ਮੋਟਾਪੇ ਲਈ ਸਿਰਫ਼ ਭੋਜਨ ਨੂੰ ਜ਼ਿੰਮੇਵਾਰ ਠਹਿਰਾਉਣਾ ਸਹੀ ਨਹੀਂ, ਇਸ ਦੇ ਨਾਲ ਹੀ ਸਰੀਰਿਕ ਅਸੰਤੁਲਨ ਵੀ ਮੋਟਾਪੇ ਨੂੰ ਵਧਾਉਣ ਦਾ ਕੰਮ ਕਰਦਾ ਹੈ।
ਪੀਸੀਓਡੀ ਇਕ ਅਜਿਹਾ ਡਿਸਆਡਰ ਹੈ ਜੋ ਅੱਜਕੱਲ੍ਹ ਬਹੁਤ ਸਾਰੀਆਂ ਔਰਤਾਂ ਨੂੰ ਪ੍ਰਭਾਵਤ ਕਰਦਾ ਹੈ। ਇਸ ਸਮੱਸਿਆ 'ਚ ਔਰਤਾਂ ਦਾ ਭਾਰ ਤੇਜ਼ੀ ਨਾਲ ਵਧਣ ਲੱਗਦਾ ਹੈ।
ਮਾਹਵਾਰੀ ਨਿਯਮਤ ਨਹੀਂ ਹੁੰਦੀ ਹੈ ਤਾਂ ਸਰੀਰ ਫੁਲਣ ਲੱਗਦਾ ਹੈ। ਇਸ ਲਈ ਜੇਕਰ ਤੁਹਾਨੂੰ ਨਿਯਮਤ ਮਾਹਵਾਰੀ 'ਚ ਸਮੱਸਿਆ ਹੈ ਤਾਂ ਰੁਟੀਨ 'ਚ ਕਸਰਤ ਕਰੋ।
ਔਰਤਾਂ 'ਚ ਐਸਟ੍ਰੋਜਨ ਤੇ ਮਰਦਾਂ ਵਿਚ ਟੈਸਟੋਸਟੀਰੋਨ ਨਾਮਕ ਹਾਰਮੋਨ ਹੁੰਦਾ ਹੈ। ਇਨ੍ਹਾਂ ਦੋਵਾਂ ਹਾਰਮੋਨਾਂ 'ਚ ਗੜਬੜੀ ਭਾਰ ਵੱਧਣ ਦਾ ਕਾਰਨ ਬਣ ਸਕਦੀ ਹੈ। ਇਸ ਲਈ ਡਾਕਟਰ ਤੋਂ ਰੈਗੂਲਰ ਜਾਂਚ ਕਰਵਾਉਂਦੇ ਰਹੋ।
ਹਰ ਸਮੇਂ ਤਣਾਅ 'ਚ ਰਹਿਣ ਨਾਲ ਸਾਡੇ ਸਰੀਰ ਵਿਚ ਕੋਰਟੀਸੋਲ ਨਾਂ ਦਾ ਹਾਰਮੋਨ ਨਿਕਲਦਾ ਹੈ, ਜੋ ਸਰੀਰ 'ਚ ਫੈਟ ਪੈਦਾ ਕਰਦਾ ਹੈ। ਇਹ ਹਾਰਮੋਨ ਸਰੀਰਿਕ ਵਾਧੇ ਨੂੰ ਵੀ ਪ੍ਰਭਾਵਤ ਕਰਦਾ ਹੈ।
ਦਫ਼ਤਰ 'ਚ ਲੰਬੇ ਸਮੇਂ ਤਕ ਬੈਠਣ, ਟੀਵੀ ਦੇਖਣ, ਦਿਨ ਭਰ ਮੋਬਾਈਲ ਚਲਾਉਣ ਦੀ ਆਦਤ ਵੀ ਮੋਟਾਪੇ ਦਾ ਕਾਰਨ ਬਣਦੀ ਹੈ। ਇਸ ਲਈ ਜੇਕਰ ਤੁਸੀਂ ਵੀ ਅਜਿਹਾ ਕਰਦੇ ਹੋ ਤਾਂ ਤੁਰੰਤ ਇਸ ਆਦਤ ਨੂੰ ਬਦਲ ਦਿਓ।