- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਿਸਾਨਾਂ ਲਈ ਜ਼ਰੂਰੀ ਖ਼ਬਰ : 15 ਅਕਤੂਬਰ ਤੱਕ ਰਜਿਸਟ੍ਰੇਸ਼ਨ ਨਾ ਕਰਵਾਉਣ 'ਤੇ ਅਟਕ ਸਕਦੀ ਹੈ 24ਵੀਂ ਕਿਸ਼ਤ, ਪ੍ਰਸ਼ਾਸਨ ਨੇ ਕੱਸੀ ਕਮਰ
ਫ਼ਾਰਮਰ ਰਜਿਸਟਰੀ ਨਾਲ ਜੁੜੀਆਂ ਲੰਬਿਤ ਅਰਜ਼ੀਆਂ ਦੇ ਸੁਧਾਰ (ਪਰਿਮਾਰਜਨ) ਦਾ ਕੰਮ ਅੰਚਲ ਅਧਿਕਾਰੀ (ਸੀ.ਓ.) ਅਤੇ ਮਾਲੀਆ ਕਰਮਚਾਰੀ ਸਮਾਂਬੱਧ ਤਰੀਕੇ ਨਾਲ ਕਰਨਗੇ। ਡੀ.ਐੱਮ. ਨੇ ਕਿਹਾ ਕਿ ਅਰਜ਼ੀ ਵਿੱਚ ਸੁਧਾਰ ਦੀ ਪ੍ਰਕਿਰਿਆ ਲੰਬਿਤ ਰਹਿਣ ਕਾਰਨ ਆਈ.ਡੀ. ਜਨਰੇਟ ਹੋਣ ਵਿੱਚ ਦੇਰੀ ਨਹੀਂ ਹੋਣੀ ਚਾਹੀਦੀ।
Posted By alisha
Publish Date: Thu, 17 Sep 2026 02:42 PM (IST)
Updated Date: Thu, 17 Sep 2026 02:55 PM (IST)
ਜਾਸ, ਦਰਭੰਗਾ : Farmer Registry for PM Kisan : ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ ਅਗਲੀ ਕਿਸ਼ਤ ਦਾ ਇੰਤਜ਼ਾਰ ਕਰ ਰਹੇ ਕਿਸਾਨਾਂ ਲਈ 'ਫ਼ਾਰਮਰ ਰਜਿਸਟਰੀ ਆਈ.ਡੀ.' ਬਣਵਾਉਣਾ ਜ਼ਰੂਰੀ ਹੈ। ਜ਼ਿਲ੍ਹੇ ਵਿੱਚ ਵੱਡੀ ਗਿਣਤੀ ਵਿੱਚ ਯੋਗ ਕਿਸਾਨ ਅਜੇ ਵੀ ਇਸ ਪ੍ਰਕਿਰਿਆ ਤੋਂ ਬਾਹਰ ਹਨ।
ਕਲੈਕਟਰੇਟ (ਸਮਾਹਰਨਾਲਿਆ) ਸਥਿਤ ਅੰਬੇਡਕਰ ਹਾਲ 'ਚ ਜ਼ਿਲ੍ਹਾ ਮੈਜਿਸਟ੍ਰੇਟ (ਡੀ.ਐੱਮ.) ਕੌਸ਼ਲ ਕੁਮਾਰ ਦੀ ਪ੍ਰਧਾਨਗੀ ਹੇਠ ਹੋਈ ਸਮੀਖਿਆ ਬੈਠਕ 'ਚ ਚਾਰ ਬਲਾਕਾਂ ਦੇ ਕਰੀਬ 24 ਹਜ਼ਾਰ ਯੋਗ ਲਾਭਪਾਤਰੀਆਂ ਦੀ ਫ਼ਾਰਮਰ ਰਜਿਸਟਰੀ ਆਈ.ਡੀ. ਲੰਬਿਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ। ਡੀ.ਐੱਮ. ਨੇ 15 ਅਕਤੂਬਰ ਤੱਕ ਸਾਰੇ ਯੋਗ ਕਿਸਾਨਾਂ ਦੀ ਆਈ.ਡੀ. ਬਣਾਉਣ ਦੇ ਨਿਰਦੇਸ਼ ਦਿੱਤੇ।
