ਚਮਤਕਾਰੀ ਗੁਣਾਂ ਦੀ ਖਾਣ ਹੈ ਖਸਖਸ, ਸੇਵਨ ਕਰੋ ਤੇ ਦੂਰ ਭਜਾਓ ਬਿਮਾਰੀਆਂ

By Seema Anand2022-12-12, 11:04 ISTpunjabijagran.com

ਪੌਪੀ ਸੀਡਜ਼

ਰੂਟੀਨ 'ਚ ਅਸੀਂ ਕਈ ਅਜਿਹੀਆਂ ਚੀਜ਼ਾਂ ਦੀ ਵਰਤੋਂ ਕਰਦੇ ਹਾਂ, ਜੋ ਸਿਹਤ ਲਈ ਫਾਇਦੇਮੰਦ ਹੁੰਦੀਆਂ ਹਨ। ਇਨ੍ਹਾਂ ਵਿੱਚੋਂ ਇਕ ਖਸਖਸ ਦਾ ਨਾਂ ਤਾਂ ਅਸੀਂ ਸਾਰਿਆਂ ਨੇ ਸੁਣਿਆ ਹੀ ਹੋਵੇਗਾ। ਖਸਖਸ ਦੇ ਬੀਜ, ਜਿਨ੍ਹਾਂ ਨੂੰ ਪੌਪੀ ਸੀਡਜ਼ ਵੀ ਕਹਿੰਦੇ ਹਨ।

ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ

ਖਸਖਸ 'ਚ ਬਹੁਤ ਸਾਰੇ ਜ਼ਰੂਰੀ ਪੌਸ਼ਟਿਕ ਤੱਤ ਹੁੰਦੇ ਹਨ। ਇਸ 'ਚ ਮੌਜੂਦ ਓਮੇਗਾ-6 ਫੈਟੀ ਐਸਿਡ, ਕੈਲਸ਼ੀਅਮ, ਮੈਗਨੀਸ਼ੀਅਮ ਤੇ ਫਾਈਬਰ ਸਾਨੂੰ ਕਈ ਫਾਇਦੇ ਦਿੰਦੇ ਹਨ।

ਪਾਚਨ ਤੰਤਰ ਲਈ ਫਾਇਦੇਮੰਦ

ਖਸਖਸ 'ਚ ਮੌਜੂਦ ਅਘੁਲਣਸ਼ੀਲ ਫਾਈਬਰ ਪਾਚਨ ਤੰਤਰ ਲਈ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਇਹ ਮੈਟਾਬੋਲਿਜ਼ਮ ਨੂੰ ਵੀ ਤੇਜ਼ ਕਰਦਾ ਹੈ। ਰਾਤ ਭਰ ਪਾਣੀ 'ਚ ਭਿਗੋ ਦਿਉ ਤੇ ਸਵੇਰੇ ਖਾਲੀ ਪੇਟ ਖਾਣ ਨਾਲ ਪਾਚਣ ਤੰਤਰ ਚੰਗਾ ਰਹਿੰਦਾ ਹੈ।

ਹੱਡੀਆਂ ਮਜ਼ਬੂਤ ਹੁੰਦੀਆਂ

ਖਸਖਸ 'ਚ ਕੌਪਰ ਤੇ ਕੈਲਸ਼ੀਅਮ ਹੱਡੀਆਂ ਨੂੰ ਮਜ਼ਬੂਤ ਬਣਾਉਂਦੇ ਹਨ। ਰੋਜ਼ਾਨਾ ਸਵੇਰੇ ਖਾਲੀ ਪੇਟ ਸੇਵਨ ਨਾਲ ਮੈਂਗਨੀਜ਼ ਤੇ ਪ੍ਰੋਟੀਨ ਕੋਲੇਜਨ ਹੱਡੀਆਂ ਨੂੰ ਗੰਭੀਰ ਨੁਕਸਾਨ ਤੋਂ ਬਚਾਉਂਦੇ ਹਨ। ਸਵੇਰੇ ਦੁੱਧ ਨਾਲ ਸੇਵਨ ਕਰਨਾ ਫਾਇਦੇਮੰਦ ਹੁੰਦਾ ਹੈ।

ਮੂੰਹ ਦੇ ਛਾਲਿਆਂ ਲਈ ਅਸਰਦਾਰ

ਤਸੀਰ 'ਚ ਠੰਢੀ ਹੋਣ ਕਾਰਨ ਪੇਟ ਨੂੰ ਠੰਢੀ ਰੱਖੇਗੀ ਤੇ ਮੂੰਹ ਦੇ ਛਾਲਿਆਂ 'ਚ ਆਰਾਮ ਮਿਲਦਾ ਹੈ। ਜੇਕਰ ਤੁਸੀਂ ਵੀ ਛਾਲਿਆਂ ਤੋਂ ਪਰੇਸ਼ਾਨ ਹੋ ਤਾਂ ਪਾਣੀ 'ਚ ਭਿਗੋ ਕੇ ਖਸਖਸ ਦੇ ਬੀਜਾਂ ਨੂੰ ਸ਼ਹਿਦ 'ਚ ਮਿਲਾ ਕੇ ਖਾਣ ਨਾਲ ਫਾਇਦਾ ਮਿਲੇਗਾ।

ਕਬਜ਼ ਦੀ ਸਮੱਸਿਆ ਹੁੰਦੀ ਦੂਰ

ਅਸਲ 'ਚ ਖਸਖਸ 'ਚ ਮੌਜੂਦ ਫਾਈਬਰ ਪੇਟ ਨੂੰ ਸਾਫ ਕਰਨ 'ਚ ਬਹੁਤ ਮਦਦਗਾਰ ਹੁੰਦਾ ਹੈ। ਇਸ ਦਾ ਸੇਵਨ ਤੁਹਾਡਾ ਪੇਟ ਠੀਕ ਤਰ੍ਹਾਂ ਸਾਫ਼ ਕਰੇਗਾ ਤੇ ਕਬਜ਼ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲੇਗਾ।

ਬਲੱਡ ਪ੍ਰੈਸ਼ਰ ਘਟਾਉਂਦੀ

ਖਸਖਸ 'ਚ ਮੌਜੂਦ ਓਲਿਕ ਐਸਿਡ ਬਲੱਡ ਪ੍ਰੈਸ਼ਰ ਘਟਾਉਣ 'ਚ ਮਦਦਗਾਰ ਹੈ। ਡਾਇਟਰੀ ਫਾਈਬਰ ਚੰਗੇ ਕੋਲੈਸਟ੍ਰੋਲ ਦੇ ਪੱਧਰ ਨੂੰ ਬਰਕਰਾਰ ਰੱਖਣ 'ਚ ਕਾਰਗਰ ਹੈ। ਇਸ 'ਚ ਮੌਜੂਦ ਆਇਰਨ ਬਲੱਡ ਸਰਕੂਲੇਸ਼ਨ ਨੂੰ ਬਿਹਤਰ ਬਣਾਉਂਦਾ ਹੈ।

Health Tips : ਬਿਨਾਂ ਜਿਮ ਗਏ ਸਿਹਤਮੰਦ ਰਹਿਣ ਲਈ ਫਾਲੋ ਕਰੋ ਇਹ ਟਿਪਸ