ਭਾਰਤ ਤੋਂ ਬਾਹਰ ਅਡਾਨੀ ਗਰੁੱਪ ਦਾ ਵੱਡਾ ਸਮਝੌਤਾ, 770 MW ਹਾਈਡ੍ਰੋਪਾਵਰ ਪ੍ਰੋਜੈਕਟ ਲਈ ਕਰਾਰ; ਕਿਉਂ ਖਾਸ ਹੈ ਚਮਖਾਰਛੂ-I ਪ੍ਰੋਜੈਕਟ?

ਇਹ ਪ੍ਰੋਜੈਕਟ ਪਾਰਟਨਰਸ਼ਿਪ ਮਾਡਲ ’ਤੇ ਆਧਾਰਿਤ ਹੈ। ਇਸ ’ਚ 49:51 ਦੀ ਇਕਵਿਟੀ ਹਿੱਸੇਦਾਰੀ ਹੋਵੇਗੀ। ਅਡਾਨੀ ਪਾਵਰ ਕੋਲ 49% ਤੇ DGPC ਕੋਲ 51% ਹਿੱਸੇਦਾਰੀ ਰਹੇਗੀ। ਇਹ ਪ੍ਰੋਜੈਕਟ BOOT (Build, Own, Operate and Transfer) ਮਾਡਲ ਤਹਿਤ ਤਿਆਰ ਕੀਤਾ ਜਾਵੇਗਾ। ਇਸ ਦਾ ਕਨਸੈਸ਼ਨ ਪੀਰੀਅਡ ਕਮਰਸ਼ੀਅਲ ਓਪਰੇਸ਼ਨ ਸ਼ੁਰੂ ਹੋਣ ਦੀ ਤਾਰੀਖ ਤੋਂ 30 ਸਾਲ ਦਾ ਹੋਵੇਗਾ। ਇਹ ਪ੍ਰੋਜੈਕਟ ਮੱਧ ਭੂਟਾਨ ਦੇ ਝੇਮਗਾਂਗ (Zhemgang) ਜ਼ਿਲ੍ਹੇ ’ਚ ਚਮਖਾਰਛੂ ਨਦੀ ’ਤੇ ਸਥਿਤ ਹੈ। ਨਿਰਮਾਣ ਕਾਰਜ 2027 ਦੀ ਪਹਿਲੀ ਛਿਮਾਹੀ ’ਚ ਸ਼ੁਰੂ ਹੋਵੇਗਾ ਤੇ ਸ਼ਿਲਾਨਿਆਸ ਤੋਂ 6 ਸਾਲ ਦੇ ਅੰਦਰ ਇਸ ਨੂੰ ਪੂਰਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ।