ਹਰਦਿਲ ਅਜੀਜ਼ ਮਸ਼ਹੂਰ ਗਾਇਕ ਤੇ ਅਦਾਕਾਰ ਕਰਮਜੀਤ ਅਨਮੋਲ ਨੇ ਵੈੱਬਸੀਰੀਜ਼ ਦਾਰੋ ਜ਼ਰੀਏ ਓਟੀਟੀ ਪਲੇਟਫਾਰਮ ਦੀ ਦੁਨੀਆ ’ਚ ਐਂਟਰੀ ਕੀਤੀ ਹੈ।
ਕਰਮਜੀਤ ਅਨਮੋਲ ਵੱਲੋਂ ਦਾਰੋ ’ਚ ਗਏ ਇਕ ਗੀਤ ਖੁੱਲ੍ਹਾ ਅਖਾੜਾ ਲਾ ਕੇ ਫਿਲਮਾਇਆ। ਉਨ੍ਹਾਂ ਦੀ ਸਹਿ ਗਾਇਕਾ ਗੁਰਲੇਜ਼ ਅਖਤਰ ਹੈ ਤੇ ਸਟੇਜ ਸਾਂਝੀ ਕਰਨ ਬਰਾੜ ਨੇ ਕੀਤੀ ਹੈ।
ਇਹ ਵੈੱਬਸੀਰੀਜ਼ ਆਇਤ ਫਿਲਮਜ਼ ਤੇ ਮਿਊਜ਼ਿਕ ਅੰਪਾਇਰ ਬੈਨਰ ਹੇਠ ਪ੍ਰਸਿੱਧ ਲੇਖਕ ਤੇ ਫਿਲਮਕਾਰ ਅਮਰਦੀਪ ਗਿੱਲ ਦੀ ਡਾਇਰੈਕਸ਼ਨ ਤੇ ਜਤਿੰਦਰਜੀਤ ਸਿੰਘ ਦੀ ਸਹਿ ਨਿਰਦੇਸ਼ਨਾ ਹੇਠ ਬਣੀ ਹੈ। ਇਸ ਦੇ ਪ੍ਰੋਡਿਊਸਰ ਫਤਿਹ ਚਾਹਲ ਤੇ ਅੰਮ੍ਰਿਤ ਸਿੱਧੂ ਹਨ।
ਪੰਜਾਬੀ ਫਿਲਮ ਇੰਡਸਟਰੀ ’ਚ ਕਰਮਜੀਤ ਅਨਮੋਲ ਇਕ ਮਸ਼ਹੂਰ ਕਾਮੇਡੀਅਨ, ਅਦਾਕਾਰ, ਗਾਇਕ ਤੇ ਫਿਲਮ ਪ੍ਰੋਡਿਊਸਰ ਹੈ।
ਕਾਮੇਡੀਅਨ ਕਰਮਜੀਤ ਅਨਮੋਲ ਨੂੰ 2017 ’ਚ ਮੈਂ ਤੇਰੀ ਤੂੰ ਮੇਰਾ ਲਈ ਪੀਟੀਸੀ ਬੈਸਟ ਕਾਮੇਡੀਅਨ ਆਫ ਦਾ ਈਅਰ ਐਵਾਰਡ ਨਾਲ ਸਨਮਾਨਿਆ ਗਿਆ।
ਅਨਮੋਲ ਨੇ 1995 ’ਚ ਆਸ਼ਿਕ ਭਾਜੀ ਐਲਬਮ ਨਾਲ ਗਾਇਕੀ ਦੇ ਖੇਤਰ ’ਚ ਕਦਮ ਰੱਖਿਆ ਤੇ 16 ਐਲਬਮਾਂ ਆਪਣੇ ਚਹੇਤਿਆਂ ਨੂੰ ਦਿੱਤੇ।
ਬਾਲੀਵੁੱਡ, ਪਾਲੀਵੁੱਡ ਤੇ ਹਾਲੀਵੁੱਡ ਫਿਲਮਾਂ ’ਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਉਣ ਵਾਲੇ ਕਰਮਜੀਤ ਅਨਮੋਲ ਨੇ ਅਨੇਕਾਂ ਫਿਲਮਾਂ ਵਿਚ ਕੰਮ ਕੀਤਾ।
ਕੈਰੀ ਆਨ ਜੱਟਾ 3 ਦੀ ਸ਼ੂਟਿੰਗ ਮੁਕੰਮਲ ਹੋ ਗਈ ਹੈ ਤੇ ਜਲਦ ਹੀ ਪੰਜਾਬੀ ਫਿਲਮ ਹਨੀਮੂਨ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਆ ਰਹੇ ਹਨ।