ਸਰਦੀਆਂ 'ਚ ਤਿਲਾਂ ਦਾ ਸੇਵਨ ਹੈ ਫਾਇਦੇਮੰਦ, ਇਨ੍ਹਾਂ ਬਿਮਾਰੀਆਂ ਤੋਂ ਮਿਲੇਗਾ ਛੁਟਕਾਰਾ

By Neha Diwan2022-11-28, 14:52 ISTpunjabijagran.com

ਤਿਲ ਦੇ ਫਾਇਦੇ

ਤਿਲ ਹਾਈ ਬਲੱਡ ਪ੍ਰੈਸ਼ਰ ਨੂੰ ਘਟਾਉਣ 'ਚ ਬਹੁਤ ਮਦਦਗਾਰ ਹੁੰਦੇ ਹਨ। ਕਈ ਖੋਜਾਂ 'ਚ ਇਹ ਦੱਸਿਆ ਗਿਆ ਹੈ ਕਿ ਤਿਲਾਂ 'ਚ ਪਾਇਆ ਜਾਣ ਵਾਲਾ ਤੇਲ ਹਾਈ ਬਲੱਡ ਪ੍ਰੈਸ਼ਰ ਨੂੰ ਘਟਾਉਂਦਾ ਹੈ।

ਸਵਾਦ ਵਧਾਉਂਦੇ ਹਨ

ਇਹ ਭੋਜਨ ਦੀ ਸ਼ੋਭਾ ਵਧਾਉਂਦੇ ਹਨ, ਨਾਲ ਹੀ ਸਵਾਦ ਨੂੰ ਵਧਾਉਣ ਲਈ ਅਕਸਰ ਮਠਿਆਈਆਂ ਤੇ ਭੋਜਨ 'ਚ ਇਨ੍ਹਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ।

ਪਾਏ ਜਾਂਦੇ ਹਨ ਤੱਤ

ਇਸ 'ਚ ਪੋਲੀਸੈਕਰਾਈਡ ਫੈਟੀ ਐਸਿਡ, ਫਾਈਬਰ, ਆਇਰਨ, ਕੈਲਸ਼ੀਅਮ, ਮੈਗਨੀਸ਼ੀਅਮ, ਫਾਸਫੋਰਸ ਤੇ ਓਮੇਗਾ-6 ਵਰਗੇ ਕਈ ਪੌਸ਼ਟਿਕ ਤੱਤ ਪਾਏ ਜਾਂਦੇ ਹਨ, ਜੋ ਸਰੀਰ ਲਈ ਫਾਇਦੇਮੰਦ ਹੁੰਦੇ ਹਨ।

ਹੱਡੀਆਂ ਨੂੰ ਮਜ਼ਬੂਤ ਬਣਾਉਣ 'ਚ ਮਦਦਗਾਰ

ਸਰਦੀਆਂ ਦੇ ਮੌਸਮ 'ਚ ਤਿਲ-ਗੁੜ ਦਾ ਸੇਵਨ ਕਰਨ ਨਾਲ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ ਤੇ ਜੋੜਾਂ ਦੇ ਦਰਦ ਤੋਂ ਵੀ ਰਾਹਤ ਮਿਲਦੀ ਹੈ। ਕੈਲਸ਼ੀਅਮ, ਮੈਗਨੀਸ਼ੀਅਮ ਤੇ ਫਾਸਫੋਰਸ ਹੱਡੀਆਂ ਦੇ ਨਿਰਮਾਣ 'ਚ ਮਦਦਗਾਰ ਹੁੰਦਾ ਹੈ।

ਇਮਿਊੁਨਿਟੀ 'ਚ ਵਾਧਾ

ਇਹ ਇਮਿਊਨਿਟੀ ਵੀ ਵਧਾਉਂਦੇ ਹਨ। ਤਿਲਾਂ ਦਾ ਤੇਲ ਹੱਡੀਆਂ ਤੇ ਮਾਸਪੇਸ਼ੀਆਂ ਦੀ ਮਾਲਿਸ਼ ਕਰਨ ਲਈ ਵੀ ਵਰਤਿਆ ਜਾਂਦਾ ਹੈ।

ਕਈ ਬਿਮਾਰੀਆਂ ਤੋਂ ਦਿਵਾਏ ਛੁਟਕਾਰਾ

ਤਿਲਾਂ 'ਚ ਸੇਸਮੀਨ ਐਂਟੀਆਕਸੀਡੈਂਟ ਹੁੰਦਾ ਹੈ। ਇਸ ਕਾਰਨ ਇਹ ਫੇਫੜਿਆਂ ਦੇ ਕੈਂਸਰ, ਲਿਊਕੇਮੀਆ, ਪ੍ਰੋਸਟੇਟ ਕੈਂਸਰ, ਛਾਤੀ ਦੇ ਕੈਂਸਰ ਤੇ ਕੋਲਨ ਕੈਂਸਰ ਆਦਿ ਦੀ ਸੰਭਾਵਨਾ ਨੂੰ ਵੀ ਘਟਾਉਂਦਾ ਹੈ।

ਤਣਾਅ 'ਚ ਕਾਰਗਰ ਹੁੰਦੇ ਨੇ ਤਿਲ

ਤਿਲਾਂ 'ਚ ਪਾਇਆ ਜਾਣ ਵਾਲਾ ਲਿਪੋਫਿਲਿਕ ਐਂਟੀਆਕਸੀਡੈਂਟ ਤਣਾਅ ਘਟਾਉਣ ਦਾ ਕੰਮ ਕਰਦਾ ਹੈ, ਇਹ ਯਾਦਦਾਸ਼ਤ ਕਮਜ਼ੋਰ ਹੋਣ ਦੀ ਸਮੱਸਿਆ ਨੂੰ ਵੀ ਠੀਕ ਕਰਦਾ ਹੈ।

ਚਮੜੀ ਨੂੰ ਨਿਖਾਰੇ

ਤਿਲਾਂ ਦਾ ਨਿਯਮਤ ਸੇਵਨ ਚਮੜੀ ਨੂੰ ਖੂਬਸੂਰਤ ਬਣਾਉਂਦਾ ਹੈ। ਇਸ ਤੋਂ ਇਲਾਵਾ ਤਿਲਾਂ ਨੂੰ ਪੀਸ ਕੇ ਇਸ ਦਾ ਪੇਸਟ ਲਗਾਉਣ ਨਾਲ ਵੀ ਚਮੜੀ 'ਚ ਨਿਖਾਰ ਆਉਂਦਾ ਹੈ। ਤਿਲਾਂ ਦੇ ਤੇਲ ਦੀ ਵਰਤੋਂ ਕਰਨ ਨਾਲ ਵੀ ਲਾਭ ਮਿਲੇਗਾ।

ਦਿਲ ਦੀਆਂ ਮਾਸਪੇਸ਼ੀਆਂ ਲਈ ਫਾਇਦੇਮੰਦ

ਤਿਲਾਂ 'ਚ ਪਾਏ ਜਾਣ ਵਾਲੇ ਕੈਲਸ਼ੀਅਮ, ਆਇਰਨ, ਮੈਗਨੀਸ਼ੀਅਮ, ਜ਼ਿੰਕ ਤੇ ਸੇਲੇਨੀਅਮ ਦਿਲ ਦੀਆਂ ਮਾਸਪੇਸ਼ੀਆਂ ਨੂੰ ਐਕਟਿਵ ਕਰਨ 'ਚ ਮਦਦ ਕਰਦੇ ਹਨ।

ਦਿਲ ਦੀ ਬਿਮਾਰੀ ਹੋਵੇਗੀ ਠੀਕ

ਤਿਲਾਂ ਵਿੱਚ ਪਾਇਆ ਜਾਣ ਵਾਲਾ ਮੋਨੋਸੈਚੁਰੇਟਿਡ ਫੈਟੀ ਐਸਿਡ ਸਰੀਰ ਵਿੱਚ ਕੋਲੈਸਟ੍ਰੋਲ ਦੇ ਪੱਧਰ ਨੂੰ ਘਟਾਉਣ ਦਾ ਕੰਮ ਕਰਦਾ ਹੈ ਅਤੇ ਬਲੱਡ ਪ੍ਰੈਸ਼ਰ ਨੂੰ ਵੀ ਕੰਟਰੋਲ ਕਰਦਾ ਹੈ।

ਲਸਣ ਦੀ ਚਟਨੀ 'ਚ ਲੁਕਿਆ ਹੈ ਸਿਹਤ ਦਾ ਖ਼ਜ਼ਾਨਾ, ਜਾਣੋ ਇਸ ਨੂੰ ਖਾਣ ਦੇ ਫਾਇਦੇ