- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Gold Silver Price Crash:ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਲੋਕਾਂ ਨੂੰ ਲੱਗੀ ਮੌਜ! ਮੂਧੇ ਮੂੰਹ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਜਾਣੋ ਅੱਜ ਦਾ ਰੇਟ
ਅੱਜ ਦਾ ਦਿਨ ਕਮੋਡਿਟੀ ਮਾਰਕੀਟ ਲਈ ਬੇਹੱਦ ਮਹੱਤਵਪੂਰਨ ਹੈ। ਬੁੱਧਵਾਰ ਦੇਰ ਰਾਤ ਅਮਰੀਕੀ ਫੈਡਰਲ ਰਿਜ਼ਰਵ ਨੇ 2023 ਤੋਂ ਬਾਅਦ ਪਹਿਲੀ ਵਾਰ ਵਿਆਜ ਦਰ 'ਚ 25 ਬੇਸਿਸ ਪੁਆਇੰਟ ਦਾ ਵਾਧਾ ਕੀਤਾ ਹੈ। ਇਸ ਨਾਲ ਵਿਆਜ ਦਰ ਦੀ ਟਾਰਗੇਟ ਰੇਂਜ 3.75% ਤੋਂ ਵਧ ਕੇ 4% ਕਰ ਦਿੱਤੀ ਗਈ ਹੈ।
Posted By Sunita
Publish Date: Thu, 17 Sep 2026 10:16 AM (IST)
Updated Date: Thu, 17 Sep 2026 10:17 AM (IST)
ਬਿਜ਼ਨੈਸ ਡੈਸਕ, ਨਵੀਂ ਦਿੱਲੀ - ਅੱਜ ਦਾ ਦਿਨ ਕਮੋਡਿਟੀ ਮਾਰਕੀਟ ਲਈ ਬੇਹੱਦ ਮਹੱਤਵਪੂਰਨ ਹੈ। ਬੁੱਧਵਾਰ ਦੇਰ ਰਾਤ ਅਮਰੀਕੀ ਫੈਡਰਲ ਰਿਜ਼ਰਵ ਨੇ 2023 ਤੋਂ ਬਾਅਦ ਪਹਿਲੀ ਵਾਰ ਵਿਆਜ ਦਰ 'ਚ 25 ਬੇਸਿਸ ਪੁਆਇੰਟ ਦਾ ਵਾਧਾ ਕੀਤਾ ਹੈ। ਇਸ ਨਾਲ ਵਿਆਜ ਦਰ ਦੀ ਟਾਰਗੇਟ ਰੇਂਜ 3.75% ਤੋਂ ਵਧ ਕੇ 4% ਕਰ ਦਿੱਤੀ ਗਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ 15-16 ਸਤੰਬਰ ਨੂੰ ਹੋਈ FOMC ਮੀਟਿੰਗ 'ਚ ਲਿਆ ਗਿਆ ਇਹ ਫ਼ੈਸਲਾ ਮਹਿੰਗਾਈ ਦੇ ਲਗਾਤਾਰ ਉੱਚ ਪੱਧਰ ’ਤੇ ਬਣੇ ਰਹਿਣ ਵਿਚਕਾਰ ਆਇਆ ਹੈ। ਅਗਸਤ 'ਚ ਅਮਰੀਕਾ ਦੀ ਖਪਤਕਾਰ ਮਹਿੰਗਾਈ ਦਰ ਸਾਲਾਨਾ ਆਧਾਰ ’ਤੇ 3.4% ਰਹੀ, ਜੋ ਫੈਡ ਦੇ 2% ਟੀਚੇ ਤੋਂ ਕਾਫ਼ੀ ਉੱਪਰ ਹੈ। ਅਜਿਹੇ 'ਚ ਅੱਜ ਯਾਨੀ 17 ਸਤੰਬਰ ਨੂੰ ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।
ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਕਿੰਨੇ ਡਿੱਗੇ ਭਾਅ?
ਅੰਤਰਰਾਸ਼ਟਰੀ ਬਾਜ਼ਾਰ ਯਾਨੀ COMEX ’ਤੇ ਸੋਨੇ ਅਤੇ ਚਾਂਦੀ ਦੋਵਾਂ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਆਈ ਹੈ। COMEX ਦੇ ਅੰਕੜਿਆਂ ਮੁਤਾਬਕ ਖ਼ਬਰ ਲਿਖੇ ਜਾਣ ਤੱਕ ਸੋਨੇ ਦੀ ਕੀਮਤ 1.47% ਤੱਕ ਡਿੱਗ ਕੇ 4,322.80 ਡਾਲਰ ਪ੍ਰਤੀ ਔਂਸ ਰਹਿ ਗਈ। ਉੱਥੇ ਹੀ ਚਾਂਦੀ ਦੀ ਕੀਮਤ 'ਚ 1.69% ਤੱਕ ਦੀ ਗਿਰਾਵਟ ਦਰਜ ਕੀਤੀ ਗਈ ਅਤੇ ਇਹ ਲਗਭਗ 63.820 ਡਾਲਰ ਪ੍ਰਤੀ ਔਂਸ ’ਤੇ ਟ੍ਰੇਡ ਕਰਦੀ ਦਿਖੀ।
ਘਰੇਲੂ ਬਾਜ਼ਾਰ 'ਚ ਕੀ ਹੈ ਹਾਲ?
