ਬਿਨਾਂ ਦਹੀਂ ਬਣਾਓ ਪਰਫੈਕਟ ਕੜ੍ਹੀ, ਜਾਣੋ ਇਹ ਆਸਾਨ ਰੈਸਿਪੀ

By Neha diwan2023-06-16, 15:56 ISTpunjabijagran.com

ਕੜ੍ਹੀ

ਕੜ੍ਹੀ ਦਾ ਨਾਮ ਸੁਣ ਕੇ ਮੂੰਹ ਵਿੱਚ ਪਾਣੀ ਆ ਜਾਂਦਾ ਹੈ। ਅਜਿਹਾ ਨਹੀਂ ਹੋ ਸਕਦਾ ਕਿ ਕੋਈ ਕਹਿ ਸਕੇ ਕਿ ਉਸ ਨੂੰ ਕੜ੍ਹੀ ਪਸੰਦ ਨਹੀਂ ਹੈ। ਇਹ ਇੱਕ ਅਜਿਹਾ ਪਕਵਾਨ ਹੈ, ਜੋ ਹਰ ਘਰ ਵਿੱਚ ਬਣਾਇਆ ਜਾਂਦਾ ਹੈ।

ਕਈ ਤਰੀਕਿਆਂ ਨਾਲ ਬਣਾਉਂਦੇ ਹਨ

ਹਰ ਕੋਈ ਇਸ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਬਣਾਉਂਦਾ ਹੈ। ਹਾਲਾਂਕਿ, ਇੱਕ ਚੰਗੀ ਕੜ੍ਹੀ ਉਹ ਹੁੰਦੀ ਹੈ ਜੋ ਚੰਗੀ ਤਰ੍ਹਾਂ ਉਬਾਲੀ ਜਾਂਦੀ ਹੈ ਅਤੇ ਹੌਲੀ ਹੌਲੀ ਪਕਾਈ ਜਾਂਦੀ ਹੈ, ਜਿਸ ਨਾਲ ਸੁਆਦ ਵਧਦਾ ਹੈ।

ਪੰਜਾਬੀ ਸਟਾਈਲ

ਅਸੀਂ ਜਾਣਦੇ ਹਾਂ ਕਿ ਕੜ੍ਹੀ ਨੂੰ ਕਈ ਤਰੀਕਿਆਂ ਨਾਲ ਤਿਆਰ ਕੀਤਾ ਜਾ ਸਕਦਾ ਹੈ ਜਿਵੇਂ ਕਿ ਪੰਜਾਬੀ ਸਟਾਈਲ ਦਹੀਂ ਪਕੌੜਾ ਕੜ੍ਹੀ, ਹਲਕੀ ਗੁਜਰਾਤੀ ਕੜ੍ਹੀ, ਪੂਰੀ ਸਿੰਧੀ ਕੜੀ, ਰਾਜਸਥਾਨੀ ਕੜ੍ਹੀ ਆਦਿ

ਸਮੱਗਰੀ

ਵੇਸਨ 3 ਕੱਪ, ਅਮਚੂਰ, ਜੀਰਾ, ਮੇਥੀ ਦਾਣਾ, ਹਿੰਗ ਅੱਧਾ ਚਮਚ, ਲਾਲ ਮਿਰਚ ਪਾਊਡਰ, ਲਸਣ ਅਤੇ ਅਦਰਕ ਦਾ ਪੇਸਟ, ਹਲਦੀ ਪਾਊਡਰ, ਲੂਣ, ਤੇਲ , ਪਿਆਜ਼ ਬਾਰੀਕ ਕੱਟਿਆ ਹੋਇਆ, ਹਰੀ ਮਿਰਚ 3

ਵਿਧੀ ਸਟੈਪ 1

ਕੜ੍ਹੀ ਬਣਾਉਣ ਲਈ, ਸਭ ਤੋਂ ਪਹਿਲਾਂ ਇੱਕ ਕਟੋਰੀ ਵਿੱਚ ਵੇਸਨ ਲਓ ਤੇ 1/2 ਕੱਪ ਪਾਣੀ ਪਾ ਕੇ ਤਿਆਰ ਕਰੋ। ਇਸ ਤੋਂ ਇਲਾਵਾ ਅਮਚੂਰ ਪਾਊਡਰ ਨੂੰ ਦੋ ਚੱਮਚ ਪਾਣੀ 'ਚ ਭਿਓ ਕੇ 10 ਮਿੰਟ ਲਈ ਰੱਖੋ।

