- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕ੍ਰੈਡਿਟ ਕਾਰਡ ਯੂਜ਼ਰਸ ਸਾਵਧਾਨ! ਬਿਨਾਂ ਖ਼ਰਚ ਕੀਤੇ ਵੀ ਲੱਗ ਸਕਦਾ ਹੈ ਜੁਰਮਾਨਾ, ਲੋਨ ਐਪਲੀਕੇਸ਼ਨ ਹੋ ਸਕਦੀ ਹੈ ਰਿਜੈਕਟ; ਤੁਰੰਤ ਕਰੋ ਇਹ ਕੰਮ
ਕੀ ਤੁਸੀਂ ਵੀ ਸ਼ਾਪਿੰਗ ਬਿੱਲ, ਫੂਡ ਬਿੱਲ ਅਤੇ ਹੋਟਲ ਬੁਕਿੰਗਜ਼ ਕ੍ਰੈਡਿਟ ਕਾਰਡ ਰਾਹੀਂ ਕਰਦੇ ਹੋ? ਕੀ ਤੁਹਾਡੇ ਕੋਲ ਵੀ ਇੱਕ ਤੋਂ ਵੱਧ ਕ੍ਰੈਡਿਟ ਕਾਰਡ ਹਨ? ਜੇਕਰ ਹਾਂ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਆਨਲਾਈਨ ਸ਼ਾਪਿੰਗ ਤੋਂ ਲੈ ਕੇ ਬਿਜਲੀ ਦਾ ਬਿੱਲ ਭਰਨ ਅਤੇ ਨੈੱਟਫਲਿਕਸ-ਅਮੇਜ਼ਨ ਵਰਗੇ ਓ.ਟੀ.ਟੀ. ਪਲੇਟਫਾਰਮਾਂ ਦੇ ਸਬਸਕ੍ਰਿਪਸ਼ਨ ਤੱਕ, ਲੋਕ ਧੜੱਲੇ ਨਾਲ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰ ਰਹੇ ਹਨ।
Posted By Sunita
Publish Date: Wed, 15 Jul 2026 04:12 PM (IST)
Updated Date: Wed, 15 Jul 2026 04:16 PM (IST)
ਨਵੀਂ ਦਿੱਲੀ : ਕੀ ਤੁਸੀਂ ਵੀ ਸ਼ਾਪਿੰਗ ਬਿੱਲ, ਫੂਡ ਬਿੱਲ ਅਤੇ ਹੋਟਲ ਬੁਕਿੰਗਜ਼ ਕ੍ਰੈਡਿਟ ਕਾਰਡ ਰਾਹੀਂ ਕਰਦੇ ਹੋ? ਕੀ ਤੁਹਾਡੇ ਕੋਲ ਵੀ ਇੱਕ ਤੋਂ ਵੱਧ ਕ੍ਰੈਡਿਟ ਕਾਰਡ ਹਨ? ਜੇਕਰ ਹਾਂ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਆਨਲਾਈਨ ਸ਼ਾਪਿੰਗ ਤੋਂ ਲੈ ਕੇ ਬਿਜਲੀ ਦਾ ਬਿੱਲ ਭਰਨ ਅਤੇ ਨੈੱਟਫਲਿਕਸ-ਅਮੇਜ਼ਨ ਵਰਗੇ ਓ.ਟੀ.ਟੀ. ਪਲੇਟਫਾਰਮਾਂ ਦੇ ਸਬਸਕ੍ਰਿਪਸ਼ਨ ਤੱਕ, ਲੋਕ ਧੜੱਲੇ ਨਾਲ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰ ਰਹੇ ਹਨ।
ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜ਼ਰਾ ਜਿਹੀ ਲਾਪਰਵਾਹੀ ਤੁਹਾਡੇ ਕ੍ਰੈਡਿਟ ਸਕੋਰ ਨੂੰ ਖ਼ਰਾਬ ਕਰ ਸਕਦੀ ਹੈ? ਕ੍ਰੈਡਿਟ ਕਾਰਡ ਵਿੱਚ ਕੀਤੀ ਗਈ ਇਹ ਛੋਟੀ ਜਿਹੀ ਚੂਕ ਤੁਹਾਡੀ ਪੇਮੈਂਟ ਤਾਂ ਅਟਕਾ ਹੀ ਸਕਦੀ ਹੈ, ਸਗੋਂ ਤੁਹਾਡੀ ਲੋਨ ਐਪਲੀਕੇਸ਼ਨ ਵੀ ਰਿਜੈਕਟ ਕਰਵਾ ਸਕਦੀ ਹੈ। ਕਈ ਲੋਕ ਇਸ ਤੋਂ ਬਚਣ ਲਈ ਦੂਜਾ ਕ੍ਰੈਡਿਟ ਕਾਰਡ ਲੈ ਲੈਂਦੇ ਹਨ, ਪਰ ਉਹ ਇਹ ਨਹੀਂ ਜਾਣਦੇ ਕਿ ਅਜਿਹੇ ਵਿੱਚ ਦੂਜਾ ਕ੍ਰੈਡਿਟ ਕਾਰਡ ਫਾਇਦੇ ਦਾ ਨਹੀਂ ਬਲਕਿ ਨੁਕਸਾਨ ਦਾ ਸੌਦਾ ਹੁੰਦਾ ਹੈ। ਆਓ ਤੁਹਾਨੂੰ ਕ੍ਰੈਡਿਟ ਕਾਰਡ ਨਾਲ ਜੁੜਿਆ ਇਹ ਖ਼ਾਸ ਨਿਯਮ ਦੱਸਦੇ ਹਾਂ।
ਕਿਸ ਤਾਰੀਖ਼ ਦਾ ਰੱਖਣਾ ਹੈ ਖ਼ਿਆਲ?
