ਹਿੰਦੂ ਧਰਮ ਦੇ ਪੈਰੋਕਾਰਾਂ ਨੇ ਮੁੱਢ-ਕਦੀਮ ਤੋਂ ਹੀ ਇਸ ਦੇ ਗੁਣਾਂ ਨੂੰ ਪਛਾਣਿਆ ਤੇ ਘਰ ਦੀ ਸ਼ਾਨ ਬਣਾ ਕੇ ਵਿਹੜੇ 'ਚ ਲਗਾਇਆ।
ਤੁਲਸੀ ਦੋ ਤਰ੍ਹਾਂ ਦੀ ਹੁੰਦੀ ਹੈ-ਇਕ ਹਰੀ ਪੱਤੀਆਂ ਵਾਲੀ ਜਿਸ ਨੂੰ ਸ੍ਰੀ ਤੁਲਸੀ, ਰਾਮ ਤੁਲਸੀ ਜਾਂ ਸਫੈਦ ਤੁਲਸੀ ਕਹਿੰਦੇ ਹਨ। ਦੂਸਰੀ ਹਲਕੀਆਂ ਨੀਲੀਆਂ ਪੱਤੀਆਂ ਵਾਲੀ ਹੁੰਦੀ ਹੈ, ਜਿਸ ਨੂੰ ਕ੍ਰਿਸ਼ਨਾ ਤੁਲਸੀ ਜਾਂ ਕਾਲੀ ਤੁਲਸੀ ਕਹਿੰਦੇ ਹਨ।
ਤੁਲਸੀ ਦੇ ਪੱਤਿਆਂ ਦੀ ਚਾਹ ਪੀਣ ਨਾਲ ਗਲਾ ਖ਼ਰਾਬ, ਨਜ਼ਲਾ ਤੇ ਕਿਡਨੀ ਰੋਗਾਂ ਤੋਂ ਰਾਹਤ ਮਿਲਦੀ ਹੈ।
ਮੂੰਹ 'ਚ ਛਾਲੇ ਹੋਣ 'ਤੇ ਇਸ ਦੇ 10-15 ਪੱਤੇ ਦਿਨ 'ਚ ਦੋ-ਤਿੰਨ ਵਾਰ ਚਬਾਉਣ ਨਾਲ ਛਾਲਿਆਂ ਤੋਂ ਕਾਫ਼ੀ ਰਾਹਤ ਮਿਲਦੀ ਹੈ।
ਸਿਰਦਰਦ ਹੋਣ 'ਤੇ ਤੁਲਸੀ ਦੇ ਰਸ ਨੂੰ ਕਪੂਰ 'ਚ ਮਿਲਾ ਕੇ ਪੇਸਟ ਬਣਾ ਕੇ ਮੱਥੇ 'ਤੇ ਲਗਾਉਣ ਨਾਲ ਸਿਰਦਰਦ ਤੋਂ ਛੇਤੀ ਛੁਟਕਾਰਾ ਮਿਲਦਾ ਹੈ।
ਤੁਲਸੀ ਦਾ ਰਸ ਖਾਲੀ ਪੇਟ ਲੈਣ ਨਾਲ ਯਾਦਸ਼ਕਤੀ 'ਚ ਵੀ ਵਾਧਾ ਹੁੰਦਾ ਹੈ।
ਤੁਲਸੀ ਦੇ ਪੱਤਿਆਂ ਦਾ ਕਾੜ੍ਹਾ ਬਣਾ ਕੇ ਦਿਨ 'ਚ ਦੋ-ਤਿੰਨ ਵਾਰ ਲੈਣ ਨਾਲ ਆਮ ਬੁਖ਼ਾਰ ਦੇ ਨਾਲ ਮਲੇਰੀਆ ਤੇ ਡੇਂਗੂ ਬੁਖ਼ਾਰ 'ਚ ਵੀ ਇਹ ਕਾੜ੍ਹਾ ਫ਼ਾਇਦੇਮੰਦ ਹੈ।
ਤੁਲਸੀ ਤੇ ਨਿੰਬੂ ਦਾ ਰਸ ਮਿਲਾ ਕੇ ਚਿਹਰੇ 'ਤੇ ਲਗਾਉਣ ਨਾਲ ਕਾਲੇ ਧੱਬੇ ਦੂਰ ਹੋ ਜਾਂਦੇ ਹਨ। ਇਸ ਨਾਲ ਚਿਹਰੇ 'ਤੇ ਨਿਖ਼ਾਰ ਵੀ ਆਉਂਦਾ ਹੈ।
ਤੁਲਸੀ ਦਾ ਬੂਟਾ ਕੀਟਨਾਸ਼ਕ ਵੀ ਹੈ ਤੇ ਇਹ ਹਵਾ 'ਚੋਂ ਬਦਬੂ ਤੇ ਪ੍ਰਦੂਸ਼ਣ ਵੀ ਖ਼ਤਮ ਕਰਦਾ ਹੈ।