- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
LPG ਸਿਲੰਡਰ ਜਾਓ ਭੁੱਲ! ਹੁਣ ਈਥਾਨੌਲ ਨਾਲ ਪੱਕੇਗਾ ਖਾਣਾ; ਗੰਨੇ ਦੇ ਰਸ ਵਾਲੇ ਫਿਊਲ 'ਤੇ ਸਬਸਿਡੀ ਵੀ ਦੇਵੇਗੀ ਸਰਕਾਰ
ਦੇਸ਼ ’ਚ ਪੈਟਰੋਲ ਵਿੱਚ ਈਥਾਨੌਲ ਮਿਸ਼ਰਣ (E20) ਲਾਗੂ ਕਰਨ ਤੋਂ ਬਾਅਦ ਹੁਣ ਕੇਂਦਰ ਸਰਕਾਰ ਘਰੇਲੂ ਰਸੋਈ ਵਿੱਚ ਵੀ ਈਥਾਨੌਲ ਨੂੰ ਇੱਕ ਬਦਲਵੇਂ ਫਿਊਲ ਵਜੋਂ ਸ਼ਾਮਲ ਕਰਨ ਦੀ ਦਿਸ਼ਾ ਵਿੱਚ ਕੰਮ ਕਰ ਰਹੀ ਹੈ। ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲਾ ਅਜਿਹੀ ਨੀਤੀ ਤਿਆਰ ਕਰ ਰਿਹਾ ਹੈ, ਜਿਸ ਦੇ ਤਹਿਤ ਭਵਿੱਖ ’ਚ LPG ਦੇ ਨਾਲ-ਨਾਲ ਈਥਾਨੌਲ 'ਤੇ ਆਧਾਰਿਤ ਕੁਕਿੰਗ ਫਿਊਲ ਵੀ ਆਮ ਲੋਕਾਂ ਲਈ ਮੁਹੱਈਆ ਕਰਵਾਇਆ ਜਾ ਸਕੇ।
Posted By Anuradha Bains
Publish Date: Tue, 21 Jul 2026 11:55 AM (IST)
Updated Date: Tue, 21 Jul 2026 11:58 AM (IST)
ਨਵੀਂ ਦਿੱਲੀ। ਦੇਸ਼ ’ਚ ਪੈਟਰੋਲ ਵਿੱਚ ਈਥਾਨੌਲ ਮਿਸ਼ਰਣ (E20) ਲਾਗੂ ਕਰਨ ਤੋਂ ਬਾਅਦ ਹੁਣ ਕੇਂਦਰ ਸਰਕਾਰ ਘਰੇਲੂ ਰਸੋਈ ਵਿੱਚ ਵੀ ਈਥਾਨੌਲ ਨੂੰ ਇੱਕ ਬਦਲਵੇਂ ਫਿਊਲ ਵਜੋਂ ਸ਼ਾਮਲ ਕਰਨ ਦੀ ਦਿਸ਼ਾ ਵਿੱਚ ਕੰਮ ਕਰ ਰਹੀ ਹੈ। ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲਾ ਅਜਿਹੀ ਨੀਤੀ ਤਿਆਰ ਕਰ ਰਿਹਾ ਹੈ, ਜਿਸ ਦੇ ਤਹਿਤ ਭਵਿੱਖ ’ਚ LPG ਦੇ ਨਾਲ-ਨਾਲ ਈਥਾਨੌਲ 'ਤੇ ਆਧਾਰਿਤ ਕੁਕਿੰਗ ਫਿਊਲ ਵੀ ਆਮ ਲੋਕਾਂ ਲਈ ਮੁਹੱਈਆ ਕਰਵਾਇਆ ਜਾ ਸਕੇ।
ਸਰਕਾਰ ਦਾ ਮੰਨਣਾ ਹੈ ਕਿ ਇਸ ਕਦਮ ਨਾਲ ਦੇਸ਼ ਦੀ ਦਰਾਮਦ ਕੀਤੀ LPG 'ਤੇ ਨਿਰਭਰਤਾ ਘਟੇਗੀ, ਊਰਜਾ ਸੁਰੱਖਿਆ ਮਜ਼ਬੂਤ ਹੋਵੇਗੀ ਅਤੇ ਵਾਤਾਵਰਣ ਦੇ ਅਨੁਕੂਲ ਸਾਫ਼-ਸੁਥਰੇ ਫਿਊਲ ਨੂੰ ਉਤਸ਼ਾਹ ਮਿਲੇਗਾ। ਇਸ ਦੇ ਨਾਲ ਹੀ ਕਿਸਾਨਾਂ ਦੁਆਰਾ ਪੈਦਾ ਕੀਤੀਆਂ ਫ਼ਸਲਾਂ ਤੋਂ ਬਣਨ ਵਾਲੇ ਈਥਾਨੌਲ ਦੀ ਮੰਗ ਵਧਣ ਨਾਲ ਖੇਤੀਬਾੜੀ ਖੇਤਰ ਨੂੰ ਵੀ ਲਾਭ ਮਿਲਣ ਦੀ ਉਮੀਦ ਹੈ।
ਕੀ ਹੋਵੇਗਾ ਫਾਇਦਾ?
