Flight Ticket Price Hike: ਮਹਿੰਗਾ ਹੋਇਆ ਹਵਾਈ ਸਫ਼ਰ! ਲਗਾਤਾਰ ਦੂਜੇ ਮਹੀਨੇ ਵਧੇ ATF ਦੇ ਭਾਅ, ਜੇਬ ’ਤੇ ਭਾਰੀ ਪਵੇਗਾ ਸਤੰਬਰ ਦਾ ਮਹੀਨਾ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ। ਸਤੰਬਰ ਦਾ ਮਹੀਨਾ ਸ਼ੁਰੂ ਹੋ ਚੁੱਕਾ ਹੈ ਅਤੇ ਮਹੀਨੇ ਦੇ ਪਹਿਲੇ ਦਿਨ ਹੀ ਕਈ ਚੀਜ਼ਾਂ ਵੀ ਮਹਿੰਗੀਆਂ (September Rule Change) ਹੋ ਗਈਆਂ ਹਨ। ਇਸੇ ਦੌਰਾਨ ਘਰੇਲੂ ਏਅਰਲਾਈਨ ਕੰਪਨੀਆਂ (Domestic Airlines) ਲਈ ਵੀ ਬੁਰੀ ਖ਼ਬਰ ਸਾਹਮਣੇ ਆਈ ਹੈ। ਵਪਾਰਕ ਜਹਾਜ਼ਾਂ ’ਚ ਵਰਤੋਂ ਹੋਣ ਵਾਲਾ ਏਅਰ ਟਰਬਾਈਨ ਫਿਊਲ (ATF) ਲਗਾਤਾਰ ਦੂਜੇ ਮਹੀਨੇ ਮਹਿੰਗਾ(Flight Ticket Hike) ਹੋ ਗਿਆ ਹੈ। ਆਓ ਜਾਣਦੇ ਹਾਂ ਕਿ ਇਸ ਵਾਧੇ ਦਾ ਆਮ ਜਨਤਾ 'ਤੇ ਕਿਵੇਂ ਅਸਰ ਪਵੇਗਾ।

ਕਿੰਨਾ ਮਹਿੰਗਾ ਹੋਇਆ ATF?

ਮੀਡੀਆ ਰਿਪੋਰਟਾਂ ਅਨੁਸਾਰ, ਇੰਡੀਅਨ ਆਇਲ ਕਾਰਪੋਰੇਸ਼ਨ (IOC) ਦੇ ਸੂਤਰਾਂ ਦੇ ਹਵਾਲੇ ਨਾਲ ਏ.ਟੀ.ਐੱਫ. ਦੀਆਂ ਕੀਮਤਾਂ ਵਿੱਚ 6.28 ਰੁਪਏ ਪ੍ਰਤੀ ਲੀਟਰ (ਯਾਨੀ 5.46%) ਦਾ ਵਾਧਾ ਕੀਤਾ ਗਿਆ ਹੈ। ਇਸ ਵਾਧੇ ਤੋਂ ਬਾਅਦ ਹੁਣ ਏ.ਟੀ.ਐੱਫ. ਦੀ ਕੀਮਤ ₹115 ਪ੍ਰਤੀ ਲੀਟਰ ਤੋਂ ਵਧ ਕੇ ₹121.28 ਪ੍ਰਤੀ ਲੀਟਰ ਹੋ ਗਈ ਹੈ।

ਉੱਥੇ ਹੀ ਤੁਹਾਨੂੰ ਦੱਸ ਦਈਏ ਕਿ ਅਗਸਤ ਵਿੱਚ ਵੀ ਇਸ ਵਿੱਚ ₹5 ਦਾ ਵਾਧਾ ਹੋਇਆ ਸੀ ਅਤੇ ਉਦੋਂ ਏ.ਟੀ.ਐੱਫ. ₹115 ਪ੍ਰਤੀ ਲੀਟਰ ਹੋ ਗਿਆ ਸੀ।

ਮਹਿੰਗੇ ਹੋਣਗੇ ਹਵਾਈ ਟਿਕਟ?

ਫਿਊਲ, ਕਿਸੇ ਵੀ 1ਏਅਰਲਾਈਨ ਦੇ ਕੁੱਲ ਖਰਚ ਦਾ ਸਭ ਤੋਂ ਵੱਡਾ ਹਿੱਸਾ ਹੁੰਦਾ ਹੈ। ਗੱਲ ਕਰੀਏ ਭਾਰਤ ਦੀ, ਤਾਂ ਭਾਰਤ ਵਿੱਚ ਇਕੱਲਾ ਐਵੀਏਸ਼ਨ ਫਿਊਲ ਹੀ ਏਅਰਲਾਈਨਾਂ ਦੇ ਕੁੱਲ ਓਪਰੇਸ਼ਨਲ ਖਰਚ ਦਾ 35 ਤੋਂ 40% ਹਿੱਸਾ ਹੁੰਦਾ ਹੈ। ਅਜਿਹੇ ਵਿੱਚ ਜੇਕਰ ਬਾਲਣ ਦੇ ਦਾਅ ਵਧਦੇ ਹਨ ਤਾਂ ਕੰਪਨੀਆਂ ਦਾ ਖਰਚਾ ਆਪਣੇ-ਆਪ ਹੀ ਵਧ ਜਾਂਦਾ ਹੈ।

