤੇ ITR-4: ਨਾਨ-ਆਡਿਟ ਟੈਕਸਪੇਅਰਜ਼ ਹੁਣ 31 ਅਗਸਤ ਤੱਕ ਰਿਟਰਨ ਫਾਈਲ ਕਰ ਸਕਣਗੇ।
ITR-1 ਅਤੇ ITR-2: ਇਨ੍ਹਾਂ ਲਈ ਆਖਰੀ ਤਰੀਕ 31 ਜੁਲਾਈ ਹੀ ਰਹੇਗੀ।
Revised Return: ਸੋਧੀ ਹੋਈ ਰਿਟਰਨ (Revised Return) ਭਰਨ ਦੀ ਆਖਰੀ ਤਰੀਕ 31 ਮਾਰਚ ਹੋਵੇਗੀ ਪਰ ਬਿਨਾਂ ਕਿਸੇ ਚਾਰਜ ਦੇ ਇਹ ਸਿਰਫ਼ 31 ਦਸੰਬਰ ਤੱਕ ਹੀ ਭਰੀ ਜਾ ਸਕੇਗੀ।
2. 'Assessment Year' ਦੀ ਛੁੱਟੀ
ਹੁਣ ਟੈਕਸਪੇਅਰਜ਼ ਨੂੰ 'Assessment Year' (ਮੁਲਾਂਕਣ ਸਾਲ) ਦੀ ਬਜਾਏ ਸਿੱਧਾ 'Tax Year' (ਟੈਕਸ ਸਾਲ) ਲਿਖਿਆ ਦਿਖਾਈ ਦੇਵੇਗਾ ਤਾਂ ਜੋ ਆਮ ਲੋਕਾਂ ਲਈ ਇਸ ਨੂੰ ਸਮਝਣਾ ਸੌਖਾ ਹੋਵੇ।
3. TCS ਤੇ TDS 'ਚ ਬਦਲਾਅ
ਵਿਦੇਸ਼ੀ ਪੜ੍ਹਾਈ ਤੇ ਇਲਾਜ: 10 ਲੱਖ ਤੋਂ ਵੱਧ ਦੀ ਰਕਮ 'ਤੇ TCS 5% ਤੋਂ ਘਟਾ ਕੇ 2% ਕਰ ਦਿੱਤਾ ਗਿਆ ਹੈ।
ਵਿਦੇਸ਼ੀ ਟੂਰ ਪੈਕੇਜ: ਇਸ 'ਤੇ ਵੀ TCS ਹੁਣ ਸਿਰਫ਼ 2% ਲੱਗੇਗਾ।
TAN ਦਾ ਖਾਤਮਾ: ਗੈਰ-ਨਿਵਾਸੀਆਂ (Non-residents) ਲਈ ਹੁਣ TAN ਦੀ ਲੋੜ ਨਹੀਂ ਹੋਵੇਗੀ, ਉਹ ਪੈਨ (PAN) ਲਿੰਕਡ ਚਾਲਾਨ ਰਾਹੀਂ ਟੈਕਸ ਜਮ੍ਹਾਂ ਕਰਵਾ ਸਕਣਗੇ।
TDS ਤੋਂ ਛੋਟ: ਮੋਟਰ ਐਕਸੀਡੈਂਟ ਕਲੇਮ ਦੇ ਵਿਆਜ ਅਤੇ ਦਫ਼ਤਰ ਆਉਣ-ਜਾਣ ਲਈ ਮਿਲਣ ਵਾਲੇ ਰੀਇੰਬਰਸਮੈਂਟ (Reimbursement) 'ਤੇ ਹੁਣ ਕੋਈ TDS ਨਹੀਂ ਕੱਟਿਆ ਜਾਵੇਗਾ।
4. ਪੈਨ (PAN) ਕਾਰਡ ਹੁਣ ਇਨ੍ਹਾਂ ਲਈ ਲਾਜ਼ਮੀ
ਸਾਲਾਨਾ 10 ਲੱਖ ਰੁਪਏ ਤੋਂ ਵੱਧ ਦਾ ਲੈਣ-ਦੇਣ ਕਰਨ 'ਤੇ।
5 ਲੱਖ ਰੁਪਏ ਤੋਂ ਮਹਿੰਗੀ ਗੱਡੀ ਖਰੀਦਣ 'ਤੇ।
20 ਲੱਖ ਰੁਪਏ ਤੋਂ ਵੱਧ ਦੀ ਜਾਇਦਾਦ ਦੇ ਸੌਦੇ 'ਤੇ।
ਮਹਿੰਗੇ ਹੋਟਲ ਬੁੱਕ ਕਰਨ 'ਤੇ ਵੀ ਪੈਨ ਦੇਣਾ ਪਵੇਗਾ।
5. ਸ਼ੇਅਰ ਬਾਜ਼ਾਰ ਤੇ ਨਿਵੇਸ਼ 'ਤੇ ਅਸਰ
STT ਵਿੱਚ ਵਾਧਾ: ਫਿਊਚਰ ਟ੍ਰੇਡਿੰਗ 'ਤੇ STT 0.02% ਤੋਂ ਵਧ ਕੇ 0.05% ਅਤੇ ਆਪਸ਼ਨ ਪ੍ਰੀਮੀਅਮ 'ਤੇ 0.10% ਤੋਂ ਵਧ ਕੇ 0.15% ਹੋ ਜਾਵੇਗਾ।
Buyback: ਸ਼ੇਅਰ ਬਾਏਬੈਕ ਹੁਣ ਮਹਿੰਗਾ ਹੋਵੇਗਾ। ਸ਼ੇਅਰ ਹੋਲਡਰਾਂ ਨੂੰ ਹੋਣ ਵਾਲੇ ਮੁਨਾਫ਼ੇ 'ਤੇ ਟੈਕਸ ਸਲੈਬ ਅਨੁਸਾਰ ਟੈਕਸ ਦੇਣਾ ਪਵੇਗਾ।
Sovereign Gold Bond (SGB): ਹੁਣ SGB ਤੋਂ ਹੋਣ ਵਾਲੀ ਕਮਾਈ ਪੂਰੀ ਤਰ੍ਹਾਂ ਟੈਕਸ ਮੁਕਤ ਨਹੀਂ ਰਹੇਗੀ (ਕੁਝ ਸ਼ਰਤਾਂ ਦੇ ਅਧੀਨ)।
6. ਪੈਨਸ਼ਨ ਤੇ ਹੋਰ ਛੋਟਾਂ
ਆਰਮਡ ਫੋਰਸਿਜ਼: ਹੁਣ ਟੈਕਸ ਮੁਕਤ ਪੈਨਸ਼ਨ ਸਿਰਫ਼ ਉਨ੍ਹਾਂ ਨੂੰ ਮਿਲੇਗੀ ਜਿਨ੍ਹਾਂ ਨੇ ਸਰੀਰਕ ਅਪੰਗਤਾ (Physical disability) ਕਾਰਨ ਸੇਵਾ ਛੱਡੀ ਹੈ।
ਛੋਟ ਵਿੱਚ ਵਾਧਾ: ਸਿੱਖਿਆ ਛੋਟ (Education Exemption) ਵਧਾ ਕੇ 3000 ਰੁਪਏ ਅਤੇ ਹੋਸਟਲ ਛੋਟ 9000 ਰੁਪਏ ਪ੍ਰਤੀ ਵਿਦਿਆਰਥੀ ਕਰ ਦਿੱਤੀ ਗਈ ਹੈ।