ਘਰ 'ਚ ਤਿਆਰ ਕਰੋ ਮਸਾਲੇਦਾਰ ਹਰੀ ਮਿਰਚ ਦਾ ਅਚਾਰ, ਅਪਣਾਓ ਇਹ ਆਸਾਨ ਤਰੀਕਾ

ਹਰੀ ਮਿਰਚ ਦਾ ਅਚਾਰ

ਕਈ ਵਾਰ ਭੋਜਨ ਦੇ ਨਾਲ-ਨਾਲ ਕੁਝ ਮਸਾਲੇਦਾਰ ਖਾਣ ਦਾ ਵੀ ਮਨ ਕਰਦਾ ਹੈ। ਅਜਿਹੇ 'ਚ ਜੇ ਤੁਹਾਨੂੰ ਹਰੀ ਮਿਰਚ ਦਾ ਅਚਾਰ ਮਿਲ ਜਾਵੇ ਤਾਂ ਕੀ ਗੱਲ ਹੈ। ਤੁਸੀਂ ਮਿੰਟਾਂ 'ਚ ਹਰੀ ਮਿਰਚ ਦਾ ਅਚਾਰ ਬਣਾ ਸਕਦੇ ਹੋ।

ਭੋਜਨ ਦਾ ਸਵਾਦ ਵੀ ਵਧਾਉਂਦੈ

ਇਹ ਭੁੱਖ ਦੇ ਨਾਲ-ਨਾਲ ਤੁਹਾਡੇ ਭੋਜਨ ਦਾ ਸਵਾਦ ਵੀ ਵਧਾਉਂਦਾ ਹੈ। ਫਿਰ ਚਾਹੇ ਉਹ ਦਾਲ ਹੋਵੇ ਜਾਂ ਕੋਈ ਸੁੱਕੀ ਸਬਜ਼ੀ ਜਾਂ ਫਿਰ ਚਾਵਲ, ਉਨ੍ਹਾਂ ਦੇ ਨਾਲ ਇਸ ਅਚਾਰ ਦਾ ਸਵਾਦ ਤੁਹਾਨੂੰ ਬਹੁਤ ਪਸੰਦ ਆਵੇਗਾ।

ਹਰੀ ਮਿਰਚ ਦੇ ਅਚਾਰ ਲਈ ਸਮੱਗਰੀ

250 ਗ੍ਰਾਮ ਹਰੀ ਮਿਰਚ,4 ਚਮਚੇ ਕਾਲੀ ਰਾਈ,ਦੋ ਚਮਚੇ ਮੇਥੀ ਦੇ ਬੀਜ,1 ਚਮਚਾ ਫੈਨਿਲ,1 ਚਮਚਾ ਜੀਰਾ,1 ਚਮਚ ਹਲਦੀ,ਦੋ ਚਮਚੇ ਨਿੰਬੂ ਦਾ ਰਸ,4 ਚਮਚ ਸਰ੍ਹੋਂ ਦਾ ਤੇਲ,ਸੁਆਦ ਲਈ ਲੂਣ

ਬਣਾਉਣ ਦੀ ਵਿਧੀ

ਸਭ ਤੋਂ ਪਹਿਲਾਂ ਹਰੀ ਮਿਰਚ ਨੂੰ ਚੰਗੀ ਤਰ੍ਹਾਂ ਧੋ ਕੇ ਸੁਕਾ ਲਓ, ਹੁਣ ਚਾਕੂ ਦੀ ਮਦਦ ਨਾਲ ਮਿਰਚ ਦੇ ਵਿਚਕਾਰੋਂ ਉੱਪਰ ਤੋਂ ਹੇਠਾਂ ਤਕ ਚੀਰੇ ਬਣਾ ਲਓ।

ਤੇਲ ਗਰਮ ਕਰਨਾ

ਇਕ ਪੈਨ ਵਿਚ ਤੇਲ ਨੂੰ ਗਰਮ ਕਰਨ ਲਈ ਪਾਓ। ਹੁਣ ਜੀਰਾ, ਮੇਥੀ, ਸਰ੍ਹੋਂ, ਸੌਂਫ ਅਤੇ ਜੀਰਾ ਪਾ ਕੇ ਇਕ ਮਿੰਟ ਲਈ ਭੁੰਨ ਲਓ। ਇਨ੍ਹਾਂ ਮਸਾਲਿਆਂ ਨੂੰ ਪਲੇਟ 'ਚ ਕੱਢ ਕੇ ਠੰਡਾ ਕਰੋ ਤੇ ਫਿਰ ਮਿਕਸਰ ਦੀ ਮਦਦ ਨਾਲ ਮੋਟਾ ਪੀਸ ਲਓ।

ਅੱਗੇ ਇਹ ਕਰੋ

ਸਰ੍ਹੋਂ ਦਾ ਤੇਲ ਗਰਮ ਕਰੋ ਅਤੇ ਇਸ ਨੂੰ ਕੋਸਾ ਹੋਣ ਦਿਓ। ਇਕ ਕਟੋਰੀ 'ਚ ਪੀਸੇ ਹੋਏ ਮਸਾਲੇ 'ਚ ਹਲਦੀ ਤੇ ਨਮਕ ਨੂੰ ਸਵਾਦ ਮੁਤਾਬਕ ਮਿਲਾ ਲਓ। ਤੇਲ ਥੋੜ੍ਹਾ ਗਰਮ ਹੋ ਜਾਵੇ ਤਾਂ ਮਸਾਲਾ ਤੇ ਹੀਂਗ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ।

ਮਿਰਚਾਂ 'ਚ ਮਸਾਲਾ ਭਰ ਦਿਓ

ਮਸਾਲੇ ਦੇ ਪੇਸਟ ਨੂੰ ਮਿਰਚ ਦੇ ਵਿਚਕਾਰ ਥੋੜ੍ਹਾ-ਥੋੜ੍ਹਾ ਭਰ ਦਿਓ ਤੇ ਫਿਰ ਇਸ ਵਿਚ ਬਚਿਆ ਹੋਇਆ ਤੇਲ ਤੇ ਨਿੰਬੂ ਦਾ ਰਸ ਮਿਲਾਓ। ਅਚਾਰ ਨੂੰ ਏਅਰਟਾਈਟ ਕੰਟੇਨਰ 'ਚ ਰੱਖੋ ਅਤੇ 5-6 ਘੰਟਿਆਂ ਲਈ ਧੁੱਪ 'ਚ ਰੱਖੋ।

ਹਰੀ ਮਿਰਚ ਦਾ ਸਵਾਦਿਸ਼ਟ ਤੇ ਸਿਹਤਮੰਦ ਅਚਾਰ ਤਿਆਰ। ਚੌਲ, ਰੋਟੀ ਜਾਂ ਪਰਾਠੇ ਨਾਲ ਖਾਓ