ਨੈਸ਼ਨਲ ਕਿਡਨੀ ਫਾਊਂਡੇਸ਼ਨ ਮੁਤਾਬਕ ਦੁਨੀਆ 'ਚ 10 ਫੀਸਦ ਲੋਕ ਕਿਡਨੀ ਸਬੰਧੀ ਸਮੱਸਿਆਵਾਂ ਤੋਂ ਪੀੜਤ ਹਨ। ਇਹ ਵਾਧੂ ਪਦਾਰਥਾਂ ਦੀ ਫਿਲਟ੍ਰੇਸ਼ਨ ਦੇ ਨਾਲ, ਬਲੱਡ ਪ੍ਰੈਸ਼ਰ, ਹਾਰਮੋਨਜ਼ ਆਦਿ ਨੂੰ ਨਿਯੰਤ੍ਰਿਤ ਕਰਦੀ ਹੈ।
ਜੇਕਰ ਤੁਸੀਂ ਗੁਰਦੇ ਦੀ ਬਿਮਾਰੀ ਤੋਂ ਪੀੜਤ ਹੋ, ਜਾਂ ਜੇ ਤੁਹਾਡੇ ਗੁਰਦੇ ਕਿਸੇ ਕਾਰਨ ਠੀਕ ਤਰ੍ਹਾਂ ਕੰਮ ਨਹੀਂ ਕਰ ਰਹੇ ਤਾਂ ਤੁਹਾਨੂੰ ਡਾਕਟਰ ਇਸ ਲਈ ਵਿਸ਼ੇਸ਼ ਖੁਰਾਕ ਲੈਣ ਦੀ ਸਲਾਹ ਦਿੰਦਾ ਹੈ।
ਲਾਲ ਸ਼ਿਮਲਾ ਮਿਰਚ 'ਚ ਪੋਟਾਸ਼ੀਅਮ ਘੱਟ ਹੁੰਦੀ ਹੈ। ਇਹ ਵਿਟਾਮਿਨ-ਏ, ਸੀ, ਬੀ6, ਫੌਲਿਕ ਐਸਿਡ ਤੇ ਫਾਈਬਰ ਭਰਪੂਰ ਹੁੰਦਾ ਹੈ। ਇਸ 'ਚ ਲਾਈਕੋਪੀਨ ਵੀ ਭਰਪੂਰ ਹੁੰਦਾ ਹੈ।
ਸੇਬ ਐਂਟੀ-ਇੰਫਲੇਮੇਟਰੀ, ਫਾਈਬਰ ਤੇ ਵਿਟਾਮਿਨ ਰਿਚ ਹੁੰਦੇ ਹਨ, ਜੋ ਕੋਲੈਸਟ੍ਰੋਲ ਘੱਟ ਕਰਨ, ਕਬਜ਼ ਰੋਕਣ ਤੇ ਸਿਹਤਮੰਦ ਗੁਰਦਿਆਂ ਲਈ ਕੰਮ ਕਰਦੇ ਹਨ। ਸੇਬ ਨੂੰ ਖਾਣਾ ਜਾਂ ਜੂਸ ਪੀਣਾ ਵੀ ਫਾਇਦੇਮੰਦ ਹੈ।
ਖੋਜ ਅਨੁਸਾਰ, ਕਰੈਨਬੇਰੀ ਯੂਟੀਆਈ ਲਈ ਕੁਦਰਤੀ ਦਵਾਈ ਹੈ। ਇਹ ਪਿਸ਼ਾਬ 'ਚ ਤੇਜ਼ਾਬ ਦਾ ਪੱਧਰ ਵਧਾਉਂਦੀ ਹੈ, ਜੋ ਬੈਕਟੀਰੀਆ ਨੂੰ ਮਾਰਦਾ ਹੈ। ਕਰੈਨਬੇਰੀ ਕੈਂਸਰ ਨੂੰ ਰੋਕਣ ਦਾ ਵੀ ਕੰਮ ਕਰਦੀ ਹੈ।
ਲਸਣ ਕਿਡਨੀ ਦੀ ਬਿਮਾਰੀ ਤੋਂ ਪੀੜਤ ਲੋਕਾਂ ਲਈ ਫਾਇਦੇਮੰਦ ਹੈ। ਕਿਡਨੀ ਦੀਆਂ ਸਮੱਸਿਆਵਾਂ ਸੋਡੀਅਮ ਦੀ ਮਾਤਰਾ ਨੂੰ ਘਟਾਉਣ ਦੀ ਲੋੜ ਹੁੰਦੀ ਹੈ, ਜਿਸ 'ਚ ਨਮਕ ਸ਼ਾਮਲ ਹੁੰਦਾ ਹੈ। ਅਜਿਹੇ 'ਚ ਲਸਣ ਨੂੰ ਨਮਕ ਦਾ ਚੰਗਾ ਬਦਲ ਮੰਨਿਆ ਜਾਂਦਾ ਹੈ।
ਚਰਬੀ ਵਾਲੀ ਮੱਛੀ ਓਮੇਗਾ 3 ਫੈਟੀ ਐਸਿਡ ਤੇ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਹੁੰਦੀ ਹੈ, ਜੋ ਸਾਡਾ ਸਰੀਰ ਆਪਣੇ ਆਪ ਪੈਦਾ ਨਹੀਂ ਕਰ ਸਕਦਾ। ਅਜਿਹੀ ਸਥਿਤੀ 'ਚ ਹਫਤੇ 'ਚ ਤਿੰਨ ਵਾਰ ਮੱਛੀ ਖਾਣ ਨਾਲ ਕੋਲੈਸਟ੍ਰਾਲ ਦਾ ਪੱਧਰ ਘੱਟ ਹੁੰਦਾ ਹੈ।