ਗੇਂਦਾ ਲਗਾਉਣ ਦਾ ਸਮਾਂ ਜੁਲਾਈ ਤੋਂ ਸਤੰਬਰ ਤਕ ਦਾ ਹੈ। ਇਸ ਫੁੱਲ ਦੀ ਤਾਸੀਰ ਠੰਢੀ ਹੈ। ਇਸ ਦੇ ਫੁੱਲ, ਪੱਤੀਆਂ ਅਤੇ ਪੰਖੜੀਆਂ 'ਚ ਸਾਰੇ ਰੋਗਨਾਸ਼ਕ ਗੁਣ ਹਨ।
ਦੰਦਾਂ 'ਚ ਦਰਦ ਹੋਵੇ ਤਾਂ ਗੇਂਦੇ ਦੇ ਪੱਤਿਆਂ ਦਾ ਕਾੜਾ ਬਣਾ ਕੇ ਕੁਰਲੀ ਕਰਨ ਨਾਲ ਦਰਦ ਤੋਂ ਆਰਾਮ ਮਿਲਦਾ ਹੈ।
ਇਸ ਦੇ ਪੱਤਿਆਂ ਨੂੰ ਮਸਲ ਕੇ ਕੱਢਿਆ ਗਿਆ ਰਸ ਕੰਨ ’ਚ ਪਾਉਣ ਨਾਲ ਕੰਨ ਦਰਦ ਠੀਕ ਹੋ ਜਾਂਦਾ ਹੈ।
ਜੇ ਕਿਸੇ ਅੰਗ 'ਚ ਸੋਜ਼ ਹੋਵੇ ਤਾਂ ਇਸ ਦੀਆਂ ਪੱਤੀਆਂ ਨੂੰ ਪਾਣੀ ਵਿਚ ਉਬਾਲ ਕੇ ਸੋਜਸ਼ ਵਾਲੀ ਥਾਂ 'ਤੇ ਬੰਨ੍ਹਣ ਨਾਲ ਸੋ ਦੂਰ ਹੋ ਜਾਂਦੀ ਹੈ।
ਗੇਂਦੇ ਦੇ ਫੁੱਲਾਂ ਦਾ ਰਸ ਜ਼ਖਮ ਆਦਿ 'ਤੇ ਲਗਾਉਣ ਨਾਲ ਜ਼ਖ਼ਮ ਸੁੱਕਣਾ ਸ਼ੁਰੂ ਹੋ ਜਾਂਦਾ ਹੈ।
ਮਲੇਰੀਆ ਤੋਂ ਬਚਾਅ ਨਵੀਆਂ ਖੋਜਾਂ ਅਨੁਸਾਰ ਗੇਂਦੇ 'ਚ ਮਲੇਰੀਏ ਦੇ ਮੱਛਰਾਂ ਨੂੰ ਖ਼ਤਮ ਕਰਨ ਦਾ ਗੁਣ ਵੀ ਹੁੰਦਾ ਹੈ। ਇਸ ਲਈ ਮਲੇਰੀਆ ਫੈਲਾਉਣ ਵਾਲੇ ਮੱਛਰਾਂ ਤੋਂ ਬਚਣ ਲਈ ਖੇਤੀ ਵਿਗਿਆਨੀ ਘਰ 'ਚ ਗੇਂਦਾ ਲਾਉਣ ਦੀ ਸਲਾਹ ਦਿੰਦੇ ਹਨ।