ਇੱਕ ਹਫ਼ਤੇ 'ਚ ਬਣੇਗੀ ਪੰਚਾਇਤਵਾਰ ਕਾਰਜ-ਯੋਜਨਾ
PM Kisan Beneficiary Farmers : ਬੈਠਕ 'ਚ ਬਹਾਦੁਰਪੁਰ, ਕੇਵਟੀ, ਸਿੰਘਵਾੜਾ ਅਤੇ ਦਰਭੰਗਾ ਬਲਾਕ ਦੀ ਸਮੀਖਿਆ ਕੀਤੀ ਗਈ। ਜ਼ਿਲ੍ਹਾ ਮੈਜਿਸਟ੍ਰੇਟ ਨੇ ਖੇਤੀਬਾੜੀ ਅਤੇ ਮਾਲੀਆ (ਰਾਜਸਵ) ਅਧਿਕਾਰੀਆਂ ਨੂੰ ਇੱਕ ਹਫ਼ਤੇ ਦੇ ਅੰਦਰ ਪੰਚਾਇਤਵਾਰ ਕਾਰਜ-ਯੋਜਨਾ ਤਿਆਰ ਕਰਕੇ ਮੁਹਿੰਮ ਚਲਾਉਣ ਲਈ ਕਿਹਾ।
ਹਰੇਕ ਕਿਸਾਨ ਸਲਾਹਕਾਰ ਆਪਣੇ ਖੇਤਰ ਵਿੱਚ ਰਹਿ ਗਏ ਕਿਸਾਨਾਂ ਦੀ ਪਛਾਣ ਕਰਕੇ ਉਨ੍ਹਾਂ ਦੇ ਫਾਰਮ ਜਮ੍ਹਾਂ ਕਰਵਾਉਣਗੇ। ਇਸ ਨਾਲ ਯੋਗ ਕਿਸਾਨਾਂ ਦੀ ਰਜਿਸਟ੍ਰੇਸ਼ਨ ਪੂਰੀ ਕਰਨ ਵਿੱਚ ਤੇਜ਼ੀ ਆਵੇਗੀ।
ਲੰਬਿਤ ਅਰਜ਼ੀਆਂ ਦਾ ਹੋਵੇਗਾ ਸਮਾਂਬੱਧ ਨਿਪਟਾਰਾ/ਸੋਧ
ਫ਼ਾਰਮਰ ਰਜਿਸਟਰੀ ਨਾਲ ਜੁੜੀਆਂ ਲੰਬਿਤ ਅਰਜ਼ੀਆਂ ਦੇ ਸੁਧਾਰ (ਪਰਿਮਾਰਜਨ) ਦਾ ਕੰਮ ਅੰਚਲ ਅਧਿਕਾਰੀ (ਸੀ.ਓ.) ਅਤੇ ਮਾਲੀਆ ਕਰਮਚਾਰੀ ਸਮਾਂਬੱਧ ਤਰੀਕੇ ਨਾਲ ਕਰਨਗੇ। ਡੀ.ਐੱਮ. ਨੇ ਕਿਹਾ ਕਿ ਅਰਜ਼ੀ ਵਿੱਚ ਸੁਧਾਰ ਦੀ ਪ੍ਰਕਿਰਿਆ ਲੰਬਿਤ ਰਹਿਣ ਕਾਰਨ ਆਈ.ਡੀ. ਜਨਰੇਟ ਹੋਣ ਵਿੱਚ ਦੇਰੀ ਨਹੀਂ ਹੋਣੀ ਚਾਹੀਦੀ। ਸੀਨੀਅਰ ਅਧਿਕਾਰੀ ਰੋਜ਼ਾਨਾ ਪੰਚਾਇਤਵਾਰ ਪ੍ਰਗਤੀ ਦੀ ਸਮੀਖਿਆ ਕਰਨਗੇ ਅਤੇ ਖ਼ੁਦ ਖੇਤਰ ਵਿੱਚ ਜਾ ਕੇ ਕੰਮਾਂ ਦਾ ਨਿਰੀਖਣ ਕਰਨਗੇ।
23ਵੀਂ ਕਿਸ਼ਤ ਮਿਲ ਚੁੱਕੀ, ਹੁਣ 24ਵੀਂ ਦਾ ਇੰਤਜ਼ਾਰ
