ਮਿੱਠਾ ਦਲੀਆ ਬਣਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ

ਦਲੀਆ

ਦਲੀਆ ਆਇਰਨ ਤੇ ਫਾਈਬਰ ਨਾਲ ਭਰਪੂਰ ਹੁੰਦਾ ਹੈ। ਇਸ 'ਚ ਮੌਜੂਦ ਐਂਟੀ-ਆਕਸੀਡੈਂਟ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ​​ਕਰਨ 'ਚ ਮਦਦ ਕਰਦੇ ਹਨ।

ਕੁਝ ਲੋਕ ਦੁੱਧ ਅਤੇ ਚੀਨੀ ਮਿਲਾ ਕੇ ਮਿੱਠਾ ਦਲੀਆ ਬਣਾਉਂਦੇ ਹਨ, ਜਦਕਿ ਕੁਝ ਲੋਕ ਮੂੰਗੀ ਦੀ ਦਾਲ ਮਿਲਾ ਕੇ ਇਸ ਨੂੰ ਨਮਕੀਨ ਬਣਾ ਕੇ ਖਾਂਦੇ ਹਨ।

ਟਿਪਸ 1

ਜਦੋਂ ਵੀ ਤੁਸੀਂ ਮਿੱਠਾ ਦਲੀਆ ਬਣਾਉਂਦੇ ਹੋ, ਇਸਨੂੰ ਹਮੇਸ਼ਾ ਕੁਕਰ ਵਿੱਚ ਹੀ ਬਣਾਉ। ਦਲੀਆ ਪ੍ਰੈਸ਼ਰ ਕੁਕਰ ਵਿੱਚ ਚੰਗੀ ਤਰ੍ਹਾਂ ਪਕ ਜਾਂਦਾ ਹੈ ਅਤੇ ਇਸਦਾ ਸਵਾਦ ਵੀ ਵਧੀਆ ਹੁੰਦਾ ਹੈ।

ਟਿਪਸ 2

ਦਲੀਆ ਬਣਾਉਣ ਤੋਂ ਪਹਿਲਾਂ ਕੁਕਰ 'ਚ ਘਿਓ ਚੰਗੀ ਤਰ੍ਹਾਂ ਪਾ ਕੇ ਭੁੰਨ ਲਓ। ਇਸ ਨੂੰ ਉਦੋਂ ਤੱਕ ਫ੍ਰਾਈ ਕਰੋ ਜਦੋਂ ਤੱਕ ਇਸ ਦੀ ਸੁਗੰਧ ਨਾ ਆਵੇ। ਅਜਿਹਾ ਕਰਨ ਨਾਲ ਦਲੀਆ ਦਾ ਸਵਾਦ ਵਧੀਆ ਹੁੰਦਾ ਹੈ।

ਟਿਪਸ 3

ਇਸ ਨੂੰ ਪਹਿਲਾਂ ਦੁੱਧ ਪਾ ਕੇ ਕਦੇ ਵੀ ਨਾ ਪਕਾਓ। ਦਲੀਆ ਭੁੰਨਣ ਤੋਂ ਬਾਅਦ, ਇਸ ਵਿੱਚ ਪਾਣੀ ਪਾਓ ਤੇ ਕੁੱਕਰ ਦਾ ਢੱਕਣ ਬੰਦ ਕਰ ਦਿਓ। ਜ਼ਿਆਦਾ ਪਾਣੀ ਨਾ ਪਾਓ, ਨਹੀਂ ਤਾਂ ਸੀਟੀ ਰਾਹੀਂ ਬਾਹਰ ਆਉਣਾ ਸ਼ੁਰੂ ਹੋ ਜਾਵੇਗਾ।

ਟਿਪਸ 4

ਹੁਣ ਕੁਕਰ 'ਚ 4-5 ਸੀਟੀਆਂ ਵੱਜਣ ਦਾ ਇੰਤਜ਼ਾਰ ਕਰੋ। ਇਸ ਤੋਂ ਬਾਅਦ ਗੈਸ ਬੰਦ ਕਰ ਦਿਓ। ਪ੍ਰੈਸ਼ਰ ਕੁੱਕਰ ਤੋਂ ਗੈਸ ਨਿਕਲ ਜਾਣ ਤੋਂ ਬਾਅਦ ਢੱਕਣ ਨੂੰ ਖੋਲ੍ਹੋ ਅਤੇ ਲੋੜ ਅਨੁਸਾਰ ਦੁੱਧ ਅਤੇ ਚੀਨੀ ਨੂੰ ਮਿਲਾ ਲਓ।

ਟਿਪਸ 5

ਗੈਸ ਨੂੰ ਚਾਲੂ ਕਰੋ ਤੇ ਦਲੀਆ 'ਚ ਦੁੱਧ ਅਤੇ ਚੀਨੀ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ ਉਦੋਂ ਤੱਕ ਹਿਲਾਉਂਦੇ ਰਹੋ ਜਦੋਂ ਤੱਕ ਖੰਡ ਘੁਲ ਨਹੀਂ ਜਾਂਦੀ। ਕਰੀਬ 5 ਮਿੰਟ ਬਾਅਦ ਗੈਸ ਬੰਦ ਕਰ ਦਿਓ ਤੇ ਮਿੱਠਾ ਦਲੀਆ ਸਰਵ ਕਰੋ।