EPFO ਦਾ ਨਵਾਂ ਪਲਾਨ : ਹੁਣ ਹਰ ਮਹੀਨੇ ਕਢਵਾ ਸਕੋਗੇ PF ਦਾ ਪੈਸਾ ? 6.3 ਲੱਖ ਮੁਲਾਜ਼ਮਾਂ ਨੂੰ ਹੋਵੇਗਾ ਵੱਡਾ ਫਾਇਦਾ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਮੁਲਾਜ਼ਮਾਂ ਲਈ ਇੱਕ ਨਵਾਂ ਪਲਾਨ ਤਿਆਰ ਕੀਤਾ ਹੈ। ਜੇਕਰ ਇਹ ਯੋਜਨਾ ਲਾਗੂ ਹੁੰਦੀ ਹੈ ਤਾਂ ਲਗਭਗ 6.3 ਲੱਖ ਮੁਲਾਜ਼ਮਾਂ ਨੂੰ ਇਸ ਦਾ ਫਾਇਦਾ ਮਿਲ ਸਕਦਾ ਹੈ। ਜਦੋਂ ਵੀ ਤੁਹਾਡੇ ਮਨ ਵਿੱਚ PF ਦਾ ਪੈਸਾ ਕਢਵਾਉਣ ਦਾ ਖ਼ਿਆਲ ਆਉਂਦਾ ਹੈ ਤਾਂ ਇਸ ਲਈ ਕਈ ਸ਼ਰਤਾਂ ਪੂਰੀਆਂ ਕਰਨ ਦੀ ਗੱਲ ਯਾਦ ਆਉਂਦੀ ਹੈ।
Publish Date: Thu, 19 Nov 2026 01:42 PM (IST)
Updated Date: Thu, 19 Nov 2026 01:43 PM (IST)
ਬਿਜ਼ਨੈਸ ਡੈਸਕ, ਨਵੀਂ ਦਿੱਲੀ - ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਮੁਲਾਜ਼ਮਾਂ ਲਈ ਇੱਕ ਨਵਾਂ ਪਲਾਨ ਤਿਆਰ ਕੀਤਾ ਹੈ। ਜੇਕਰ ਇਹ ਯੋਜਨਾ ਲਾਗੂ ਹੁੰਦੀ ਹੈ ਤਾਂ ਲਗਭਗ 6.3 ਲੱਖ ਮੁਲਾਜ਼ਮਾਂ ਨੂੰ ਇਸ ਦਾ ਫਾਇਦਾ ਮਿਲ ਸਕਦਾ ਹੈ। ਜਦੋਂ ਵੀ ਤੁਹਾਡੇ ਮਨ ਵਿੱਚ PF ਦਾ ਪੈਸਾ ਕਢਵਾਉਣ ਦਾ ਖ਼ਿਆਲ ਆਉਂਦਾ ਹੈ ਤਾਂ ਇਸ ਲਈ ਕਈ ਸ਼ਰਤਾਂ ਪੂਰੀਆਂ ਕਰਨ ਦੀ ਗੱਲ ਯਾਦ ਆਉਂਦੀ ਹੈ।
ਪਰ ਜੇਕਰ ਤੁਹਾਨੂੰ ਦੱਸਿਆ ਜਾਵੇ ਕਿ ਹੁਣ ਤੁਸੀਂ ਹਰ ਮਹੀਨੇ ਕਿਸ਼ਤਾਂ ਵਿੱਚ EPF ਦਾ ਪੈਸਾ ਕਢਵਾ ਸਕਦੇ ਹੋ ਤਾਂ? ਜੀ ਹਾਂ, EPFO ਦੇ ਨਵੇਂ ਪਲਾਨ ਤਹਿਤ ਮੁਲਾਜ਼ਮ ਆਪਣੀ ਲੋੜ ਮੁਤਾਬਕ ਹਰ ਮਹੀਨੇ, ਤਿੰਨ ਮਹੀਨਿਆਂ ਬਾਅਦ ਜਾਂ ਸਾਲ ਵਿੱਚ ਇੱਕ ਵਾਰ PF ਦਾ ਪੈਸਾ ਕਢਵਾ ਸਕਣਗੇ। ਖਾਤੇ ਵਿੱਚ ਬਚੀ ਰਕਮ ’ਤੇ ਪਹਿਲਾਂ ਵਾਂਗ ਵਿਆਜ ਵੀ ਮਿਲਦਾ ਰਹੇਗਾ।
ਤਿੰਨ ਵੱਖ-ਵੱਖ ਵਿਕਲਪਾਂ ਰਾਹੀਂ ਕਢਵਾ ਸਕੋਗੇ ਪੈਸਾ?
