- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਵਿਗੜਿਆ ਰਸੋਈ ਦਾ ਬਜਟ, ਪਿਆਜ਼ ਦੇ ਰੇਟ ਵਧਣ ਨਾਲ ਆਮ ਜਨਤਾ ਪ੍ਰੇਸ਼ਾਨ; ਜਾਣੋ ਤੁਹਾਡੇ ਸ਼ਹਿਰ 'ਚ ਕੀ ਹੈ ਨਵਾਂ ਭਾਅ
ਪਿਛਲੇ ਇੱਕ ਮਹੀਨੇ ਤੋਂ ਦੇਸ਼ 'ਚ ਪਿਆਜ਼ ਦੀਆਂ ਵਧੀਆਂ ਕੀਮਤਾਂ ਨੇ ਆਮ ਖਪਤਕਾਰਾਂ ਦੀ ਜੇਬ 'ਤੇ ਦਬਾਅ ਵਧਾ ਦਿੱਤਾ ਹੈ। ਹਾਲਾਂਕਿ ਸਰਕਾਰ ਵੱਲੋਂ ਕਈ ਸ਼ਹਿਰਾਂ 'ਚ ₹35 ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਪਿਆਜ਼ ਵੇਚਿਆ ਜਾ ਰਿਹਾ ਹੈ, ਪਰ ਇਸ ਦਾ ਫਾਇਦਾ ਬਹੁਤ ਘੱਟ ਲੋਕਾਂ ਨੂੰ ਹੀ ਮਿਲ ਪਾ ਰਿਹਾ ਹੈ। ਹੁਣ ਦੇਸ਼ ਦੀਆਂ ਪ੍ਰਮੁੱਖ ਮੰਡੀਆਂ 'ਚ ਪਿਆਜ਼ ਦੇ ਥੋਕ ਭਾਅ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਸਤੰਬਰ 2026 ਦੇ ਸੂਬਾਵਾਰ ਥੋਕ ਕੀਮਤਾਂ ਦੇ ਅੰਕੜਿਆਂ ਮੁਤਾਬਕ ਪਿਆਜ਼ ਦਾ ਔਸਤ ਥੋਕ ਭਾਅ ਵਧ ਕੇ ₹4,249 ਪ੍ਰਤੀ ਕੁਇੰਟਲ ਹੋ ਗਿਆ ਹੈ, ਜੋ ਅਗਸਤ 2026 'ਚ ਔਸਤ ₹3,235 ਪ੍ਰਤੀ ਕੁਇੰਟਲ ਸੀ।
Posted By Sunita
Publish Date: Tue, 15 Sep 2026 01:39 PM (IST)
Updated Date: Tue, 15 Sep 2026 01:42 PM (IST)
ਬਿਜ਼ਨੈਸ ਡੈਸਕ, ਨਵੀਂ ਦਿੱਲੀ - ਪਿਛਲੇ ਇੱਕ ਮਹੀਨੇ ਤੋਂ ਦੇਸ਼ 'ਚ ਪਿਆਜ਼ ਦੀਆਂ ਵਧੀਆਂ ਕੀਮਤਾਂ ਨੇ ਆਮ ਖਪਤਕਾਰਾਂ ਦੀ ਜੇਬ 'ਤੇ ਦਬਾਅ ਵਧਾ ਦਿੱਤਾ ਹੈ। ਹਾਲਾਂਕਿ ਸਰਕਾਰ ਵੱਲੋਂ ਕਈ ਸ਼ਹਿਰਾਂ 'ਚ ₹35 ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਪਿਆਜ਼ ਵੇਚਿਆ ਜਾ ਰਿਹਾ ਹੈ, ਪਰ ਇਸ ਦਾ ਫਾਇਦਾ ਬਹੁਤ ਘੱਟ ਲੋਕਾਂ ਨੂੰ ਹੀ ਮਿਲ ਪਾ ਰਿਹਾ ਹੈ। ਹੁਣ ਦੇਸ਼ ਦੀਆਂ ਪ੍ਰਮੁੱਖ ਮੰਡੀਆਂ 'ਚ ਪਿਆਜ਼ ਦੇ ਥੋਕ ਭਾਅ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਸਤੰਬਰ 2026 ਦੇ ਸੂਬਾਵਾਰ ਥੋਕ ਕੀਮਤਾਂ ਦੇ ਅੰਕੜਿਆਂ ਮੁਤਾਬਕ ਪਿਆਜ਼ ਦਾ ਔਸਤ ਥੋਕ ਭਾਅ ਵਧ ਕੇ ₹4,249 ਪ੍ਰਤੀ ਕੁਇੰਟਲ ਹੋ ਗਿਆ ਹੈ, ਜੋ ਅਗਸਤ 2026 'ਚ ਔਸਤ ₹3,235 ਪ੍ਰਤੀ ਕੁਇੰਟਲ ਸੀ। ਇਸ ਤਰ੍ਹਾਂ ਇੱਕ ਮਹੀਨੇ 'ਚ ਕੀਮਤਾਂ 'ਚ 31.3 ਫੀਸਦੀ ਦਾ ਵਾਧਾ ਹੋਇਆ ਹੈ। ਉੱਥੇ ਹੀ ਸਤੰਬਰ 2025 ਦੇ ਔਸਤ ₹1,837 ਪ੍ਰਤੀ ਕੁਇੰਟਲ ਦੇ ਮੁਕਾਬਲੇ ਹੁਣ ਕੀਮਤਾਂ 131.3 ਫੀਸਦੀ ਵੱਧ ਚੁੱਕੀਆਂ ਹਨ।
ਯੂਪੀ 'ਚ ਸਭ ਤੋਂ ਤੇਜ਼ ਵਧੀ ਮਹਿੰਗਾਈ
ਪਿਆਜ਼ ਦੀਆਂ ਵਧੀਆਂ ਕੀਮਤਾਂ ਦਾ ਅਸਰ ਦੇਸ਼ ਭਰ 'ਚ ਆਮ ਖਪਤਕਾਰਾਂ 'ਤੇ ਸਿੱਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਪਰ ਜੇਕਰ ਸੂਬਾਵਾਰ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਉੱਤਰ ਪ੍ਰਦੇਸ਼ 'ਚ ਪਿਆਜ਼ ਦੇ ਥੋਕ ਭਾਅ 'ਚ ਸਭ ਤੋਂ ਵੱਧ 50.7 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਇੱਥੇ ਸਤੰਬਰ 'ਚ ਪਿਆਜ਼ ਦੀ ਔਸਤ ਕੀਮਤ ₹2,923 ਪ੍ਰਤੀ ਕੁਇੰਟਲ ਰਹੀ, ਜਦਕਿ ਅਗਸਤ 'ਚ ਇਹ ₹1,940 ਪ੍ਰਤੀ ਕੁਇੰਟਲ ਸੀ। ਉੱਤਰ ਪ੍ਰਦੇਸ਼ ਤੋਂ ਬਾਅਦ ਗੁਜਰਾਤ 'ਚ 51.4 ਫੀਸਦੀ, ਚੰਡੀਗੜ੍ਹ 'ਚ 47.5 ਫੀਸਦੀ, ਛੱਤੀਸਗੜ੍ਹ 'ਚ 46.4 ਫੀਸਦੀ, ਪੰਜਾਬ 'ਚ 46.3 ਫੀਸਦੀ ਅਤੇ ਤੇਲੰਗਾਨਾ 'ਚ 42.4 ਫੀਸਦੀ ਦੀ ਮਹੀਨਾਵਾਰ ਵਧੋਤਰੀ ਦੇਖੀ ਗਈ ਹੈ। ਇਸ ਤੋਂ ਇਲਾਵਾ ਰਾਜਸਥਾਨ, ਮਹਾਰਾਸ਼ਟਰ ਅਤੇ ਜੰਮੂ-ਕਸ਼ਮੀਰ ਵਰਗੇ ਪ੍ਰਮੁੱਖ ਖਪਤਕਾਰ ਸੂਬਿਆਂ 'ਚ ਵੀ ਕੀਮਤਾਂ 'ਚ 40 ਫੀਸਦੀ ਤੋਂ ਵੱਧ ਦਾ ਉਛਾਲ ਦਰਜ ਕੀਤਾ ਗਿਆ ਹੈ।
ਇੱਥੇ ਵਿਕ ਰਿਹਾ ਹੈ ਸਭ ਤੋਂ ਮਹਿੰਗਾ ਪਿਆਜ਼
