- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤਿਉਹਾਰਾਂ ਤੋਂ ਪਹਿਲਾਂ ਮਹਿੰਗਾਈ ਦੀ ਮਾਰ: ਮਠਿਆਈਆਂ ਤੋਂ ਲੈ ਕੇ ਪ੍ਰੋਸੈਸਡ ਫੂਡ ਤੱਕ ਸਭ ਕੁਝ ਹੋਵੇਗਾ ਮਹਿੰਗਾ! ਕਿੰਨੇ 'ਚ ਮਿਲਣਗੇ ਬਿਸਕੁਟ ਤੇ ਡ੍ਰਿੰਕਸ?
ਆਉਣ ਵਾਲੇ ਗਣੇਸ਼ ਚਤੁਰਥੀ, ਨਵਰਾਤਰੀ, ਦਿਵਾਲੀ ਵਰਗੇ ਮੁੱਖ ਤਿਉਹਾਰਾਂ ਦੌਰਾਨ ਬਿਸਕੁਟ, ਚਾਕਲੇਟ ਅਤੇ ਲੱਡੂ ਵਰਗੀਆਂ ਮਿੱਠੀਆਂ ਖਾਣ ਪੀਣ ਵਾਲੀਆਂ ਵਸਤੂਆਂ ਵੀ ਮਹਿੰਗੀਆਂ ਹੋ ਸਕਦੀਆਂ ਹਨ, ਕਿਉਂਕਿ ਖੰਡ ਦੀਆਂ ਵਧਦੀਆਂ ਕੀਮਤਾਂ ਨਾਲ ਉਪਭੋਗਤਾ-ਸਾਮਾਨ (FMCG) ਕੰਪਨੀਆਂ 'ਤੇ ਦਬਾਅ ਵਧ ਰਿਹਾ ਹੈ। ਇਸ ਕਾਰਨ ਨਿਰਮਾਤਾ ਵਿਕਰੀ ਦੇ ਮਹੱਤਵਪੂਰਨ ਸਮੇਂ ਤੋਂ ਪਹਿਲਾਂ ਕੀਮਤਾਂ ਵਧਾਉਣ 'ਤੇ ਵਿਚਾਰ ਕਰ ਰਹੇ ਹਨ।
Posted By Anuradha Bains
Publish Date: Mon, 07 Sep 2026 04:02 PM (IST)
Updated Date: Mon, 07 Sep 2026 04:05 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ | ਰੱਖੜੀ ਦੌਰਾਨ ਦੇਸ਼ ’ਚ ਖੰਡ (ਚੀਨੀ) ਦੀਆਂ ਵਧੀਆਂ ਕੀਮਤਾਂ ਦਾ ਅਸਰ ਦੇਖਣ ਨੂੰ ਮਿਲਿਆ, ਜਿਸ ਨਾਲ ਮਠਿਆਈਆਂ ਮਹਿੰਗੀਆਂ ਹੋ ਗਈਆਂ। ਹੁਣ ਇੱਕ ਵਾਰ ਫਿਰ ਆਉਣ ਵਾਲੇ ਤਿਉਹਾਰਾਂ ਦੌਰਾਨ ਮਹਿੰਗਾਈ ਦੀ ਆਹਟ ਦੇਖਣ ਨੂੰ ਮਿਲ ਰਹੀ ਹੈ।
ਆਉਣ ਵਾਲੇ ਗਣੇਸ਼ ਚਤੁਰਥੀ, ਨਵਰਾਤਰੀ, ਦਿਵਾਲੀ ਵਰਗੇ ਮੁੱਖ ਤਿਉਹਾਰਾਂ ਦੌਰਾਨ ਬਿਸਕੁਟ, ਚਾਕਲੇਟ ਅਤੇ ਲੱਡੂ ਵਰਗੀਆਂ ਮਿੱਠੀਆਂ ਖਾਣ ਪੀਣ ਵਾਲੀਆਂ ਵਸਤੂਆਂ ਵੀ ਮਹਿੰਗੀਆਂ ਹੋ ਸਕਦੀਆਂ ਹਨ, ਕਿਉਂਕਿ ਖੰਡ ਦੀਆਂ ਵਧਦੀਆਂ ਕੀਮਤਾਂ ਨਾਲ ਉਪਭੋਗਤਾ-ਸਾਮਾਨ (FMCG) ਕੰਪਨੀਆਂ 'ਤੇ ਦਬਾਅ ਵਧ ਰਿਹਾ ਹੈ। ਇਸ ਕਾਰਨ ਨਿਰਮਾਤਾ ਵਿਕਰੀ ਦੇ ਮਹੱਤਵਪੂਰਨ ਸਮੇਂ ਤੋਂ ਪਹਿਲਾਂ ਕੀਮਤਾਂ ਵਧਾਉਣ 'ਤੇ ਵਿਚਾਰ ਕਰ ਰਹੇ ਹਨ।
ਇਨ੍ਹਾਂ ਖਾਣ-ਪੀਣ ਵਾਲੀਆਂ ਵਸਤੂਆਂ ਦੀਆਂ ਕੀਮਤਾਂ ਵਧਣਗੀਆਂ
ਭਾਰਤ ’ਚ ਖੰਡ ਦੀ ਮੰਗ ਆਮ ਤੌਰ 'ਤੇ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਸਿਖਰ 'ਤੇ ਹੁੰਦੀ ਹੈ, ਜੋ ਅਗਸਤ ਦੇ ਅੰਤ ਤੋਂ ਜਨਵਰੀ ਤੱਕ ਚੱਲਦਾ ਹੈ। ਇਨ੍ਹਾਂ ਦਿਨਾਂ ’ਚ ਪਰੰਪਰਾਗਤ ਮਠਿਆਈਆਂ ਅਤੇ ਪ੍ਰੋਸੈਸਡ ਫੂਡ ਦੀ ਖਪਤ ਵਧ ਜਾਂਦੀ ਹੈ। ਹਾਲਾਂਕਿ, ਇਸ ਨੂੰ ਦੇਖਦੇ ਹੋਏ ਗਾਹਕਾਂ ਨੂੰ ਤਿਉਹਾਰਾਂ ਦੀਆਂ ਮਿਠਾਈਆਂ ਲਈ ਜ਼ਿਆਦਾ ਕੀਮਤ ਚੁਕਾਉਣੀ ਪੈ ਸਕਦੀ ਹੈ, ਕਿਉਂਕਿ ਖੰਡ ਅਤੇ ਦੁੱਧ ਦੀ ਵਧਦੀ ਲਾਗਤ ਨਿਰਮਾਤਵਾਂ ਅਤੇ ਹਲਵਾਈਆਂ 'ਤੇ ਦਬਾਅ ਪਾ ਰਹੀ ਹੈ।
ਇਕਵਿਰਸ ਸਿਕਿਓਰਿਟੀਜ਼ ਦੀ ਇੱਕ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਖੰਡ ਦੀਆਂ ਕੀਮਤਾਂ ਸਾਲ-ਦਰ-ਸਾਲ 19% ਅਤੇ ਪਿਛਲੀ ਤਿਮਾਹੀ ਤੋਂ 20% ਵਧੀਆਂ ਹਨ, ਜਿਸ ਨਾਲ ਬਿਸਕੁਟ, ਕਨਫੈਕਸ਼ਨਰੀ, ਮਾਲਟੇਡ ਪੇਅ (ਮਾਲਟਡ ਡ੍ਰਿੰਕਸ) ਅਤੇ ਕਾਰਬੋਨੇਟਿਡ ਪੇਅ ਵਰਗੀਆਂ ਸ਼੍ਰੇਣੀਆਂ 'ਤੇ ਲਾਗਤ ਦਾ ਬੋਝ ਵਧ ਗਿਆ ਹੈ।
ਕਿੰਨੀਆਂ ਵਧ ਸਕਦੀਆਂ ਹਨ ਕੀਮਤਾਂ?
