- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮੁਕੇਸ਼ ਅੰਬਾਨੀ ਦੀ ਇਸ ਕੰਪਨੀ ਦਾ ਖ਼ਤਮ ਹੋਇਆ ਵਜੂਦ, ਜੁਆਇੰਟ ਵੈਂਚਰ ਦੀ ਸਹਾਇਕ ਕੰਪਨੀ ’ਚੋਂ ਵੇਚੀ 100% ਹਿੱਸੇਦਾਰੀ
ਮੁਕੇਸ਼ ਅੰਬਾਨੀ ਦੀ ਹਿੱਸੇਦਾਰੀ ਵਾਲੀ ਆਲੋਕ ਇੰਡਸਟ੍ਰੀਜ਼ ਨੇ ਆਪਣੀ ਪੂਰੀ ਮਲਕੀਅਤ ਵਾਲੀ ਸਹਾਇਕ ਕੰਪਨੀ ਮਿਲੇਟਾ ਏ.ਐੱਸ. (Mileta a.s.) ’ਚ ਆਪਣੀ 100% ਹਿੱਸੇਦਾਰੀ ਵੇਚ ਦਿੱਤੀ ਹੈ। ਇਹ ਕਦਮ ਕੰਪਨੀ ਦੇ ਕਾਰੋਬਾਰੀ ਪੁਨਰਗਠਨ ਤੇ ਆਪਣੀਆਂ ਮੁੱਖ ਸਮਰੱਥਾਵਾਂ ’ਤੇ ਧਿਆਨ ਕੇਂਦਰਿਤ ਕਰਨ ਦੀ ਰਣਨੀਤੀ ਦਾ ਹਿੱਸਾ ਹੈ।
Posted By Paramjit Kaur
Publish Date: Sat, 10 Oct 2026 12:42 PM (IST)
Updated Date: Sat, 10 Oct 2026 12:45 PM (IST)
ਬਿਜ਼ਨਸ ਡੈਸਕ, ਨਵੀਂ ਦਿੱਲੀ। ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਦੀ ਹਿੱਸੇਦਾਰੀ ਵਾਲੀ ਆਲੋਕ ਇੰਡਸਟ੍ਰੀਜ਼ ਲਿਮਟਿਡ ਨੇ ਆਪਣੀ ਸਹਾਇਕ ਕੰਪਨੀ ’ਚੋਂ ਹਿੱਸੇਦਾਰੀ ਵੇਚ ਦਿੱਤੀ ਹੈ। ਇਹ ਸਮਝੌਤਾ ਕੰਪਨੀ ਦੀ ਪੂਰੀ ਮਲਕੀਅਤ ਵਾਲੀ ਸਹਾਇਕ ਕੰਪਨੀ ਆਲੋਕ ਇੰਡਸਟ੍ਰੀਜ਼ ਇੰਟਰਨੈਸ਼ਨਲ ਲਿਮਟਿਡ ਰਾਹੀਂ ਕੀਤਾ ਗਿਆ।
ਇਹ ਵਿਕਰੀ 9 ਅਕਤੂਬਰ 2026 ਨੂੰ ਪੂਰੀ ਹੋਈ। ਇਸ ਦੇ ਨਾਲ ਹੀ ‘ਮਿਲੇਟਾ ਏ.ਐੱਸ.’ ਦਾ ਆਲੋਕ ਇੰਡਸਟ੍ਰੀਜ਼ ਦੀ ਸਹਾਇਕ ਕੰਪਨੀ ਵਜੋਂ ਵਜੂਦ ਖ਼ਤਮ ਹੋ ਗਿਆ ਹੈ। ਮਤਲਬ ਹੁਣ ਇਸ ਕੰਪਨੀ ’ਚ ਆਲੋਕ ਇੰਡਸਟ੍ਰੀਜ਼ ਦੀ ਕੋਈ ਵੀ ਹਿੱਸੇਦਾਰੀ ਨਹੀਂ ਰਹੀ।
ਕੰਪਨੀ ਨੇ ਇਸ ਬਾਰੇ 16 ਦਸੰਬਰ 2025 ਨੂੰ ਇੱਕ ਐਲਾਨ ਕੀਤਾ ਸੀ। ਉਸ ਐਲਾਨ ’ਚ ਕੰਪਨੀ ਨੇ ਕਿਹਾ ਸੀ ਕਿ ਉਹ ਮਿਲੇਟਾ ਏ.ਐੱਸ. ’ਚ ਆਪਣੀ ਹਿੱਸੇਦਾਰੀ ਵੇਚੇਗੀ। ਹੁਣ ਸਹਾਇਕ ਕੰਪਨੀ ’ਚ ਆਪਣੀ ਹਿੱਸੇਦਾਰੀ ਵੇਚਣ ਦੇ ਨਾਲ ਆਲੋਕ ਇੰਡਸਟ੍ਰੀਜ਼ ਲਿਮਟਿਡ ਨੇ ਆਪਣੇ ਕਾਰੋਬਾਰ ਨੂੰ ਮੁੜ ਵਿਵਸਥਿਤ ਕਰਨ ਦੀ ਯੋਜਨਾ ਤਹਿਤ ਇੱਕ ਹੋਰ ਰਣਨੀਤਕ ਕਦਮ ਚੁੱਕਿਆ ਹੈ।
