- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Gold 'ਤੇ ਮੰਡਰਾਇਆ ਵੱਡਾ ਖ਼ਤਰਾ! ਅਮਰੀਕਾ ਤੋਂ ਰਾਤੋਂ-ਰਾਤ ਕਿਸ ਨੇ ਸ਼ਿਫਟ ਕੀਤਾ 86,000 ਕਿਲੋ ਸੋਨਾ? ਹੁਣ ਇਸ ਦੇਸ਼ ਨੂੰ ਬਣਿਆ ਠਿਕਾਣਾ
ਅਮਰੀਕਾ ਅਤੇ ਈਰਾਨ ਵਿਚਾਲੇ ਵਧੇ ਤਣਾਅ ਨੂੰ ਲੈ ਕੇ ਨੀਦਰਲੈਂਡਜ਼ ਨੇ ਇੱਕ ਹੈਰਾਨ ਕਰਨ ਵਾਲਾ ਕਦਮ ਚੁੱਕਿਆ ਹੈ। ਨੀਦਰਲੈਂਡਜ਼ ਦੇ ਕੇਂਦਰੀ ਬੈਂਕ De Nederlandsche Bank (DNB) ਨੇ ਅਮਰੀਕਾ ਅਤੇ ਕੈਨੇਡਾ ਤੋਂ ਆਪਣਾ 86 ਟਨ ਯਾਨੀ 86,000 ਕਿਲੋਗ੍ਰਾਮ ਸੋਨਾ ਕੱਢ ਲਿਆ ਹੈ। ਇਸ ਦੀ ਕੀਮਤ ਕਰੀਬ ₹1,31,580 ਕਰੋੜ ਹੈ। ਨੀਦਰਲੈਂਡਜ਼ ਨੇ ਇੰਨੀ ਵੱਡੀ ਮਾਤਰਾ ਵਿੱਚ ਸੋਨਾ ਹੁਣ ਲੰਡਨ ਸ਼ਿਫਟ ਕਰ ਦਿੱਤਾ ਹੈ। ਬੈਂਕ ਨੇ ਇਸ ਦੇ ਪਿੱਛੇ ਵਧਦੀ ਭੂ-ਰਾਜਨੀਤਿਕ ਅਸਥਿਰਤਾ ਨੂੰ ਵੱਡੀ ਵਜ੍ਹਾ ਦੱਸਿਆ ਹੈ।
Posted By Sunita
Publish Date: Thu, 03 Sep 2026 03:11 PM (IST)
Updated Date: Thu, 03 Sep 2026 03:13 PM (IST)
ਬਿਜ਼ਨੈਸ ਡੈਸਕ, ਨਵੀਂ ਦਿੱਲੀ - ਅਮਰੀਕਾ ਅਤੇ ਈਰਾਨ ਵਿਚਾਲੇ ਵਧੇ ਤਣਾਅ ਨੂੰ ਲੈ ਕੇ ਨੀਦਰਲੈਂਡਜ਼ ਨੇ ਇੱਕ ਹੈਰਾਨ ਕਰਨ ਵਾਲਾ ਕਦਮ ਚੁੱਕਿਆ ਹੈ। ਨੀਦਰਲੈਂਡਜ਼ ਦੇ ਕੇਂਦਰੀ ਬੈਂਕ De Nederlandsche Bank (DNB) ਨੇ ਅਮਰੀਕਾ ਅਤੇ ਕੈਨੇਡਾ ਤੋਂ ਆਪਣਾ 86 ਟਨ ਯਾਨੀ 86,000 ਕਿਲੋਗ੍ਰਾਮ ਸੋਨਾ ਕੱਢ ਲਿਆ ਹੈ। ਇਸ ਦੀ ਕੀਮਤ ਕਰੀਬ ₹1,31,580 ਕਰੋੜ ਹੈ। ਨੀਦਰਲੈਂਡਜ਼ ਨੇ ਇੰਨੀ ਵੱਡੀ ਮਾਤਰਾ ਵਿੱਚ ਸੋਨਾ ਹੁਣ ਲੰਡਨ ਸ਼ਿਫਟ ਕਰ ਦਿੱਤਾ ਹੈ। ਬੈਂਕ ਨੇ ਇਸ ਦੇ ਪਿੱਛੇ ਵਧਦੀ ਭੂ-ਰਾਜਨੀਤਿਕ ਅਸਥਿਰਤਾ ਨੂੰ ਵੱਡੀ ਵਜ੍ਹਾ ਦੱਸਿਆ ਹੈ।
ਸੋਨਾ ਸ਼ਿਫਟ ਕਰਨ 'ਤੇ ਕੀ ਬੋਲਿਆ ਨੀਦਰਲੈਂਡਜ਼?
