ਭਾਰ ਘਟਾਉਣ ਲਈ ਸਰੀਰਕ ਤੌਰ 'ਤੇ ਐਕਟਿਵ ਰਹਿਣ ਦੇ ਨਾਲ-ਨਾਲ ਸਹੀ ਖਾਣਾ ਵੀ ਜ਼ਰੂਰੀ ਹੈ। ਜੇਕਰ ਤੁਹਾਡਾ ਭਾਰ ਵਧਣਾ ਸ਼ੁਰੂ ਹੋ ਗਿਆ ਹੈ ਤਾਂ ਇਸਦੇ ਪਿੱਛੇ ਕਈ ਕਾਰਨ ਹੋ ਸਕਦੇ ਹਨ।
ਮੂੰਗੀ ਦੀ ਦਾਲ - ਅੱਧਾ ਕੱਪ, ਭਿੱਜੇ ਓਟਸ - ਅੱਧਾ ਕੱਪ , ਅਦਰਕ - ਅੱਧਾ ਇੰਚ ,ਲਸਣ - 3 ਲੌਂਗ, ਪਿਆਜ਼ - ਅੱਧਾ, ਹਰੀ ਮਿਰਚ - 1 ,ਸਬਜ਼ੀਆਂ ਕੋਈ ਵੀ - 1 ਕੱਪ, ਪਾਣੀ - 4 ਗਲਾਸ
ਪੈਨ ਵਿਚ ਥੋੜ੍ਹਾ ਜਿਹਾ ਘਿਓ ਪਾਓ। ਹੁਣ ਇਸ ਵਿਚ ਅਦਰਕ, ਲਸਣ, ਪਿਆਜ਼, ਹਰੀ ਮਿਰਚ ਅਤੇ ਸਾਰੀਆਂ ਸਬਜ਼ੀਆਂ ਪਾ ਕੇ ਹਲਕਾ ਭੁੰਨ ਲਓ। ਓਟਸ ਅਤੇ ਮੂੰਗੀ ਦੀ ਦਾਲ ਨੂੰ ਮਿਕਸਰ 'ਚ ਚੰਗੀ ਤਰ੍ਹਾਂ ਮਿਲਾਓ।
ਹੁਣ ਇਸ ਪੇਸਟ ਨੂੰ ਸਬਜ਼ੀਆਂ ਦੇ ਨਾਲ ਪੈਨ 'ਚ ਪਾਓ। ਲਗਪਗ 4 ਗਲਾਸ ਪਾਣੀ ਪਾਓ ਤੇ ਮੱਧਮ ਅੱਗ 'ਤੇ ਉਬਾਲੋ। ਕਰੀਬ 10 ਮਿੰਟ ਤੱਕ ਉਬਾਲੋ। ਹੁਣ ਇਸ 'ਚ ਨਿੰਬੂ ਦਾ ਰਸ ਮਿਲਾਓ। ਤੁਹਾਡਾ ਸਿਹਤਮੰਦ ਸੂਪ ਤਿਆਰ ਹੈ।
ਭਾਰ ਘਟਾਉਣ ਲਈ ਰਾਤ ਦੇ ਖਾਣੇ ਨੂੰ ਹਲਕਾ ਰੱਖਣਾ ਚਾਹੀਦਾ ਹੈ ਤੇ ਸੌਣ ਤੋਂ 3 ਘੰਟੇ ਪਹਿਲਾਂ ਰਾਤ ਦਾ ਖਾਣਾ ਖਾਣਾ ਚਾਹੀਦਾ ਹੈ। ਹੋ ਸਕੇ ਤਾਂ ਰਾਤ ਦਾ ਖਾਣਾ 7 ਵਜੇ ਦੇ ਆਸ-ਪਾਸ ਖਾ ਲਓ।
ਮੂੰਗੀ ਦੀ ਦਾਲ ਦਾ ਸੇਵਨ ਤੁਹਾਡੇ ਮੈਟਾਬੋਲਿਜ਼ਮ ਨੂੰ ਵਧਾਉਣ ਵਿੱਚ ਮਦਦ ਕਰਦਾ ਹੈ। ਇਸ ਦਾਲ ਵਿੱਚ ਪ੍ਰੋਟੀਨ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ ਤੇ ਇਹ ਸਰੀਰ ਨੂੰ ਜ਼ਰੂਰੀ ਪੋਸ਼ਕ ਤੱਤ ਵੀ ਪ੍ਰਦਾਨ ਕਰਦੀ ਹੈ।