ਕੰਪਨੀ ਨੇ ਦਿੱਤੀ ਜਾਣਕਾਰੀ
ਆਲੋਕ ਇੰਡਸਟ੍ਰੀਜ਼ ਨੇ ਐਕਸਚੇਂਜ ਫਾਈਲਿੰਗ ਰਾਹੀਂ 100% ਹਿੱਸੇਦਾਰੀ ਵੇਚਣ ਦੀ ਜਾਣਕਾਰੀ ਦਿੱਤੀ। ਕੰਪਨੀ ਨੇ ਫਾਈਲਿੰਗ ’ਚ ਕਿਹਾ, “ਕੰਪਨੀ ਦੀ ਪੂਰੀ ਮਲਕੀਅਤ ਵਾਲੀ ਸਹਾਇਕ ਕੰਪਨੀ ਆਲੋਕ ਇੰਡਸਟ੍ਰੀਜ਼ ਇੰਟਰਨੈਸ਼ਨਲ ਲਿਮਟਿਡ ਨੇ ਕੰਪਨੀ ਨੂੰ ਸੂਚਿਤ ਕੀਤਾ ਹੈ ਕਿ ਉਸ ਨੇ 9 ਅਕਤੂਬਰ 2026 ਨੂੰ Mileta a.s. ’ਚ ਆਪਣੀ 100% ਇਕੁਇਟੀ ਹਿੱਸੇਦਾਰੀ ਦੀ ਵਿਕਰੀ ਪੂਰੀ ਕਰ ਲਈ ਹੈ। ਇਸ ਦੇ ਨਤੀਜੇ ਵਜੋਂ Mileta a.s. ਹੁਣ ਕੰਪਨੀ ਦੀ ਸਹਾਇਕ ਕੰਪਨੀ ਨਹੀਂ ਰਹੀ।”
ਕੌਣ ਹੈ ਆਲੋਕ ਇੰਡਸਟ੍ਰੀਜ਼ ਦਾ ਮਾਲਕ?
ਸਾਲ 2019 ’ਚ ਦੀਵਾਲੀਆਪਨ ਨਿਪਟਾਰਾ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਆਲੋਕ ਇੰਡਸਟ੍ਰੀਜ਼ ਦੀ ਮਾਲਕੀ ਸਾਂਝੇ ਤੌਰ ’ਤੇ ਰਿਲਾਇੰਸ ਇੰਡਸਟ੍ਰੀਜ਼ ਲਿਮਟਿਡ ਤੇ ਜੇਐੱਮ ਫਾਈਨੈਂਸ਼ੀਅਲ ਐਸੇਟ ਰੀਕੰਸਟ੍ਰਕਸ਼ਨ ਕੰਪਨੀ ਲਿਮਟਿਡ ਕੋਲ ਹੈ।
- ਰਿਲਾਇੰਸ ਇੰਡਸਟ੍ਰੀਜ਼ ਲਿਮਟਿਡ: ਲਗਪਗ 40.01% ਹਿੱਸੇਦਾਰੀ।
- ਜੇਐੱਮ ਫਾਈਨੈਂਸ਼ੀਅਲ ਐਸੇਟ ਰੀਕੰਸਟ੍ਰਕਸ਼ਨ ਕੰਪਨੀ ਲਿਮਟਿਡ: ਲਗਪਗ 34.99% ਹਿੱਸੇਦਾਰੀ।
ਆਲੋਕ ਇੰਡਸਟ੍ਰੀਜ਼ ਇੰਟਰਨੈਸ਼ਨਲ ਲਿਮਟਿਡ ਨੇ ਆਪਣੇ ਕੰਮਕਾਜ ਨੂੰ ਬਿਹਤਰ ਬਣਾਉਣ ਤੇ ਮੁੱਖ ਸਮਰੱਥਾਵਾਂ ’ਤੇ ਧਿਆਨ ਕੇਂਦਰਿਤ ਕਰਨ ਦੀ ਵੱਡੀ ਰਣਨੀਤੀ ਤਹਿਤ Mileta a.s. ਦੀ ਵਿਕਰੀ ਨੂੰ ਅੰਜਾਮ ਦਿੱਤਾ।
ਕੰਪਨੀ ਦਾ ਟੀਚਾ ਗੈਰ-ਮੁੱਖ ਸੰਪਤੀਆਂ ਤੇ ਸਹਾਇਕ ਕੰਪਨੀਆਂ ਨੂੰ ਵੇਚ ਕੇ ਆਪਣੇ ਸਰੋਤਾਂ ਨੂੰ ਇਕੱਠਾ ਕਰਨਾ ਤੇ ਟੈਕਸਟਾਈਲ ਖੇਤਰ ’ਚ ਆਪਣੀ ਸਥਿਤੀ ਨੂੰ ਹੋਰ ਮਜ਼ਬੂਤ ਕਰਨਾ ਹੈ।