ਟੀਵੀ ਦੀ ਸਭ ਤੋਂ ਪਸੰਦੀਦਾ ਜੋੜੀ ਏਜਾਜ਼ ਖਾਨ ਅਤੇ ਪਵਿੱਤਰ ਪੂਨੀਆ ਦੇ ਪ੍ਰਸ਼ੰਸਕਾਂ ਲਈ ਬੁਰੀ ਖ਼ਬਰ ਹੈ। ਏਜਾਜ਼ ਖਾਨ ਅਤੇ ਪਵਿਤਰ ਪੂਨੀਆ ਦਾ ਚਾਰ ਸਾਲ ਪੁਰਾਣਾ ਰਿਸ਼ਤਾ ਹੁਣ ਖਤਮ ਹੋ ਗਿਆ ਹੈ।
ਦੋਹਾਂ ਦਾ ਬ੍ਰੇਕਅੱਪ ਹੋ ਗਿਆ ਹੈ ਤੇ ਹੁਣ ਦੋਹਾਂ ਨੇ ਖੁਦ ਬ੍ਰੇਕਅੱਪ ਦੀ ਖਬਰ ਦੀ ਪੁਸ਼ਟੀ ਕੀਤੀ ਹੈ ਤੇ ਦੱਸਿਆ ਹੈ ਕਿ ਦੋਵੇਂ 5 ਮਹੀਨੇ ਪਹਿਲਾਂ ਵੱਖ ਹੋਏ ਹਨ।
ਬਿੱਗ ਬੌਸ 14 ਵਿੱਚ ਏਜਾਜ਼ ਖਾਨ ਅਤੇ ਪਵਿੱਤਰਾ ਪੂਨੀਆ ਦਾ ਪਿਆਰ ਸ਼ੁਰੂ ਹੋਇਆ ਸੀ। ਸ਼ੋਅ 'ਚ ਦੋਹਾਂ ਵਿਚਾਲੇ ਕਾਫੀ ਲੜਾਈਆਂ ਹੁੰਦੀਆਂ ਰਹਿੰਦੀਆਂ ਸਨ ਪਰ ਸ਼ੋਅ ਖਤਮ ਹੋਣ ਤੋਂ ਪਹਿਲਾਂ ਹੀ ਦੋਹਾਂ ਨੂੰ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ।
ਦੋਵਾਂ ਨੇ ਇਕ-ਦੂਜੇ ਨੂੰ ਪ੍ਰਪੋਜ਼ ਵੀ ਕੀਤਾ ਅਤੇ ਦੋਵੇਂ ਬੀ ਟਾਊਨ ਦੀ ਮਸ਼ਹੂਰ ਜੋੜੀ ਬਣ ਗਏ। ਦੋਵਾਂ ਨੂੰ ਅਕਸਰ ਇਵੈਂਟਸ 'ਚ ਇਕੱਠੇ ਦੇਖਿਆ ਜਾਂਦਾ ਸੀ ਅਤੇ ਪਾਪਰਾਜ਼ੀ ਦੇ ਸਾਹਮਣੇ ਇਕ-ਦੂਜੇ 'ਤੇ ਪਿਆਰ ਦੀ ਵਰਖਾ ਕਰਦੇ ਦੇਖਿਆ ਗਿਆ ਸੀ।
ਆਪਣੇ ਬ੍ਰੇਕਅੱਪ ਦੀ ਪੁਸ਼ਟੀ ਕਰਦੇ ਹੋਏ ਪਵਿੱਤਰਾ ਨੇ ਕਿਹਾ ਹਰ ਚੀਜ਼ ਦੀ ਇੱਕ ਸ਼ੈਲਫ ਲਾਈਫ ਹੁੰਦੀ ਹੈ। ਕੁਝ ਵੀ ਸਥਾਈ ਨਹੀਂ ਹੁੰਦਾ। ਇਹ ਰਿਸ਼ਤਿਆਂ ਵਿੱਚ ਵੀ ਹੁੰਦਾ ਹੈ। ਰਿਸ਼ਤਿਆਂ ਦੀ ਵੀ ਇੱਕ ਸ਼ੈਲਫ ਲਾਈਫ ਹੁੰਦੀ ਹੈ।
2022 ਵਿੱਚ ਪਵਿੱਤਰਾ ਅਤੇ ਏਜਾਜ਼ ਦੀ ਮੰਗਣੀ ਦੀਆਂ ਖਬਰਾਂ ਆਈਆਂ ਸਨ। ਪਵਿੱਤਰਾ ਨੇ ਸੋਸ਼ਲ ਮੀਡੀਆ 'ਤੇ ਏਜਾਜ਼ ਨਾਲ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ, ਜਿਸ 'ਚ ਉਹ ਆਪਣੀ ਮੰਗਣੀ ਦੀ ਰਿੰਗ ਫਲਾਂਟ ਕਰਦੀ ਨਜ਼ਰ ਆ ਰਹੀ ਸੀ।