ਨਵੀਂ ਵਿਵਸਥਾ ਦੀ ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ ਮੁਲਾਜ਼ਮ ਰਿਟਾਇਰਮੈਂਟ ਸਮੇਂ ਆਪਣੀ ਪੂਰੀ PF ਰਕਮ ਕਢਵਾਉਣ ਦੀ ਬਜਾਏ ਕੁਝ ਹਿੱਸਾ ਖਾਤੇ ਵਿੱਚ ਛੱਡ ਸਕਣਗੇ। ਇਸ ਤੋਂ ਬਾਅਦ ਆਪਣੀ ਲੋੜ ਮੁਤਾਬਕ ਹਰ ਮਹੀਨੇ, ਤਿਮਾਹੀ ਜਾਂ ਸਾਲਾਨਾ ਆਧਾਰ ’ਤੇ ਪੈਸਾ ਕਢਵਾ ਸਕਣਗੇ। ਇਸ ਦੇ ਨਾਲ ਹੀ, ਜੇਕਰ ਤੁਸੀਂ ਚਾਹੋ ਤਾਂ ਇੱਕੋ ਵਾਰ ਕੁਝ ਪੈਸਾ ਕਢਵਾ ਕੇ ਬਾਕੀ ਰਕਮ ਖਾਤੇ ਵਿੱਚ ਛੱਡ ਸਕਦੇ ਹੋ ਅਤੇ ਉਸ ਨੂੰ ਹੌਲੀ-ਹੌਲੀ ਕਢਵਾ ਸਕਦੇ ਹੋ।
ਕਿੰਨੇ ਮੁਲਾਜ਼ਮਾਂ ਨੂੰ ਮਿਲੇਗਾ ਇਸ ਦਾ ਫਾਇਦਾ? ਰਿਪੋਰਟਾਂ ਮੁਤਾਬਕ, ਸ਼ੁਰੂਆਤੀ ਪੜਾਅ ਵਿੱਚ 55 ਸਾਲ ਤੋਂ ਵੱਧ ਉਮਰ ਦੇ ਲਗਭਗ 6.3 ਲੱਖ EPFO ਸਬਸਕ੍ਰਾਈਬਰਾਂ ਨੂੰ ਇਸ ਨਵੀਂ ਵਿਵਸਥਾ ਦਾ ਲਾਭ ਮਿਲ ਸਕਦਾ ਹੈ। ਇਸ ਨਾਲ ਰਿਟਾਇਰਮੈਂਟ ਤੋਂ ਬਾਅਦ ਮੁਲਾਜ਼ਮਾਂ ਨੂੰ ਆਪਣੀ ਜਮ੍ਹਾਂ ਪੂੰਜੀ ਦੀ ਸਹੀ ਵਰਤੋਂ ਕਰਨ ਵਿੱਚ ਮਦਦ ਮਿਲੇਗੀ।
ਗਿਗ ਵਰਕਰਾਂ ਨੂੰ ਵੀ ਜੋੜਨ ਦੀ ਤਿਆਰੀ ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ EPFO ਹੁਣ ਅਸੰਗਠਿਤ ਖੇਤਰ ਦੇ ਕਾਮਿਆਂ ਅਤੇ ਗਿਗ ਵਰਕਰਾਂ ਨੂੰ ਵੀ ਭਵਿੱਖ ਨਿਧੀ ਯੋਜਨਾ ਨਾਲ ਜੋੜਨ ਦੀ ਦਿਸ਼ਾ ਵਿੱਚ ਕੰਮ ਕਰ ਰਿਹਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ, EPFO ਇਸ ਨਵੀਂ ਵਿਵਸਥਾ ਦੇ ਪ੍ਰਸਤਾਵ ਨੂੰ 19 ਨਵੰਬਰ ਯਾਨੀ ਅੱਜ ਹੋਣ ਵਾਲੀ ਸੈਂਟਰਲ ਬੋਰਡ ਆਫ਼ ਟਰੱਸਟੀਜ਼ (CBT) ਦੀ ਮੀਟਿੰਗ ਵਿੱਚ ਵਿਚਾਰ-ਵਟਾਂਦਰੇ ਲਈ ਰੱਖ ਸਕਦਾ ਹੈ।