ਦੇਸ਼ 'ਚ ਸਭ ਤੋਂ ਮਹਿੰਗੇ ਪਿਆਜ਼ ਦੇ ਥੋਕ ਭਾਅ ਦੀ ਗੱਲ ਕਰੀਏ ਤਾਂ ਸਤੰਬਰ 2026 'ਚ ਮੇਘਾਲਿਆ 'ਚ ਸਭ ਤੋਂ ਵੱਧ ₹6,117 ਪ੍ਰਤੀ ਕੁਇੰਟਲ ਦਾ ਥੋਕ ਭਾਅ ਦਰਜ ਕੀਤਾ ਗਿਆ।
ਇਸ ਤੋਂ ਬਾਅਦ ਮਣੀਪੁਰ 'ਚ ₹6,044 ਪ੍ਰਤੀ ਕੁਇੰਟਲ, ਕੇਰਲ 'ਚ ₹6,072 ਪ੍ਰਤੀ ਕੁਇੰਟਲ ਅਤੇ ਤਾਮਿਲਨਾਡੂ 'ਚ ₹5,807 ਪ੍ਰਤੀ ਕੁਇੰਟਲ ਤੱਕ ਭਾਅ ਦਰਜ ਕੀਤੇ ਗਏ।
ਜੰਮੂ-ਕਸ਼ਮੀਰ 'ਚ ਪਿਆਜ਼ ਦਾ ਔਸਤ ਥੋਕ ਭਾਅ ₹5,338 ਪ੍ਰਤੀ ਕੁਇੰਟਲ, ਅਸਾਮ 'ਚ ₹5,022 ਅਤੇ ਅੰਡਮਾਨ-ਨਿਕੋਬਾਰ 'ਚ ਲਗਭਗ ₹5,000 ਪ੍ਰਤੀ ਕੁਇੰਟਲ ਰਿਹਾ।
ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਦੱਖਣੀ ਅਤੇ ਉੱਤਰ-ਪੂਰਬੀ ਭਾਰਤ 'ਚ ਪਿਆਜ਼ ਸਭ ਤੋਂ ਮਹਿੰਗਾ ਵਿਕ ਰਿਹਾ ਹੈ। ਇਸ ਦਾ ਕਾਰਨ ਇਨ੍ਹਾਂ ਸੂਬਿਆਂ 'ਚ ਆਵਾਜਾਈ ਦੀ ਵੱਧ ਲਾਗਤ ਅਤੇ ਸਥਾਨਕ ਉਤਪਾਦਨ ਦੀ ਸੀਮਿਤ ਉਪਲਬਧਤਾ ਨੂੰ ਦੱਸਿਆ ਜਾ ਰਿਹਾ ਹੈ। ਇਨ੍ਹਾਂ ਖੇਤਰਾਂ 'ਚ ਪਿਆਜ਼ ਦੀ ਸਪਲਾਈ ਨੂੰ ਲੈ ਕੇ ਵੀ ਚਿੰਤਾ ਜਤਾਈ ਜਾ ਰਹੀ ਹੈ।
ਕਦੋਂ ਘੱਟ ਹੋਣਗੇ ਪਿਆਜ਼ ਦੇ ਭਾਅ?
ਆਮ ਖਪਤਕਾਰਾਂ ਦਾ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਆਖਿਰ ਪਿਆਜ਼ ਦੀਆਂ ਕੀਮਤਾਂ ਕਦੋਂ ਘੱਟ ਹੋਣਗੀਆਂ? ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਮੇਂ ਬਾਜ਼ਾਰ 'ਚ ਰਬੀ ਸੀਜ਼ਨ ਦੀ ਸਟੋਰ ਕੀਤੀ ਹੋਈ ਫਸਲ ਵੇਚੀ ਜਾ ਰਹੀ ਹੈ। ਅਕਤੂਬਰ ਮਹੀਨੇ ਤੋਂ ਖਰੀਫ਼ ਸੀਜ਼ਨ ਵਾਲੇ ਪਿਆਜ਼ ਦੀ ਕਟਾਈ ਸ਼ੁਰੂ ਹੋ ਜਾਵੇਗੀ, ਜਿਸ ਨਾਲ ਮੰਡੀਆਂ 'ਚ ਪਿਆਜ਼ ਦੀ ਆਮਦ ਵਧਣ ਦੀ ਉਮੀਦ ਹੈ। ਇਸ ਦੇ ਮੱਦੇਨਜ਼ਰ ਸੰਭਾਵਨਾ ਹੈ ਕਿ ਅਕਤੂਬਰ ਤੋਂ ਬਾਅਦ ਪਿਆਜ਼ ਦੀਆਂ ਕੀਮਤਾਂ 'ਚ ਕਮੀ ਆ ਸਕਦੀ ਹੈ।