ਅਜਿਹੇ ਵਿੱਚ ਮਾਹਰ ਦੱਸਦੇ ਹਨ ਕਿ ਕੰਪਨੀਆਂ ਇਸ ਵਧੇ ਹੋਏ ਖਰਚੇ ਨੂੰ ਯਾਤਰੀਆਂ ਤੋਂ ਵਸੂਲਣ ਦੀ ਕੋਸ਼ਿਸ਼ ਕਰ ਸਕਦੀਆਂ ਹਨ, ਜਿਸ ਨਾਲ ਹੋ ਸਕਦਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਹਵਾਈ ਟਿਕਟ ਮਹਿੰਗੇ ਹੋ ਜਾਣ। ਹਾਲਾਂਕਿ, ਟਿਕਟ ਦੇ ਦਾਅ ਇਸ ਗੱਲ 'ਤੇ ਵੀ ਨਿਰਭਰ ਕਰਨਗੇ ਕਿ ਉਸ ਸਮੇਂ ਯਾਤਰੀਆਂ ਦੀ ਮੰਗ ਕਿੰਨੀ ਹੈ, ਸੀਟਾਂ ਕਿੰਨੀਆਂ ਹਨ ਅਤੇ ਏਅਰਲਾਈਨਾਂ ਵਿਚਕਾਰ ਮੁਕਾਬਲਾ ਕਿੰਨਾ ਹੈ।

ਕਿਉਂ ਵਧ ਰਹੇ ਹਨ ਏ.ਟੀ.ਐੱਫ. ਦੇ ਦਾਅ?

ਏ.ਟੀ.ਐੱਫ. ਦੀਆਂ ਕੀਮਤਾਂ ਵਿੱਚ ਇਹ ਉਛਾਲ ਗਲੋਬਲ ਮਾਰਕੀਟ ਵਿੱਚ ਕੱਚੇ ਤੇਲ (Crude Oil) ਦੇ ਦਾਅ ਵਧਣ ਦੀ ਵਜ੍ਹਾ ਨਾਲ ਆਇਆ ਹੈ। ਅਮਰੀਕਾ ਅਤੇ ਇਰਾਨ ਵਿਚਕਾਰ ਤਾਜ਼ਾ ਤਣਾਅ ਦੇ ਕਾਰਨ ਦੁਨੀਆ ਦੇ ਸਭ ਤੋਂ ਅਹਿਮ ਤੇਲ ਸ਼ਿਪਿੰਗ ਰੂਟ 'ਸਟਰੇਟ ਆਫ਼ ਹਰਮੁਜ਼' ਤੋਂ ਊਰਜਾ ਸਪਲਾਈ ਪ੍ਰਭਾਵਿਤ ਹੋਣ ਦਾ ਖਤਰਾ ਪੈਦਾ ਹੋ ਗਿਆ ਹੈ। ਜੇਕਰ ਮੱਧ ਪੂਰਬ (Middle East) ਵਿੱਚ ਤਣਾਅ ਦੀ ਸਥਿਤੀ ਅਜਿਹੀ ਹੀ ਬਣੀ ਰਹੀ ਤਾਂ ਹੋ ਸਕਦਾ ਹੈ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਫਿਰ ਏ.ਟੀ.ਐੱਫ. ਦੇ ਦਾਅ ਵਿੱਚ ਵਾਧਾ ਕੀਤਾ ਜਾਵੇ।

ਅੱਜ ਤੋਂ ਕੀ-ਕੀ ਹੋਇਆ ਮਹਿੰਗਾ?

ਮਾਲੂਮ ਹੋਵੇ ਕਿ ਸਤੰਬਰ ਤੋਂ ਐੱਲ.ਪੀ.ਜੀ., ਦੁੱਧ, ਟੈਕਸੀ ਪ੍ਰਾਈਜ਼ ਵਰਗੀਆਂ ਚੀਜ਼ਾਂ ਵਿੱਚ ਵਾਧਾ ਕੀਤਾ ਗਿਆ ਹੈ। ਸਤੰਬਰ ਤੋਂ ਕਮਰਸ਼ੀਅਲ ਸਿਲੰਡਰ ₹11.50 ਮਹਿੰਗਾ ਹੋ ਗਿਆ ਹੈ। ਉੱਥੇ ਹੀ ਮੁੰਬਈ ਵਿੱਚ ਦੁੱਧ ਦੇ ਦਾਅ ਵਿੱਚ ਸਿੱਧਾ ₹9 ਦਾ ਵਾਧਾ ਕੀਤਾ ਗਿਆ ਹੈ।