ਅੱਜਕਲ ਦੇਖਿਆ ਜਾ ਰਿਹੈ ਕਿ ਹਰ ਉਮਰ ਦੇ ਲੋਕਾਂ ਨੂੰ ਨੀਂਦ ਨਾ ਆਉਣ ਦੀ ਸਮੱਸਿਆ ਹੁੰਦੀ ਹੈ। ਇਸ ਸਮੱਸਿਆ ਦਾ ਕੋਈ ਇੱਕ ਕਾਰਨ ਨਹੀਂ ਹੈ।
ਮੌਜੂਦਾ ਸਮੇਂ 'ਚ ਲਗਭਗ 50 ਫੀਸਦੀ ਲੋਕ ਇਨਸੌਮਨੀਆ ਦੀ ਸਮੱਸਿਆ ਨਾਲ ਜੂਝ ਰਹੇ ਹਨ। ਪੜ੍ਹਾਈ ਦੇ ਤਣਾਅ ਤੇ ਬਲੂ ਸਕਰੀਨਾਂ ਦੀ ਜ਼ਿਆਦਾ ਵਰਤੋਂ ਕਾਰਨ ਬੱਚੇ ਇਸ ਸਮੱਸਿਆ ਦਾ ਸ਼ਿਕਾਰ ਹੋ ਰਹੇ ਹਨ।
ਨੌਕਰੀ ਜਾਂ ਕਾਰੋਬਾਰ ਦੇ ਤਣਾਅ ਕਾਰਨ ਲੋਕ ਇਸਦਾ ਸ਼ਿਕਾਰ ਹੋ ਰਹੇ ਹਨ। ਬਜ਼ੁਰਗ ਲੋਕ ਕੁਦਰਤੀ ਤੌਰ 'ਤੇ ਇਸ ਸਮੱਸਿਆ ਤੋਂ ਪੀੜਤ ਹੁੰਦੇ ਹਨ।
ਜੋ ਲੋਕ ਪਹਿਲਾਂ ਹੀ ਡਿਪਰੈਸ਼ਨ, ਤਣਾਅ, ਡਰ ਤੋਂ ਪੀੜਤ ਹਨ, ਉਨ੍ਹਾਂ ਦੀ ਇਨਸੌਮਨੀਆ ਦੀ ਸਮੱਸਿਆ ਵਧ ਸਕਦੀ ਹੈ। ਚੰਗੀ ਨੀਂਦ ਲਈ ਸ਼ਾਮ ਨੂੰ ਛੇ ਵਜੇ ਤੋਂ ਬਾਅਦ ਭਾਰੀ ਕਸਰਤ ਨਹੀਂ ਕਰਨੀ ਚਾਹੀਦੀ।
ਜਿਸ ਕਮਰੇ ਵਿੱਚ ਤੁਸੀਂ ਸੌਂਦੇ ਹੋ ਉੱਥੇ ਟੀਵੀ ਨਾ ਦੇਖੋ, ਵੀਡੀਓ ਗੇਮਾਂ ਨਾ ਖੇਡੋ ਤੇ ਰੌਲਾ ਵੀ ਨਾ ਹੋਣ ਦਿਓ। ਰਾਤ 8 ਵਜੇ ਤੋਂ ਬਾਅਦ ਟੀਵੀ, ਮੋਬਾਈਲ ਨਾ ਦੇਖੋ ਤੇ ਰਾਤ 10 ਵਜੇ ਤਕ ਸੌਂ ਜਾਓ।
ਜੇ ਤੁਸੀਂ ਸੌਂ ਨਹੀਂ ਸਕਦੇ ਤਾਂ ਕੋਈ ਕਿਤਾਬ ਪੜ੍ਹੋ ਜਾਂ ਸੰਗੀਤ ਸੁਣੋ ਤੇ ਉਦੋਂ ਹੀ ਸੌਂ ਜਾਓ ਜਦੋਂ ਤੁਹਾਨੂੰ ਨੀਂਦ ਆਉਂਦੀ ਹੈ। ਤੁਸੀਂ ਰਾਤ ਨੂੰ ਕਿਸੇ ਵੀ ਸਮੇਂ ਸੌਂ ਸਕਦੇ ਹੋ ਤੇ ਸਵੇਰੇ ਜਲਦੀ ਉੱਠ ਸਕਦੇ ਹੋ।
ਸੌਣ ਦੀ ਜਗ੍ਹਾ ਪੱਕੀ ਹੋਣੀ ਚਾਹੀਦੀ ਹੈ, ਇਸ ਨਾਲ ਨੀਂਦ ਜਲਦੀ ਆਉਂਦੀ ਹੈ। ਰਾਤ ਨੂੰ ਸਿਰਫ ਹਲਕਾ ਤੇ ਪਚਣ ਵਾਲਾ ਭੋਜਨ ਹੀ ਖਾਓ।