ਡੱਚ ਕੇਂਦਰੀ ਬੈਂਕ ਦਾ ਸਪੱਸ਼ਟ ਕਹਿਣਾ ਹੈ ਕਿ ਕਿਸੇ ਵੱਡੇ ਆਰਥਿਕ ਜਾਂ ਵਿਸ਼ਵ ਪੱਧਰੀ ਸੰਕਟ ਦੀ ਸਥਿਤੀ ਵਿੱਚ ਲੰਡਨ ਤੋਂ ਸੋਨੇ ਦੀ ਟ੍ਰੇਡਿੰਗ ਕਰਨਾ ਨਿਊਯਾਰਕ ਅਤੇ ਓਟਾਵਾ ਦੇ ਮੁਕਾਬਲੇ ਕਿਤੇ ਜ਼ਿਆਦਾ ਆਸਾਨ ਅਤੇ ਤੇਜ਼ ਹੈ। DNB ਦੇ ਪ੍ਰਧਾਨ ਓਲਾਫ ਸਲਿਜੇਪਨ ਨੇ ਦੱਸਿਆ, “ਇਸ ਕਦਮ ਨਾਲ ਅਸੀਂ ਐਮਰਜੈਂਸੀ ਦੀ ਸਥਿਤੀ ਵਿੱਚ ਆਪਣੇ ਸੋਨੇ ਦੀ ਤੁਰੰਤ ਵਰਤੋਂ ਕਰਨ ਲਈ ਤਿਆਰ ਹਾਂ। ਅਸੀਂ ਉਮੀਦ ਕਰਦੇ ਹਾਂ ਕਿ ਕਦੇ ਇਸ ਦੀ ਲੋੜ ਨਾ ਪਵੇ, ਪਰ ਚੁਣੌਤੀਆਂ ਲਈ ਖੁਦ ਨੂੰ ਤਿਆਰ ਰੱਖਣਾ ਜ਼ਰੂਰੀ ਹੈ।”
ਅੰਕੜਿਆਂ ਨਾਲ ਸਮਝੋ ਡੱਚ ਬੈਂਕ ਦਾ ਸੋਨਾ
ਸਾਲ 2025 ਦੇ ਅੰਤ ਤੱਕ ਨੀਦਰਲੈਂਡਜ਼ ਕੋਲ ਕੁੱਲ 612.4 ਟਨ ਸੋਨਾ ਸੀ, ਜਿਸ ਦੀ ਕੁੱਲ ਕੀਮਤ ਕਰੀਬ 83.7 ਅਰਬ ਡਾਲਰ ਸੀ। ਇਸ ਵੱਡੇ ਬਦਲਾਅ ਤੋਂ ਪਹਿਲਾਂ ਬੈਂਕ ਦਾ 31.3% ਸੋਨਾ ਅਮਰੀਕਾ ਅਤੇ 19.7% ਕੈਨੇਡਾ ਵਿੱਚ ਰੱਖਿਆ ਹੋਇਆ ਸੀ।
ਹੁਣ ਸ਼ਿਫਟਿੰਗ ਤੋਂ ਬਾਅਦ ਦੋਵਾਂ ਦੇਸ਼ਾਂ ਵਿੱਚ ਰੱਖੇ ਸੋਨੇ ਦਾ ਹਿੱਸਾ ਘਟ ਕੇ 18.5% ਰਹਿ ਗਿਆ ਹੈ। ਉੱਥੇ ਹੀ ਲੰਡਨ ਵਿੱਚ ਸੋਨੇ ਦੀ ਹਿੱਸੇਦਾਰੀ 18.1% ਤੋਂ ਵਧ ਕੇ 32.1% ਹੋ ਗਈ ਹੈ। ਬਾਕੀ 30.8% ਸੋਨਾ ਨੀਦਰਲੈਂਡਜ਼ ਨੇ ਆਪਣੇ ਦੇਸ਼ ਵਿੱਚ ਸੁਰੱਖਿਅਤ ਰੱਖਿਆ ਹੈ।
ਨੀਦਰਲੈਂਡਜ਼ ਨੇ ਕਿਵੇਂ ਟ੍ਰਾਂਸਫਰ ਕੀਤਾ ਸੋਨਾ?
