ਹੁਣ ਮੈਦੇ ਦੀ ਬਜਾਏ ਬਣਾਓ ਮੂੰਗ ਦਾਲ ਦਾ ਪੀਜ਼ਾ

By Neha diwan2023-11-14, 13:02 ISTpunjabijagran.com

ਪੀਜ਼ਾ

ਪੀਜ਼ਾ ਭਾਵੇਂ ਇਟਲੀ ਦਾ ਹੈ ਪਰ ਭਾਰਤ ਵਿੱਚ ਇਸ ਦੇ ਹਜ਼ਾਰਾਂ ਫੈਨਜ਼ ਹਨ। ਅਜਿਹਾ ਕੋਈ ਵੀ ਕੈਫੇ ਜਾਂ ਰੈਸਟੋਰੈਂਟ ਨਹੀਂ ਹੋਵੇਗਾ ਜਿੱਥੇ ਪੀਜ਼ਾ ਉਪਲਬਧ ਨਾ ਹੋਵੇ।

ਸੋਸ਼ਲ ਮੀਡੀਆ ਅਕਾਊਂਟ

ਮਾਸਟਰਸ਼ੇਫ ਪੰਕਜ ਭਦੌਰੀਆ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਮੂੰਗ ਦਾਲ ਪੀਜ਼ਾ ਦੀ ਰੈਸਿਪੀ ਸ਼ੇਅਰ ਕੀਤੀ ਹੈ। ਮੂੰਗੀ ਦੀ ਦਾਲ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੀ ਹੈ

ਸਮੱਗਰੀ

1 ਕੱਪ ਮੂੰਗ ਦਾਲ, ਲੂਣ, 2 ਚਮਚੇ ਤੇਲ, 1 ਚਮਚ ਪੀਜ਼ਾ ਸਾਸ ,1/2 ਕੱਪ ਮੋਜ਼ੇਰੇਲਾ ਚੀਜ਼, 1 ਟਮਾਟਰ, 1 ਸ਼ਿਮਲਾ ਮਿਰਚ,1 ਪਿਆਜ਼ ,1 ਚਮਚ ਕੌਰਨ, 1 ਚਮਚ ਔਲਿਵ, 1 ਚਮਚ ਚੀਲੀ ਫਲੇਕਸ ਅਤੇ ਓਰੇਗਨੋ

ਵਿਧੀ ਸਟੈਪ 1

ਪੀਲੀ ਮੂੰਗ ਦਾਲ ਲਓ,ਇਸ ਨੂੰ 2-3 ਵਾਰ ਧੋ ਲਓ। ਦਾਲ ਨੂੰ ਲਗਭਗ 6-8 ਘੰਟੇ ਲਈ ਭਿਓ ਦਿਓ, ਬਾਅਦ 'ਚ ਦਾਲ ਨੂੰ ਬਿਨਾਂ ਪਾਣੀ ਦੇ ਬਲੈਂਡਰ 'ਚ ਪੀਸ ਲਓ। ਇਸ ਨੂੰ ਚਮਚ ਨਾਲ ਇਕ ਵਾਰ ਚੰਗੀ ਤਰ੍ਹਾਂ ਮਿਲਾਓ।

ਸਟੈਪ 2

ਇਸ ਵਿਚ ਨਮਕ ਤੇ ਦੋ ਚਮਚ ਵੈਜੀਟੇਬਲ ਤੇਲ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਇਸ ਤੋਂ ਬਾਅਦ ਆਟੇ 'ਚ ਇਕ ਪੈਕੇਟ ਈਨੋ ਪਾਓ। ਇਸ ਆਟੇ ਨੂੰ ਲਗਭਗ 2 ਮਿੰਟ ਲਈ ਇਕ ਪਾਸੇ ਰੱਖੋ।

ਸਟੈਪ 3

ਹੁਣ ਟਮਾਟਰ, ਪਿਆਜ਼, ਸ਼ਿਮਲਾ ਮਿਰਚ ਨੂੰ ਕੱਟ ਲਓ ਤੇ ਇਸ 'ਚ ਮੱਕੀ, ਪਨੀਰ ਜਾਂ ਕੋਈ ਹੋਰ ਸਬਜ਼ੀ ਪਾ ਸਕਦੇ ਹੋ। ਇੱਕ ਨਾਨ-ਸਟਿਕ ਪੈਨ ਨੂੰ ਮੱਧਮ ਅੱਗ 'ਤੇ ਗਰਮ ਕਰੋ। ਬੈਟਰ ਨੂੰ ਗੋਲ ਕਰ ਕੇ ਫੈਲਾਓ।

ਸਟੈਪ 4

ਅੱਗ ਨੂੰ ਘੱਟ ਕਰੋ ਅਤੇ ਪੈਨ 'ਤੇ ਢੱਕਣ ਲਗਾਓ ਅਤੇ ਹੇਠਾਂ ਤੋਂ 1-2 ਮਿੰਟ ਤੱਕ ਪਕਾਉਣ ਦਿਓ। ਢੱਕਣ ਨੂੰ ਹਟਾਓ ਅਤੇ ਇਸ ਵਿੱਚ ਪੀਜ਼ਾ ਸੌਸ ਫੈਲਾਓ ਤੇ ਚੀਜ਼ ਪਾਓ।

ਸਟੈਪ 5

ਆਪਣੀ ਮਨਪਸੰਦ ਸਬਜ਼ੀਆਂ ਨੂੰ ਪੀਜ਼ਾ ਬੇਸ 'ਤੇ ਫੈਲਾਓ ਅਤੇ ਫਿਰ ਢੱਕਣ ਨਾਲ ਢੱਕ ਕੇ 3-4 ਮਿੰਟਾਂ ਲਈ ਘੱਟ ਅੱਗ 'ਤੇ ਪਕਾਓ। ਤੁਹਾਡਾ ਘਰ ਦਾ ਸੁਆਦੀ ਅਤੇ ਸਿਹਤਮੰਦ ਮੂੰਗੀ ਦਾਲ ਪੀਜ਼ਾ ਤਿਆਰ

ਸਟੈਪ 6

ਤੁਹਾਡਾ ਮੂੰਗੀ ਦਾਲ ਪੀਜ਼ਾ ਤਿਆਰ ਹੈ। ਉੱਪਰੋਂ ਮਿਰਚ ਫਲੇਕਸ ਅਤੇ ਓਰੇਗਨੋ ਛਿੜਕੋ ਅਤੇ ਸਰਵ ਕਰੋ।

ਚਾਹ ਜਾਂ ਪਾਣੀ ਹੀ ਨਹੀਂ ਸਗੋ ਇਲੈਕਟ੍ਰਿਕ ਕੇਟਲ 'ਚ ਬਣਾ ਸਕਦੇ ਹੋ ਇਹ ਚੀਜ਼ਾਂ