ਸਾਊਥ ਇੰਡੀਅਨ ਫੂਡ ਦਾ ਨਾਮ ਸੁਣਦੇ ਹੀ ਮੂੰਹ 'ਚ ਪਾਣੀ ਆ ਜਾਂਦਾ ਹੈ। ਲੋਕ ਅਕਸਰ ਦੱਖਣੀ ਭਾਰਤੀ ਭੋਜਨ ਖਾਣ ਲਈ ਰੈਸਟੋਰੈਂਟ ਜਾਂਦੇ ਹਨ। ਮੇਦੂ ਵੜਾ ਵੀ ਦੱਖਣੀ ਭਾਰਤ ਦਾ ਇੱਕ ਪ੍ਰਸਿੱਧ ਪਕਵਾਨ ਹੈ।
ਇੰਡਲੀ-ਸਾਂਭਰ, ਡੋਸਾ ਅਤੇ ਮੇਦੂ ਵੜਾ ਖਾਣਾ ਪਸੰਦ ਕਰਦੇ ਹਨ। ਇਡਲੀ ਸਾਂਬਰ ਤੇ ਡੋਸਾ ਆਸਾਨੀ ਨਾਲ ਘਰ ਵਿੱਚ ਬਣਾਇਆ ਜਾ ਸਕਦਾ ਹੈ। ਪਰ ਮੇਦੂ ਵੜਾ ਬਣਾਉਣ ਵਿੱਚ ਕਈ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
2 ਕੱਪ ਧੋਤੀ ਹੋਈ ਉੜਦ ਦਾਲ, 2 ਚਮਚ ਅਦਰਕ, ਬਾਰੀਕ ਕੱਟਿਆ ਹੋਇਆ ਧਨੀਆ ਪੱਤੇ ,6-7 ਬਾਰੀਕ ਕੱਟੀਆਂ ਹਰੀਆਂ ਮਿਰਚਾਂ ,1 ਚਮਚ ਕਾਲੀ ਮਿਰਚ ਪਾਊਡਰ, ਹਿੰਗ ਦੀ ਇੱਕ ਚੂੰਢੀ ,ਸੁਆਦ ਅਨੁਸਾਰ ਲੂਣ, ਲੋੜ ਅਨੁਸਾਰ ਤੇਲ
ਧੋਤੀ ਹੋਈ ਉੜਦ ਦੀ ਦਾਲ ਨੂੰ ਰਾਤ ਭਰ ਪਾਣੀ 'ਚ ਭਿਓ ਦਿਓ। ਅਗਲੀ ਸਵੇਰ ਦਾਲ ਨੂੰ ਸਾਫ਼ ਪਾਣੀ ਨਾਲ 3-4 ਵਾਰ ਧੋਵੋ ਤੇ ਮਿਕਸਰ 'ਚ ਉੜਦ ਦੀ ਦਾਲ, ਨਮਕ, ਹਿੰਗ ਤੇ ਕਾਲੀ ਮਿਰਚ ਪਾਊਡਰ ਪਾ ਕੇ ਪੇਸਟ ਤਿਆਰ ਕਰੋ।
ਪੇਸਟ ਨੂੰ ਇੱਕ ਕਟੋਰੇ ਵਿੱਚ ਕੱਢ ਲਓ। ਫਿਰ ਇਸ ਪੇਸਟ ਨੂੰ ਹੱਥਾਂ ਨਾਲ ਚੰਗੀ ਤਰ੍ਹਾਂ ਫੈਟ ਲਓ। ਉਦੋਂ ਤੱਕ ਹਿਲਾਉਂਦੇ ਰਹੋ ਜਦੋਂ ਤੱਕ ਦਾਲ ਹਲਕੀ ਨਾ ਹੋ ਜਾਵੇ।
ਜਦੋਂ ਦਾਲ ਚੰਗੀ ਤਰ੍ਹਾਂ ਫੁੱਲ ਜਾਵੇ ਤਾਂ ਬਾਰੀਕ ਕੱਟੀਆਂ ਹਰੀਆਂ ਮਿਰਚਾਂ, ਅਦਰਕ ਅਤੇ ਹਰਾ ਧਨੀਆ ਪਾ ਕੇ ਮਿਕਸ ਕਰ ਲਓ। ਹੁਣ ਇਕ ਪੈਨ ਨੂੰ ਗੈਸ 'ਤੇ ਗਰਮ ਕਰਨ ਲਈ ਰੱਖੋ। ਫਿਰ ਇਸ ਵਿਚ ਤੇਲ ਪਾਓ।
ਜਦੋਂ ਤੇਲ ਗਰਮ ਹੋ ਜਾਵੇ ਤਾਂ ਮਲਮਲ ਦੇ ਕੱਪੜੇ ਨੂੰ ਗਿੱਲਾ ਕਰਕੇ ਕਟੋਰੀ 'ਤੇ ਰੱਖ ਦਿਓ। ਫਿਰ ਇਸ 'ਤੇ ਦਾਲ ਦਾ ਪੇਸਟ ਲਗਾਓ ਤੇ ਵਿਚਕਾਰੋਂ ਸੁਰਾਖ ਬਣਾ ਲਓ।
ਫਿਰ ਇਸ ਨੂੰ ਤਲਣ ਲਈ ਤੇਲ 'ਚ ਪਾਓ। ਇਸੇ ਤਰ੍ਹਾਂ ਸਾਰੇ ਫਾਈ ਕਰੋ। ਜਦੋਂ ਦੋਵੇਂ ਪਾਸਿਆਂ ਸੁਨਹਿਰੀ ਹੋ ਜਾਣ ਤਾਂ ਇਨ੍ਹਾਂ ਨੂੰ ਪਲੇਟ ਵਿਚ ਕੱਢ ਕੇ ਸਾਂਬਰ ਅਤੇ ਚਟਨੀ ਨਾਲ ਗਰਮਾ-ਗਰਮ ਸਰਵ ਕਰੋ।