ਇਹ ਕੰਮ ਇਸੇ ਸਾਲ ਮਾਰਚ ਤੋਂ ਅਗਸਤ ਦੇ ਵਿਚਕਾਰ ਪੂਰਾ ਕੀਤਾ ਗਿਆ। ਟ੍ਰਾਂਸਫਰ ਦੌਰਾਨ ਹੋਣ ਵਾਲੇ ਜੋਖਮ ਨੂੰ ਘਟਾਉਣ ਲਈ ਕੁਝ ਸੋਨੇ ਨੂੰ ਬਾਜ਼ਾਰ ਵਿੱਚ ਖਰੀਦ-ਫ਼ਰੋਖ਼ਤ ਰਾਹੀਂ ਐਡਜਸਟ ਕੀਤਾ ਗਿਆ, ਜਦਕਿ 27 ਟਨ ਸੋਨਾ ਭੌਤਿਕ ਤੌਰ 'ਤੇ ਲਿਆਂਦਾ ਗਿਆ, ਤਾਂ ਜੋ ਸੋਨੇ ਦੀਆਂ ਇੱਟਾਂ ਨੂੰ ਪਿਘਲਾਉਣ ਦੀ ਲੋੜ ਨਾ ਪਵੇ।
ਕੀ ਅਮਰੀਕਾ ਤੋਂ ਉੱਠ ਰਿਹਾ ਹੈ ਭਰੋਸਾ?
ਪੈਰਿਸ ਦੇ ਨੈਸ਼ਨਲ ਗੋਲਡ ਕਾਊਂਟਰ ਦੇ ਪ੍ਰਧਾਨ ਲੌਰੈਂਟ ਸ਼ਵਾਰਟਜ਼ ਦੇ ਮੁਤਾਬਕ, “ਲੰਡਨ ਮਾਰਕੀਟ ਸਭ ਤੋਂ ਜ਼ਿਆਦਾ ਲਿਕਵਿਡ ਹੈ, ਜਿੱਥੇ ਸੰਕਟ ਦੇ ਸਮੇਂ ਡੀਲ ਕਰਨਾ ਆਸਾਨ ਹੁੰਦਾ ਹੈ।”
ਐਨਾਲਿਸਟ ਜੌਨ ਪਲਾਸਾਰਡ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਹ ਭਾਵੇਂ ਇੱਕ ਵਾਰ ਦਾ ਕਦਮ ਲੱਗਦਾ ਹੋਵੇ, ਪਰ ਜੇਕਰ ਹੋਰ ਕੇਂਦਰੀ ਬੈਂਕ ਵੀ ਨੀਦਰਲੈਂਡਜ਼ ਵਾਂਗ ਆਪਣਾ ਸੋਨਾ ਅਮਰੀਕਾ ਤੋਂ ਕੱਢਣ ਲੱਗ ਪਏ, ਤਾਂ ਅਮਰੀਕੀ ਸਿਸਟਮ 'ਤੇ ਦੁਨੀਆ ਦਾ ਭਰੋਸਾ ਡਗਮਗਾ ਸਕਦਾ ਹੈ।
ਦੱਸ ਦੇਈਏ ਕਿ ਸਾਲ ਦੀ ਸ਼ੁਰੂਆਤ ਵਿੱਚ ਜਰਮਨੀ ਨੇ ਵੀ ਨਿਊਯਾਰਕ ਵਿੱਚ ਰੱਖੇ ਆਪਣੇ ਸੋਨੇ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਜਤਾਈ ਸੀ, ਹਾਲਾਂਕਿ ਜਰਮਨ ਕੇਂਦਰੀ ਬੈਂਕ ਬੁੰਡੇਸਬੈਂਕ ਨੇ ਫਿਲਹਾਲ ਇਸ ਨੂੰ ਉੱਥੋਂ ਨਾ ਹਟਾਉਣ ਦਾ ਫ਼ੈਸਲਾ ਕੀਤਾ ਹੈ। ਗੋਲਡ ਨਿਵੇਸ਼ਕਾਂ ਲਈ ਇਹ ਇੱਕ ਵੱਡਾ ਸੰਕੇਤ ਮੰਨਿਆ ਜਾ ਰਿਹਾ ਹੈ ਕਿ ਮੁਸ਼ਕਲ ਸਮੇਂ ਵਿੱਚ ਦੁਨੀਆ ਦੇ ਵੱਡੇ ਦੇਸ਼ ਵੀ ਸਭ ਤੋਂ ਵੱਧ ‘ਸੋਨੇ’ 'ਤੇ ਹੀ ਭਰੋਸਾ ਜਤਾ ਰਹੇ ਹਨ।