ਬਿਕਾਜੀ ਫੂਡਜ਼ ਦੇ ਮੁੱਖ ਵਿੱਤੀ ਅਧਿਕਾਰੀ (CFO) ਰਿਸ਼ਭ ਜੈਨ ਨੇ TOI ਨੂੰ ਦੱਸਿਆ ਕਿ ਕੰਪਨੀ ਆਪਣੇ ਸਾਰੇ ਮਿਠਾਈ ਉਤਪਾਦਾਂ ਦੀਆਂ ਕੀਮਤਾਂ ’ਚ ਲਗਪਗ 2% ਦਾ ਵਾਧਾ ਕਰ ਸਕਦੀ ਹੈ। ਜੈਨ ਨੇ ਮੀਡੀਆ ਨੂੰ ਦੱਸਿਆ ਕਿ ਸਰਕਾਰ ਦੁਆਰਾ ਚੁੱਕੇ ਗਏ ਕਦਮਾਂ ਨਾਲ ਕੀਮਤਾਂ ’ਚ ਕੁਝ ਹੱਦ ਤੱਕ ਕਮੀ ਆਈ ਹੈ ਪਰ ਖੰਡ ਦੀ ਖਰੀਦ ਲਾਗਤ ਪਿਛਲੇ ਕੁਝ ਮਹੀਨਿਆਂ ਦੀ ਤੁਲਨਾ ਵਿੱਚ ਅਜੇ ਵੀ ਲਗਪਗ 20% ਵਧੇਰੇ ਹੈ।
ਚੀਨੀ ਹੀ ਨਹੀਂ ਦੁੱਧ ਦੀ ਮਹਿੰਗਾਈ ਦਾ ਵੀ ਅਸਰ
ਖੰਡ ਦੇ ਨਾਲ-ਨਾਲ ਦੁੱਧ ਦੀਆਂ ਕੀਮਤਾਂ ਵਿੱਚ ਵੀ ਤੇਜ਼ੀ ਨਾਲ ਉਛਾਲ ਆਇਆ ਹੈ। ਮੁੰਬਈ ਵਿੱਚ 1 ਸਤੰਬਰ ਤੋਂ ਦੁੱਧ ₹102 ਪ੍ਰਤੀ ਲੀਟਰ ਵਿਕਣ ਲੱਗਾ ਹੈ। ਇਸ ਦੇ ਨਾਲ ਹੀ ਕਈ ਰਾਜਾਂ ਵਿੱਚ ਪਹਿਲਾਂ ਹੀ ਦੁੱਧ ਦੀਆਂ ਕੀਮਤਾਂ ਵਧ ਚੁੱਕੀਆਂ ਹਨ। ਇੱਕ ਪ੍ਰਸਿੱਧ ਕੰਪਨੀ ਦੇ ਸੀਈਓ (CEO) ਨੇ ਮੀਡੀਆ ਨੂੰ ਦੱਸਿਆ ਕਿ ਪਿਛਲੇ ਚਾਰ ਮਹੀਨਿਆਂ ਵਿੱਚ ਦੁੱਧ ਦੀਆਂ ਕੀਮਤਾਂ ਵਿੱਚ ਲਗਪਗ 16% ਦਾ ਵਾਧਾ ਹੋਇਆ ਹੈ, ਅਜਿਹੇ ਵਿੱਚ ਖੰਡ ਦੀਆਂ ਕੀਮਤਾਂ ਨੇ ਲਾਗਤ ਨੂੰ ਹੋਰ ਵਧਾ ਦਿੱਤਾ ਹੈ। ਇਨ੍ਹਾਂ ਕਾਰਨਾਂ ਕਰਕੇ ਮਿਠਾਈਆਂ ਸਮੇਤ ਹੋਰ ਪ੍ਰੋਸੈਸਡ ਫੂਡ ਦੀਆਂ ਕੀਮਤਾਂ ਵੀ ਵਧ ਸਕਦੀਆਂ ਹਨ।