- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
EPFO New Rule: PF ਕਢਵਾਉਣ ਤੋਂ ਪਹਿਲਾਂ ਜਾਣ ਲਓ ਨਵਾਂ ਨਿਯਮ, ਹੁਣ 15G-15H ਨਹੀਂ, ਇਸ ਫਾਰਮ ਨਾਲ ਬਚੇਗਾ TDS; ਕਿਸ ਲਈ ਹੋਵੇਗਾ ਜ਼ਰੂਰੀ?
EPFO ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲ 'X' 'ਤੇ ਇਹ ਜਾਣਕਾਰੀ ਦਿੱਤੀ ਹੈ। ਇਸ ਬਦਲਾਅ ਦਾ ਸਿੱਧਾ ਮਤਲਬ ਹੈ ਕਿ ਜਿਹੜੇ ਮੁਲਾਜ਼ਮ ਪਹਿਲਾਂ TDS ਕੱਟਣ ਤੋਂ ਬਚਣ ਲਈ ਫਾਰਮ 15G ਜਾਂ 15H ਭਰਦੇ ਸਨ, ਉਨ੍ਹਾਂ ਨੂੰ ਹੁਣ ਨਵੇਂ ਫਾਰਮ ਦੀ ਜਾਣਕਾਰੀ ਰੱਖਣੀ ਪਵੇਗੀ। ਹਾਲਾਂਕਿ, ਇਹ ਫਾਰਮ ਹਰ ਮੁਲਾਜ਼ਮ ਲਈ ਜ਼ਰੂਰੀ ਨਹੀਂ ਹੈ। ਇਸ ਦੀ ਵਰਤੋਂ ਉਹੀ ਲੋਕ ਕਰ ਸਕਦੇ ਹਨ ਜੋ ਤੈਅ ਸ਼ਰਤਾਂ ਨੂੰ ਪੂਰਾ ਕਰਦੇ ਹਨ ਅਤੇ ਜਿਨ੍ਹਾਂ ਦੀ ਸੰਬੰਧਿਤ ਟੈਕਸ ਸਾਲ ਵਿੱਚ ਅਨੁਮਾਨਿਤ ਟੈਕਸ ਦੇਣਦਾਰੀ ਸਿਫ਼ਰ ਹੈ।
Posted By Anuradha Bains
Publish Date: Fri, 09 Oct 2026 03:22 PM (IST)
Updated Date: Fri, 09 Oct 2026 03:25 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ। ਜੇਕਰ ਤੁਸੀਂ ਆਪਣੇ ਪ੍ਰੋਵੀਡੈਂਟ ਫੰਡ (PF) ਦਾ ਪੈਸਾ ਕਢਵਾਉਣ ਦੀ ਤਿਆਰੀ ਕਰ ਰਹੇ ਹੋ ਤਾਂ ਤੁਹਾਡੇ ਲਈ ਇੱਕ ਜ਼ਰੂਰੀ ਅਪਡੇਟ ਹੈ। ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਪੀ.ਐੱਫ. ਨਿਕਾਸੀ 'ਤੇ ਟੈਕਸ ਛੋਟ ਨਾਲ ਜੁੜੇ ਫਾਰਮ ਵਿੱਚ ਬਦਲਾਅ ਕੀਤਾ ਹੈ। ਹੁਣ ਵਿੱਤੀ ਸਾਲ 2026-27 ਯਾਨੀ ਨਵੇਂ ਟੈਕਸ ਸਾਲ ਤੋਂ ਪੀ.ਐੱਫ. ਨਿਕਾਸੀ 'ਤੇ TDS ਤੋਂ ਛੋਟ ਦਾ ਦਾਅਵਾ ਕਰਨ ਲਈ ਪੁਰਾਣੇ ਫਾਰਮ 15G ਅਤੇ 15H ਦੀ ਜਗ੍ਹਾ ਫਾਰਮ 121 (Form 121) ਦੀ ਵਰਤੋਂ ਕਰਨੀ ਪਵੇਗੀ। ਇਹ ਬਦਲਾਅ ਨਵੇਂ ਆਮ ਕਰ ਐਕਟ, 2025 ਤਹਿਤ ਕੀਤਾ ਗਿਆ ਹੈ।