ਮਾਹਰਾਂ ਦੇ ਅਨੁਸਾਰ, ਈਥਾਨੌਲ ਇੱਕ ਸਾਫ਼ ਜੈਵਿਕ ਫਿਊਲ ਹੈ, ਜਿਸ ਦੀ ਵਰਤੋਂ ਨਾਲ ਕਾਰਬਨ ਉਤਸਰਜਨ ਘੱਟ ਸਕਦਾ ਹੈ। ਜੇਕਰ ਇਸ ਨੂੰ ਰਸੋਈ ਗੈਸ ਦੇ ਬਦਲ ਵਜੋਂ ਅਪਣਾਇਆ ਜਾਂਦਾ ਹੈ ਤਾਂ ਇਹ ਲੰਬੇ ਸਮੇਂ ’ਚ ਬਾਲਣ ਦਰਾਮਦ ਦਾ ਖਰਚਾ ਘਟਾਉਣ ਅਤੇ ਘਰੇਲੂ ਊਰਜਾ ਪ੍ਰਣਾਲੀ ਨੂੰ ਵਧੇਰੇ ਆਤਮ-ਨਿਰਭਰ ਬਣਾਉਣ ਵਿੱਚ ਮਦਦ ਕਰ ਸਕਦਾ ਹੈ।
ਅਜੇ ਸ਼ੁਰੂਆਤੀ ਪੜਾਅ ਵਿੱਚ ਹੈ ਯੋਜਨਾ
ਹਾਲਾਂਕਿ ਸਰਕਾਰ ਦੀ ਇਹ ਯੋਜਨਾ ਅਜੇ ਸ਼ੁਰੂਆਤੀ ਪੜਾਅ ਵਿੱਚ ਹੈ। ਇਸ ਦੇ ਲਈ ਈਥਾਨੌਲ 'ਤੇ ਆਧਾਰਿਤ ਸਟੋਵ, ਬਾਲਣ ਵੰਡ ਨੈੱਟਵਰਕ, ਸੁਰੱਖਿਆ ਮਾਪਦੰਡਾਂ ਅਤੇ ਖਪਤਕਾਰਾਂ ਤੱਕ ਪਹੁੰਚ ਯਕੀਨੀ ਬਣਾਉਣ ਵਰਗੇ ਕਈ ਪਹਿਲੂਆਂ 'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਨੀਤੀ ਲਾਗੂ ਕਰਨ ਤੋਂ ਪਹਿਲਾਂ ਵਿਆਪਕ ਪ੍ਰੀਖਣ ਅਤੇ ਤਕਨੀਕੀ ਮੁਲਾਂਕਣ ਕੀਤੇ ਜਾਣਗੇ।
ਪੈਟਰੋਲ ’ਚ ਈਥਾਨੌਲ ਬਲੇਂਡਿੰਗ ਜਾਰੀ ਰਹੇਗੀ
ਇਸੇ ਦੌਰਾਨ ਸਰਕਾਰ ਨੇ ਸੰਸਦ ’ਚ ਸਪੱਸ਼ਟ ਕੀਤਾ ਹੈ ਕਿ ਫਿਲਹਾਲ ਪੈਟਰੋਲ ’ਚ ਈਥਾਨੌਲ ਦੀ ਮਾਤਰਾ 20% (E20) ਤੋਂ ਵੱਧ ਵਧਾਉਣ ਦਾ ਕੋਈ ਫੈਸਲਾ ਨਹੀਂ ਲਿਆ ਗਿਆ ਹੈ। ਭਵਿੱਖ ਵਿੱਚ ਜੇਕਰ ਅਜਿਹਾ ਕੋਈ ਫੈਸਲਾ ਹੁੰਦਾ ਹੈ ਤਾਂ ਉਹ ਵਿਗਿਆਨਕ ਅਧਿਐਨ, ਤਕਨੀਕੀ ਪ੍ਰੀਖਣ ਅਤੇ ਸਾਰੇ ਹਿੱਸੇਦਾਰਾਂ ਨਾਲ ਸਲਾਹ-ਮਸ਼ਵਰਾ ਕਰਨ ਤੋਂ ਬਾਅਦ ਹੀ ਲਿਆ ਜਾਵੇਗਾ।
ਸਰਕਾਰ ਦਾ ਮੰਨਣਾ ਹੈ ਕਿ ਰਸੋਈ ਦੇ ਬਾਲਣ ਵਜੋਂ ਈਥਾਨੌਲ ਦੀ ਵਰਤੋਂ ਨਾਲ ਘਰੇਲੂ ਉਤਪਾਦਨ ਨੂੰ ਉਤਸ਼ਾਹ ਮਿਲੇਗਾ, ਕਿਸਾਨਾਂ ਦੀ ਆਮਦਨ ਵਧਾਉਣ ਵਿੱਚ ਮਦਦ ਮਿਲੇਗੀ ਅਤੇ ਭਾਰਤ ਦੇ ਬਾਇਓਫਿਊਲ ਮਿਸ਼ਨ ਨੂੰ ਨਵੀਂ ਗਤੀ ਮਿਲੇਗੀ।