- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Gold Silver Price Today: ਸੋਨੇ-ਚਾਂਦੀ ਨੇ ਫਿਰ ਤੋੜੇ ਸਾਰੇ ਰਿਕਾਰਡ, ਬਾਜ਼ਾਰ ਖੁੱਲ੍ਹਦਿਆਂ ਹੀ 3000 ਰੁਪਏ ਤੱਕ ਮਹਿੰਗੀਆਂ ਹੋਈਆਂ ਕੀਮਤਾਂ
ਇੰਟਰਨੈਸ਼ਨਲ ਮਾਰਕੀਟ ਯਾਨੀ ਕਾਮੈਕਸ (Comex) 'ਤੇ ਸੋਨੇ ਅਤੇ ਚਾਂਦੀ ਦੋਵਾਂ ਦੀਆਂ ਕੀਮਤਾਂ ’ਚ ਤੇਜ਼ੀ ਆਈ ਹੈ। ਕਾਮੈਕਸ 'ਤੇ ਅੰਕੜਿਆਂ ਦੀ ਮੰਨੀਏ ਤਾਂ ਖ਼ਬਰ ਲਿਖਣ ਤੱਕ ਸੋਨਾ 0.75% ਤੱਕ ਚੜ੍ਹਿਆ (Gold Price on Comex) ਅਤੇ ਕੀਮਤ 4688.10 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ ਹੈ। ਉੱਥੇ ਹੀ ਚਾਂਦੀ (Silver Price on Comex) ਦੇ ਭਾਅ 1.96% ਤੱਕ ਚੜ੍ਹ ਗਏ ਅਤੇ ਕੀਮਤ 69.360 ਡਾਲਰ ਪ੍ਰਤੀ ਔਂਸ 'ਤੇ ਟ੍ਰੇਡ ਕਰਦੀ ਦਿਖੀ।
Posted By Anuradha Bains
Publish Date: Thu, 27 Aug 2026 11:08 AM (IST)
Updated Date: Thu, 27 Aug 2026 11:10 AM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ। ਸੋਨੇ-ਚਾਂਦੀ ’ਚ ਲਗਾਤਾਰ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲ ਰਹੇ ਹਨ। ਸੋਨੇ-ਚਾਂਦੀ ਦੇ ਭਾਅ ਕਦੇ ਅਸਮਾਨ 'ਤੇ ਚੜ੍ਹਦੇ ਹਨ ਤਾਂ ਕਦੇ ਧੜੱਮ ਨਾਲ ਹੇਠਾਂ ਡਿੱਗਦੇ ਦਿਖਦੇ ਹਨ। ਅਜਿਹੇ ’ਚ ਤਿਉਹਾਰਾਂ ਦਾ ਸੀਜ਼ਨ ਬੇਹੱਦ ਕਰੀਬ ਹੈ ਅਤੇ ਜੇਕਰ ਤੁਸੀਂ ਸੋਨਾ ਜਾਂ ਚਾਂਦੀ ਖਰੀਦਣ ਦਾ ਪਲਾਨ ਬਣਾ ਰਹੇ ਹੋ ਤਾਂ ਭਾਅ 'ਤੇ ਨਜ਼ਰ ਰੱਖਣਾ ਬੇਹੱਦ ਅਹਿਮ ਹੈ। ਘਰੇਲੂ ਬਾਜ਼ਾਰ ਦੇ ਦਾਅਵਿਆਂ 'ਤੇ ਇੰਟਰਨੈਸ਼ਨਲ ਬਾਜ਼ਾਰ ਦੀਆਂ ਕੀਮਤਾਂ ਦਾ ਅਸਰ ਸਾਫ਼ ਦਿਖਦਾ ਹੈ। ਆਓ ਇੰਟਰਨੈਸ਼ਨਲ ਮਾਰਕੀਟ ਤੋਂ ਲੈ ਕੇ ਘਰੇਲੂ ਬਾਜ਼ਾਰ ਤੱਕ ਦੀਆਂ ਕੀਮਤਾਂ 'ਤੇ ਇੱਕ ਨਜ਼ਰ ਮਾਰਦੇ ਹਾਂ।
ਇੰਟਰਨੈਸ਼ਨਲ ਮਾਰਕੀਟ ’ਚ ਕਿੰਨੀਆਂ ਵਧੀਆਂ ਕੀਮਤਾਂ?
