- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਹਿੰਗਾਈ ਨੇ ਵਿਗੜਿਆ ਰਸੋਈ ਦਾ ਬਜਟ, ਦੇਸ਼ ਭਰ 'ਚ ਵਧੇ ਟਮਾਟਰਾਂ ਦੇ ਭਾਅ; ਜਾਣੋ ਤੁਹਾਡੇ ਸ਼ਹਿਰ 'ਚ ਕੀ ਹੈ ਤਾਜ਼ਾ ਰੇਟ
ਅਗਸਤ ਤੋਂ ਹੀ ਪਿਆਜ਼ ਦੀਆਂ ਕੀਮਤਾਂ 'ਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਇਸੇ ਤਰ੍ਹਾਂ ਹੁਣ ਟਮਾਟਰ ਦੇ ਭਾਅ ਵੀ ਲਾਲ ਹੋਣ ਲੱਗ ਪਏ ਹਨ। ਦੇਸ਼ ਦੀਆਂ ਪ੍ਰਮੁੱਖ ਖੇਤੀਬਾੜੀ ਮੰਡੀਆਂ 'ਚ ਟਮਾਟਰ ਦੀਆਂ ਕੀਮਤਾਂ ਪਿਛਲੇ ਇੱਕ ਮਹੀਨੇ ਦੌਰਾਨ ਦੁੱਗਣੀਆਂ ਤੋਂ ਵੀ ਵੱਧ ਹੋ ਗਈਆਂ ਹਨ। ਇਸੇ ਤਰ੍ਹਾਂ ਟਮਾਟਰ ਦੀ ਖੁਦਰਾ ਕੀਮਤ 'ਚ ਵੀ ਕਰੀਬ ਦੁੱਗਣਾ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਕਾਰੋਬਾਰ ਨਾਲ ਜੁੜੇ ਲੋਕਾਂ ਮੁਤਾਬਕ, ਸਤੰਬਰ 'ਚ ਤਾਪਮਾਨ 'ਚ ਅਸਧਾਰਨ ਬਦਲਾਅ, ਪਾਣੀ ਦੀ ਕਮੀ ਅਤੇ ਰਾਤ ਦੇ ਸਮੇਂ ਆਮ ਨਾਲੋਂ ਘੱਟ ਤਾਪਮਾਨ ਦਾ ਅਸਰ ਟਮਾਟਰ ਦੀ ਫ਼ਸਲ ’ਤੇ ਪਿਆ ਹੈ।
Posted By Sunita
Publish Date: Thu, 08 Oct 2026 03:15 PM (IST)
Updated Date: Thu, 08 Oct 2026 03:16 PM (IST)
ਬਿਜ਼ਨੈਸ ਡੈਸਕ, ਨਵੀਂ ਦਿੱਲੀ : ਅਗਸਤ ਤੋਂ ਹੀ ਪਿਆਜ਼ ਦੀਆਂ ਕੀਮਤਾਂ 'ਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਇਸੇ ਤਰ੍ਹਾਂ ਹੁਣ ਟਮਾਟਰ ਦੇ ਭਾਅ ਵੀ ਲਾਲ ਹੋਣ ਲੱਗ ਪਏ ਹਨ। ਦੇਸ਼ ਦੀਆਂ ਪ੍ਰਮੁੱਖ ਖੇਤੀਬਾੜੀ ਮੰਡੀਆਂ 'ਚ ਟਮਾਟਰ ਦੀਆਂ ਕੀਮਤਾਂ ਪਿਛਲੇ ਇੱਕ ਮਹੀਨੇ ਦੌਰਾਨ ਦੁੱਗਣੀਆਂ ਤੋਂ ਵੀ ਵੱਧ ਹੋ ਗਈਆਂ ਹਨ। ਇਸੇ ਤਰ੍ਹਾਂ ਟਮਾਟਰ ਦੀ ਖੁਦਰਾ ਕੀਮਤ 'ਚ ਵੀ ਕਰੀਬ ਦੁੱਗਣਾ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਕਾਰੋਬਾਰ ਨਾਲ ਜੁੜੇ ਲੋਕਾਂ ਮੁਤਾਬਕ, ਸਤੰਬਰ 'ਚ ਤਾਪਮਾਨ 'ਚ ਅਸਧਾਰਨ ਬਦਲਾਅ, ਪਾਣੀ ਦੀ ਕਮੀ ਅਤੇ ਰਾਤ ਦੇ ਸਮੇਂ ਆਮ ਨਾਲੋਂ ਘੱਟ ਤਾਪਮਾਨ ਦਾ ਅਸਰ ਟਮਾਟਰ ਦੀ ਫ਼ਸਲ ’ਤੇ ਪਿਆ ਹੈ। ਇਸ ਕਾਰਨ ਟਮਾਟਰ ਦੀ ਪੈਦਾਵਾਰ ਅਤੇ ਮੰਡੀਆਂ 'ਚ ਆਮਦ ਘਟੀ ਹੈ। ਟਮਾਟਰ ਦੀ ਖੇਤੀ ਕਰਨ ਵਾਲੇ ਪ੍ਰਮੁੱਖ ਸੂਬਿਆਂ 'ਚ ਸ਼ਾਮਲ ਕਰਨਾਟਕ ਅਤੇ ਆਂਧਰਾ ਪ੍ਰਦੇਸ਼ 'ਚ ਮੌਸਮ ਦੀ ਮਾਰ ਜ਼ਿਆਦਾ ਦੇਖਣ ਨੂੰ ਮਿਲੀ ਹੈ।
ਇੱਥੇ ਟਮਾਟਰ ਦੇ ਭਾਅ ਦੁੱਗਣੇ ਤੋਂ ਵੀ ਵੱਧ ਵਧੇ
ਖੇਤੀਬਾੜੀ ਮੰਤਰਾਲੇ ਦੇ ਐਗਮਾਰਕਨੈੱਟ ਪੋਰਟਲ ਮੁਤਾਬਕ ਕਰਨਾਟਕ ਦੀ ਕੋਲਾਰ ਖੇਤੀ ਉਪਜ ਮੰਡੀ ਕਮੇਟੀ (APMC) 'ਚ ਟਮਾਟਰ ਦਾ ਮਾਡਲ ਭਾਅ ਇੱਕ ਮਹੀਨੇ 'ਚ ਦੁੱਗਣੇ ਤੋਂ ਵੀ ਵੱਧ ਹੋ ਗਿਆ ਹੈ।
ਅੰਕੜਿਆਂ ਮੁਤਾਬਕ 10 ਸਤੰਬਰ ਨੂੰ ਇੱਥੇ ਟਮਾਟਰ ਦਾ ਮਾਡਲ ਭਾਅ ₹800 ਪ੍ਰਤੀ ਕੁਇੰਟਲ ਸੀ, ਜੋ ਹੁਣ ਵਧ ਕੇ ₹1,500 ਪ੍ਰਤੀ ਕੁਇੰਟਲ ਹੋ ਗਿਆ ਹੈ। ਉੱਥੇ ਹੀ ਉੱਚ ਗੁਣਵੱਤਾ ਵਾਲੇ ਟਮਾਟਰ ਦਾ ਭਾਅ ₹3,000 ਪ੍ਰਤੀ ਕੁਇੰਟਲ ਤੋਂ ਵੀ ਉੱਪਰ ਪਹੁੰਚ ਗਿਆ ਹੈ।
ਇਸੇ ਤਰ੍ਹਾਂ ਆਂਧਰਾ ਪ੍ਰਦੇਸ਼ ਦੇ ਚਿੱਤੂਰ ਦੀ ਪਲਮਨੇਰ APMC 'ਚ ਵੀ ਟਮਾਟਰ ਦੇ ਭਾਅ 'ਚ ਜ਼ਬਰਦਸਤ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਇੱਥੇ ਟਮਾਟਰ ਦੀ ਕੀਮਤ ਇੱਕ ਮਹੀਨਾ ਪਹਿਲਾਂ ਦੇ ₹1,500 ਤੋਂ ਵਧ ਕੇ ₹3,300 ਪ੍ਰਤੀ ਕੁਇੰਟਲ ਹੋ ਗਈ ਹੈ।
ਇਸ ਦੇ ਉਲਟ ਮਹਾਰਾਸ਼ਟਰ ਦੀ ਨਾਸਿਕ ਖੇਤੀ ਉਪਜ ਮੰਡੀ 'ਚ ਟਮਾਟਰ ਦੇ ਭਾਅ 'ਚ ਗਿਰਾਵਟ ਆਈ ਹੈ। ਇੱਥੇ ਇੱਕ ਮਹੀਨਾ ਪਹਿਲਾਂ ₹2,100 ਪ੍ਰਤੀ ਕੁਇੰਟਲ ਦੇ ਮੁਕਾਬਲੇ ਹੁਣ ਭਾਅ ਘਟ ਕੇ ₹1,250 ਪ੍ਰਤੀ ਕੁਇੰਟਲ ਰਹਿ ਗਿਆ ਹੈ।