EPFO ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲ 'X' 'ਤੇ ਇਹ ਜਾਣਕਾਰੀ ਦਿੱਤੀ ਹੈ। ਇਸ ਬਦਲਾਅ ਦਾ ਸਿੱਧਾ ਮਤਲਬ ਹੈ ਕਿ ਜਿਹੜੇ ਮੁਲਾਜ਼ਮ ਪਹਿਲਾਂ TDS ਕੱਟਣ ਤੋਂ ਬਚਣ ਲਈ ਫਾਰਮ 15G ਜਾਂ 15H ਭਰਦੇ ਸਨ, ਉਨ੍ਹਾਂ ਨੂੰ ਹੁਣ ਨਵੇਂ ਫਾਰਮ ਦੀ ਜਾਣਕਾਰੀ ਰੱਖਣੀ ਪਵੇਗੀ। ਹਾਲਾਂਕਿ, ਇਹ ਫਾਰਮ ਹਰ ਮੁਲਾਜ਼ਮ ਲਈ ਜ਼ਰੂਰੀ ਨਹੀਂ ਹੈ। ਇਸ ਦੀ ਵਰਤੋਂ ਉਹੀ ਲੋਕ ਕਰ ਸਕਦੇ ਹਨ ਜੋ ਤੈਅ ਸ਼ਰਤਾਂ ਨੂੰ ਪੂਰਾ ਕਰਦੇ ਹਨ ਅਤੇ ਜਿਨ੍ਹਾਂ ਦੀ ਸੰਬੰਧਿਤ ਟੈਕਸ ਸਾਲ ਵਿੱਚ ਅਨੁਮਾਨਿਤ ਟੈਕਸ ਦੇਣਦਾਰੀ ਸਿਫ਼ਰ ਹੈ।
5 ਸਾਲ ਤੋਂ ਪਹਿਲਾਂ PF ਕੱਢਿਆ ਤਾਂ ਕੱਟ ਸਕਦਾ ਹੈ TDS
ਨਿਯਮਾਂ ਅਨੁਸਾਰ, ਜੇਕਰ ਕੋਈ ਮੁਲਾਜ਼ਮ 5 ਸਾਲ ਦੀ ਲਗਾਤਾਰ ਸੇਵਾ ਪੂਰੀ ਕਰਨ ਤੋਂ ਪਹਿਲਾਂ ਆਪਣੇ EPF ਖਾਤੇ ਵਿੱਚੋਂ ਪੈਸੇ ਕਢਵਾਉਂਦਾ ਹੈ ਤਾਂ ਕੁਝ ਖਾਸ ਹਾਲਤਾਂ ਵਿੱਚ TDS ਲਗਾਇਆ ਜਾ ਸਕਦਾ ਹੈ। ਆਮਦਨ ਕਰ ਐਕਟ, 2025 ਦੀ ਧਾਰਾ 192A ਦੇ ਤਹਿਤ, ਜੇਕਰ ਕਢਵਾਈ ਗਈ ਰਕਮ 50,000 ਰੁਪਏ ਤੋਂ ਵੱਧ ਹੁੰਦੀ ਹੈ, ਤਾਂ ਲਾਗੂ ਸ਼ਰਤਾਂ ਦੇ ਅਧੀਨ, 10% ਦੀ ਦਰ ਨਾਲ TDS ਕੱਟਿਆ ਜਾ ਸਕਦਾ ਹੈ।
ਅਜਿਹੇ ਵਿੱਚ ਪੀ.ਐੱਫ. ਕਢਵਾਉਂਦੇ ਸਮੇਂ ਤਿੰਨ ਗੱਲਾਂ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ, ਪਹਿਲੀ ਕਿ ਤੁਹਾਡੀ ਲਗਾਤਾਰ ਨੌਕਰੀ ਦੀ ਮਿਆਦ ਕਿੰਨੀ ਹੈ, ਦੂਸਰਾ ਤੁਸੀਂ ਕਿੰਨੀ ਰਕਮ ਕੱਢ ਰਹੇ ਹੋ ਅਤੇ ਤੀਸਰੀ ਸੰਬੰਧਿਤ ਟੈਕਸ ਸਾਲ ਵਿੱਚ ਤੁਹਾਡੀ ਕੁੱਲ ਅਨੁਮਾਨਿਤ ਆਮਦਨ ਕਿੰਨੀ ਹੈ। ਇਨ੍ਹਾਂ ਹੀ ਗੱਲਾਂ ਦੇ ਆਧਾਰ 'ਤੇ ਇਹ ਤੈਅ ਹੋਵੇਗਾ ਕਿ ਤੁਹਾਡੇ ਮਾਮਲੇ ਵਿੱਚ TDS ਲਾਗੂ ਹੋਵੇਗਾ ਜਾਂ ਨਹੀਂ ਅਤੇ ਤੁਸੀਂ ਇਸ ਤੋਂ ਛੋਟ ਪਾਉਣ ਦੇ ਪਾਤਰ ਹੋ ਜਾਂ ਨਹੀਂ।
ਕੀ ਹੈ ਫਾਰਮ 121 ਅਤੇ ਕਿਵੇਂ ਮਿਲੇਗੀ ਰਾਹਤ?