ਇੰਟਰਨੈਸ਼ਨਲ ਮਾਰਕੀਟ ਯਾਨੀ ਕਾਮੈਕਸ (Comex) 'ਤੇ ਸੋਨੇ ਅਤੇ ਚਾਂਦੀ ਦੋਵਾਂ ਦੀਆਂ ਕੀਮਤਾਂ ’ਚ ਤੇਜ਼ੀ ਆਈ ਹੈ। ਕਾਮੈਕਸ 'ਤੇ ਅੰਕੜਿਆਂ ਦੀ ਮੰਨੀਏ ਤਾਂ ਖ਼ਬਰ ਲਿਖਣ ਤੱਕ ਸੋਨਾ 0.75% ਤੱਕ ਚੜ੍ਹਿਆ (Gold Price on Comex) ਅਤੇ ਕੀਮਤ 4688.10 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ ਹੈ। ਉੱਥੇ ਹੀ ਚਾਂਦੀ (Silver Price on Comex) ਦੇ ਭਾਅ 1.96% ਤੱਕ ਚੜ੍ਹ ਗਏ ਅਤੇ ਕੀਮਤ 69.360 ਡਾਲਰ ਪ੍ਰਤੀ ਔਂਸ 'ਤੇ ਟ੍ਰੇਡ ਕਰਦੀ ਦਿਖੀ।
ਘਰੇਲੂ ਬਾਜ਼ਾਰ ’ਚ ਕਿੱਥੇ ਹਨ ਭਾਅ?
ਘਰੇਲੂ ਬਾਜ਼ਾਰ ਯਾਨੀ ਬੁਲੀਅਨ ਮਾਰਕੀਟ ’ਚ ਵੀ ਸੋਨੇ ਅਤੇ ਚਾਂਦੀ ਦੋਵਾਂ ਦੇ ਭਾਅ ਚੜ੍ਹਦੇ ਦਿਖੇ। ਐੱਮ.ਸੀ.ਐਕਸ. (MCX) 'ਤੇ ਸੋਨਾ ਚੜ੍ਹ ਕੇ ਕਰੀਬ ₹1.60 ਲੱਖ ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਟ੍ਰੇਡ ਕਰਦਾ ਦਿਖਿਆ ਹੈ। ਉੱਥੇ ਹੀ ਭਾਰਤ ’ਚ ਚਾਂਦੀ ਦੇ ਭਾਅ ਵੀ ਚੜ੍ਹੇ ਹਨ। ਇਹ ਚੜ੍ਹ ਕੇ ₹2.42 ਲੱਖ ਪ੍ਰਤੀ ਕਿਲੋਗ੍ਰਾਮ ਦੇ ਆਸ-ਪਾਸ ਟ੍ਰੇਡ ਕਰਦੀ ਦਿਖੀ।
ਐੱਮ.ਸੀ.ਐਕਸ. 'ਤੇ ਕਿੰਨੇ ਚੜ੍ਹੇ ਭਾਅ?
ਮਲਟੀ ਕਮੋਡਿਟੀ ਐਕਸਚੇਂਜ ਦੀ ਗੱਲ ਕਰੀਏ ਤਾਂ ਐੱਮ.ਸੀ.ਐਕਸ. 'ਤੇ ਸੋਨਾ ਖ਼ਬਰ ਲਿਖਣ ਤੱਕ 719 ਰੁਪਏ ਤੱਕ ਚੜ੍ਹਿਆ ਅਤੇ ₹1,60,382 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਟ੍ਰੇਡ ਕਰਦਾ ਦਿਖਿਆ। ਉੱਥੇ ਹੀ ਕਰੀਬ ਸਵੇਰੇ 9 ਵਜੇ ਚਾਂਦੀ 2145 ਰੁਪਏ ਤੱਕ ਚੜ੍ਹੀ ਅਤੇ ਕੀਮਤ ₹2,41,792 ਰੁਪਏ ਪ੍ਰਤੀ ਕਿਲੋਗ੍ਰਾਮ (silver price today) 'ਤੇ ਪਹੁੰਚ ਗਈ ਸੀ।
ਖਰੀਦਦਾਰੀ ਤੋਂ ਪਹਿਲਾਂ ਰੇਟ ਚੈੱਕ ਕਰੋ
ਭਾਰਤ ’ਚ ਸੋਨੇ ਦੇ ਭਾਅ ’ਚ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਅਜਿਹੇ ਵਿੱਚ 24 ਕੈਰੇਟ ਸੋਨਾ ਕਰੀਬ ₹1,63,382 ਲੱਖ ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਕਾਰੋਬਾਰ ਕਰ ਰਿਹਾ ਹੈ, ਜਦੋਂ ਕਿ 22 ਕੈਰੇਟ ਸੋਨਾ ਲਗਪਗ ₹1,47,418 ਲੱਖ ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਬਣਿਆ ਹੋਇਆ ਹੈ। ਉੱਥੇ ਹੀ 18 ਕੈਰੇਟ ਗੋਲਡ ₹1,20,615 ਲੱਖ ਪ੍ਰਤੀ 10 ਗ੍ਰਾਮ ਦੇ ਕਰੀਬ ਟ੍ਰੈਂਡ ਕਰ ਰਿਹਾ ਹੈ। ਉੱਥੇ ਹੀ ਭਾਰਤ ਵਿੱਚ ਚਾਂਦੀ ਦੇ ਭਾਅ ਲਗਪਗ ₹2,42,990 ਲੱਖ ਪ੍ਰਤੀ ਕਿਲੋਗ੍ਰਾਮ ਦੇ ਆਸ-ਪਾਸ ਟ੍ਰੇਡ ਕਰਦੇ ਦਿਖੇ।