ਬ੍ਰੇਨ ਸਟ੍ਰੋਕ ਉਦੋਂ ਹੁੰਦਾ ਹੈ ਜਦੋਂ ਖੂਨ ਦੀ ਸਪਲਾਈ ਘੱਟ ਜਾਂ ਇਸ 'ਚ ਰੁਕਾਵਟ ਕਾਰਨ ਸੈੱਲ ਮਰ ਜਾਂਦੇ ਹਨ। ਦਿਮਾਗ ਨੂੰ ਨੁਕਸਾਨ ਹੋਣ ਤੋਂ ਬਚਾਉਣ ਲਈ, ਜਲਦੀ ਫੈਸਲਾ ਲੈਣਾ ਜ਼ਰੂਰੀ ਹੈ।
ਵਿਸ਼ਵ ਸਟ੍ਰੋਕ ਦਿਵਸ ਹਰ ਸਾਲ 28 ਅਕਤੂਬਰ ਨੂੰ ਲੋਕਾਂ ਨੂੰ ਇਸ ਮਾਰੂ ਬਿਮਾਰੀ ਬਾਰੇ ਜਾਗਰੂਕ ਕਰਵਾਉਣ ਲਈ ਮਨਾਇਆ ਜਾਂਦਾ ਹੈ।
ਆਓ ਜਾਣਦੇ ਹਾਂ ਔਰਤਾਂ ਅਤੇ ਮਰਦਾਂ ਵਿੱਚ ਸਟ੍ਰੋਕ ਤੋਂ ਪਹਿਲਾਂ ਕਿਸ ਤਰ੍ਹਾਂ ਦੇ ਲੱਛਣ ਦਿਖਾਈ ਦਿੰਦੇ ਹਨ।
ਜੇਕਰ ਕੋਈ ਵਿਅਕਤੀ ਅਚਾਨਕ ਕਮਜ਼ੋਰੀ ਦੀ ਸ਼ਿਕਾਇਤ ਕਰਦਾ ਹੈ, ਤਾਂ ਇਸ ਨੂੰ ਹਲਕੇ 'ਚ ਨਹੀਂ ਲੈਣਾ ਚਾਹੀਦਾ।
ਦਿਖਾਈ ਨਾ ਦੇਣਾ, ਹੱਥ-ਅੱਖਾਂ 'ਚ ਮਾੜਾ ਤਾਲਮੇਲ, ਹੱਥ ਲਾਉਣਾ ਘੱਟ ਮਹਿਸੂਸ ਹੋਣਾ , ਬੋਲਣ 'ਚ ਮੁਸ਼ਕਲ, ਇਹ ਸਾਰੇ ਸਟ੍ਰੋਕ ਦੇ ਲੱਛਣ ਹਨ।
ਜੇਕਰ ਕੋਈ ਵਿਅਕਤੀ ਅਚਾਨਕ ਡਿੱਗ ਜਾਂਦਾ ਹੈ ਜਾਂ ਸੰਤੁਲਨ ਗੁਆ ਬੈਠਦਾ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਕੁਝ ਠੀਕ ਨਹੀਂ ਹੈ।
ਉਲਟੀਆਂ, ਬੁਖਾਰ ਦੇ ਨਾਲ-ਨਾਲ ਅਚਾਨਕ ਅਸਪੱਸ਼ਟ ਗਿਰਾਵਟ ਅਦਿ ਕਾਰਡੀਓਵੈਸਕੁਲਰ ਸਮੱਸਿਆਵਾਂ ਵੱਲ ਇਸ਼ਾਰਾ ਕਰਦੇ ਹਨ। ਕੁਝ ਮਰੀਜ਼ਾਂ ਨੂੰ ਸਟ੍ਰੋਕ ਤੋਂ ਪਹਿਲਾਂ ਹਿਚਕੀ ਜਾਂ ਨਿਗਲਣ 'ਚ ਮੁਸ਼ਕਲ ਹੁੰਦੀ ਹੈ।
ਕਦੇ-ਕਦਾਈਂ ਸਿਰਦਰਦ ਹੋਣਾ ਆਮ ਗੱਲ ਹੈ। ਬਹੁਤੇ ਮਰੀਜ਼ ਤੇਜ਼ ਸਿਰ ਦਰਦ ਦੀ ਸ਼ਿਕਾਇਤ ਕਰਨ ਤੋਂ ਤੁਰੰਤ ਬਾਅਦ ਬੇਹੋਸ਼ ਹੋ ਜਾਂਦੇ ਹਨ। ਥੋੜ੍ਹੀ ਦੇਰ ਲਈ ਬੇਹੋਸ਼ੀ ਜਾਂ ਚੱਕਰ ਆਉਣ ਨੂੰ ਵੀ ਨਜ਼ਰਅੰਦਾਜ਼ ਨਾ ਕਰੋ।
ਇਸ ਸਥਿਤੀ 'ਚ FAST ਤੋਂ ਮਤਲਬ ਹੈ FACE, ARMS, SPEECH ਤੇ TIME ਜੇ ਇਨ੍ਹਾਂ ਸਭ ਚ ਚੀਜ਼ਾਂ 'ਚ ਕੋਈ ਵੀ ਸਮੱਸਿਆਂ ਹੈ, ਤਾਂ ਡਾਕਟਰ ਨਾਲ ਸੰਪਰਕ ਕਰੋ।
ਮਰੀਜ਼ ਨੂੰ ਮੁਸਕਰਾਉਣ ਲਈ ਕਹੋ, ਦੋਵੇਂ ਬਾਹਾਂ ਉੱਪਰ ਵੱਲ ਉਠਾਉਣ ਲਈ ਕਹੋ, ਕੁਝ ਪੜ੍ਹਨ ਲਈ ਕਹੋ। ਜੇ ਇੱਕ ਮਿੰਟ ਦੌਰਾਨ ਇਹ ਸਭ ਕਰਨ 'ਚ ਮੁਸ਼ਕਲ ਆ ਰਹੀ ਹੈ ਤਾਂ ਤੁਰੰਤ ਐਮਰਜੈਂਸੀ ਨੂੰ ਕਾਲ ਕਰੋ।