ਮੰਡੀਆਂ 'ਚ ਘਟ ਰਹੀ ਟਮਾਟਰ ਦੀ ਆਮਦ
ਮੀਡੀਆ ਰਿਪੋਰਟਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਪ੍ਰਮੁੱਖ ਟਮਾਟਰ ਉਤਪਾਦਕ ਇਲਾਕਿਆਂ 'ਚ ਫ਼ਸਲ ਦੀ ਆਮਦ ਘੱਟ ਹੋਣ ਕਾਰਨ ਕੀਮਤਾਂ 'ਚ ਤੇਜ਼ੀ ਆਈ ਹੈ। ਕਰਨਾਟਕ ਅਤੇ ਆਂਧਰਾ ਪ੍ਰਦੇਸ਼ 'ਚ ਮੌਸਮ ਦੀ ਸਥਿਤੀ ਦਾ ਵੀ ਫ਼ਸਲ ’ਤੇ ਅਸਰ ਪਿਆ ਹੈ।
ਐਗਮਾਰਕਨੈੱਟ ਦੇ ਅੰਕੜਿਆਂ ਮੁਤਾਬਕ, ਪਿਛਲੇ ਇੱਕ ਹਫ਼ਤੇ ਦੌਰਾਨ ਮੰਡੀਆਂ 'ਚ ਟਮਾਟਰ ਦੀ ਆਮਦ ਘਟ ਕੇ 1,200 ਟਨ ਤੋਂ ਵੀ ਘੱਟ ਰਹਿ ਗਈ ਹੈ, ਜਦਕਿ ਇੱਕ ਮਹੀਨਾ ਪਹਿਲਾਂ ਇਹ ਆਮਦ ਕਰੀਬ 1,700 ਟਨ ਸੀ। ਅਕਤੂਬਰ ਦੀ ਸ਼ੁਰੂਆਤ 'ਚ ਆਮਦ 950 ਟਨ ਤੋਂ ਵੀ ਹੇਠਾਂ ਪਹੁੰਚ ਗਈ ਸੀ। ਹਾਲਾਂਕਿ ਨਾਸਿਕ ਤੋਂ ਟਮਾਟਰ ਦੀ ਵਾਧੂ ਖੇਪ ਪਹੁੰਚਣ ਤੋਂ ਬਾਅਦ ਆਮਦ 'ਚ ਕੁਝ ਸੁਧਾਰ ਹੋਇਆ ਹੈ।
ਖੁਦਰਾ ਬਾਜ਼ਾਰਾਂ 'ਚ ਕਿੰਨੀ ਪਹੁੰਚੀ ਕੀਮਤ?
ਮੰਡੀਆਂ 'ਚ ਟਮਾਟਰ ਦੇ ਭਾਅ ਵਧਣ ਦਾ ਅਸਰ ਖੁਦਰਾ ਬਾਜ਼ਾਰਾਂ 'ਚ ਵੀ ਦੇਖਣ ਨੂੰ ਮਿਲਿਆ ਹੈ। ਕਰੀਬ ਦੋ ਹਫ਼ਤੇ ਪਹਿਲਾਂ ਪ੍ਰਮੁੱਖ ਸ਼ਹਿਰਾਂ 'ਚ ਟਮਾਟਰ ₹20 ਤੋਂ ₹25 ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵਿਕ ਰਿਹਾ ਸੀ। ਹੁਣ ਇਸ ਦੀ ਕੀਮਤ ਵਧ ਕੇ ਕਰੀਬ ₹50 ਪ੍ਰਤੀ ਕਿਲੋ ਹੋ ਗਈ ਹੈ।
ਮੁੰਬਈ, ਚੇਨਈ, ਕੋਲਕਾਤਾ, ਬੈਂਗਲੁਰੂ ਅਤੇ ਹੈਦਰਾਬਾਦ 'ਚ ਵੀ ਟਮਾਟਰ ਕਰੀਬ ₹50 ਪ੍ਰਤੀ ਕਿਲੋ ਵਿਕ ਰਿਹਾ ਹੈ। ਉੱਥੇ ਹੀ ਦਿੱਲੀ 'ਚ ਟਮਾਟਰ ਦੀ ਕੀਮਤ ਕਰੀਬ ₹34 ਤੋਂ ₹40 ਪ੍ਰਤੀ ਕਿਲੋ ਦੱਸੀ ਜਾ ਰਹੀ ਹੈ।