ਸਟੈਪ 2

ਫਿਰ ਕੜ੍ਹੀ ਘੋਲ ਵਿਚ ਇਕ ਚੁਟਕੀ ਬੇਕਿੰਗ ਸੋਡਾ ਪਾਓ ਤੇ 10 ਮਿੰਟ ਲਈ ਰੱਖੋ। ਇਸ ਦੌਰਾਨ, ਸਾਨੂੰ ਕੜ੍ਹੀ ਲਈ ਪਕੌੜੇ ਤਿਆਰ ਕਰਨੇ ਪੈਂਦੇ ਹਨ।

ਸਟੈਪ 3

ਪਕੌੜੇ ਬਣਾਉਣ ਲਈ, ਇੱਕ ਹੋਰ ਕਟੋਰੇ ਵਿੱਚ ਵੇਸਨ, 3 ਕੱਟੀਆਂ ਹਰੀਆਂ ਮਿਰਚਾਂ, 1 ਬਾਰੀਕ ਕੱਟਿਆ ਹੋਇਆ ਪਿਆਜ਼, ਸੁਆਦ ਅਨੁਸਾਰ ਨਮਕ ਅਤੇ ਇੱਕ ਚੁਟਕੀ ਬੇਕਿੰਗ ਸੋਡਾ ਪਾ ਕੇ ਆਟਾ ਤਿਆਰ ਕਰੋ।

ਸਟੈਪ 4

ਹੁਣ ਗੈਸ 'ਤੇ ਇਕ ਪੈਨ ਪਾ ਕੇ ਗਰਮ ਕਰਨ ਲਈ ਰੱਖ ਦਿਓ। ਜਦੋਂ ਤੇਲ ਗਰਮ ਹੋਣ ਲੱਗੇ ਤਾਂ ਪਕੌੜੇ ਦਾ ਘੋਲ ਪਾਓ ਅਤੇ ਇਸ ਨੂੰ ਪਕਾਓ । ਜਦੋਂ ਸਾਰੇ ਪਕੌੜੇ ਬਣ ਜਾਣ ਤਾਂ ਉਨ੍ਹਾਂ ਨੂੰ ਪਲੇਟ 'ਚ ਕੱਢ ਲਓ

ਸਟੈਪ 5

ਹੁਣ ਪੈਨ 'ਚ 2 ਚੱਮਚ ਤੇਲ ਗਰਮ ਕਰੋ ਅਤੇ ਪਿਆਜ਼ ਤੇ ਜੀਰਾ ਪਾਓ। ਫਿਰ ਇਸ ਵਿਚ ਵੇਸਨ ਦਾ ਘੋਲ ਘੱਟ ਅੱਗ 'ਤੇ ਪਕਾਓ। ਅੱਧਾ ਚਮਚ ਹਲਦੀ, ਲਾਲ ਮਿਰਚ, ਅਦਰਕ ਤੇ ਲਸਣ ਦਾ ਪੇਸਟ ਤੇ ਸਵਾਦ ਅਨੁਸਾਰ ਨਮਕ ਪਾ ਕੇ ਪਕਾਓ।

ਸਟੈਪ 6

ਜਦੋਂ ਵੇਸਨ ਪੱਕ ਜਾਵੇ ਤਾਂ ਪਕੌੜੇ ਪਾ ਕੇ 10 ਮਿੰਟ ਤਕ ਪਕਾਓ। ਜਦੋਂ ਕੜ੍ਹੀ ਸੰਘਣੀ ਹੋਣ ਲੱਗੇ ਤਾਂ ਉੱਪਰ ਹਿੰਗ ਤੇ ਕੱਟਿਆ ਪਿਆਜ਼ ਪਾਓ। ਗੈਸ ਬੰਦ ਕਰ ਦਿਓ ਤੇ ਚੌਲਾਂ ਨਾਲ ਗਰਮਾ-ਗਰਮ ਸਰਵ ਕਰੋ।

ਚਾਹ ਦਾ ਮਜ਼ਾ ਦੁੱਗਣਾ ਕਰਨਗੇ ਮੱਛੀ ਦੇ ਪਕੌੜੇ, ਜਾਣੋ ਰੈਸਿਪੀ