ਫਾਰਮ 121 ਇੱਕ ਸਵੈ-ਘੋਸ਼ਣਾ ਫਾਰਮ ਹੈ ਜੋ ਆਮਦਨ ਕਰ ਨਿਯਮ, 2026 ਦੇ ਤਹਿਤ ਨਿਰਧਾਰਤ ਕੀਤਾ ਗਿਆ ਹੈ। ਇਸ ਵਿੱਚ, ਟੈਕਸਦਾਤਾ ਐਲਾਨ ਕਰਦਾ ਹੈ ਕਿ ਸੰਬੰਧਿਤ ਟੈਕਸ ਸਾਲ ਲਈ ਉਸਦੀ ਅਨੁਮਾਨਿਤ ਕੁੱਲ ਆਮਦਨ 'ਤੇ ਉਸਦੀ ਟੈਕਸ ਦੇਣਦਾਰੀ ਜ਼ੀਰੋ ਹੈ। ਇਸ ਘੋਸ਼ਣਾ ਦੇ ਆਧਾਰ 'ਤੇ, ਜੇਕਰ ਯੋਗਤਾ ਸ਼ਰਤਾਂ ਪੂਰੀਆਂ ਹੁੰਦੀਆਂ ਹਨ ਤਾਂ ਭੁਗਤਾਨ ਕਰਨ ਵਾਲੀ ਇਕਾਈ TDS ਕੱਟਣ ਤੋਂ ਬਚ ਸਕਦੀ ਹੈ।
ਪੀ.ਐੱਫ. ਨਿਕਾਸੀ ਤੋਂ ਇਲਾਵਾ, ਨਿਰਧਾਰਤ ਸ਼ਰਤਾਂ ਤਹਿਤ ਇਸ ਫਾਰਮ ਦੀ ਵਰਤੋਂ ਬੈਂਕ ਜਾਂ ਪੋਸਟ ਆਫ਼ਿਸ ਵਿੱਚ ਜਮ੍ਹਾਂ ਰਕਮ 'ਤੇ ਮਿਲਣ ਵਾਲੇ ਵਿਆਜ ਅਤੇ ਕੁਝ ਹੋਰ ਨਿਰਧਾਰਤ ਆਮਦਨ 'ਤੇ TDS ਤੋਂ ਛੋਟ ਦਾ ਦਾਅਵਾ ਕਰਨ ਲਈ ਵੀ ਕੀਤੀ ਜਾ ਸਕਦੀ ਹੈ। ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਸਿਰਫ਼ ਫਾਰਮ 121 ਭਰ ਦੇਣ ਨਾਲ TDS ਵਿੱਚ ਛੋਟ ਦੀ ਗਾਰੰਟੀ ਨਹੀਂ ਮਿਲਦੀ। ਇਸ ਲਈ ਪਾਤਰਤਾ ਦੀਆਂ ਸਾਰੀਆਂ ਸ਼ਰਤਾਂ ਨੂੰ ਪੂਰਾ ਕਰਨਾ ਜ਼ਰੂਰੀ ਹੈ।