- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IPO News: ਪੈਸੇ ਤਿਆਰ ਰੱਖੋ! Jio IPO ਦੀ ਤਾਰੀਖ ਨੂੰ ਲੈ ਕੇ ਵੱਡਾ ਅਪਡੇਟ, ਇਸ ਦਿਨ ਤੋਂ ਲੱਗੇਗੀ ਬੋਲੀ; ਕਮਾਈ ਦਾ ਮਿਲ ਸਕਦਾ ਹੈ ਮੌਕਾ!
IPO News: ਮੁਕੇਸ਼ ਅੰਬਾਨੀ ਦੀ Jio Platforms ਦੇ ਬਹੁ-ਉਡੀਕੇ ਜਾ ਰਹੇ IPO ਦੇ 21 ਤੋਂ 23 ਅਕਤੂਬਰ ਤੱਕ ਖੁੱਲ੍ਹਣ ਦੀ ਉਮੀਦ ਹੈ। ਇਸਦੀ ਲਿਸਟਿੰਗ 28 ਅਕਤੂਬਰ ਨੂੰ ਹੋ ਸਕਦੀ ਹੈ।
Posted By Paramjit Kaur
Publish Date: Sat, 03 Oct 2026 11:15 AM (IST)
Updated Date: Sat, 03 Oct 2026 11:18 AM (IST)
ਬਿਜ਼ਨਸ ਡੈਸਕ, ਨਵੀਂ ਦਿੱਲੀ : ਮੁਕੇਸ਼ ਅੰਬਾਨੀ ਦੇ Jio IPO ਦਾ ਨਿਵੇਸ਼ਕਾਂ ਨੂੰ ਲੰਬੇ ਸਮੇਂ ਤੋਂ ਇੰਤਜ਼ਾਰ ਸੀ। 28 ਅਗਸਤ ਨੂੰ SEBI ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਹੁਣ ਇਸਦੇ ਖੁੱਲ੍ਹਣ ਦਾ ਇੰਤਜ਼ਾਰ ਵੀ ਖ਼ਤਮ ਹੋਣ ਵਾਲਾ ਹੈ। ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਲੋਕਾਂ ਮੁਤਾਬਕ, Reliance Industries ਦੀ ਡਿਜੀਟਲ ਹੋਲਡਿੰਗ ਕੰਪਨੀ Jio Platforms Limited ਇਸ ਮਹੀਨੇ ਆਪਣਾ ਬਹੁ-ਉਡੀਕਿਆ IPO ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ।
ਇਸ ਦਿਨ ਤੋਂ ਖੁੱਲ੍ਹ ਸਕਦਾ ਹੈ Jio ਦਾ IPO
ਮੁਕੇਸ਼ ਅੰਬਾਨੀ ਦੀ Reliance Industries ਦੀ ਡਿਜੀਟਲ ਸ਼ਾਖਾ ਦਾ Initial Public Offering (Jio IPO) ਸਬਸਕ੍ਰਿਪਸ਼ਨ ਲਈ 21 ਤੋਂ 23 ਅਕਤੂਬਰ ਤੱਕ ਖੁੱਲ੍ਹਣ ਦੀ ਉਮੀਦ ਹੈ, ਜਦਕਿ ਐਂਕਰ ਬੁੱਕ ਲਈ ਇਹ 19 ਅਕਤੂਬਰ ਨੂੰ ਖੁੱਲ੍ਹ ਸਕਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਸ਼ੇਅਰਾਂ ਦੀ ਲਿਸਟਿੰਗ 28 ਅਕਤੂਬਰ ਨੂੰ ਹੋ ਸਕਦੀ ਹੈ। ਹਾਲਾਂਕਿ, ਕੰਪਨੀ ਵੱਲੋਂ ਅਜੇ ਤੱਕ ਇਸ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਇੱਕ ਸੂਤਰ ਨੇ ਦੱਸਿਆ, "Jio ਆਪਣਾ IPO ਲਾਂਚ ਕਰਨ ਦੇ ਕਾਫ਼ੀ ਨੇੜੇ ਹੈ, ਹਾਲਾਂਕਿ ਬਾਜ਼ਾਰ ਦੀ ਸਥਿਤੀ ਤੇ ਗਲੋਬਲ ਘਟਨਾਕ੍ਰਮ ਇਸਦੀ ਟਾਈਮਿੰਗ 'ਤੇ ਅਸਰ ਪਾ ਸਕਦੇ ਹਨ। SEBI ਨਾਲ ਰੈਗੂਲੇਟਰੀ ਪ੍ਰਕਿਰਿਆ ਕਾਫ਼ੀ ਹੱਦ ਤੱਕ ਪੂਰੀ ਹੋ ਚੁੱਕੀ ਹੈ ਤੇ ਸਾਰੀਆਂ ਜ਼ਰੂਰੀ ਮਨਜ਼ੂਰੀਆਂ ਮਿਲ ਚੁੱਕੀਆਂ ਹਨ।"
ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਲੋਕਾਂ ਨੇ ਦੱਸਿਆ ਕਿ ਹਾਲ ਹੀ ’ਚ ਹੋਈਆਂ ਮੀਟਿੰਗਾਂ ਦੌਰਾਨ ਕੰਪਨੀ ਨੂੰ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਤੇ ਘਰੇਲੂ ਨਿਵੇਸ਼ਕਾਂ ਵੱਲੋਂ ਉਤਸ਼ਾਹਜਨਕ ਪ੍ਰਤੀਕਿਰਿਆ ਮਿਲੀ ਹੈ।
Jio IPO ਦੀ ਸੰਭਾਵਿਤ ਓਪਨਿੰਗ ਤੇ ਲਿਸਟਿੰਗ ਡੇਟ
- ਐਂਕਰ ਬੁੱਕ: 19 ਅਕਤੂਬਰ
- IPO ਖੁੱਲ੍ਹੇਗਾ: 21 ਅਕਤੂਬਰ
- IPO ਬੰਦ ਹੋਵੇਗਾ: 23 ਅਕਤੂਬਰ
- ਸੰਭਾਵਿਤ ਲਿਸਟਿੰਗ: 28 ਅਕਤੂਬਰ
ਇਹ ਤਾਰੀਖਾਂ ਬਾਜ਼ਾਰ ਦੀ ਸਥਿਤੀ 'ਤੇ ਨਿਰਭਰ ਕਰਦੀਆਂ ਹਨ ਤੇ ਵਿੱਤੀ ਬਾਜ਼ਾਰ ’ਚ ਹੋਣ ਵਾਲੇ ਬਦਲਾਅ ਦੇ ਆਧਾਰ 'ਤੇ ਇਨ੍ਹਾਂ ’ਚ ਤਬਦੀਲੀ ਹੋ ਸਕਦੀ ਹੈ।
ਕਿੰਨਾ ਵੱਡਾ ਹੋ ਸਕਦਾ ਹੈ Jio IPO?
ਮੁਕੇਸ਼ ਅੰਬਾਨੀ ਦੀ Jio ਨੇ ਅਜੇ ਤੱਕ ਇਸ਼ੂ ਦੇ ਅੰਤਿਮ ਆਕਾਰ ਦਾ ਖੁਲਾਸਾ ਨਹੀਂ ਕੀਤਾ ਹੈ, ਪਰ ਬਾਜ਼ਾਰ ਦੇ ਅਨੁਮਾਨਾਂ ਮੁਤਾਬਕ ਇਹ IPO ਲਗਭਗ ₹37,700 ਕਰੋੜ ਦਾ ਹੋ ਸਕਦਾ ਹੈ। ਜੇਕਰ ਇਸ਼ੂ ਇੰਨਾ ਵੱਡਾ ਹੁੰਦਾ ਹੈ ਤਾਂ ਇਹ Hyundai Motor India ਦੇ ₹27,858.75 ਕਰੋੜ ਦੇ IPO ਤੋਂ ਵੀ ਵੱਡਾ ਹੋ ਸਕਦਾ ਹੈ ਤੇ ਭਾਰਤੀ ਬਾਜ਼ਾਰ ਦੇ ਸਭ ਤੋਂ ਵੱਡੇ ਪਬਲਿਕ ਆਫਰਿੰਗਜ਼ ’ਚੋਂ ਇੱਕ ਬਣ ਸਕਦਾ ਹੈ।
SEBI ਕੋਲ ਜਮ੍ਹਾਂ ਕਰਵਾਏ ਗਏ IPO ਦਸਤਾਵੇਜ਼ਾਂ ਮੁਤਾਬਕ, ਇਸ਼ੂ ਦਾ 50 ਫੀਸਦੀ ਹਿੱਸਾ Qualified Institutional Buyers (QIBs) ਲਈ, 35 ਫੀਸਦੀ Retail Individual Investors (RIIs) ਲਈ ਤੇ 15 ਫੀਸਦੀ Non-Institutional Investors (NIIs) ਲਈ ਰਾਖਵਾਂ ਹੈ।
DRHP ਮੁਤਾਬਕ, Jio Platforms IPO ਤੋਂ ਮਿਲਣ ਵਾਲੀ ਰਕਮ ’ਚੋਂ ਲਗਭਗ ₹27,500 ਕਰੋੜ ਆਪਣੀ ਟੈਲੀਕਾਮ ਸਬਸਿਡੀਅਰੀ Reliance Jio Infocomm (RJIL) ਦੇ ਬਕਾਇਆ ਕਰਜ਼ੇ ਨੂੰ ਪੂਰੀ ਤਰ੍ਹਾਂ ਜਾਂ ਅੰਸ਼ਕ ਤੌਰ ’ਤੇ ਚੁਕਾਉਣ ਜਾਂ ਸਮੇਂ ਤੋਂ ਪਹਿਲਾਂ ਭੁਗਤਾਨ ਕਰਨ ਲਈ ਵਰਤਣ ਦੀ ਯੋਜਨਾ ਬਣਾ ਰਹੀ ਹੈ।