ਧੋਖਾਧੜੀ ਦੇ ਮਾਮਲੇ 'ਚ ਅਨਿਲ ਅੰਬਾਨੀ ਦੀਆਂ ਵਧੀਆਂ ਮੁਸ਼ਕਲਾਂ, ਹਾਈ ਕੋਰਟ ਨੇ ਪੁਰਾਣਾ ਰਾਹਤ ਦਾ ਆਦੇਸ਼ ਰੱਦ ਕੀਤਾ

ਅਨਿਲ ਅੰਬਾਨੀ ਦੇ ਤਕਨੀਕੀ ਆਧਾਰ ’ਤੇ ਫੋਰੈਂਸਿਕ ਆਡਿਟ ਨੂੰ ਚੁਣੌਤੀ ਦਿੱਤੀ ਸੀ। ਉਨ੍ਹਾਂ ਦੀ ਦਲੀਲ ਸੀ ਕਿ ਆਡਿਟ ਕਰਨ ਵਾਲੀ ਫਰਮ ਬੀਡੀਓ ਐੱਲਐੱਲਪੀ ਇਕ ਕੰਸਲਟੈਂਟ ਫਰਮ ਹੈ, ਆਡਿਟ ਫਰਮ ਨਹੀਂ, ਤੇ ਇਸਦੇ ਦਸਤਖਤਸ਼ੁਦਾ ਚਾਰਟਰਡ ਅਕਾਊਂਟੈਂਟ ਨਹੀਂ ਸਨ। ਦੂਜੇ ਪਾਸੇ, ਬੈਂਕਾਂ ਦੀ ਦਲੀਲ ਸੀ ਕਿ ਫੋਰੈਂਸਿਕ ਆਡਿਟ ਕਾਨੂੰਨੀ ਰੂਪ ਨਾਲ ਜਾਇਜ਼ ਹੈ ਤੇ ਇਹ ਫੰਡ ਦੀ ਹੇਰਾਫੇਰੀ ਤੇ ਦੁਰਵਰਤੋਂ ਦੇ ਗੰਭੀਰ ਸਿੱਟਿਆਂ ’ਤੇ ਆਧਾਰਤ ਹੈ। ਬੈਂਕਾਂ ਨੇ ਦੋਸ਼ ਲਗਾਇਆ ਕਿ ਸਿੰਗਲ ਬੈਂਚ ਨੇ ਤਕਨੀਕੀ ਕਾਰਨਾਂ ਨਾਲ ਧੋਖਾਧੜੀ ਵਰਗੇ ਗੰਭੀਰ ਮਾਮਲੇ ਦੀ ਜਾਂਚ ਰੋਕ ਦਿੱਤੀ ਸੀ, ਜੋ ਗਲਤ ਸੀ। ਹੁਣ ਇਸ ਫ਼ੈਸਲੇ ਦੇ ਬਾਅਦ ਬੈਂਕ ਅਨਿਲ ਅੰਬਾਨੀ ਤੇ ਰਿਲਾਇੰਸ ਕਮਿਊਨੀਕੇਸ਼ਨਸ ਦੇ ਖਾਤਿਆਂ ਨੂੰ ਫਰਾਡ ਸ਼੍ਰੇਣੀ ’ਚ ਪਾਉਣ ਦੀ ਪ੍ਰਕਿਰਿਆ ਨੂੰ ਅੱਗੇ ਵਧਾ ਸਕਣਗੇ।