ਬੁਲਿਅਨ ਮਾਰਕੀਟ ਯਾਨੀ ਘਰੇਲੂ ਬਾਜ਼ਾਰ 'ਚ ਵੀ ਸੋਨੇ ਅਤੇ ਚਾਂਦੀ ਦੋਵਾਂ ਧਾਤਾਂ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। MCX ’ਤੇ ਸੋਨੇ ਦੀ ਕੀਮਤ ਡਿੱਗ ਕੇ ਲਗਭਗ ₹1.50 ਲੱਖ ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਟ੍ਰੇਡ ਕਰਦੀ ਦਿਖੀ। ਉੱਥੇ ਹੀ ਭਾਰਤ 'ਚ ਚਾਂਦੀ ਦੇ ਭਾਅ ਵੀ ਘਟੇ ਹਨ ਅਤੇ ਕੀਮਤ ਲਗਭਗ ₹2.32 ਲੱਖ ਪ੍ਰਤੀ ਕਿਲੋਗ੍ਰਾਮ ਦੇ ਆਸ-ਪਾਸ ਟ੍ਰੇਡ ਕਰਦੀ ਦਿਖੀ।
MCX ’ਤੇ ਕੀ ਹੈ ਕੀਮਤ?
ਮਲਟੀ ਕਮੋਡਿਟੀ ਐਕਸਚੇਂਜ (MCX) ਦੀ ਗੱਲ ਕਰੀਏ ਤਾਂ ਖ਼ਬਰ ਲਿਖੇ ਜਾਣ ਤੱਕ ਅਕਤੂਬਰ ਡਿਲਿਵਰੀ ਵਾਲਾ ਸੋਨਾ ₹1,533 ਤੱਕ ਡਿੱਗ ਕੇ ₹1,50,937 ਪ੍ਰਤੀ 10 ਗ੍ਰਾਮ ’ਤੇ ਟ੍ਰੇਡ ਕਰਦਾ ਨਜ਼ਰ ਆਇਆ। ਉੱਥੇ ਹੀ ਚਾਂਦੀ ਦੀ ਕੀਮਤ ₹2,386 ਤੱਕ ਡਿੱਗ ਕੇ ₹2,32,400 ਪ੍ਰਤੀ ਕਿਲੋਗ੍ਰਾਮ ’ਤੇ ਪਹੁੰਚ ਗਈ।
ਬੁਲਿਅਨ ਮਾਰਕੀਟ 'ਚ ਲੇਟੈਸਟ ਰੇਟ
ਵਿਆਜ ਦਰਾਂ 'ਚ ਵਾਧੇ ਤੋਂ ਬਾਅਦ ਅੱਜ ਬਾਜ਼ਾਰ ਖੁੱਲ੍ਹਦੇ ਹੀ ਭਾਰਤ 'ਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ 'ਚ ਤੇਜ਼ ਗਿਰਾਵਟ ਦੇਖਣ ਨੂੰ ਮਿਲੀ। ਇਸ ਦੌਰਾਨ 24 ਕੈਰੇਟ ਸੋਨਾ ਲਗਭਗ ₹1,51,580 ਪ੍ਰਤੀ 10 ਗ੍ਰਾਮ, ਜਦਕਿ 22 ਕੈਰੇਟ ਸੋਨਾ ਕਰੀਬ ₹1,39,948 ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਕਾਰੋਬਾਰ ਕਰਦਾ ਦਿਖਿਆ। ਉੱਥੇ ਹੀ 18 ਕੈਰੇਟ ਸੋਨਾ ਲਗਭਗ ₹1,13,685 ਪ੍ਰਤੀ 10 ਗ੍ਰਾਮ ਦੇ ਪੱਧਰ ’ਤੇ ਰਿਹਾ। ਭਾਰਤ 'ਚ ਚਾਂਦੀ ਦਾ ਭਾਅ ਵੀ ਲਗਭਗ ₹2,32,260 ਪ੍ਰਤੀ ਕਿਲੋਗ੍ਰਾਮ ਦੇ ਆਸ-ਪਾਸ ਟ੍ਰੇਡ ਕਰਦਾ ਦਿਖਿਆ।