ਪੀ.ਐੱਮ. ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ 23ਵੀਂ ਕਿਸ਼ਤ 20 ਜੂਨ 2026 ਨੂੰ ਜਾਰੀ ਕੀਤੀ ਗਈ ਸੀ। ਇਸ ਦਾ ਲਾਭ ਲਗਪਗ ਨੌਂ ਕਰੋੜ ਤੋਂ ਵੱਧ ਯੋਗ ਕਿਸਾਨਾਂ ਨੂੰ ਮਿਲਿਆ ਸੀ। ਹੁਣ ਯੋਜਨਾ ਨਾਲ ਜੁੜੇ ਕਿਸਾਨਾਂ ਨੂੰ 24ਵੀਂ ਕਿਸ਼ਤ ਦਾ ਇੰਤਜ਼ਾਰ ਹੈ। ਯੋਜਨਾ ਤਹਿਤ ਕਿਸਾਨਾਂ ਨੂੰ ਸਾਲ ਵਿੱਚ ਤਿੰਨ ਕਿਸ਼ਤਾਂ ਵਿੱਚ ਕੁੱਲ ਛੇ ਹਜ਼ਾਰ ਰੁਪਏ ਦੀ ਸਹਾਇਤਾ ਦਿੱਤੀ ਜਾਂਦੀ ਹੈ।
ਅਕਤੂਬਰ 'ਚ ਕਿਸ਼ਤ ਆਉਣ ਦੀ ਸੰਭਾਵਨਾ
ਪੀ.ਐੱਮ. ਕਿਸਾਨ ਯੋਜਨਾ ਦੀਆਂ ਕਿਸ਼ਤਾਂ ਆਮ ਤੌਰ 'ਤੇ ਲਗਪਗ ਚਾਰ ਮਹੀਨਿਆਂ ਦੇ ਫ਼ਰਕ 'ਤੇ ਜਾਰੀ ਹੁੰਦੀਆਂ ਹਨ। ਅਜਿਹੇ 'ਚ 23ਵੀਂ ਕਿਸ਼ਤ ਤੋਂ ਬਾਅਦ ਚਾਰ ਮਹੀਨਿਆਂ ਦਾ ਸਮਾਂ ਅਕਤੂਬਰ 'ਚ ਪੂਰਾ ਹੋ ਰਿਹਾ ਹੈ। ਇਸ ਲਈ 24ਵੀਂ ਕਿਸ਼ਤ ਅਕਤੂਬਰ ਵਿੱਚ ਜਾਰੀ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਹਾਲਾਂਕਿ, ਕਿਸ਼ਤ ਜਾਰੀ ਕਰਨ ਦੀ ਤਾਰੀਖ਼ ਨੂੰ ਲੈ ਕੇ ਅਜੇ ਅਧਿਕਾਰਤ ਐਲਾਨ ਨਹੀਂ ਹੋਇਆ ਹੈ।
ਅਧਿਕਾਰੀਆਂ ਨੂੰ ਦਿੱਤੇ ਗਏ ਨਿਰਦੇਸ਼
ਬੈਠਕ 'ਚ ਸਹਾਇਕ ਕਲੈਕਟਰ ਕਲਪਨਾ ਰਾਵਤ, ਜ਼ਿਲ੍ਹਾ ਖੇਤੀਬਾੜੀ ਅਧਿਕਾਰੀ ਡਾ. ਸਿਧਾਰਥ ਸਮੇਤ ਬਲਾਕਾਂ ਦੇ ਖੇਤੀਬਾੜੀ ਅਧਿਕਾਰੀ ਅਤੇ ਕਰਮਚਾਰੀ ਮੌਜੂਦ ਸਨ। ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਗਏ ਕਿ ਯੋਗ ਕਿਸਾਨਾਂ ਦੀ ਪਛਾਣ, ਅਰਜ਼ੀਆਂ ਜਮ੍ਹਾਂ ਕਰਵਾਉਣ ਅਤੇ ਲੰਬਿਤ ਅਰਜ਼ੀਆਂ ਦੇ ਸੁਧਾਰ ਦਾ ਕੰਮ ਮੁਹਿੰਮ ਵਜੋਂ ਪੂਰਾ ਕਰਨ ਤਾਂ ਜੋ ਵੱਧ ਤੋਂ ਵੱਧ ਕਿਸਾਨਾਂ ਨੂੰ ਯੋਜਨਾ ਦਾ ਲਾਭ ਮਿਲ ਸਕੇ।