ਬੈਂਕ ਜਦੋਂ ਵੀ ਕੋਈ ਕ੍ਰੈਡਿਟ ਕਾਰਡ ਜਾਰੀ ਕਰਦਾ ਹੈ, ਤਾਂ ਉਸ ਦੀ ਇੱਕ ਤੈਅ ਸਮਾਂ-ਸੀਮਾ ਤੈਅ ਕਰਦਾ ਹੈ। ਇਹ ਤਾਰੀਖ਼ ਤੁਹਾਡੇ ਕਾਰਡ ਦੇ ਉੱਪਰ MM/YY (ਮਹੀਨਾ/ਸਾਲ) ਫਾਰਮੈਟ ਵਿੱਚ ਲਿਖੀ ਹੁੰਦੀ ਹੈ। ਇਸ ਤਾਰੀਖ਼ ਤੱਕ ਤੁਸੀਂ ਬਿਨਾਂ ਕਿਸੇ ਰੁਕਾਵਟ ਦੇ ਕਾਰਡ ਤੋਂ ਪੇਮੈਂਟ ਕਰ ਸਕਦੇ ਹੋ, ਬਸ਼ਰਤੇ ਤੁਸੀਂ ਆਪਣੀ ਲਿਮਿਟ ਕ੍ਰਾਸ ਨਾ ਕੀਤੀ ਹੋਵੇ। ਪਰ ਜਿਵੇਂ ਹੀ ਇਹ ਵੈਲਿਡਿਟੀ ਖ਼ਤਮ ਹੁੰਦੀ ਹੈ, ਤੁਹਾਡਾ ਕਾਰਡ ਇੱਕ ਪਲਾਸਟਿਕ ਦਾ ਟੁਕੜਾ ਬਣ ਕੇ ਰਹਿ ਜਾਂਦਾ ਹੈ ਅਤੇ ਉਸ ਤੋਂ ਹੋਣ ਵਾਲੀਆਂ ਸਾਰੀਆਂ ਟ੍ਰਾਂਜੈਕਸ਼ਨਾਂ ਤੁਰੰਤ ਬਲਾਕ ਹੋ ਜਾਂਦੀਆਂ ਹਨ।
ਕਾਰਡ ਐਕਸਪਾਇਰ ਹੋਣ ਨਾਲ ਕੀ ਹੋਵੇਗਾ?
ਜੇਕਰ ਤੁਹਾਡਾ ਕਾਰਡ ਐਕਸਪਾਇਰ ਹੋ ਗਿਆ ਅਤੇ ਤੁਸੀਂ ਉਸ ਨੂੰ ਸਮੇਂ ਸਿਰ ਰੀਨਿਊ ਨਹੀਂ ਕਰਵਾਇਆ, ਤਾਂ ਤੁਹਾਨੂੰ ਕਈ ਮੋਰਚਿਆਂ 'ਤੇ ਨੁਕਸਾਨ ਝੱਲਣਾ ਪੈ ਸਕਦਾ ਹੈ :-
Auto-Pay ਦਾ ਰੁਕ ਜਾਣਾ :- ਜ਼ਿਆਦਾਤਰ ਲੋਕ ਆਪਣੇ ਕ੍ਰੈਡਿਟ ਕਾਰਡ ਨਾਲ ਬਿਜਲੀ, ਪਾਣੀ, ਗੈਸ ਦਾ ਬਿੱਲ ਅਤੇ ਓ.ਟੀ.ਟੀ. ਸਬਸਕ੍ਰਿਪਸ਼ਨ ਆਟੋ-ਪੇ ਮੋਡ 'ਤੇ ਸੈੱਟ ਕਰਕੇ ਰੱਖਦੇ ਹਨ। ਕਾਰਡ ਐਕਸਪਾਇਰ ਹੁੰਦੇ ਹੀ ਇਹ ਸਾਰੀਆਂ ਪੇਮੈਂਟਾਂ ਫੇਲ੍ਹ ਹੋ ਜਾਣਗੀਆਂ, ਜਿਸ ਨਾਲ ਤੁਹਾਡੀਆਂ ਜ਼ਰੂਰੀ ਸੇਵਾਵਾਂ ਰੁਕ ਸਕਦੀਆਂ ਹਨ ਅਤੇ ਤੁਹਾਨੂੰ ਜੁਰਮਾਨਾ (ਪੇਨਲਟੀ) ਵੀ ਭਰਨਾ ਪੈ ਸਕਦਾ ਹੈ।
CIBIL Score 'ਤੇ ਅਸਰ :- ਜਦੋਂ ਐਕਸਪਾਇਰਡ ਕਾਰਡ ਕਰਕੇ ਤੁਹਾਡੀਆਂ ਆਟੋ-ਪੇ ਪੇਮੈਂਟਾਂ ਵਾਰ-ਵਾਰ ਫੇਲ੍ਹ ਹੁੰਦੀਆਂ ਹਨ, ਤਾਂ ਇਸ ਦਾ ਸਿੱਧਾ ਅਸਰ ਤੁਹਾਡੇ ਕ੍ਰੈਡਿਟ ਸਕੋਰ ਯਾਨੀ ਸਿਬਿਲ ਸਕੋਰ 'ਤੇ ਪੈਂਦਾ ਹੈ। ਜਿੰਨੇ ਦਿਨ ਕਾਰਡ ਰੀਨਿਊ ਨਹੀਂ ਹੋਵੇਗਾ, ਸਕੋਰ ਉੱਨਾ ਹੀ ਹੇਠਾਂ ਡਿੱਗਦਾ ਜਾਵੇਗਾ।
ਲੋਨ ਹੋ ਸਕਦਾ ਹੈ ਰਿਜੈਕਟ :- ਭਾਵੇਂ ਸਿੱਧੇ ਤੌਰ 'ਤੇ ਤੁਹਾਡੀ ਜੇਬ੍ਹ ਵਿੱਚੋਂ ਪੈਸੇ ਨਾ ਕੱਟਣ, ਪਰ ਇੱਕ ਵਾਰ ਸਿਬਿਲ ਸਕੋਰ ਖ਼ਰਾਬ ਹੋ ਗਿਆ ਤਾਂ ਭਵਿੱਖ ਵਿੱਚ ਜਦੋਂ ਤੁਹਾਨੂੰ ਕਿਸੇ ਐਮਰਜੈਂਸੀ ਵਿੱਚ ਹੋਮ ਲੋਨ, ਕਾਰ ਲੋਨ ਜਾਂ ਪਰਸਨਲ ਲੋਨ ਦੀ ਲੋੜ ਹੋਵੇਗੀ, ਤਾਂ ਬੈਂਕ ਤੁਹਾਡੀ ਅਰਜ਼ੀ (ਐਪਲੀਕੇਸ਼ਨ) ਰਿਜੈਕਟ ਕਰ ਸਕਦੇ ਹਨ।
ਕਾਰਡ ਐਕਸਪਾਇਰ ਹੋਣ 'ਤੇ ਕੀ ਕਰੀਏ?
ਜੇਕਰ ਤੁਹਾਡਾ ਕ੍ਰੈਡਿਟ ਕਾਰਡ ਐਕਸਪਾਇਰ ਹੋ ਗਿਆ ਹੈ ਤਾਂ ਤੁਰੰਤ ਆਪਣੇ ਬੈਂਕ ਦੀ ਐਪ, ਕਸਟਮਰ ਕੇਅਰ ਜਾਂ ਬ੍ਰਾਂਚ ਰਾਹੀਂ ਇਸ ਨੂੰ ਰੀਨਿਊ ਕਰਵਾਓ। ਆਮ ਤੌਰ 'ਤੇ ਬੈਂਕ ਐਕਸਪਾਇਰੀ ਤੋਂ ਪਹਿਲਾਂ ਹੀ ਨਵਾਂ ਕਾਰਡ ਡਿਲੀਵਰ ਕਰ ਦਿੰਦੇ ਹਨ, ਪਰ ਜੇਕਰ ਅਜਿਹਾ ਨਹੀਂ ਹੋਇਆ ਹੈ ਤਾਂ ਖ਼ੁਦ ਐਕਟਿਵ ਹੋਣਾ ਜ਼ਰੂਰੀ ਹੈ। ਦੂਜੇ ਪਾਸੇ, ਜੇਕਰ ਤੁਸੀਂ ਉਸ ਕਾਰਡ ਨੂੰ ਅੱਗੇ ਇਸਤੇਮਾਲ ਨਹੀਂ ਕਰਨਾ ਚਾਹੁੰਦੇ, ਤਾਂ ਉਸ ਨੂੰ ਇੰਝ ਹੀ ਨਾ ਛੱਡੋ; ਬੈਂਕ ਨਾਲ ਗੱਲ ਕਰਕੇ ਉਸ ਨੂੰ ਪੂਰੀ ਤਰ੍ਹਾਂ ਕੈਂਸਲ ਕਰਵਾ ਦਿਓ ਤਾਂ ਜੋ ਭਵਿੱਖ ਵਿੱਚ ਤੁਹਾਡਾ ਕ੍ਰੈਡਿਟ ਸਕੋਰ ਸੁਰੱਖਿਅਤ ਰਹੇ।